INIHAYAG ng dalawang mambabatas na maaari pa ring dinggin kahit sa susunod na kongreso (20^th congress) ang impeachment complaint laban kay Vice President Sara Duterte,

“Opo, kaya nga po ito po’y tinapos namin at filed na, dahil, eto po ang bola po ay nasa Senate na at ‘yung Senate po pupuwede na po nilang i-hear ito base po dun sa Articles of Impeachment na aming na-filed,” ayon kay Manila Rep. Joel Chua, miyembro ng House prosecution team.

Sinabi ni Chua, chairman ng House Committee on Good Government and Public Accountability, na maihahambing ito sa U.S., impeachment cases na tinalakay kahit sa sumunod na kongreso.

“Alam ninyo sa Amerika nangyayari ‘yan, nakaka-apat na rin yata kung saan sa ibang Congress na-file ‘yung impeachment, sa next Congress doon na-try ‘yung impeachment. So ito po’y hindi naman bago, nangyari na rin po ito sa Amerika,” pahayag ni Chua.

Inihalimbawa naman nin Tingog Party-list Rep. Jude Acidre ang kaso ni dating U.S. President Bill Clinton na na-impeach noong 105th Congress. Ang trial nito ay nangyari ng 106th Congress, Senado ng 106th Congress.

Ang rules on impeachment sa Pilipinas ay ginaya sa U.S. impeachment system, na may ilang pagkakaiba. (Vina de Guzman)

MAY kabuuan na 180 na puganteng dayuhan ang naaresto ng mga operatiba ng Bureau of Immigration (BI)  dahil sa iba’t-ibang krimen sa kanilang bansa.

Sa ulat kay Immigration Commissioner Joel Viado,  sinabi ng  BI fugitive search unit (FSU) na ang mga puganteng dayuhan ay inaresto ng mga operaatiba sa iba’t-ibang lugar na kanilang pinagtataguan.

“Nearly all of them were already deported to their countries of origin where they are currently serving time in prison after being convicted for crimes they committed,” ayon kay BI-FSU acting chief Rendel Ryan Sy.

Sinabi ni Viado na wala siyang lulubayan sa kanyang kampanya laban sa mga dayuhang kriminal na ginagawang taguan ang Pilipinas.

“As we have repeatedly declared, the Philippines is off limits to all foreign fugitives. This country is not a sanctuary for alien criminals,” ayon sa BI Chief.   “The order of the President is clear–protect our nation from external threats,” dagdag pa nito.

Nanguna sa listahan ang  74 Korean nationals ,  sumunod ang  Chinese na 62 habang  12 ang Taiwanese, 11 ang  Japanese, at 7 Americans, 2   Italians at 2 din ang  Australians.

Kasama rin sa listahan ang  Briton,  Canadian,  German,  Indian,  Indonesian,  Jordanian,  Kyrgystani,  Liberian,  Nigerian, at  Serbian.

Kabilang sa mga krimen na ginawa ng mga dayuhan ay economic crimes, investment scams, illegal gambling, money laundering, telecommunications fraud, robbery, at narcotics trading.

Kabilang din sa mga notableng inaresto ang ang anim na Japanese na miyembro ng  “Luffy” gang – Takayuki Kagashima, Sawada Masaya, Ueda Koji, Sjuzuki Seiji, Kiyohara Jun, Nagaura Hiroki –  na wanted sa pagkakasangkot sa scams, extortion at fraud activities.

Sa mga high profile ay ang pagkakaaresto sa isang  Australian na si  Gregor Johann Haas at Serbian Predrag Mirkovic, na wanted sa  illegal drugs gayundn ang

Indian-Nepalese Joginder Geong na inaresto daahil sa kasong murder, extortion at  robbery. (Gene Adsuara)

INIHAYAG ni AGRI Party-list Rep. Manoy Wilbert Lee ngayong Lunes ang pag-atras niya sa pagtakbo bilang senador ngayong 2025 National at Local Elections.

Sinabi ni Lee na ang kakulangan sa makinarya para sa isang matagumpay na kampanya ang dahilan kung bakit hindi na niya itutuloy ang pagkatakbo.

Sa halip, aniya ay pagtutuunan na lamang niya ng pansin ang pagtulong sa AGRI Party-list sa pamamagitan ng kanyang reelection upang maipagpatuloy ang kanyang mga adbokasiya.

“Sa pag-iikot ko po sa ating bansa, napagtanto ko na hindi sapat ang makinarya na mayroon po tayo ngayon para maabot ang lahat ng ating mga kababayan upang mapakilala at maipaalam ang aking mga ipinaglalabang adbokasiya. Naging malinaw sa akin na kailangan pa ng mas mahabang panahon para mapatibay ang pakikipag-ugnayan sa mga kapwa natin Pilipino at maging sapat ang kahandaan at makinarya para sa matagumpay na kampanya,” ani Lee.

Gayunman, itutuloy nito ang pagtakbo bilang kinatawan ng AGRI Party-list.

(Vina de Guzman)

NAMAHAGI ng tulong pinansyal ang  National Housing Authority (NHA) sa ilalim ng Emergency Housing Assistance Program (EHAP) sa 1,076 pamilyang naapektuhan ng sunog.

Noong Pebrero 8, 2025, tumanggap ng ₱10,000 na ayuda ang 549 na pamilyang biktima ng sunog mula sa Muntinlupa at Parañaque City sa ilalim ng EHAP. Bilang kinatawan ni NHA General Manager Joeben Tai, pinangunahan ni NCR South Sector Manager Cromwell C. Teves ang pamamahagi ng ayuda sa Muntinlupa kasama ang iba pang lokal na opisyal.

Samantala, noong Pebrero 5 at 7, 2025, nakatanggap din ng tulong pinansyal mula sa programa ang 527 pamilya mula sa San Andres at Tondo, Maynila.

Sa ilalim ng EHAP, nagbibigay ang NHA ng tulong pinansyal sa mga pamilyang naapektuhan ng mga sakuna tulad ng bagyo, sunog, lindol, at pagbaha upang matulungan silang makapagsimulang muli at muling maitayo ang kanilang mga tahanan.

Noong 2024, nakapag-pamahagi ang NHA ng kabuuang ₱361 milyon na tulong pinansyal sa ilalim ng EHAP. Ang inisyatibang ito ay alinsunod sa pangako ni Pangulong Ferdinand Marcos Jr. na suportahan ang pabahay at pangangailangan ng mga pamilyang Pilipino sa pamamagitan ng iba’t ibang programa at serbisyo ng gobyerno. (PAUL JOHN REYES)

IPINAGDIWANG ng Lungsod ng Navotas ang pag-ibig at pangako ngayong Araw ng mga Puso sa Kasalang Bayan 2025, kung saan opisyal na nagpalitan ng panata ang 70 mag-asawa sa isang mass wedding ceremony.

Kabilang sa mga mag-asawa sina Augusto Samson Jr., 60 taong gulang, at Nelma Lanza, 50, na 20 taon nang magkasama.

Binati ni Mayor John Rey Tiangco ang mga mag-asawa at binigyang-diin ang kahalagahan ng kasal sa pagbuo ng isang matatag na pamilya at komunidad.

“Marriage is the foundation of a strong family and a thriving community. We join you in prayer that you fulfill your vow of ‘till death do us part’, not only for yourselves but more importantly, for your children,” pahayag niya.

Hinikayat din niya ang mga mag-asawa na magkaroon ng mga foster home na puno ng pagmamahalan at mabuting pagpapahalaga, na binibigyang-diin na ang pagpapalaki ng mga responsableng anak ay nagsisiguro ng magandang kinabukasan para sa Navotas.

Bilang tanda ng suporta, niregaluhan ng pamahalaang lungsod ang bawat mag-asawa ng P5,000 para tulungan silang simulan ang kanilang bagong paglalakbay bilang mag-asawa.

Ang Kasalang Bayan ay sumasalamin sa pangako ng lungsod sa pagpapalakas ng mga pamilya at pagtataguyod ng kapakanan ng mga residente nito, na nagbibigay sa mga mag-asawa ng pagkakataong idaos ang kanilang pagsasama sa isang makabuluhan at di malilimutang seremonya. (Richard Mesa)

NAIS ni Navotas Representative Toby Tiangco na palawakin pa ang mga programang pang-agrikultura na pinamumunuan ng pamahalaan upang mapalakas ang produktibidad at kita ng mga magsasaka.

“Embracing technology-driven farming methods is key to strengthening our agriculture sector,” ani Tiangco.

“The government must prioritize equipping farmers with the necessary technology and knowledge to maximize productivity and income potential,” dagdag niya.

Binanggit niya ang tagumpay ng maliliit na water impounding system, fertigation techniques, at drip irrigation sa Hermosa at Dinalupihan Bataan, na nagpabago sa produksyon ng pananim.

“According to the agriculture department, these technologies can cut fertilizer use by up to 70 percent and reduce water consumption by 30 percent,” aniya.

“We need to replicate these programs nationwide. Expanding their reach will help farmers optimize resources and lower production costs,” sabi niya.

Aniya, dapat ding tuklasin ng Department of Agriculture (DA) ang higit pang pakikipagtulungan sa pribadong sektor upang mapabuti ang kapakanan ng mga magsasaka.

Binigyang-diin niya ang Digital Farmers Program (DFP) ng DA-Agricultural Training Institute, na nagbibigay sa mga magsasaka ng mga digital na tool, kabilang ang mga smartphone, tablet, at internet access, upang mapahusay ang produktibidad ng agrikultura.

“The lack of access to smartphones and internet is a major barrier to technology adoption among rice farmers,” pahayag ng mambabatas.

The government must invest in programs that give farmers access to digital tools. Bringing public agricultural services online will provide them with valuable data and easier access to government assistance,” dagdag  niya. (Richard Mesa)

SHOOT sa selda ang 42-anyos na tambay matapos umanong magsiga-sigaan sa kanilang lugar habang armado ng baril Sabado ng hapon sa Caloocan City.

Ayon kay Caloocan police chief P/Col. Edcille Canals, nakatanggap sila ng impormasyon hinggil sa isang lalaki na gumagawa ng kanyang sariling eksena ng panggugulo sa Robes 1, Brgy. 175.

Agad initasan ni Col. Canals ang Police Sub-Station 11 na puntahan ang nasabing lugar at pagdating ng mga pulis sa lugar ay nakita nila ang suspekn na matapang na nanggugulo dahil sa bitbit niyang baril.

Hindi naman pumalag ang suspek na si alyas ‘Berto’, nang dambahin siya ng mga tauhan ng SS11 at kinumpiska sa kanya ang hawak na isang hindi lisensiyadong kalibre .38 “Smith & Wesson” revolver na kargado ng tatlong bala sa chamber.

Ayon kay Col. Canals, mahaharap sa mga kasong paglabag sa Republic Act 10591 (Comprehensive Firearms and Ammunition Regulation Act) na may kaugnayan sa Batas Pambansa 881 (Omnibus Election Code of the Philippines) at alarm and scandal ang suspek sa Caloocan City Prosecutor’s Office. (Richard Mesa)