NAKIKITA ni Pangulong Ferdinand Marcos Jr., ang pangangailangan na bumuo ng isang national task force na binubuo ng mga mahahalagang ahensiya ng pamahalaan, kasama ang local government units, para bumalangkas ng long-term redevelopment  plan para sa mga komunidad na apektado ng pagputok ng Bulkang Kanlaon.

Sa isinagawang situation briefing, binigyang diin ni Pangulong Marcos ang kahalagahan na pagsama-samahin ang mga pagtugon ng gobyerno at paghahanda sa natural disasters.

“Let’s decide what are the agencies that should be involved [in the task force]. And then sit down together with all the relevant agencies, and put together a plan,” ang sinabi ni Pangulong Marcos sa nasabing briefing.

Ipinag-utos naman ng Pangulo sa Office of the Civil Defense (OCD) na pangunahan ang national task force at itulak para sa pagtatayo ng permanent evacuation centers para sa displaced residents.

“Such centers must be located outside the six-kilometer danger zone,” dagdag na wika ng Pangulo.

Sa kasalukuyan, may 2,660 pamilya (8,509 indibiduwal) na na- displaced ng nagpapatuloy na volcanic eruption ang nasa 23 evacuation centers sa Western at Central Visayas.

May karagdagang 90,000 katao ang maaaring ilikas kung ang alert level ay itinaas sa alert level 4, ayon kay Science and Technology Secretary Renato Solidum Jr.

Bago pa ang briefing, namahagi ang Pangulo ng tulong sa mga biktima ng kalamidad.

Samantala, 12,632 pamilya (48,528 indibiduwal) sa 28 lungsod at munisipalidad sa Western Visayas. Nagbigay naman ang gobyerno ng P95.6 million na tulong at nag-prepositioned ng P144.04 million na halaga ng relief supplies para sa mga apektadong lugar.

(Daris Jose)

MALUGOD na tinanggap ng Malakanyang ang desisyon ng Paris-based Financial Action Task Force (FATF) na alisin ang Pilipinas mula sa listahan ng ‘jurisdictions notorious’ para sa pagiging safe havens ng money laundering at terrorism financing.

Kasunod ng three-day plenary nito, inanunsyo ng FATF na hindi na kasama ang bansa sa sinusubaybayan para sa dirty money, halos apat na taon na simula na makasama ito sa tinatawag na “grey list.”

“Our well-earned exit from the Financial Action Task Force’s (FATF) grey list boosts our drive to attract job-creating, growth-inducing foreign direct investments,” ayon kay Executive Secretary Lucas Bersamin sa isang kalatas.

“For so long, our investment attractiveness has been dragged down by this dirty money haven label,” ang sinab pa rin ni Bersamin.

Aniya pa, ang pagkakaalis ng Pilipinas mula sa “grey list” ay nagresulta mula sa multiple moves “to finally dismantle structures that could be exploited by money launderers and terrorism financiers.”

Ang pagkakaalis ng bansa mula sa grey list ay malapit na rin dumating sa dalawang taon matapos na ipalabas ni Pangulong Ferdinand Marcos Kr., ang isang Executive Order (EO) No. 33 noong Hulyo 2023.

Ang EO ay nagsilbi bilang roadmap para sa pagtugon ng action plan na ipinatupad ng FATF.

“This seal of good financial housekeeping benefits overseas Filipinos as it would make cross-border transactions faster and cheaper as layers of compliance barriers are removed,” ang sinabi ni Bersamin.

“This hard-fought administration win in its battle against money laundering will be preserved and protected through consistent compliance with global standards,” ang sinabi pa rin nito.

Samantala, inilarawan naman ni Finance Secretary Ralph Recto ang desisyon ng FATF bilang “a significant step for the country to secure a credit rating upgrade under the Marcos Jr. administration.”

“By upholding the highest standards of financial governance, we will attract more foreign direct investments and expand more trade partnerships that will help accelerate economic growth. With this momentum, our next goal is clear—a credit rating upgrade within the Marcos Jr. administration,” ang sinabi ni Recto.

Ang Department of Finance (DOF), sinabi ni Recto ay may mahalagang papel sa tagumpay na ito bilang isang miyembro ng National Anti-Money Laundering/Counter-Terrorism Financing/Counter-Proliferation Financing Coordinating Committee (NACC), ang inter-agency body na responsable para sa pangangasiwa ng National AML/CTF/CPF Strategy (NACS) at paggabay sa implementasyon sa mga kaugnay na ahensya. (Daris Jose)

HINILING ng Presidential Anti-Organized Crime Commission (PAOCC) sa Bureau of Immigration na pigilan ang mga manggagawa ng gaming operators na lisanin ang bansa sa pamamagitan ng connecting flights.

Ang katwiran ng PAOCC, may ilang tumatakas sa proseso ng deportasyon.

Sinabi ni PAOCC Spokesperson Winston Casio, hindi sila papayag na magkaroon pa ng transit flights mula Pilipinas.

“Pinagbigay alam namin ‘yan sa Immigration. Yung ibang Chinese matatalino, kumukuha ng ticket for deportation. Manila-Kuala Lumpur, Manila-Macau-Shanghai. Pagdating ng Macau, pagdating ng Kuala Lumpur, hindi na pumapasok sa connecting flight pauwi sa China. Bawal yun. As far as China is concerned, ang kailangan ay direct flight,” ang sinabi ni Casio.

“We made a plea with the Bureau of Immigration. The unit that deports… We made a plea to them, do not allow transit flights for deportation if it is via voluntary deportation, via departure, or via summary deportation especially if they are Chinese,” aniya pa rin.

Ang gobyerno aniya ng Tsina ay mayroong extraterritorial provision na nagsasaad na ang kanilang mga mamamayan ay makagagawa rin ng kahalintulad na krimen at daranas ng consequences kahit pa nakagawa sila ng krimen ng pagsusugal sa labas ng kanilang bansa.

“Kapag nag-iimbestiga sila sa China, kung anumang resulta ng kanilang imbestigasyon binabalik nila sa commission. Binibigyan nila kami ng copy ng report kaya nahahabol namin dito sa Pilipinas ang kanilang mga boss. It’s very important that they should be set back directly to China,” ani Casio.

Nauna rito, sinabi ng PAOCC na gumasta ito ng P210 milyong piso sa nakalipas na dalawang taon para sa detensyon ng mga manggagawa ng Philippine Offshore Gaming Operators na inaresto mula nang magsimula ang paglansag dito (POGO) noong 2023.

“As of February 14’, may 12 kaso ang isinampa laban sa POGO personalities, habang 8 na ibang kaso naman ang sumasailalim sa preliminary investigation, base sa data mula sa PAOCC.

Samantala, sinabi ng ahensiya na naghahanda na ito ng 13 iba pang kaso na iniuugnay sa illegal gambling operations sa bansa. (Daris Jose)

KASUNOD ng panawagan ni Pangulong  Ferdinand Marcos Jr., hinggil sa total ban ng  Philippine Offshore Gaming Operators (POGO), tiniyak ng  Bureau of Immigration (BI) na madaliin ang pagpapa-deport sa mga dayuhan na sangkot sa illegal operations.

Paliwanag ni BI Commissioner Joel Anthony Viado na ang mabilis na pagpapa-deport sa kanila ang prayoridad ng ahensiya habang klinaro din ang paggamit ng ticket na may flights para sa kanilang  deportation.

“The longer they stay in the country waiting for schedules, the longer the government shoulders the cost of their detention,” ayon kay Viado.

“We take whatever is available because our priority is to send them out of the country at the soonest possible time.”

Paliwanag na Viado na ang  deportation procedures ay nangangailangan ng tatlong mahahalagang dokumento;  isang valid passport o  travel document, isang National Bureau of Investigation (NBI) clearance upang masigurong waang  pending accountability, at  outbound ticket.

Upang mapabilis ang proseso, nakipag-coordinate ang  BI  Deportation and Implementation Unit sa NBI para mapabilis ang pagpoproseso ng clearances sa loob lamang ng isang araw.

“We all want the same thing—for them to leave our country as quickly as possible,” ayon kay Viado.

Binigyan diin ng BI ang naunang kaso noong Enero kung saan grupo ng mga deportees ang mabilis na napauwi sa kanilang bansa sa loob lamang ng isang linggo  na patunay lamang ang commitment ahensiya para sa mabilisang deportasyon.

“If we can do it fast, we will find ways to do it even faster,” ayon pa kay Viado. (Gene Adsuara)

HINDI inakala ng dalawang bagong indentified drug pushers, kabilang ang 36-anyos na dalaga na pulis pala ang kanilang nabintahan ng shabu makaraang maaresto sila sa buy bust operation sa Malabon City.

Kinilala ni Malabon police chief P/Col. Jay Baybayan ang naarestong mga suspek na sina alyas “Mark”, 47, ng Brgy. Dampalit at alyas “Paula”, ng Marilao Bulacan.

Ayon kay Col. Baybayan, ikinasa ng Station Drug Enforcement Unit (SDEU) sa koordinasyon sa PDEA ang buy bust operation nang nagawang makipagtransaksyon kay alyas Mark ang isa sa mga operatiba ng SDEU.

Dakong alas-4:11 ng madaling araw nang sunggaban ng mga tauhan ni Col. Baybayan ang mga suspek matapos magsabwatan na bintahan ng droga ang isang pulis na nagpanggap na buyer sa M. Sison St., Brgy. Dampalit.

Nakumpiska sa mga suspek ang nasa 11.10 grams ng hinihinalang shabu na may katumbas na halagang P75,480 at buy bust money.

Mahaharap ang mga suspek sa kasong paglabag sa Sections 5, 26 at 11 sa ilalim ng Article II ng R.A. 9165 o ang Comprehensive Dangerous Drug Act of 2002.

Pinuri P/Col Josefino Ligan, Acting District Director ng Northern Police District, ang Malabon police sa kanilang mabilis at estratehikong pagpapatupad ng operasyon. (Richard Mesa)