DERETSAHANG inamin ni Ivana Alawi na nakikipag-date siya ngayon.
Pero nilinaw niya, wala siyang boyfriend, at kung magkakaroon man, ayaw niya ng taga-showbiz.“Hindi talaga ako mahilig sa showbiz. Pag showbiz, hindi talaga kami nagwo-work.”May nakakalokang rason si Ivana kung bakit ayaw niya sa mga taga-showbiz?“Ano ka ba? Naka-ilang date na ako ng mga showbiz, ginagawa akong mama, sugar mama!“Ako naman, okay ako, split the bill. Pero huwag naman todo-todo na lahat na lang ako,” ang pasabog na rebelasyon pa ni Ivana.Isa pang rason niya, hindi niya raw keri makita ang boyfriend niya na may kalaplapan sa pelikula o teleserye.“Ayoko yung showbiz na nakikita ko nakikipaglaplapan sa iba, hindi ko kaya. Pero ako puwede, di ba?“Sana maintindihan niya. Kung pipili siya ng showbiz, kaya niya ako. Kasi ako, yung mga kissing scenes, bed scenes, so dapat ready siya.“Ako, hindi ako ready sa kanya. Kaya non-showbiz.”Sobrang busy ni Ivana bilang pinakasikat na content creator kaya thankful siya sa mga pagkakataong nakaka-bonding niya ang pamilya niya.“Yung time with the family, kakain kami, nagluluto kami, tapos kakain nang sabay-sabay.“Iyon yung mga simpleng bagay na hindi ko mabibili, pero nae-experience ko at masayang-masaya ako dun.“Alangan namang lumablayp pa ako, hindi pa ako tapos sa trabaho.“So, parang yun naman e, work, family, saka date-date ganun.”At ang pagtulong niya sa mga nangangailangan ang way niya para i-pay forward ang mga biyayang natatanggap niya.“Ang nasa utak ko, tumulong muna, bago ako lumab-life, di ba? Bago ako mag-focus sa pag-ibig.“Mga vendors, magsasaka, yung mga taong nangangailangan talaga ng tulong. Yung mga fishermen natin, iyan,” pahayag pa ni Ivana.May isang bagay raw ang hindi niya papasukin, ang pulitika.“Ano naman ang ilalaban ko sa Pilipinas? Hindi naman yung arte na content creation lang.“Actually, ang daming nagsasabing, ‘Tumakbo ka, tumakbo ka. Grabe ka mamigay.’“Hindi naman ako namimigay para tumakbo, at hindi mo rin kailangan tumakbo para makapamigay.“Ang pagtakbo talaga is for the country. Iyung may maganda kang magagawa na batas. Mas mapapaganda mo yung bansa natin.“Kailangan nating lumaban at lumebel-up no? “So iyon, hindi talaga ako tatakbo, kasi wala naman akong alam diyan.“(ROMMEL L. GONZALES)
- March 11, 2026
Ang Diyaryong Pinagkakatiwalaan
Archive for March 12th, 2025
Kaya mas type ang non-showbiz boyfriend: IVANA, naka-ilang date na taga-showbiz na ginawa siyang ‘sugar mama’
Maraming nagulat kaya nag-trending ang balita: RS at SAM, tikom pa ang bibig sa pagpapaalam ng flagship products ng ‘Frontrow’
LIBU-libo ang nagulat sa opisyal na statement ng FRONTROW International sa socmed ngayon sa pag-anunsyo sa discontinuation ng flagship product niyo na Luxxe White.Trending agad ang announcement sa social media lalo na at reinforced pa ito ng isang malaking “Paalam, Luxxe White” (Goodbye, Luxxe White) billboard sa EDSA-Guadalupe.
Sa ngayon, tikom pa rin ang mga bibig ng mga may-ari ng kumpanya — ang actor-producer na si RS Francisco at ang Manila mayoral candidate na si Sam Verzosa (SV) — kaya naman di talaga makapaniwala ang mga fans, loyal supporters, at industry insiders.
Wala pa ring nakaka-alam kung ano ang nag-udyok sa di inaasahang balita na ito at patuloy ang madaming spekulasyon business community.
Seryoso ang mga tanong sa biglaang discontinuation ng Luxxe White. Bakit nga ba biglaang mawawala ang flagship product ng isang major health and beauty empire, na minsan ding pinuri bilang isang pionner sa industriya?
Sa nakalipas na 15 taon, na-sustain ng Luxxe White ang posisyon nito bilang isang market leader na nakuha ang tiwala ng mga loyal na costumers di lamang dito sa Pilipinas ngunit sa iba’t-ibang panig din ng daigdig.
Ilan lamang sina Regine Velasquez-Alcasid; Cha Eun-Woo; Gretchen Barretto; Jinkee Pacquiao; Sachzna; Cristine Reyes; Daniel Padilla; Miss Universe 2018 Catriona Gray; at Vice Ganda, sa mga nag-endorse ng life-changing benefits ng Luxxe White, kaya naman mas lalo pang tumibay ang kredebilidad at pagiging epektibo nito.
Habang patuloy ang bulungan sa health and beauty industry, hindi pa rin binabasag nina RS at Sam ang kanilang katahimikan habang naghihintay ang publiko sa sagot sa tanong ng lahat: bakit tahimik ang Frontrow sa pagbigay ng malinaw at konkretong sagot na magpapaliwanag sa shutdown ng Luxxe White?
(ROHN ROMULO)
Kabuuang utang ng gobyerno noong 2024, tumaas sa P2.56-T – BTr
TUMAAS ang gross borrowing o kabuuang utang ng Marcos administration noong 2024.Ito ay sa gitna ng malakihang pagtaas ng mga panloob at panlabas na utang, base sa report ng Bureau of Treasury (BTr).
Sa datos ng bureau, lumalabas na lumobo ng P370 billion ang kabuuang utang noong nakalipas na taon. Ito ay katumbas ng halos 17 porsyentong pagtaas mula sa P2.19 trillion noong 2023.
Lumagpas ng P350 billion ang kabuuang utang ng gobyerno noong nakalipas na taon sa borrowing plan ng administrasyon. Ito ay halos 16 na porsyentong mas mataas kumpara sa naka-program na P2.21 trillion para sa naturang taon.
Sa panloob na utang, umakyat ito ng P290 billion, kayat tumaas ito sa kabuuang P1.92 trillion sa pagtatapos ng 2024. Ito ay katumbas ng 75% ng kabuuang utang noong nakalipas na taon. Ilan sa mga dahilan ay matapos magtaas ang bureau ng P1.11 trillion mula sa fixed-rate Treasury bonds (T-bonds), pero mas dinoble pa ng gobyerno ang borrowings nito mula sa retail T-bonds sa P584.9 billion mula sa P252.091
Dinoble din ng treasury ang mga borrowings nito ng Treasury bills para sa short-term debt noong nakalipas na taon sa P224.3 billion.
Samantala, sa panlabas na utang noong 2024, tumaas din ito ng mahigit P82 billion, kayat pumalo ito sa kabuuang P641.2 billion sa pagtatapos ng naturang taon. Ito ay lagpas sa planong foreign borrowings ng gobyenro na P606.9 billion. Ilan naman sa dahilan ng pagtaas ng panlabas na utang ay ang program loans, global binds at bagong mga utang para sa mga proyekto ng pamahalaan.