• March 10, 2026

  • Ang Diyaryong Pinagkakatiwalaan

 

Archive for March 11th, 2025

Panawagan ni VP Sara sa mga botante: Huwag ibenta ang boto

Posted on: March 11th, 2025 by Peoples Balita No Comments
NANAWAGAN si Vice President Sara Duterte sa mga filipino na iboto ang mga kandidato base sa kanilang kakayahan na maglingkod kaysa sa kanilang apelyido.
Sa panahon aniya kasi ng eleksyon ay naglipana ang vote-buying.
Dapat aniyang mag-ingat sa vote-buying sa anyo ng government financial assistance o ayuda.
Kaya nga, hinikayat ni VP Sara ang mga botante na suriing mabuti ang mga nagdaang pangako ng mga kandidato at kung natupad ba ng mga ito ang kanilang pangako.
“Wag natin ibenta ang boto natin. Legitimate na ang vote buying. Nakatago na siya sa ayuda,” diing pahayag ni VP Sara.
“Tignan natin kung ano ‘yung promises na ginawa niya o sinabi niya noon. Tapos tignan natin, binigay ba niya ‘yung kanyang promise… Binigay ba niya ang pangako niya sayo o iniwan ka lang niya sa ere?” aniya pa rin.
“Ang problema sa atin ang pinipili natin ay paulit ulit, pabalik balik lang. Mahilig tayo sa sikat, mahilig tayo sa magaling kumanta [at] sumayaw dito sa stage, mahilig tayo sa nagpapa-amuse, nagpapatawa sa atin… Hindi natin tinitignan ‘yung totoong karakter sa likod ng mukha niya sa TV,” lahad nito.
Hinikayat din niya ang mga Filipino na maging matalino sa nalalapit na halalan sa bansa.
“Kaya siguro dapat, sa darating na halalan, pag-isipan na natin ang ating iboboto. Sabi ko nga sa inyo, nadala na ako, na-scam na ako, nabudol na ako,” ang sinabi pa ni VP Sara.
Samantala, muli ring ipinanawagan ni VP Sara sa mga filipino na iboto ang mga kandidato base sa kanilang kakayahan na maglingkod kaysa sa kanilang apelyido.
Sa pagsasalita ni VP Sara sa harap ng mga overseas Filipino workers (OFWs) sa Hong Kong, kinilala ni VP Sara ang sarili niyang political lineage— bilang anak ni datng Pangulong Rodrigo “Digong” Roa Duterte, kasama ang kanyang nakatatandaang kapatid na nagsisilbi bilang kongresista at nakababatang kapatid bilang Alkalde ng Davao City.
Gayunman, binigyang diin nito na hindi dapat sumusuporta ang mga botante sa mga kandidato sa apelyido lamang ng mga ito.
“Kailangan pag-isipan natin: Duterte ito, pero ano ang maitutulong niya sa bayan? Ano ang magagawa niya para sa bayan? Hindi pwede na pabalik balik lang na apelyido ang binoboto natin,” ang sinabi ni VP Sara.
Binigyang diin ang kahalaghan ng pagsusuri sa karakter, accomplishments, at kakayahan na magsilbi ng isang kandidato.
“Kailangan ‘yung anak, ‘yung apo, ‘yung asawa, kapag tumayo sa harap ninyo ay merong siyang sinasabi. Hindi ‘yung tatayo siya at kahit Duterte siya, kakanta na lang siya para sa inyong lahat,” aniya pa rin. (Daris Jose)

Malakanyang sa di umano’y arrest warrant laban kay Digong Duterte: handa ang gobyerno

Posted on: March 11th, 2025 by Peoples Balita No Comments
NAKAHANDA ang Malakanyang sa gitna ng espekulasyon na di umano’y nagpalabas na ng warrant of arrest ang International Criminal Court (ICC) laban kay dating Pangulong Rodrigo “Digong” Duterte.
“We’ve heard that an arrest warrant has been issued by the International Criminal Court against former President Rodrigo Duterte for crimes against humanity,” ang sinabi ni Presidential Communications Office (PCO) Ad Interim Secretary Jay Ruiz sa isang kalatas.
“The government is prepared for any eventuality,” ang sinabi ni Ruiz.
Sa kabilang dako, sinabi ni Palace Press Officer Undersecretary Atty. Claire Castro, na wala pang kumpirmasyon mula sa Malakanyang hinggil sa di umano’y ipinalabas na arrest warrant.
“But as what ES [Executive Secretary Lucas] Bersamin and SOJ [Secretary of Justice] said before, if Interpol will ask the necessary assistance from the government, it will provide,” ang sinabi ni Castro.
Sa kabilang dako, sinabi naman ng Office of the Solicitor General (OSG) na wala pa itong natatanggap na notice sa warrant of arrest mula sa International Criminal Court (ICC) laban sa sinumang Filipino.
“We have not received any such notice from the ICC,” pahayag ni Solicitor General Menardo Guevarra nitong Linggo, Marso 9.
Sinabi ito ni Guevarra kasunod ng balitang naglabas na ng warrant of arrest ang ICC laban kay dating Pangulong Rodrigo Duterte, na nahaharap sa kasong crimes against humanity dahil sa mga pagpatay umano sa war on drugs ng kanyang administrasyon.
Kinatawan ng OSG ang Pilipinas sa paghiling sa ICC na itigil ang imbestigasyon nito sa drug war.
Nanindigan ang administrasyon ni Pangulong Bongbong Marcos na hindi makikipagtulungan ang gobyerno ng Pilipinas sa imbestigasyon ng ICC.
Itinanggi ni dating presidential chief legal counsel Salvador Panelo ang impormasyong nagtatangkang tumakas ang dating Pangulo habang nasa ibang bansa ito.
“Fake news. FPRRD and VP Sara are here to speak before a gathering of OFWs to express their thanks for their continued support,” pahayag ni Panelo.
Hinggil naman sa kung kailan babalik ang mag-ama sa Manila, sinabi ni Panelo na, “very soon.”
Subalit, inihayag ni ICC Assistant to Counsel and the Secretary-General of the National Union of Peoples’ Lawyers-National Capital Region Attorney Kristina Conti na hindi pa nakukumpirma ang pag-isyu ng warrant.
“Also, waiting for Karim Khan’s/ICC’s official confirmation if a warrant has been issued and already transmitted to the Philippine government,” wika ni Conti. ( Daris Jose)

Valdez hindi pa magreretiro

Posted on: March 11th, 2025 by Peoples Balita No Comments
Wala pa sa isip ni volleyball superstar Alyssa Valdez ang magretiro dahil nakabalik na ang perpek­tong kundisyon nito para sa mga susunod na laban na haharapin nito.
Hindi maikakaila na si Valdez na tinaguriang The Phenom of Philippine volleyball, ang isa sa dahilan upang mas lalo pang uma­ngat ang volleyball sa bansa.
Makailang ulit itong humakot ng kampeonato sa collegiate level maging sa professional volleyball kasama pa ang kaliwa’t kanang MVP trophies at individual awards.
Kaya naman mahal ito ng volleyball community.
Ngunit noong nakaraang taon, halos hindi nasilayan sa aksyon sa buong season si Valdez matapos magtamo ng injury.
Madalas lamang itong nakikita sa bench ng Creamline Cool Smashers sa PVL dahil nasa estado ito ng rehabilitasyon. Hindi nilinaw ni Valdez kung ano ang eksaktong injury na tinamo nito.
Ibinahagi lamang nito na sumailalim ang veteran outside hitter sa isang procedure na nangangailangan ng sapat na pahinga upang tuluyang gumaling ang kanyang injury.
At sa taong ito, muling nagbalik sa court si Valdez kung saan nakapaglaro na ito para sa Cool Smashers na nasa q’finals  ng PVL All-Filipino Conference.

Tour of Luzon magbabalik

Posted on: March 11th, 2025 by Peoples Balita No Comments
ILANG taon nawala ang mga cycling events sa bansa.
Inilunsad kahapon ang eight-stage, 1,050-kilometer Tour of Luzon 2025: The Great Revival kasama ang mga top sports officials sa Meralco Lighthouse sa Pasig City.
Ibabalik ng Metro Pacific Tollways Corporation (MPTC) at ng DuckWorld PH ang legendary race na unang pumadyak noong 1955 at nagtapos noong 1998 bago binuhay noong 2002.
“The Tour of Luzon is not just a race; it is a symbol of grandness and nobi­lity. Its greatness lies in its vision—a vision that dared to conquer the impossible through sheer force of will, discipline, and determination,’’ ani MPTC Chairman at CEO Manny V. Pangi­linan.
Sinabi ni DuckWorld PH chief Pato Gregorio na hindi dapat mamatay ang Tour of Luzon.
“It is an iconic event that it cannot die. I hope we can continue this for the years to come,” ani Gregorio sa Tour of Luzon na papadyak sa Abril 24 sa Laoag City, Ilocos Norte at magtatapos sa Mayo 1 sa Camp John Hay sa Baguio City.
Sumuporta sa proyekto sina MPTC chief regulatory officer Arrey Perez, at sina Philippine Sports Commission chief Richard Bachmann at Philippine Olympic Committee at PhilCycling president Abraham ‘Bambpl’  Tolentino.
“Finally, naibalik po ang Tour of Luzon, kaya nagpapasalamat kami sa MPTC, sa DuckWorld PH at sa MVP Group,” sabi ni Tolentino. “Magandang simula ito para sa revival ng Tour of Luzon.”
Ang 170km Laoag to Laoag Stage One ay susundan ng 80km Team Trial  sa Stage Two mula sa Laoag papunta sa Vigan, Ilocos Sur sa Mayo 25.
Kasunod nito ang 170km Vigan-Agoo Stage Three sa Abril 26, 150km Agoo-Clark Stage Four sa Abril 27, 120km Clark-Clark (via New Clark City) Stage Five sa Abril 28, 150km Clark-Lingayen Stage Six sa Abril 29 at ang 30km Lingayen-Lingayen individual time trial Stage Seven sa Abril 30.
Huling sasalang ang mga riders sa 180km Lingayen-Baguio Stage Eight sa Mayo 1 na hihirang sa Tour of Luzon champion.
Sasabak sa aksyon ang 120 hanggang 150 siklisa mula sa 15 hanggang 20 koponan.
Inimbitahan din ang tig-isang tropa mula sa Singapore, Indonesia at Thailand.
Mag-aagawan sila sa premyong P1 milyon para sa team champion at P500,000 para sa individual winner.

PBBM, nakipagpulong sa Bicol RDC, pinag-usapan ang dev’t challenges, initiatives

Posted on: March 11th, 2025 by Peoples Balita No Comments
NAKIPAGPULONG si Pangulong Ferdinand R. Marcos Jr., araw ng Biyernes sa mga miyembro ng Bicol Regional Development Council (RDC) para pag-usapan ang ‘regional development accomplishments, challenges, at ongoing initiatives.’
Sinabi ng National Economic and Development Authority in Bicol (NEDA-5) na ang miting kasama ang Pangulo at Digital Transformation Center sa bayan ng Pili town, ang Camarines Sur province ay dinaluhan ng mga provincial leaders, mga alkalde, national at regional government officials, at mg kinatawan mula sa pribadong sektor.
Sumentro ang talakayan sa mahalagang progreso sa iba’t ibang sektor, nakatuon sa mahalagang infrastructure projects na naglalayon na palakasin ang economic at social growth sa rehiyon.
Ibinahagi naman ni NEDA Undersecretary Joseph Capuno ang updates sa nagpapatuloy na proyekto at aksyon na ginagawa para tugunan ang mahahalagang usapin.
Habang ang ‘presentation of accomplishments’ ay nakahihikayat, ang pulong ay tugon din sa ilang nagpapatuloy na hamon.
Kabilang sa mga top priority ay ang infrastructure issues, partikular na sa mga panahon na tumatagal ang tubig-baha, mahinang inter- and intra-regional connectivity, at napinsalang mga highway gaya ng Andaya at Daang Maharlika.
Binrief din ang Pangulo hinggil sa mga hamon, kung saan sumentro ang usapin sa kung paano ang national at local government ay maaaring magtulungan para malutas ang mga ito.
Ginamit naman ni Camarines Norte Governor Ricarte Padilla, Bicol RDC chairperson, ang pagkakataon na ibahagi ang ‘specific issues’ na kinahaharap ng kanilang lalawigan at humingi ng ‘presidential support’ at aksyon.
PInag-usapan ang mga alalahanin na may kinalaman mula sa ‘inadequate infrastructure at limitadong edukasyon at healthcare facilities, bukod sa iba pa.
Binigyang diin ng Chief Executive ang kahalagan ng paglikha ng bagong masterplan para pagaanin ang panganib sa pagbaha at palakasin ang katatagan ng mga lokal na komunidad.
“The most critical issue in your region is the flooding in the Bicol River Basin. We really have to find a solution, through the upgraded Master Plan of the Bicol River Basin. We have to make more adjustments. We have to do it differently,” ang sinabi pa ng Pangulo.
Binigyang diin din ng Punong Ehekutibo ang pangangailangan na paghusayin ang healthcare services sa pamamagitan ng pag-amiyenda sa umiiral na healthcare policies.
“Enhancing healthcare access and quality would be essential in responding to the needs of the Bicolanos, particularly in light of ongoing public health challenges,” ayon sa Pangulo.
Binigyang diin ni Pangulong Marcos ang kahalagahan ng ‘strong partnership’ sa pagitan ng local government units at national agencies na epektibong tugunan ang regional challenges.
Ang maagap na paninindigan ng Pangulo, inihalimbawa ang kamakailan na pagpapalabas ng Executive Order No. 82, s. 2025, naglalayon na bigyang kapangyarihan ang RDCs na gumawa ng malakasang papel sa paghubog ng kanilang development agenda.
Samantala, nagpahayag naman ang Bicol RDC members ng kanilang pagpapahalaga at pagkalugod para sa suporta ng Pangulo, binigyang diin na ang mga pagsisikap na ito ay mauuwi sa mas ‘sustainable at inclusive growth’ sa iba’t ibang rehiyon. (Daris Jose)

Gobyerno ni PBBM, muling bibisitahin ang 2025 growth targets sa gitna ng ‘kawalang-katiyakan’

Posted on: March 11th, 2025 by Peoples Balita No Comments
MULING bibisitahin ng mga economic official ng administrasyong Marcos ang kanilang macroeconomic targets sa gitna ng “kawalang-katiyakan” na nagsisilbing banta sa buong global economy.
Sinabi ni National Economic and Development Authority (Neda) na ang pinakamahalang data na ipinalabas noong second quarter ay magiging pangunahing konsiderasyon para sa magiging desisyon ng mga economic manager kung ia-adjust ang kanilang targets o panatilihin na lamang ang mga ito.
“We’ll see. There are many things happening. Especially with all this uncertainty in the global economy. We need to revisit [our targets],” ayon kay Balisacan.
“We don’t have any data right now except for inflation and employment. But we need economic performance information. It’s too early to change [the targets] at this point,” dagdag na pahayag ni Balisacan.
Ang Gross domestic product (GDP), ang kabuuan ng lahat ng mga produkto at serbisyo na nilikha sa loob ng ekonomiya, pinalawig sa average rate na 5.6% para sa buong 2024, taon na minarkahan ng malakas na bagyo at mataas na tubig-baha.
“While that pace of expansion was a little faster than the 5.5-percent growth in 2023, the latest reading fell short of the revised 6 to 6.5 percent goal of the Marcos administration, marking the second year of below-target GDP growth,” ayon sa NEDA.
Para sa taong kasalukuyang hanggang sa matapos ang termino ng Pangulo sa 2028, target ng pamahalaan na palaguin ang ekonomiya sa pagitan ng 6% hanggang 8%.
Subalit, naniniwala naman ang ilang analysts na ang mababaw na pagpapagaan sa cycle ay maaaring pumigil sa eknomiya mula sa paghahayag ng mas malakas na paglago.
Sa kabilang dako, sa isinagawang unang policy meeting para ngayong taon, nagdesisyon ang BSP na panatilihin ang benchmark rate na karaniwang giinagamit ng mga bangko bilang guide kapag ang pricing loans ay umabot ng 5.75%, tinukoy ang pangangailangan na ipagtanggol ang ekonomiya at inflation outlook laban sa“unusual” uncertainties na nagmula sa kinabig na tariff actions sa Estados Unidos.
“The good news is a benign inflation that eased more than expected in February could provide the central bank more room to further cut borrowing costs,” ayon sa ulat.
Ang paliwanag naman ni Balisacan, ang gobyerno ay dapat na “flexible” at “watchful” para kontrahin ang external headwinds. ( Daris Jose)

Pagsaklolo sa mga mangingisda na apektado ng commercial fishing tiniyak ni Speaker Romualdez

Posted on: March 11th, 2025 by Peoples Balita No Comments
TINIYAK ni Speaker Ferdinand Martin G. Romualdez ang kanyang suporta sa mga mangingisda ng Iloilo upang maprotektahan ang kanilang kabuhayan mula sa banta ng komersyal na pangingisda.
Nakipagpulong ang pinuno ng Kamara sa mga lider at kinatawan ng mga mangingisda sa Sicogon, Carles, Iloilo, matapos dumalo sa groundbreaking ceremony para sa P388-milyong Submarine Cable Interconnection Project na magpapatatag sa suplay ng kuryente sa mahigit 13,000 kabahayan sa lugar.
Ang mga mangingisda ay nakipag-ugnayan kay Speaker Romualdez, sa pamamagitan ni Iloilo 5th District Rep. Boboy Tupas, upang iparating ang kanilang hinaing kaugnay ng desisyon ng Korte Suprema noong Agosto 2024 na nagpapahintulot sa mga commercial fishing vessel na mangisda sa loob ng 15-kilometrong municipal waters, na dati para lamang sa mga maliliit na mangingisda.
Sinabi ni Romualdez na ihaharap niya ang kanilang mga hinaing sa Office of the Solicitor General upang magamit ang lahat ng legal na hakbang para baligtarin ang desisyon ng Korte Suprema.
Sa Mababang Kapulungan ng Kongreso, ilang panukalang batas ang inihain upang amyendahan ang Philippine Fisheries Code, kabilang ang House Bill 6381 na naglalayong magtakda ng 10-kilometrong buffer zone lampas sa 15-km municipal waters upang maiwasan ang pagpasok ng mga malalaking sasakyang pangisda sa mga lugar na nakalaan lamang para sa maliliit na mangingisda. ( Vina de Guzman)

2 piloto na nasawi sa bumagsak na fighter jet, ginawaran na ng arrival honors at parangal ng PAF

Posted on: March 11th, 2025 by Peoples Balita No Comments
LUMAPAG ang C-130 aircraft sa Villamor Airbase, Sabado, March 8, sakay nito ang labi ng mga nasawing piloto ng FA-50 fighter jet na sina Major Jude Salang-Oy at First Lt. April John Dadulla.
Nang maibaba na ang labi ng mga ito sa aircraft agad naman itong ginawaran ng arrival honors at parangal ng Philippine Air Force (PAF).
Pinangunahan ito nila DND Secretary Gilberto Teodoro Jr., Special Assistant to the President Secretary Antonio Lagdameo Jr., AFP Chief of Staff General Romeo Brawner Jr., at ilan pang matataas na opisyal ng PAF.
Ayon kay PAF spokesperson Col. Consuelo Castillo, ang natanggap na parangal ng dalawang nasawing piloto ay Distinguish Aviation Cross. Ito raw ang pinakamataas na parangal na iginagawad sa miyebro ng PAF na nagsagawa ng natatanging serbisyo at nagpakita ng katapangan, dedikasyon, at husay sa kanilang tungkulin.
Ayon pa kay Col. Castillo magkakaroon ng vigil sa Villamor Airbase. Hindi pa raw tiyak kung hanggang kailan mananatili ang labi ng mga piloto dito sa Pasay pero plano raw itong ilipat sa Basa Air Base sa Pampanga para makasama ng kapwa nila fighter pilots hanggang Martes ng gabi.
Sa Miyerkules, iuuwi na raw ang labi ng mga piloto sa kani-kanilang bayan.
Samantala, kabilang din sa mga nag-abang kanina ang mga kapamilya at malalapit na kaibigan ng mga nasawing piloto.
Tumanggi ang pamilya na magpaunlak ng panayam, at ayon pa kay Col. Castillo, nakiusap din ang pamilya na igalang ang kanilang privacy sa isasagawang vigil sa Villamor Airbase. (Daris Jose)

Mga piitan sa bansa naka-heightened alert vs heat index

Posted on: March 11th, 2025 by Peoples Balita No Comments
NAKA-heightened alert ang Bureau of Jail ­Management and Penology (BJMP) laban sa nararanasang init  ng panahon ng mga Person Deprived of Liberty (PDLs).
Ayon kay BJMP Director Ruel Rivera, may nakaantabay 24/7 na mga nurse sa lahat ng piitan sa buong bansa upang masiguro na agad na mabibigyan ng responde ang sinumang PDL na makararanas ng sakit dulot ng matinding init.
Sinabi ni  Rivera na  inatasan na  niya ang lahat ng jail facilities na gawin ang lahat ng paraan at solusyon upang maiwasan ang matinding init sa kanilang mga nasasakupan.
Partikular na tinukoy ni Rivera ang mga  National Capital Region (NCR), kung saan mataas ang heat index at overcrowded ang  mga piitan.
Giit ni Rivera kailangan na tutukan ng mga health personnel ang kalusugan ng mga PDLs ngayong summer kung saan iba’t ibang sakit din ang maaa­ring makuha dahil sa init at siksikan sa kulungan.
Pinaiinspeksiyon din ni Rivera ang mga ventilation, sapat at malinis na supply ng tubig sa mga kulungan na isa sa makatutulong upang  mabigyan ng ginhawa ang mga PDLs. (Daris Jose)

PBBM, nangako na poprotektahan ang karapatan ng mga kababaihan, kokontrahin ang mga banta sa kanilang pag-unlad

Posted on: March 11th, 2025 by Peoples Balita No Comments
NANGAKO si Pangulong Ferdinand R. Marcos Jr., araw ng Sabado na poprotektahan ang karapatan at paninindigan ng mga kababaihan laban sa anumang banta na maaaring makahadlang sa kanilang pag-unlad.
Inihayag ni Pangulong Marcos ang pangako niyang ito kasabay ng pakiisa sa buong bansa na nagdiriwang ngayon ng International Women’s Day at National Women’s Month.
“Dynamic and ever-evolving, similar to ourInang Bayan(Motherland), being a woman requires resilience and strength. Many of the developments we witness today can be attributed to the innumerable contributions of women across generations who fought, struggled, and advocated for various noble causes,” ang bahagi ng mensahe ni Pangulong Marcos.
“The Bagong Pilipinas, we are building will always advocate for women’s rights and vigorously oppose anything threatening their progress,” aniya pa rin.
Pinuri ng Pangulo ang ‘ lakas, katatagan at kontribusyon’ ng mga kababaihan sa Pilipinas, sabay sabing may mahalagang papel ang mga ito sa paghubog sa salaysay ng bansa.
Winika nito na ipagpapatuloy ng pamahalaan ang muling pagsasalaysay ng mga kuwento ng mga pambihirang kababaihan para magsilbing inspirasyon sa henerasyon ng mga kabataang kababaihan.
“From the babaylans, katipuneras, and Filipina guerillas of the past, to the frontliners, professional trailblazers, and visionary leaders of today, our country has produced millions of empowered women who gave their knowledge, talents, and even their lives for the sake of many,” ang sinabi ni Pangulong Marcos.
Sinabi pa nito na ang administrasyon ay committed na magbigay ng ‘full support’ sa mga kababaihan, sa kanilang mga pagsisikap na iangat ang bayan at ang nalalabing bahagi ng mundo.
“As we mark this special occasion, let us recognize the significance of women, an unshakeable force that nurtures, perseveres, and redefines,” ang sinabi ni Pangulong Marcos.
Samantala, ang buwan ng Marso ay pagdiriwang ng National Women’s Month base sa taunang United Nations-designated International Women’s Day kada Marso 8.
Sa Pilipinas, naging isang pagdiriwang ng accomplishments ng mga kababaihan at isang platform para i-promote ang gender equality sa pamamagitan ng mga aktibidad na nakahanay sa local at international accords, kabilang na ang Convention on the Elimination of All Forms of Discrimination Against Women, ang Philippine Plan for Gender-Responsive Development (1995-2025), Framework Plan for Women, at ang Sustainable Development Goals. (Daris Jose)
People's Balita.
All rights reserved. © Copyright 2026.