2025 February Archive - People's Balita

Archive for February, 2025

Press conference nina British boxer Chris Eubank at Conor Benn naging tensyonado

Posted on: February 27th, 2025 by Peoples Balita No Comments

NAGKAINITAN ang ginanap na presscon ng boksingerong sina Chris Eubank Jr at Conor Benn.

Sa ginanap na press con sa Manchester ay bigla na lamang pinalo ni Eubank si Benn ng itlog habang sila ay magkaharap.

Ang nasabing laban ay naisagawa na sana noong 2022 subalit lumabas na nagpositibo ang 28-anyos na si Benn ng ipinagbabawal ng substance na clomifenekaya ito ay pinatawan ng ban.

Taong 2023 ng ilabas ng WBC ang finding at lumabas na dahil sa labis na pagkain ni Benn ng itlog ang dahilan.

Gaganapin ang paghaharap nina Benn at 35-anyos na si Eubank Jr sa darating na Abril 26 sa Tottenham Hotspur Stadium.

Mayroong 32 panalo, dalawang talo na 23 knockouts si Eubank Jr habang si Benn ay mayroong 20 panalo, walang talo at 13 knockouts.

Noong 1990 ng magkaharap ang kanilang mga ama na sina Chris Eubank Sr at Nigel Benn.

Nagwagi si Eubank Sr noong 1990 habang naging draw ang ikalawang laban nila noong 1993.

Pinoy figure skater Michael Martinez handang tulungan ang mga interesado sa nasabing sports

Posted on: February 27th, 2025 by Peoples Balita No Comments

NAKATUON ngayon si Pinoy figure skating star Michael Martinez sa pagtuturo ng mga susunod na henerasyon na skaters.

Sinabi nito na kasama niya sina American Olympic figure skaters at U.S. Figure Skating Hall of Fame recipients Maia at Alex Shibutani na nagtuturo ng mga interesado sa nasabing sports.

Masaya ito dahil sa pamamahagi ng kaniyang mga nalalaman at pagtuturo sa ilang mga interesado sa nasabing sports.

Naniniwala ito na kaya ng Pilipinas na mamayagpag sa mga winter sports.

Huling sumabak si Martinez sa 2018 sa Winter Olympics na ginanap sa Pyeongchang, South Korea.

Wala pang balasahan: PBBM, susuriing mabuti ang mga miyembro ng gabinete- PBBM

Posted on: February 27th, 2025 by Peoples Balita No Comments

SUSURIING mabuti ni Pangulong Ferdinand Marcos Jr. ang mga miyembro ng kanyang gabinete sa gitna ng kumakalat na tsismis na may nakaambang na malawakang balasahan sa gabinete ng Chief Executive.

“Every time kailangan namang mag-evaluate ng Pangulo eh kung ang kaniyang secretaries, Cabinet members are doing well for the government, for the people,” ang sinabi ni Presidential Communications Office (PCO) Undersecretary at Palace Press Officer Claire Castro sa press briefing sa Malakanyang.

“Pero as of now, wala pa po talaga,” dagdag na wika nito.

Sinagot naman ni Castro ang espekulasyon na magbibitiw na sa puwesto sina Presidential Security Command (PSC) Maj. Gen. Jesus Nelson Morales at Department of Information and Communications Technology (DICT) Secretary Ivan John Uy.

Binigyang diin ni Castro na hanggang ngayon ay wala pa namang personal na pagbabago.

Sa kabilang dako, posibleng magkaroon din ng potensiyal na pagbabago sa PCO sa ilalim ng liderato ni Secretary Jay Ruiz, na kamakailan lamang ay nanumpa para sa kanyang bagong tungkulin sa harap mismo ni Pangulong Ferdinand Marcos Jr.

Kinumpirma ni Castro na maging si Ruiz ay nagpahiwatig na may pagbabagong magaganap sa Palace media office.

“Sinabi niya po talaga na magkakaroon ng pagbabago at maaaring may ma-retain, maaaring may mawala. So, hintayin po natin kung ano iyong magiging order ni Secretary Jay Ruiz,” ang pahayag ni Castro. (Daris Jose)

Malakanyang, suportado ang batas laban sa fake news

Posted on: February 27th, 2025 by Peoples Balita No Comments

SUPORTADO ng Malakanyang ang paghahain ng batas na magpaparusa sa mga taong nagpapakalat ng pekeng impormasyon.

“Siguro naman kahit po hindi Palasyo ang tanungin natin, gugustuhin po talaga natin na ma-ban ang fake news,” ang sinabi ni Press Officer Undersecretary Atty. Claire Castro sa Palace press briefing.

Sa katunayan, ang suhestiyon pa nga ni Castro ay iparehistro ang “all content creators” para matigil ang paglaganap ng misinformation at disinformation.

Gayunman, kailangan aniyang pag-aralang mabuti ng mga mambabatas ang ‘full scope’ ng fake news, lalo na ang depinidong kahulugan nito.

“We have to define first that there will be a law, if they will make such law, they have to define what’s fake news and what’s the limitation, how they can gauge that those statements will be considered as fake news,” ani Castro.

Samantala, ang PCO, sa ilalim ng pamumuno ni Jay Ruiz, ay nakatuon para paigtingin ang laban sa fake news sa social media.

Ani Castro, babalewalain lang kasi ng kasalukuyang administrasyon ang mga pahayag mula sa political rivals nito.

Itinanggi ni Castro na tila sinusulsulan pa ni Pangulong Ferdinand R. Marcos Jr. ang “negative campaigning” sa gitna ng mudslinging o paninirang-puri ng partido ng oposisyon.

“Unang-una po, ang sasagutin lang natin ay ‘yung mga intriga na may sense. Kung wala naman, I mean, walang meaning, walang sense, hindi po natin ito sasagutin, okay,” ang sinabi ni Castro.

“At patungkol po kung sa nauna ang Pangulo sa pagbabatikos, it’s just part of the campaign propaganda and wala naman po siyang pinatungkulan kung sino. Marami pong kandidato. Ang nagtataka lang po ulit tayo kung bakit nag-aray, hindi naman sila iyong pinatutungkulan,” dagdag na wika nito.

Samantala, pinayuhan naman ni Castro ang mga tatakbo sa midterm elections na tiyakin na kuwalipikado sila sa tinatarget nilang posisyon dahil pag-aaksaya lamang ng oras at public funds kung ang mga mananalo sa eleksyon ay pawang mga “newbies” sa pulitika. (Daris Jose)

Malabon LGU, hinimok ang 21 barangay na makiisa sa cleanest competition kontra dengue

Posted on: February 27th, 2025 by Peoples Balita No Comments

HINIMOK ng Pamahalaang Lungsod ng Malabon ang 21 barangay ng lungsod na lumahok sa Search for the Cleanest and Greenest Barangay Competition 2025 bilang bahagi ng patuloy nitong pagsisikap na labanan ang pagkalat ng dengue sa lungsod.

· ` “Kaligtasan at kalusugan ang prayoridad natin sa lungsod dahil kailangan ito sa patuloy nating pag-unlad. Kaya naman hinihikayat natin ang bawat barangay sa lungsod na lumahok sa ating Search for the Cleanest and Greenest Barangay upang ating mapanatili ang kalusugan ng bawat isa at mapigilan ang pagkalat ng dengue. Ating ipakita, ipamalas ang pagkakaisa bilang mga Malabueño at panatilihin malinis, maaliwalas, at maayos ang ating kapaligiran,” ani Mayor Jeannie Sandoval.

· Ipinaliwanag ni City Environment and Natural Resources Office (CENRO) OIC Mr. Mark Mesina. na ang kumpetisyon ay naglalayong ipakita ang pinakamahusay na kasanayan sa pamamahala ng basura, koleksyon, operasyon ng Materials Recovery Facilities (MRF), at ang paglilinis ng mga bangketa at kalsada mula sa mga sagabal.

· Layunin nito na magtatag ng matibay na pakikipagtulungan sa mga barangay, bumuo ng benchmarking data, kilalanin at gantimpalaan ang mga epektibong nagpapatupad ng Ecological Solid Waste Management, hikayatin ang mga residente na pangalagaan ang kanilang mga komunidad, at pagyamanin ang positibong relasyon sa pagitan ng pamahalaang lungsod, mga barangay, at mga residente.

· Ani Mesina, ang kompetisyon ay ilulunsad sa unang linggo ng Marso kung saan ang mga kalahok ay sasailalim sa parehong iskedyul at sorpresang monitoring, pagsusuri, at deliberasyon ng kanilang mga solid waste management practices, accomplishment reports, at kalinisan at kaayusan ng kanilang mga komunidad mula Abril hanggang Nobyembre.

· Ang mga nanalong barangay ay kikilalanin sa Disyembre at tatanggap ng cash prize: P1,000,000 para sa grand winner, P500,000 para sa unang pwesto, P250,000 para sa pangalawang pwesto, P150,000 para sa ikatlong pwesto, at P50,000 para sa ikaapat na pwesto.

· Ayon sa City Epidemiology and Surveillance Unit ng City Health Department, may 264 kaso ng dengue ang naitala sa Malabon noong Pebrero 24, 2025.

· Sinabi naman ni Mesina na patuloy ang isinasagawang synchronized clean-up drive ng mga tauhan ng city hall tuwing Biyernes, paglilinis sa mga estiro at declogging operations upang matiyak ang maayos na daloy ng drainage at maiwasan ang pagdami ng mga lamok sa stagnant water.

· “Sa pagpapatuloy natin ng pagsasagawa ng mga programa kontra dengue, nais nating maiparating sa ating kapwa Malabueño na maging concerned sa ating kapaligiran at kalikasan. Maaaring naririto nga ang pamahalaang lungsod at handang tumulong at magsagawa ng mga programa, ngunit ang pagpapanatili ng kaayusan at kalinisan ng bawat komunidad ay magsisimula pa rin sa bawat residente,”. pahayag ni City Administrator Dr. Alexander Rosete. (Richard Mesa)

Mastermind sa likod ng P2.7B shabu shipment mula at iba pang drug smuggling cases na dumaan sa Port of Manila, busisiin

Posted on: February 27th, 2025 by Peoples Balita No Comments

MASUSING pinabubusisi ni House Minority Leader Marcelino Libanan sa Department of Justice (DOJ) ang mastermind sa likod ng P2.7-billion shabu shipment mula Karachi, Pakistan, na naharang sa Manila nitong nakalipas na Enero.

“We urge the DOJ to strengthen its pursuit of the real masterminds behind this recent drug smuggling operation, as well as all previous shabu consignments that have entered through the Port of Manila,” pahayag ni Libanan sa isang statement.

Sinabi nito na ang patuloy na smuggling ng shabu sa Port of Manila ay nagpapakita na nananatili pa ring nakakakilos na malaya ang nasa likod nito.

“These individuals must be identified, exposed, apprehended, and prosecuted to the fullest extent of the law,” dagdag ng mambabatas.

Noong Enero 23, naharang ng joint task force na binubuo ng National Bureau of Investigation (NBI), Bureau of Customs (BOC), at Philippine Drug Enforcement Agency (PDEA) ang nasa 405 kilo ng methamphetamine hydrochloride (shabu) sa Port of Manila. Nakatago ito sa loob ng shipment ng vermicelli at custards.

Ang operasyon ay inilunsad matapot makatanggap ang NBI ng intelligence mula sa foreign counterpart nito kaugnay sa naturang parating na shipment mula Karachi.

Matapos makumpiska, hinuli at kinasuhan ng DOJ ang cargo consignee, dalawang customs brokers, at dalawang top executives ng freight forwarding company na siyang responsable sa handling ng shipment.

Nanawagan din si Libanan na magsagawa ng mas agresibong hakbang para mabuwag ang drug smuggling networks.

(Vina de Guzman)

GSIS net operations income, tumaas, assets pumalo sa P1.83 trillion

Posted on: February 27th, 2025 by Peoples Balita No Comments

INIULAT ng Government Service Insurance System (GSIS) na may 21% ang itinaas sa net income mula sa operasyon noong 2024, umabot ng P135.7 billion kumpara sa P112.1 billion noong 2023.

Nangangahulugan ito na tumaas ang kabuuang assets ng GSIS ng 9.23% sa P1.83 trillion.

Sinabi ng GSIS na ang kabuuang income ay tumaas ng 10.29% year-on-year ng P326.86 billion, sinasabing dahil sa malakas na investment returns at insurance operations.

Iniulat ng ahensiya na P13.27 billion income mula sa foreign exchange ang naidagdag, P11.24 billion mula sa global private equity investments na pinangasiwaan ng external fund managers, at P3.09 billion mula local equity investments.

Winika ni GSIS President at General Manager Wick Veloso na ang bulto o 70% ng kanilang portfolio ay namuhunan sa government securities at iba pang fixed-income instruments; habang ang balanse na 30% ay inilagay naman sa higher-yielding investments, kabilang na ang ‘equities, real estate, at iba pang investment vehicles.’

“This balanced approach ensures both stability and growth, supporting our fund life, which extends until 2058,” aniya pa rin.

Samantala, tumaas naman ang financial assets ng GSIS ng P101.60 billion, habang ang cash at cash equivalents ay lumago naman ng P30.54 billion. ang kabuuang loans sa mga miyembro ay lumawig ng P370.65 billion.

Nakamit din nito ang 98.6% loan collection efficiency sa third quarter ng 2024.

Nakapagtala naman ang insurance business ng malakas na resulta na may gross premiums na umabot sa P10.6 billion, lampas sa P8.5 billion target.

Bilang resulta, nananatili naman ang GSIS bilang ‘largest state insurer’ na may net worth na P62 billion. (Daris Jose)

‘Awkward’ para boluntaryong magpatawag ng special session for impeachment- Malakanyang

Posted on: February 27th, 2025 by Peoples Balita No Comments

PARA sa Malakanyang, “awkward” kung boluntaryong magpapatawag si Pangulong Ferdinand R. Marcos Jr. ng special session para mapabilis lang ang impeachment trial ni Vice President Sara Duterte.

Sa Palace press briefing, sinabi ni Press Officer Undersecretary Atty. Claire Castro na wala pang ‘request’ para sa isang special congressional session para kagyat na masimulan ang impeachment proceedings laban kay VP Sara.

“So, it is better for the Senate to request the President, considering that even the President made this pronouncement that if the Senate will ask him to call for a special session, he will do so,” ang sinabi ni Castro.

“Kung papansinin niyo po ang Constitution, the President may call [a] special session anytime,” aniya pa rin.

Hindi naman lingid sa kaalaman ni Castro na mayroong “gray area” sa Saligang Batas, kung ang impeachment proceedings ay magsisimula sa panahon ng recess ng Kongreso.

Aniya, maaari namang magpatawag ng session si Pangulong impeachment trial “anytime without any condition.”

“If you will look and read the provisions of the Constitution, you will see po, ‘to forthwith proceed’ pero wala pong makikitang time element. Is it to forthwith proceed even during recess? Because they can proceed definitely, if there is session. There’s no question about that. But to proceed during recess, may gray area po iyan sa Constitution,” ang winika ni Castro.

“So, with that, hindi lang po ito (special session) limitado sa kung may urgency patungkol sa bill or legislation. But we believe it includes also the impeachment trial,” dagdag na pahayag ni Castro.

Sa ulat, na-impeach Mababang Kapulungan ng Kogreso si VP Sara matapos suportahan ng mahigit 200 mambabatas ang ikaapat na impeachment complaint laban sa kanya.

Humigit pa sa kinakailangan bilang ng mga kongresista ang lumagda sa 4th impeachment complaint laban kay VP Sara Duterte, ayon kay House Secretary-General Reginald Velasco.

Nasa 215 mambabatas o mahigit two-thirds ng House’s 306 members ang sumuporta sa resolusyon na ipapasa naman sa Senado na alinsunod sa batas, ang siyang magsasagawa ng paglilitis.

Ayon sa ulat, nasa pito ang articles of impeachment sa naturang complaint na magiging basehan ng mga senador sa isasagawa nilang mga pagdinig upang malaman kung matibay ang mga ebidensya para tuluyang patalsikin sa puwesto bilang bise presidente o hindi si VP Sara. (Daris Jose)

Dizon, hiniling sa mga incumbent DOTr usec, asec, directors na magbitiw sa puwesto

Posted on: February 27th, 2025 by Peoples Balita No Comments

ISANG malawakang balasahan ang nagbabadyang maganap sa Department of Transportation (DOTr) matapos hilingin ni (DOTr) Secretary Vince Dizon sa lahat ng mga incumbent officials ng departamento na magsumite ng kanilang courtesy resignations.

Sa isang memorandum na may petsang Pebrero 24, 2025, ipinag-utos Dizon sa mga incumbent undersecretaries, assistant secretaries, at directors na magsumite ng kanilang resignation letter ng hindi lalampas sa araw ng Miyerkules, Pebrero 26, 2025.

Ipinalabas ang direktiba upang mabigyan ang Kalihim ng “free hand to perform the mandate given to him by the President.”

Nauna rito, itinalaga ni Pangulong Ferdinand Marcos Jr. si Dizon bilang bagong Kalihim ng DOTr.

Papalitan ni Dizon si DOTr Secretary Jaime Bautista na nagbitiw sa pwesto dahil sa isyu sa kalusugan.

Sa isang pahayag, sinabi ni Executive Secretary Lucas Bersamin na epektibo sa Pebrero 21, 2025 ang panunungkulan ni Dizon.

Si Dizon ay dating presidente ng Bases and Conversion Development Authority (BCDA) at COVID-19 presidential adviser.

“He is already authorized by the Office of the President to start the transition at the DOTr in coordination with the team of Secretary Jaime Bautista, who has resigned due to health reasons,” sinabi ni Bersamin sa text message sa mga mamamahayag.

Pinasalamatan naman ni Bautista si Pangulong Marcos dahil sa binigay na oportunidad sa kanya na makapagtrabaho sa gobyerno. (Daris Jose)

EDSA PEOPLE POWER, may kaakibat na malaking responsibilidad

Posted on: February 27th, 2025 by Peoples Balita No Comments

BINIGYAN-DIIN ng isang opisyal ng Catholic Bishops’ Conference of the Philippines (CBCP) ang malaking responsibilidad na kaakibat ng kalayaan at demokrasya na natamo ng bansa matapos ang EDSA People Power Revolution noong 1986.

Sinabi ni CBCP-Episcopal Commission on Youth chairman at Caceres Archbishop Rex Andrew Alarcon, ang kalayaang tinatamasa ng Pilipinas ngayon ay hindi lamang isang biyaya kundi isang hamon para sa bawat Pilipino na ipagpatuloy ang laban para sa demokrasya na ipinaglaban mahigit apat na dekada na ang nakalipas.

Pagbabahagi ng Obispo, ang paggunita sa ika-39 na anibersaryo ng EDSA People Power Revolution ay isang paalala para sa lahat na patuloy na protektahan at pahalagahan ang kalayaang tinatamasa ng bansa sa pamamagitan ng pagtataguyod ng kabutihan, pagkakapantay-pantay, at katarungang panlipunan.

Paliwanag pa niya na mahalaga ang patuloy na pagpapamalas ng malasakit at pagmamahal sa bayan. Umaasa rin ang Arsobispo na hindi mananaig ang kawalan ng pakialam ng mga mamamayan sa mga nangyayari sa lipunan.

Giit niya, maraming paraan upang maipakita ang pagmamahal sa bayan—kabilang na ang aktibong pakikilahok sa mga usaping pangkomunidad at iba pang gawain para sa ikabubuti ng bansa, tulad ng pagboto sa mga karapat-dapat na opisyal ng pamahalaan. (Gene Adsuara)