PATULOY na pinapalawak ng Pamahalaang Lungsod ng Navotas ang kanilang pampublikong imprastraktura, kasunod ng pagbabasbas at pagpapasinaya sa dalawang bagong itinayong tatlong palapag na multipurpose buildings sa Tumana, Barangay NBBS Dagat-dagatan, at Phase 1C, Barangay NBBS Kaunlaran.Nagtatampok ang bawat multipurpose building ng basketball court, mga office space, function room, at parking slots upang tiyakin na ang mga residente ay may access sa mahahalagang pasilidad para sa parehong mga serbisyo ng gobyerno at pakikipag-ugnayan sa komunidad.
Ang Tumana multipurpose building ay pangunahing gagamitin para sa mga aktibidad ng kabataan at sports, habang ang Phase 1C na pasilidad ay ilalaan sa AI at robotics programs, na nagbibigay ng makabagong espasyo para sa pagsulong ng teknolohiya.
Binigyang-diin ni Mayor John Rey Tiangco ang kahalagahan ng mga bagong pasilidad na ito sa pagpapaunlad ng komunidad.
“Ang mga gusaling ito ay sumasalamin sa ating pangako na mabigyan ang bawat Navoteño ng maayos, ligtas, at maaasahang pasilidad. Nais nating matiyak na may sapat na espasyo ang ating mga mamamayan para sa kanilang pangangailangan at para mas mapaunlad ang kalidad ng kanilang buhay,” ani Mayor JRT.
Samantala, binigyang-diin din ni Cong. Toby Tiangco ang pangako ng lungsod sa patuloy na pag-unlad.
“Patuloy nating pagsisikapan na mapalawak ang ating imprastruktura upang matugunan ang lumalaking pangangailangan ng ating mga kababayan. Ang mga bagong multipurpose buildings na ito ay patunay na ang pamahalaang lungsod ay patuloy na naglilingkod nang tapat at may dedikasyon,” pahayag ng kongresista.
Ang inagurasyon ng Tumana at Phase 1C multipurpose buildings ay kasunod ng matagumpay na pagbubukas ng mga kaparehong pasilidad sa Phase 1A at Phase 1B noong Nobyembre.
Ang mga istrukturang ito ay sumasalamin sa dedikasyon ng pamahalaang lungsod sa pagpapahusay ng paghahatid ng serbisyo publiko at pagpapaunlad ng isang mas malakas, at mas konektadong komunidad.
(Richard Mesa)
News 4
Ilang bangko, humirit ng dalawang taon para ma-adapt na alisin ang transfer fees
HUMIRIT ang ilang bangko sa Bangko Sentral ng Pilipinas (BSP) na bigyan sila ng two-year period na kanilang gagamitin bilang ‘soft landing’ para magawa ang panukalang alisin ang interbank transfer fees.
Sinabi ni BSP deputy governor Mamerto Tangonan, na may iba’t ibang feedback mula sa bangko ukol sa pagtanggal ng transfer fees, ang InstaPay fees mula P8 hanggang P75 sa bawat transaksyon at mula P8 hanggang P600 kada PESONet consumers.
“May mga sumuporta, pero may ibang nagpahayag na it will affect their business. And also another large number said that ‘Yes, we know that it’s gonna come, but provide us a soft landing… Two years daw so they could adapt,” ayon kay Tangonan.
Ani Tangonan, kailangan pa ring magdesisyon ng Monetary Board kung katanggap-tanggap ang two-year period.
Noong nakaraang taon, ipinalabas ng BSP ang draft circular na mag-aalis sa halaga o magiging gastos sa person-to-person electronic money transfers, at kung magkano ang babayaran sa micro, small, and medium enterprises (MSMEs). Bingyan ng draft circularIt ang BSP-supervised financial institutions (BSFIs) ng hanggang Oktubre 11 para sa feedback.
Nakasaad sa draft circular na ang transfers o paglilipat ay ‘free of charge’ para sa personal transactions kung nasa loob ng threshold na itatakda ng BSP gaya ng bilang remittances o para sa pagpapautang na hindi naman kasama sa paraan ng pagnenegosyo at ito’y hindi regular na lumalampas ng 10 beses sa isang linggo.
Ang transaction fees ay kokolektahin para sa transaksyon sa kabila ng itinakdang mga thresholds.
“There’s a segment that says that either ‘Our business model is not so conducive of that’, or they said that ‘Okay, we soo it coming, but we’re not ready yet. Give us a bit more time’,” ayon kay Tangonan.
“We’re trying to see a balance where as much as possible, we can bring most of the industry participants towards that, so that’s what we are discussing with them. That’s what we are figuring out,” aniya pa rin.
Matatandaang, Setyembre ng nakaraang taon ng ihayag ng BSP na nakikipag-ugnayan na ito sa ibang mga bangko na alisin ang interbank transaction fees, kasama si governor Eli Remolona Jr. sinabi nito na ang reserve requirement ratio (RRR), o halaga ng cash na kailangan ng bangko na nasa reserves kontra deposito na ginawa nito, maaaring bawasan ng 0% sa panahon ng kanyang termino.
“With a 0% reserve requirement ratio, banks could utilize the reserves instead of parking them with the central bank without any interest earned, which could then offset the costs incurred by banks for interbank transfers,” ayon sa ulat.
Kasalukuyang nakatakda sa 7%, sinasabing kabilang sa pinakamataas sa buong mundo, nagpahiwatig si Remolona na maaaring bumaba ito ng kasing baba ng 5% ngayong taon.
Winika pa ni Tangonan na dapat na magkaroon ng polisya ang BSP para sa pagtanggal ng interbank transfer fees ngayong taon, posibleng magkaroon ito ng transitory provision para sa bangko para magawa ang unti-unting pagbalanse.
“It’s hard to give a deadline, pero [but] we seem to be, we see convergence where it’s acceptable to most industry participants, so mahirap lang magbigay ng [it is difficult to give a] timeline,” ang sinabi ni Tangonan.
“Maybe if ever within the year, it’s a policy [that] maybe we’ll provide maybe for a reasonable transitory provision,” aniya pa rin. ( Daris Jose)
NAKAHANDA ang National Food Authority (NFA) para sa napipintong deklarasyon ng food security emergency sa bigas.
MAY kabuuang 287 ektarya ng lupain ang apektado ng tinamaan na grass fire sa kabundukang lugar ng Carasi, Ilocos Norte .
KINUMPIRMA ni Vice President Sara Duterte na seryoso na niyang ikinukonsidera ang pagtakbo sa 2028 presidential elections matapos na makitang napag-iiwanan na ang Pilipinas ng buong mundo.
ANG KimPau (Kim Chiu at Paulo Avelino) at BarDa (Barbie Forteza at David Licauco) ang dalawang tambalan na pararangalan bilang German Moreno Power Tandem Award sa idaraos na 38th PMPC Star Awards for Television na gaganapin sa March 23, 2025.
AT 49, tila walang nababago sa pangangatawan ni David Beckham kaya siya ang kinuhang endorser for Boss One Bodywear campaign.
TINUPAD ni Kapuso Primetime King Dingdong Dantes ang wish ni Jo Berry na nakasama ito sa teleserye.
SHOOT sa selda ang isang lalaki na naghasik ng takot sa kanilang lugar makaraang magpaputok ng baril habang gumagawa ng eskandalo at nagsisigaw sa Malabon City, Biyernes ng umaga.