NARAMDAMAN na ng mga motorista ang taas-singil sa toll sa North Luzon Expressway (NLEX) na sinimulan noong March 2.

Ang mga motoristang gagamit ng NLEX ay kailangan magbayad ng karagdagang P5.00 sa open system at P.72 kada kilometro sa closed system na pinayagan ng Toll Regulatory Board (TRB).

Ang nasabing taas-singil ay isang consolidated na amount base sa unang tranche ng pinayagang period adjustments ng NLEX noon pang nakaraang 2023.

“The adjustments were initially divided into two tranches to ease impact on expressway users. The completion also of new Candaba 3^rd Viaduct in late 2024 entails an add-on toll as well,” wika ng TRB.

Sa ngayon, ayon sa TRB ay ang mga motorista ay nakakaranas ng isang ligtas at komportableng paglalakbay sa bagong Candaba 3^rd Viaduct na isang importanteng link sa pagitan ng Metro Manila, Central, at Northern Luzon na hindi nagbabayad ang isang motorista ng karagdagang toll simula pa ng buksan ito noong August 2024 at nagging fully operational ng nakaraang taon.

Ang mga sumusunod na toll fee matrix sa open system: P5 para sa Class 1 sasakyan; P13 sa Class 2 na sasakyan; at P15 naman sa Class 3 na sasakyan. Magbabayad naman ng karagdagang toll fee ang maglalakbay ng end-to-end sa pagitan ng Metro Manila at Mabalacat City: P57 sa Class 1 na sasakyan; P142 sa Class 2 sasakyan; at P171 sa Class 3 na sasakyan.

Dahil dito isang grupo ng mga truckers mula sa Central Luzon ang nanawagang suspendihin muna ang toll hike sa NLEX.

Sinabi ng grupo na walang nangyaring kunsultasyon sa publiko tungkol sa ginawang taas-singil na ayon sa kanila ay maaaring makaapekto sa presyo ng mga produktong agrikultural at hilaw na materyales mula sa Central Luzon tulad ng gulay.

Depensa naman ng TRB na ang taas-singil ay sumailalim sa isang masinsinang pagrerepaso ng petisyon at sinabi naman ng NLEX operator na sila ay committed na patuloy na pagandahin ang serbisyo at sistema sa NLEX.

“NLEX Corp. will make motorists feel that the service they receive is worth the toll fees they pay while TRB was allowed the increase as part of a contractual obligation to giver our operators investor to recoup their investment,” wika ni TRB spokesperson Julius Corpus.

Dagdag ni Corpus na lahat ng petisyon sa toll hike ay nalathala sa pangunahing diario at wala naman naghain ng oposisyon sa nasabing toll hike. Ang susunod na petisyon sa toll hike na gagawin sa susunod na taon ay sasailalim rin sa isang pag-aaral.

Sinabi naman ng NLEX Corp. na kinakailangan din na magkaroon ng pagtaas ng toll rates dahil kakailanganin din yon pangtustos sa pinagpapagawa kasama ang maintenance.

“We maintained that the toll increase is much needed for improving its services and operations,” saad ng NLEX. LASACMAR

NAGBABALA ang isang consumer group laban sa mga probisyon ng isang nakabinbin na digital connectivity bill, at sinabing walang mga pananggalang na maggagarantiya na magiging ligtas ang bansa mula sa mga banta sa seguridad.

Bagama’t kinikilala ng Senate Bill No. 2699 o Konektadong Pinoy Bill ang pangangailangan ng bansa na maging malawakang konektado, sinabi ni Bantay Konsyumer, Kalsada, Kuryente (BK3) Convenor Atty. Karry Sison na kailangan ding bigyang prayoridad ang pambansang seguridad.

“Ngunit sa ating matinding pangangailangan ng mas maayos na koneksiyon, tila hindi natin napagtutuunan ng pansin ang malaking banta sa ating seguridad,” pahayag ni Sison sa isang statement.

“Sa kasalukuyang anyo ng panukalang ito, walang matibay na pananggalang upang masigurong ligtas at lehitimo ang mga papasok na telco providers. Walang garantiya na hindi sila may kaugnayan sa mga grupong may masamang hangarin laban sa ating bansa o sa ating mga ordinaryong mamimili,” dagdag pa niya.

Noong Pebrero 5 ay inaprubahan ng Senado sa ikatlo at huling pagbasa ang naturang bill, bago ang session break.

Layon ng panukala na maging mas madali para sa mga service provider na makapasok sa merkado, isulong ang kumpetisyon, mag-alok sa mga consumer ng mas marami at abot-kayang opsiyon para sa internet services.

Nagpahayag si Sison ng labis na pagkabahala sa mga potensiyal  na panganib sa pagpapahintulot sa anumang service provider na pumasok sa bansa nang walang sapat na regulatory oversight.

“Kung walang sapat na proteksiyon, magiging madali para sa mga mapagsamantalang grupo na dayain, nakawan, o manipulahin ang mga gumagamit ng internet, lalo na ang mga hindi pamilyar sa mga panganib ng online transactions.”