- March 12, 2026
Ang Diyaryong Pinagkakatiwalaan
Archive for February, 2025
Alex Eala makakaharap ang Japanese tennis player sa round of 16 ng Mumbai Open
Handa ng harapin ngayong araw ni Pinay tennis star Alex Eala si Japanese tennis player Mai Hontama sa Round of 16 ng Mumbai Open sa India.Ang 19-anyos kasi na si Eala ay nakausad sa Round of 16 ng talunin si Sara Saito sa score na 6-1, 6-0.
Nasa ranked 134 sa Womens Tennis Association ranking si Eala habang si Hontama ay ranked 166.
Bukod sa singles tennis ay sasabak din si Eala sa doubles kung saan makakasama niya Tsao Chia Yi ng Taiwan.
Makakaharap ng dalawa sina Elena Pridankina at Amina Anshba ng Russia sa Round of 16.
Huling nagwagi si Eala sa singles at doubles ay noong Hulyo ng nakaraang taon ng ma-dominada nito ang W100 Vitoria-Gasteiz sa Spain.
Eldrew Yulo, target ang Asian Junior World Championships
Pinaghahandaan ni Karl Eldrew Yulo ang Asian Gymnastics Junior Championships at Junior World Championships ngayong taon.Ayon kay Eldrew, araw-araw siyang nagsasanay, kahit wala ang kanyang coach na si Munehiro Kugimiya, na siyang nagturo rin sa kanyang kapatid na si Carlos Yulo.
Matapos ang matagumpay na training sa Japan noong Oktubre, nakatakdang ipagtanggol ni Eldrew ang kanyang titulo sa vault apparatus ng Asian Junior Championships sa South Korea mula Hunyo 12-16. Susunod naman ang Junior Worlds sa Manila mula Hulyo 12-21.
Bukod sa gintong medalya sa vault sa Asian Championships sa Uzbekistan, nagwagi rin siya ng walong ginto sa Chiu Wai Chung Cup sa Hong Kong noong Disyembre. Dahil dito, ginawaran siya ng Special Citation sa 2024 PSA Awards Night.
Target ng magkapatid na Yulo na magkasamang lumaban sa 2028 Los Angeles Olympics.
DepEd, kailangan ng mas maraming pondo para sa agarang pagkukumpuni ng mga napinsalang eskuwelahan
HUMIRIT si Education Secretary Sonny Angara ng karagdagang pondo para sa quick response fund (QRF) ng Department of Education (DepEd) para sa agarang pagkukumpuni at rehabilitasyon ng mga napinsalang school buildings.Sa isang kalatas, tinukoy ni Angara ang report ng Second Congressional Commission on Education (Edcom 2), isang ahensiya na may atas na i-assess at suriin ang performance ng Philippine education sector, ukol sa kakulangan ng QRF ng departamento.
“Our current Quick Response Fund is simply not enough to address the scale of destruction we face each year. If we want to rebuild quickly and effectively, we need more resources,” ayon kay Angara.
Nakasaad sa Edcom 2’s Year 2 report na ang disaster funds ng DepEd ay “are insufficient and constrained by procedural limitations, hampering proactive disaster preparedness and effective response reports.”
Ang QRF ay isang standby fund na maaaring gamitin ng departamento para tulungan ang mga calamity-stricken areas. Ang DepEd ay isa sa limang departamento na naglalaan ng QRF.
Sinasabi pa rin sa Edcom 2’s report na “as the Philippines ranks as the most disaster-prone country, the “DepEd still faces annual losses of P17.98 billion due to high hazard exposure” even when all school buildings are in “optimal condition.”
Sinabi pa rin ng DepEd na may 1,855 eskuwelahan ang apektado ng iba’t ibang kalamidad noong 2024, nagresulta sa P6.6 bilyong halaga ng pagkumpuni at rehabilitasyon sa ‘classroom repairs at rehabilitation.’
Idinagdag pa nito na habang ang QRF ng departamento ay tumaas ng P3 billion, nananatili namang “insufficient to meet these demands” ang pondo.
Gayundin, inirekumenda naman ng Edcom 2 na “[t]o address climate-related challenges to school infrastructure, education policymakers must prioritize building climate-resilient structures and designing innovative learning solutions.”
Winika pa ni Angara na pagtutuunan ng pansin ng departamento ang konstruksyon ng calamity-resilient school buildings.
Inanunsyo naman ng DepEd na ang pagtatayo ng 15,000 classrooms, sa isang kasunduan kasama ang public-private partnership, ay mapakikinabangan ng 1,600 eskuwelahan sa 9 na rehiyon.
“Tututukan natin ang pagpapatayo ng mga disaster-resilient facilities sa ating schools, lalo na sa mga lubhang naapektuhan ng mga bagyo noong nakaraang taon. Our facilities must have structural integrity to withstand stronger typhoons and earthquakes,” ang tinuran ni Angara.
Samantala, kamakailan ay pinangunahan ng mga opisyal ng DepEd ang groundbreaking ceremony para sa 12-story medium-rise public school building sa Don Vicente Rama National High School sa Cebu City.
“The school building, is designed “to withstand natural disasters” and houses 42 classrooms, nine workshops, an audiovisual room, a library, a clinic, and fully equipped laboratories,” ayon sa departamento.
Kaya nitong i- accommodate ang 2,000 students sa isang shift. ( Daris Jose)
Food security emergency, layon na ibaba ang presyo ng bigas sa P41-P45
LAYON ng Department of Agriculture (DA) na impluwensiyahan ang local market para ibaba ang rice retail prices ng mas malapit sa July 2023 levels sa ilalim ng food security emergency para sa bigas.Nagmarka kasi sa panahon na ito ang tuloy-tuloy na pagtaas ng rice inflation sa bansa, nakapagtala mula July 2023 hanggang November 2024, lumampas sa target ng gobyerno na 4% para sa rice inflation.
“Such (a) condition is considered to remain in place while rice prices have not returned close to the level prior (July)… Iyong July 2023 well milled is P45 per kilogram (and) regular milled is P41/kg,” ang sinabi ni DA spokesperson Assistant Secretary Arnel de Mesa.
Sa ilalim ng food security emergency para sa bigas, layon ng DA na tugunan ang tumataas na presyo, ibenta ang mga stock ng bigas mula sa National Food Authority (NFA) sa local government units (LGUs), ibang ahensiya ng gobyerno at government-owned and controlled corporations (GOCCs) sa halagang P33/kg, at gawin itong accessible sa mga consumer sa halagang P35/kg, at tulungan na ihanda ang mga NFA warehouse para sa napipintong palay procurement mula sa mga lokal na magsasaka.
Idagdag pa rito, sinabi ni de Mesa na ang National Price Coordinating Council (NPCC) ay gumawa ng resolusyon kung saan kinokonsidera ang saklaw ng “extraordinary” price hikes ng bigas sa kabila ng bumababang mga presyo ng bigas at ibinaba o 15% taripa sa imported rice.
“Nakita yun ng NPCC na beyond doon sa 4 percent na inflation sa rice, more than double digit at hindi ganun kabilis ang pagbaba. So that’s basically the reason why we are doing this,” aniya pa rin.
Tinukoy naman ni De Mesa ang pagsirit ng rice inflation na umabot ng 8% noong August 2023, 17% noong September 2023, at mas mahigit sa 20% level sa buong mga buwan ng 2024.
Sinasabing nitong December 2024 lamang nakinabang ang mga filipino mula sa 0.8% rice inflation, isang mahabuluhang pagbaba mula sa 5.1% na iniulat, isang buwan na mas maaga, batay sa data ng Philippine Statistics Authority (PSA).
Sa kasalukuyan, ang presyo ng imported regular-milled rice hanggang imported well-milled rice sa Metro Manila ay mula P38/kg hanggang P52/kg; habang ang local regular-milled hanggang local well-milled rice ay may presyong mula P37/kg hanggang P55/kg, ayon sa DA-Bantay Presyo.
Samantala, sinabi ni De Mesa na naturang deklarasyon ay “will be subject to periodical reviews” upang matiyak ang pangangailangan.
“So kapag nakita natin na we are already meeting the objectives, itong (this) declaration, the secretary may lift it already. So since this is an emergency, we want to resolve it as soon as possible,” ang sinabi ni De Mesa.
“Ito ay ire-review periodically. Every month, every two months, ang NPCC nag-commit i-review ito four months.” aniya pa rin. ( Daris Jose)
Pag-alis sa U- turn sa C5 ‘approved in principle’ -MMDA
“Approved in principle” ang pansamantalang pagtanggal sa U-turn slot sa kahabaan ng C5 Road sa Parañaque City.Bahagi ito ng pagsisikap na ayusin ang traffic situation sa Metro Manila.
Sa press briefing sa Malakanyang, sinabi ni Metropolitan Manila Development Authority (MMDA) Chairperson Romando Artes na ang pagtanggal sa U-turn slot sa kahabaan ng C5-Kalayaan Avenue Interchange ay isa sa mga pangunahing rekumendasyon na binanggit sa pulong kasama si Pangulong Ferdinand R. Marcos Jr. sa Palasyo ng Malakanyang, araw ng Martes.
Sinabi pa ni Artes na mayroon ding rekumendasyon na magkabit ng
stop light at magtayo ng underpass upang matiyak ang maayos na daloy ng trapiko sa nasabing lugar.
“In effect, [it’s] approved na po [already] in principle,” ang sinabi ni Artes, nang tanungin kung ang panukalang alisin ang U-turn slot sa kahabaan ng C5 Road ay aprubado na.
“Kailangan lamang po na aralin, unang-una, ‘yung traffic management plan doon sa area kasi po, lalagyan po iyan ng stop light in case. And then ‘yung budgeting po siguro nang paggawa ng underpass,” aniya pa rin.
Nakapulong ni Artes si Pangulong Marcos, araw ng Martes para magbigay ng update sa implementasyon ng five-year Comprehensive Traffic Management Plan (CTMP).
Aniya, halos kalahati ng 12 estratehiya sa ilalim ng CTMP ang naipatupad na.
“Iyan po ay sinisimulan na nating gawin. In fact, marami po sa rekomendasyon, almost half na yung na-implement po natin at patuloy na rin po nating ginagawa, kasama po diyan ‘yung pag-aayos ng mga intersection at iba pa pong mga gawain,” ang sinabi ni Artes.
Saklaw ng CTMP ang 12 traffic management strategies, kabilang na rito ang “urgent and continuous improvement of 209 identified traffic bottlenecks, especially the 42 major or priority intersections, 64 road segments and seven areas.”
Layon din nito na ayusin at i-upgrade ang traffic signal system; ayusin pa ang intersections at traffic corridors; palakasin at ayusin ang intelligent transportation system; palakasin ang traffic regulation at enforcement; pagpapatupad ng road safety; promosyon ng aktibong transportasyon; at development ng isang comprehensive traffic management database.
Layon din ng five-year action plan ang palakasin ang kapasidad ng MMDA pagdating sa traffic management; palakasin ang external coordination ng MMDAs kasama ang traffic management organizations; i-promote ang komprehensibong transportasyon o traffic management planning ng local government units; at palakasin ang transportation network.
Inilatag din ni Artes kay Pangulong Marcos ang benepisyo ng rekumendasyon na i-adjust ang working hours ng government workers mula alas- 7 ng umaga hanggang alas-4 ng hapon sa halip na alas-8 ng umaga hanggang alas-5 ng hapon.
Gayunman, inamin nito na ang masusing pag-aaral ng panukala at feedback mula sa iba’t ibang ahensiya ay kailangan.
Aniya, ang implementasyon ng panukala ay depende sa data.
“Na-experience po namin iyan dito sa MMDA noong nag-implement po kami ng 7 to 4. Mas gusto po ng aming mga empleyado dahil mas nakakauwi sila ng mas maaga dahil hindi po nila nasasapol ‘yung traffic lalung-lalo na sa hapon (We, at the MMDA, experienced that when we implemented the 7 a.m. to 4 p.m.. Our employees prefer it because they can go home earlier because they don’t have to deal with traffic, especially in the afternoon),”ang litaniya ni Artes.
“Hopefully within the year, if data will show na talagang may substantial improvement sa traffic, particularly sa major roads, iri-request po natin iyan sa Pangulo na ma-implement based on data,”aniya pa rin. ( Daris Jose)
Mahalaga para isulong ang open governance: DBM, sanib puwersa sa lahat ng sektor
BINIGYANG DIIN ni Budget Secretary Amenah Pangandaman ang kahalagahan ng partnership at pagtutulungan sa lahat ng sektor para isulong ang open government agenda.Ito’y matapos na makipagpulong si Pangandaman sa mga miyembro ng Makati Business Club (MBC) at Center for International Private Enterprise (CIPE), at maging sa iba pang lider ng business community sa sidelines ng Open Government Partnership (OGP) Asia and the Pacific Regional Meeting 2025.
“By fostering dialogue between the government and the private sector on budget transparency, open governance, and policy reforms, you not only support our cause: you are our partners in our Agenda for Prosperity,” ang sinabi ni Pangandaman, umaakto bilang chairman ng Philippine OGP.
“Now, more than ever, we understand that true leadership is not defined by the position you hold but by your ability to empower people toward a shared goal of collaboration and good governance,” aniya pa rin.
Inorganisa ng MBC at CIPE, tinalakay sa pagpupulong ang kahalagahan ng ‘budget process at priorities ng gobyerno, procurement reforms, at open government initiatives’ sa pribadong sektor at ang papel na kanilang gagampanan sa pagsusulong ng mga nasabing inisyatiba.
Ani Pangandaman, bukas ang pamahalaan na makipagtulungan sa civil society para tugunan ang anumang patlang o puwang sa pamamahala.
“Call us anytime, we can sit down. That’s really the main reason for Open Government Partnership. That’s why we’re here,” ang sinabi ng Kalihim.
Ang OGP Asia and the Pacific Regional Meeting 2025 ay tatakbo mula Miyerkules hanggang Biyernes sa Grand Hyatt Hotel sa Taguig City.
Mahigit sa 800 opisyal ng gobyerno, civil society leaders, at policymakers mula sa mahigit na 40 bansa ang inaasahan na magpapartisipa.
Ang OGP ay isang global, multi-stakeholder initiative kung saan kabilang ang 75 bansa at 150 local governments, na may layunin na gawing mas ‘transparent, accountable at responsive to citizens’ ang gobyerno.
Pino-promote nito ang pagtutulungan sa pagitan ng pamahalaan at civil society para mapahusay ang public service, paglaban sa korapsyon, bigyang kapangyarihan ang komunidad at lumikha ng tunay at pangmatagalang pagbabago.
Nakatuon naman ang APRM na isulong ang open government at tugunan ang regional challenges sa pamamagitan ng pagbahagi ng practices at innovative solutions na magpapalakas sa pamamahala sa Asia-Pacific. ( Daris Jose)
Pag – impeach kay VP Sara , inaasahan na – Panelo
GAYA ng inaasahan, kagyat na sinimulan ng anti-forces ang impeachment process laban kay Vice-President Sara Duterte.Inimpeach na ng Mababang Kapulungan ng Kongreso si VP Sara makaraang makalikom ng 215 na pirma ang ika-apat na impeachment complaint laban sa bise presidente.
“Having the numbers, railroading the process is a foregone conclusion,” ang sinabi ni dating Presidential spokesperson Salvador Panelo sa isang mensahe nito.
Gaya aniya ng paulit-ulit niyang sinasabi, ang dahilan ng hakbang na ito ay para sirain at dungisan ang reputasyon ni VP Sara at may ‘ultimate goal’ na idiskuwalipika si VP Sara mula sa 2028 presidential elections, sa pagiging nangungunang kalaban sa pagka-pangulo.
Malinaw aniya na hindi pinapansin ng mga mambabatas ang napakatinding boses ng mga tao na kontra sa impeachment ng bise-presidente, o hindi na ginalang o binastos na ang ‘wish’ ni Pangulong Ferdinand Marcos Jr., na kalimutan ang pagkakahati-hati at non-productive political endeavor na hindi mapakikinabangan ng isang Filipino.
“Their move will only galvanize the support of the Filipino people on VP Sara, and will fan the flames of disgust and rage against their willful and brazen violation of the guarantees enshrined in the Constitution,” ang sinabi pa rin ni Panelo.
Matapang na sinabi ni Panelo na “They have not learned the lessons of history. Indeed, “Whom the gods wish to destroy, they first make mad.” aniya pa rin.
Napaulat na dahil sa nakamit o lumagpas pa sa requirement na 1/3 votes ng mga miyembro ng Kamara, i-aakyat na ang impeachment sa Senado para sa trial o paglilitis.
Sa sesyon kahapon Miyerkules, tumayo si House Secretary General Reginald Velasco para ilahad ang ika-apat na impeachment complaint na mayroong 7 Articles of Impeachment, kabilang ang grounds na betrayal of public trust, culpable violation of the Constitution, graft and corruption, malversation of public funds, at committed high crimes.
Kabilang sa mga binanggit ay ang “kill plot” o naging banta ni VP Duterte laban kay Pres. Ferdinand Marcos Jr., Speaker Martin Romualdez at First Lady Liza Marcos; at ang maling paggamit ng confidential funds ng Office of the Vice Pres. at Department of Education na una nang siniyasat ng Kamara.
Tinukoy din ang bribery dahil sa pamamahagi ng mga sobreng may laman na pera sa Deped officials noon; at hindi maipaliwanag na yaman at bigong pagdedeklara ng mga ari-arian at interes sa SALN mula noong bise alkalde siya noong Davao City. ( Daris Jose)
Social Media Personalities na tumangging dumalo sa Kamara dahil sa pagkakalat ng fake news, tinuligsa
TINULIGSA ni Surigao del Norte Rep. Robert Ace Barbers ang ilang social media personalities sa pagtanggi ng mga ito na dumalo sa pagdinig ng Kamara ukol sa pagkalat ng pekeng balita at online disinformation, kasabay ng hamon na dahil ang kanilang mga pahayag at kritisismo sa kaukulang forum.“Wag po kayong magtago sa mga ganyan, ang tatapang ninyo … in the advent of social media, suddenly Filipinos become political analysts, they become journalists, they become experts. They believe their wisdom. Kayo ang galing ninyong magtuligsa eh. Dito ninyo dalhin,” ani Barbers.
Pahayag naman ni House Committee on Public Order and Safety chairman at Laguna Rep. Dan Fernandez na ang pagtanggi ng mga ito na dumalo sa pagdinig ay nagbibigay lamang ng pagdududa sa kanilang kredibilidad.
“Wag po kayong magtago sa mga ganyan, ang tatapang ninyo. Kayo ang galing ninyong magtuligsa eh. Dito ninyo dalhin, para ng sa ganun makagawa tayo ng isang polisiya, na hindi maabuso ito,” ani Fernandez.
Una nang nagpalabas ang House Tri Comm, binubuo ng House Committees on Public Order and Safety, on Information and Communications Technology and on Public Information, ng show cause orders laban kina dating Presidential Communications Operations Office (PCOO) chief Trixie Cruz-Angeles, at mga social media influencers na sina Elizabeth Joie Cruz (Joie De Vivre), Krizette Lauretta Chu, Mark Anthony Lopez, Jun Abines Jr., Dr. Richard Tesoro Mata, Aaron Peña, Suzanne Batalla (IamShanwein) at Ethel Pineda dahil sa pagtanggi ng mga ito na dumalo sa hearing.
Iginit naman ni Barbers na ang pagdinig ay hindi para labagin o tapakan ang ang karapatang magpahayag o free speech kundi para makapagbuo ng mga regulasyon upang makasiguro na mayroong accountability at ethical use ng social media.
“Eto pong hearing na ito ay hindi para kitilin o i-suppress yung freedom of speech nila. Wala ho kaming ganung layunin. Ang layunin po natin dito ay gawan ng polisiya ang paggamit ng social media platforms. Dapat po meron tayong disiplina, meron tayong code of conduct, meron tayong ethics sa paggamit nitong social media. Hindi yung pagbukas mo ng social media, magmumura ka,” anang mambabatas.
Kinuwestiyon din ng mga kongresista ang dahilan ng mga tumangging dumalo.
“Kaya kayo inimbita dito para makapagpahayag din kayo. Hindi po ba iyan ang tamang freedom of expression? Eh bakit kayo nagpapadala ng mga sulat na hindi kayo pupwede kasi hindi kayo naniniwala sa layunin ng pagdinig na ito?” pagtatanong nito.
Kinondena rin ni Barbers ang mga vloggers at influencers na ginagamit umano ang kanilang plataporma para manawagan ng kaguluhan at magpakalat ng pekeng balita o pahayag.
“Meron diyan nagso-social media, nagba-vlog, walang ginawa araw-araw kundi manawagan ng kaguluhan sa ating bansa. Nananawagan ng people power, nananawagan ng kudeta, yun ba ay tama, Mr. Chair?” dagdag nito.
(Vina de Guzman)
Tax Evaders na patuloy na iiwasan ang tax system, pananagutin ng gobyerno- PBBM
PANANAGUTIN ng gobyerno ang mga tax evaders na patuloy na iniiwasan ang tax system sa bansa.Sa naging talumpati ni Pangulong Ferdinand Marcos Jr. sa isinagawang 2025 Bureau of Internal Revenue (BIR) National Tax Campaign Kickoff sa Philippine International Convention Center, araw ng Martes, binalaan ng Chief Executive ang mga tax evaders na pananagutin ang mga ito kapag patuloy na binabalewala ang tax system.
Tiniyak ng Pangulo sa publiko na maingat na sinusubaybayan ng gobyerno ang mga paggasta para protektahan ang public funds.
“I have said this before: We will hold those who continue to circumvent our system accountable,” ang sinabi pa rin ng Punong Ehekutibo.
Ang seremonya ay bilang pagdiriwang sa National Tax Awareness Month.
“And I say this with hope and with sternness—hope that we all see the value in contributing to our country and that the law will deal sternly against those who exploit the system unfairly,” aniya pa rin.
Sa kabilang dako, binigyang diin naman ng Pangulo na ang tapat na tax contributions ang magpapaningas sa isang bagay na mas malaki kaysa sa interest ng isang indibiduwal.
Aniya pa, ang bawat piso na nakolekta ay wastong inilalaan sa mga programa na mapakikinabangan ng mga tao.
“Makakaasa po kayo na mahigpit nating babantayan ang paggugol sa pondo ng bayan. Sisiguruhin natin na ang ating pondo ay magbubunga ng mga proyektong ikakabuti ng ating bansa at ikauunlad ng bawat isang Pilipino,” ayon sa Pangulo.
Samantala, binigyang diin naman ni Pangulong Marcos na nagpapatuloy ang pagsisikap ng pamahalaan para gawing mahusay ang tax collection.
Aniya, maliban sa pagpapatupad, yinakap ng BIR ang ‘transformation to streamline compliance, reduce corruption risks, at enhance taxpayer services’ ng gobyerno.
Inilarawan ng Pangulo ang Online Registration and Update System (ORUS) ng BIR bilang isang game-changer, pinapayagan ang mga taxpayer na magrehistro ng libro, at rekord ng mga empleyado ng BIR at iproseso ang mga “transfers at document releases.”
“Implementing the Digital TIN IDs has enhanced security and convenience for taxpayers while the Electronic One-Time Transaction (eONETT) System has simplified the processing and issuance of Electronic Certificate Authorizing Registration (eCARs),” ang sinabi ni Pangulong Marcos.