ILILIPAT ang operasyon ng Manila International Airport Authority (MIAA) sa dating hotel na malapit sa Ninoy Aquino International Airport (NAIA).
Kailangan ilipat ang operasyon ng MIAA dahil gagamitin ng bagong operaytor, ang New NAIA Infrastructure Corp. (NNIC), ang ngayon ay opisina ng MIAA.
Magakakaroon ang MIAA ng bidding para sa 88 Airport Lounge sa lungsod ng Pasay upang sumailalim sa isang renobasyon na nagkakahalaga ng P6.54 million.
Nagkaroon ng pre-bid conference noong January 23 at bubuksan ang mga bids sa darating na February 6.
Ang nasabing proyekto ay gagawin ang renobasyon ng civil, electrical at mechanical na pasilidad dito kung saan dapat ay matapos ito ng 60 working days. Kailangan maging isang fully functional na opisina ang nasabing 88 Airport Lounge.
“We will transfer offices in compliance with the P170.6 billion concession signed by the government with the New Infrastructure Corp. (NNIC) led by San Miguel Corp. The deal turns over the operations and maintenance of NAIA from MIAA to NNIC,” wika ng MIAA.
Ililipat ang 15 opisina ng MIAA na kasama sa nilagdaan na concession na kailangan mailipat ito sa dating 88 Airport Lounge.
Sa ngayon, ang MIAA ay siyang may regulasyon sa NNIC at siyang rin namamahala sa NAIA habang ang ibang mga empleyado nito ay nilipat na sa NNIC upang maiwasan ang job losses. Ang MIAA ay kasama pa rin sa decision-making body ng Manila Slot Coordination Committee na siyang namamahala sa mga airline slots sa NAIA.
Samantala, nagkaroon ng isang kasunduan sa pagitan ng NNIC at Meralco kung saan lumagda sila Meralco chairman Manuel V. Pangilinan at NNIC president Ramon S. Ang na naglalayon na magkaroon ng isang innovative at reliable energy solutions upang mabigyan ng tamang power facilities ang NAIA na tugma sa tumataas na power needs nito ng sa ganon ay makayanan ang demands ng isang modernong aviation sektor.
“By enhancing power reliability for the new NAIA, we are going to help impower the tourism and travel industry, support economic growth, and enrich the travel experience for countless travelers,” wika ni MVP.
Nagsabi naman si Ang na ang ganitong pagtutulungan ng parehong kumpanya ay makakatulong upang mas gumanda ang functionality, safety at passenger experience sa pamamagitan ng pagkakaron ng isang world-class airport kung saan ang lahat ng mga Filipino ay maipagmamalaki ang ganitong klaseng paliparan sa ating bansa.
Kasama sa nasabing proyekto ang paggawa ng bagong state-of-the-art substation na siyang magbibigay ng isang reliable power sa apat na terminals ng NAIA; isang underground power distribution master plan na magiging reliable at upang mabawasan ang disruption risks; at uninterrupted power supply system na susuportahan ang critical airport operations.
Ang mga nasabing pagbabago at upgrading ay magbibigay na maraming economic benefits na positibo lalo na sa mga manglalakbay, investors, at sa buong sektor ng ating ekonomiya.
“A world-class NAIA will not only bolster the Philippines’ progress but also position the country as a premier logistics and aviation hub in Southeast Asia, a crucial step toward achieving long-term competitiveness and meeting international standards,” dagdag ni Ang. LASACMAR
INANUNSYO ni Tabaco City Mayor Krisel Lagman ang pagpanaw ng kaniyang amang si Albay 1st District Rep. Edcel Lagman sa edad na 82.
INAPRUBAHAN na ng House Committee on Labor and Employment ang panukalang P200 across-the-board na umento sa sahod ng mga manggagawa sa pribadong sektor.
HIHIGPITAN na ngayon ng Land Transportation Office (LTO) ang pagsasalang sa practical test para sa motorcycle riders bago maisyuhan ng driver’s license ng LTO.