2025 February Archive - People's Balita

Archive for February, 2025

WATCH THE NEW BIG GAME SPOT FOR “MISSION: IMPOSSIBLE – THE FINAL RECKONING”!

Posted on: February 12th, 2025 by Peoples Balita No Comments

Everything you were, everything you’ve done, has come to this. Mission: Impossible – The Final Reckoning opens only in cinemas May 21, 2025.

Watch the Big Game Spot: https://youtu.be/_mKdS5QYUMg

Paramount Pictures and Skydance Present

A Tom Cruise Production

Tom Cruise

“MISSION: IMPOSSIBLE – THE FINAL RECKONING”

Synopsis: Our lives are the sum of our choices. Tom Cruise is Ethan Hunt in Mission: Impossible – The Final Reckoning.

Executive produced by: David Ellison, Dana Goldberg, Don Granger, Chris Brock

Produced by: Tom Cruise, Christopher McQuarrie

Based on the television series created by: Bruce Geller

Directed by: Christopher McQuarrie

Starring: Tom Cruise, Hayley Atwell, Ving Rhames, Simon Pegg, Vanessa Kirby, Esai Morales, Pom Klementieff, Mariela Garriga, Henry Czerny, Holt McCallany, Janet McTeer, Nick Offerman, Hannah Waddingham, Angela Bassett, Shea Whigham, Greg Tarzan Davis, Charles Parnell, Frederick Schmidt.

Mission: Impossible – The Final Reckoning opens only in cinemas May 21, 2025. Join the conversation with the hashtag #MissionImpossible and tag @paramountpicsph

Photo and Video Credit: “Paramount Pictures International”

(ROHN ROMULO)

‘Para Kay B’ ni Ricky Lee, isa nang stage play: LIZA, excited sa pagbabalik-teatro bukod sa pagiging producer

Posted on: February 12th, 2025 by Peoples Balita No Comments

PARA sa mga tagahanga ng panitikang Pilipino at sa mahilig sa teatro, maghanda na sa kapana-panabik na theatrical adaptation ng pinakamamahal na pinakamabentang nobelang ‘Para Kay B’ ni Ricky Lee.

Handog ito ng LA Production House at Fire & Ice Live, ang inaabangang produksyon na ito ay magsisimula sa Marso 14 hanggang 30, 2025, sa Doreen Black Box Theater, Ateneo de Manila University.

“Fire & Ice Live is about creating experiences and amplifying stories of the unseen, and Para Kay B embodies that it’s a raw, witty, and unfiltered exploration of love’s unpredictability, the heartbreaks we endure, and the rare but magical exceptions to the rule.

“Being part of this production, both as an actress and as a producer, feels like coming home to a story that has touched so many hearts. Playing Ester is deeply personal, as it mirrors my own journey of discovering love beyond expectations,” pahayag ni Liza Diño, CEO ng Fire & Ice Live.

Isang nga itong iconic na kuwento ang dadalhin sa entablado. Isasalin ang ‘Para Kay B’ na angkop para sa teatro ni Eljay Castro Deldoc, na three-time first prize winner ng ng Carlos Palanca Memorial Awards.

Ito rin ang magsisilbing pagbabalik sa pagdidirek ni Yong Tapang, Jr. na huling nagdirek sa pelikulang “Doon Sa Isang Sulok” noong 2019.

Tutuklasin sa ‘Para Kay B’ ang mga kumplikado ng pag-ibig sa magkakaugnay na buhay nina Lucas, Bessie, Ester, Sandra, Irene at Erica.

Pahayag pa ng direktor, “People need to see ‘Para Kay B’ because it speaks to a lot of generations. It is a literary masterpiece that served as a roadmap to a generation looking for love, loss, moral, and social issues.

“Love letter din namin ito sa mga manunulat at sa artists na patuloy naghahanap ng mga kwento.”

Ang adaptation na ito ay nakatakdang maghatid ng emosyonal at nakakahimok na karanasan na nananatiling tapat sa diwa ng nobela habang nagdaragdag ng bagong pananaw sa teatro.

At base sa pinasilip bilang kaganapan sa stage play, nakakaengganyo itong panoorin at kaabang-abang ang powerful cast na pawang mahuhusay sa pag-arte.

Ang produksyon na ito ay co-produced ng Fire & Ice Live, isang kumpanyang nakatuon sa paglikha ng mga nakakahimok na live na karanasan, at katuwang ang Tungo sa Liwanag sa Teatro Inc.

Sa isang powerful na salaysay, isang stellar creative team, at isang mahuhusay na ensemble cast, ang ‘Para Kay B’ ay nangangako na isang hindi malilimutang karanasan sa teatro. Huwag palampasin ang pagkakataong masaksihan ang pinakamamahal na kwentong ito sa gitna ng entablado.

Matutunghayan ang kanilang pagtatanghal sa mga sumusunod na petsa at oras:

Marso 14 -7:00 PM, Marso 15 at 16 -2:30 PM/7:00 PM, Marso 21-7:00 PM, Marso 22 at 23 -2:30 PM/7:00 PM, Marso 28 -7:00 PM at Marso 29 at 30 – 2:30 PM/7:00 PM.

Available ang mga tiket sa pamamagitan ng Ticket2Me sa www.ticket2me.net.

(ROHN ROMULO)

WATCH THE NEW EXCLUSIVE BIG GAME SPOT FOR “NOVOCAINE” NOW!

Posted on: February 12th, 2025 by Peoples Balita No Comments

Nathan Caine can’t afford to fumble this. Jack Quaid (The Boys) is Nathan Caine in Novocaine, opening in cinemas March 12, 2025.

Watch the Big Game Spot: https://youtu.be/D-s-FG8yFeU

Novocaine is an upcoming American action thriller film directed by Dan Berk and Robert Olsen.

It stars Jack Quaid as Nathan Caine, a bank executive with the inability to feel pain who goes out to rescue his girlfriend/coworker (Amber Midthunder) after she is taken hostage by a group of bank robbers.

In October 2023, it was announced that Jack Quaid would star in the action thriller film Novocaine, directed by Dan Berk and Robert Olsen and written by Lars Jacobson.

It is the first film from FilmNation Entertainment‘s production label Infrared Pictures. In February 2024, Paramount Pictures acquired the film, with Amber Midthunder also announced as part of the cast. In March, Ray Nicholson, Jacob Batalon, Betty Gabriel, and Matt Walsh joined the cast of the film. Lou Beatty Jr., Van Hengst, Conrad Kemp and Jacob Batalon are also in the movie

Principal photography began on April 8, 2024, in Cape Town, South Africa.

Novocaine opens in Philippine cinemas March 12, 2025. Join the conversation with the hashtag #Novocaine and tag @paramountpicsph

(Photo and Video Credit: “Paramount Pictures International”)

(ROHN ROMULO)

Nag-react si Ogie at humihingi ng paliwanag: ALFRED, binabatikos dahil sa klase ng pamumulitika

Posted on: February 12th, 2025 by Peoples Balita No Comments

MARAMI ang nag-react at kung anu-anong negatibong komento mula sa netizens sa aktor at Q.C. District V Councilor na si Alfred Vargas.

Ito ay kaugnay sa pahayag ng mambabatas tungkol sa istilo ng mga kalaban niya sa pangangampanya.

Maski ang kilalang showbiz insider na si Ogie Diaz ay napareak sa kumakalat na video ng konsehal.

Gustong niyang linawin ito kay Coun. Vargas sa isyu ng klase ng pamumulitika nila. Nalulungkot daw siya sa mga nababasang negative comments.

Sa Facebook post ni Ogie at sa naturang video na ibinahagi naman ng “Kilusan Kontra Korapsiyon” ay pinuna ng mga ito ang klase ng sinasabing pangangampanya umano ni Alfred.

Sa Caption pa lang ng naturang video ay nakasulat na;

“GANITO ANG MAGKAPATID NA VARGAS

KUNG PAANO MANG ALIPUSTA NG TAO

KUNG KAYA NILA GAWIN SA IBA KAYA DIN NILA GAWIN SA INYO,”

Sa isang pagtitipon kasi ay binanggit ni Alfred ang ganito na parinig sa kalaban nila ng kapatid niyang tumatakbong congressman.

“Matikas ‘di ba? Iyan ang gusto natin. Kasi kami, halimbawa, kami ni Cong. PM, ‘pag namimili kami ng amin, pinipili namin ‘yong magaganda at guwapo. Tapos kung titingnan ninyo, ‘yong mga nakukuhang leaders ng mga kalaban namin, mukhang adik.”

“Hindi, totoo ‘di ba? Saka puro may mga utang, mga nag-uuutang tapos hindi nagbabayad!”

Sabi pa niya sa isang kausap na “colonel” ay tila marami daw silang ikukulong na “adik” sa kabila.

Puro negatibo ang mga comment kay Alfred. Tanong pa ng netizens kung bakit daw dumating na raw ang aktor/pulitiko sa ganitong point ng pamumulitika?

Kumbaga hindi raw naman ganito si Alfred.

For sure may reaksiyon ng konsehal hinggil dito dahil sa mga kagaya naming kilalang-kilala ang isang Alfred Vargas ay hindi niya istilo ito.

Kaya bukas ang pahinang ito para sa kanyang magiging pahayag.

***

WALANG naging isyu sa MTRCB ang nagawang pagmumura bigla ng aktor na si John Arcilla sa guesting nito sa ‘Fast Talk With Boy Abunda’.

May pinagawang eksena kasi si Kuya Boy kay John at pina-arte siya gamit ang iba’t-ibang emosyon.

Nang kunwari galit na galit, hindi napigilan ni John na makapagsalita ng “punyeta!”

Siyempre sa kabiglaan din agad namang nag-sorry si Kuya Boy at nakalimutan yata ni John live pala ‘yun.

Pinalagpas na raw ‘yun ng MTRCB Chairperson Lala Sotto-Antonio.

Kumbaga, naunawaan daw ng ahensiya ang pagkakataon na yun.

Pero sa totoo lang may ilang shows na rin naman na ipinatawag ng MTRCB dahil sa paglabag sa ilang mga maseselang eksena.

(JIMI C. ESCALA)

Naghahanda na sa filmfest entry ng Nathan Studios: SYLVIA, happy sa naging reaksyon sa ‘Buffalo Kids’ dahil tagos sa puso ng nakapanood

Posted on: February 12th, 2025 by Peoples Balita No Comments

MULI na namang gumawa ng kasaysayan ang Nathan Studios bilang first Filipino family-owned production company na nagdala ng isang animated feature sa mga sinehan ng Pilipinas.

Kilala ang Nathan Studios sa pagsuporta sa mga top-tier films mula sa iba’t-ibang genres — mapa-aksyon, comedy, drama, at marami pang iba at ngayon ay sasabak naman ang studio sa mundo ng animasyon sa ‘Buffalo Kids’.

Aligned ito sa mission ng studio sa pagawa ng creative risks at sa pag-explore ng mga bagong posibilidad sa cinema, lalo na ngayon at layunin nito sa pagpapalabas ng mga high-quality, family-friendly films. Sa direksyon ni Gabo Galdochi at sa ilalim ng produksyon ni Pedro Solis, ang ‘Buffalo Kids’ ay isang heartwarming journey of friendship and family at pinukaw nito ang mga puso ng mga manonood sa buong mundo. Tampok sa ‘Buffalo Kids’ sina Alisha Weir, Conor MacNeill, Gemma Arterton, Sean Bean, at Stephen Graham. Sumikat ito matapos itong ipalabas sa Annecy International Animation Film Festival nuong June 2024 at mabilis itong naging paborito sa Europe at Asia. Ngayon mapapanood na ng pamilyang Pilipino ang adventurous at heartwarming na istoryang ito sa pagdala ng Nathan Studios sa ‘Buffalo Kids’ sa mga lokal na sinehan simula bukas, Pebrero 12.

At gaya ng sabi nila sa socmed kamakailan, “We’re going on a wild adventure! Heroes and villains! Buffalos in the middle of nowhere! And special friends along the way.”

Kaya naman tara sa nakakaaliw na mundo ng ‘Buffalo Kids’, na napanood na namin sa advance screening ang pelikula na ginanap sa Gateway Cinema 12 last Sunday, Feb. 9.

Happy naman ang Nathan Studios producer at aktres na si Sylvia Sanchez kasama ang kanyang pamilya, na nagustuhan ng mga nanood ang naturang animated film.

Nag-imbita rin siya ng Star Magic Kids na nag-enjoy talaga at bongga ang kanilang kuwentuhan pagkatapos ng movie, at excited din magbigay ng kanilang reaction.

Say naman ni Ibyang, “gusto namin na Nathan Studios, iba’t-ibang genre, hindi puro action or drama lang.

“Gusto namin pag pinalabas, meron talagang tagos sa puso, doon nila maalala ang Nathan sa ganung klaseng pelikulang tulad nitong ‘Buffalo Kids’.

“Makaka-relate ang lahat tungkol sa pagtulong at hindi panglpalait at pagbibigay ng chance sa lahat. Nasa wheel chair man o wala, special or normal, kailangang bigyan ng chance lahat.”

Kuwento pa niya sa proseso ng pagbili ng pelikulang hindi lang pambata dahil magugustuhan din ng mga adults, “pumunta lang kami sa booth, parang maganda ito. Pinapanood lang sa amin ang trailer. Pero dapat may instinct ka sa bibilhin mo, kasi kahit maganda ang trailer, baka hindi maganda ang buong pelikula.

“Pero lahat naman ng napipili namin, okey naman. Like itong ‘Buffalo Kids’ careful ako, kasi ito ang first distribution na talagang solo ng Nathan.

“Ang next movie namin na ire-release ay tungkol sa magulang, ito ‘yun ‘Picnic’ ng South Korea na kuwento ng mga seniors, lola’t-lolo. Ita-Tagalized namin yun movie, ang magda-dub ay sina Ate Ces Quesada, Tita Nova Villa, Kuya Bodgie Pascua, Freddie Webb at iba pa.

“Meron din kaming nakuha isa pang South Korean movie na about naman monk na ‘About Family’ na bida si Lee Seung-gi, comedy siya, pero may tagos din sa puso.”

Binalita rin niya na magta-try uli silang magpasok ng entry sa 2025 MMFF, after ng ’Topakk’ na nakakuha ng tatlong tropeo.

Kaya tuloy-tuloy ang pagpo-produce nila ng local films, bukod sa pagbili ng gawa na mula sa ibang bansa.

“Sa ngayon, magro-roll kami ngayong May or June, pang-filmfest ‘yun movie at sana mapili at makasama.”

Bongga ang casting ng movie na tungkol sa ‘special’ love story, na balitang pumayag ang aktor/pulitiko kaya muli silang magkakasama ng premyadong aktres.

Kaya excited na kami sa mga susunod na pasabog ng Nathan Studios Inc.

(ROHN ROMULO)

Nakikiusap na huwag agad siyang husgahan: PERNILLA, inulan ng pamba-bash matapos ma-link sa hiwalayang ANDI at PHILMAR

Posted on: February 12th, 2025 by Peoples Balita No Comments

USAP-USAPAN ngayon sa social media ang foreigner na si Pernilla Sjoö matapos siyang ma-link sa kilalang surfer na si Philmar Alipayo, fiancé ng dating aktres na si Andi Eigenmann.

Hinala ng netizens, si Pernilla ang pinatatamaan ni Andi sa kanyang Instagram Stories tungkol sa isang taong nagtraydor sa kanya. Kaugnay umano ito sa lumabas ang larawan ng Swedish national na si Pernilla at ng Pinoy surfer na may matching tattoo na “224” o nangangahulugang “today, tomorrow, forever.”

Inulan siya ng pamba-bash sa gitna ng umano’y hiwalayan nina Andi at Philmar kaya hindi niya napigilang masaktan dahil sa mga kritisismong kanyang natatangggap online.

Pakiusap ni Pernilla, huwag agad manghusga hangga’t hindi alam ang buong pangyayari.

“If you will be kind to me, and I assure you that I’ll be kinder to you. Never judge someone without knowing the whole story. You may think you understand, but you don’t,” pahayag niya.

Marami ang na-curious kay Pernilla dahil sa isyu. Base sa mga impormasyon sa internet, isa siyang underwater photographer na na-in love sa Pilipinas kaya pinili niyang manirahan sa bansa mula pa noong 2013.

Bukod kina Andi at Philmar, malapit din siya sa iba pang Pinoy celebrities gaya ng mag-asawangsina Ellen Adarna at Derek Ramsay. Naging kliyente rin niya ang Kapuso couple na sina Jennylyn Mercado at Dennis Trillo.

May background din siya sa pagma-manage ng hotels at kilala rin bilang mental health and wellness coach.

(RUEL J. MENDOZA)

Stephen Curry, muling gumawa ng record sa panalo ng GS kontra Bucks

Posted on: February 12th, 2025 by Peoples Balita No Comments

MULING gumawa ng kasaysayan si NBA superstar Stephen Curry sa panalo ng Golden State Warriors kontra Milwaukee Bucks, 125 – 111.

Sa naturang laban ay kumamada si Curry ng 38 big points at anim na rebounds. Ito ang ika-apat na magkakasunod na 30-point game ni Steph.

Dahil dito, sasamahan ni Curry sina LeBron James, Michael Jordan, at Karl Malone bilang mga tanging player sa NBA na may edad 36 pataas na gumawa ng apat na magkakasunod na 30-point game.

Nakapagpasok si Curry ng 12 shots mula sa 24 shots na pinakawalan. Anim dito ay pawang mga 3-pointers. Ginawaran si Curry ng siyam na free throw sa kabuuan ng laban at walo ang nagawa niyang ipasok.

Samantala, sa ikalawang laro ni Jimmy Butler sa GS, nagawa niyang kumamada ng 20 points at siyam na rebounds. 16 points naman ang ipinasok ng shooter na si Buddy Hield.

Nasayang naman ang 38 points ni Bucks guard Damian Lillard, kasama ang 21 points ng bagong Bucks forward na si Kyle Kuzma.

Labis na pinahirapan ng GS ang Bucks matapos itong kumamada ng 16 steals sa kabuuan ng laro. Dahil sa magkakasunod na steal, umabot sa 20 ang turnover na nagawa ng Bucks, bagay na sinamantala ng 2022 NBA champion.

Dahil sa panalo ng GS, umangat muli ito sa above .500, hawak ang kartadang 27 – 26.

Nagawa naman ng Bucks na kumamada ng 28 na panalo habang umabot na sa 24 ang nalasap na pagkatalo.

Gilas Pilipinas nagdagdag ng mga manlalaro para ensayo nila

Posted on: February 12th, 2025 by Peoples Balita No Comments

NAGDAGDAG ng dalawang manlalaro ang Gilas Pilipinas para sa kanilang paghahanda sa ilang mga laro nila sa mga susunod na araw.

Ayon kay Gilas program director and team manager Alfrancis Chua, na idinagdag nila sina RJ Abarrientos at Ralph Cu sa training camp sa Inspire Sports Academy sa Calamba, Laguna.

Magsisimula ang training camp ngayong Martes at sila magtutungo ang Gilas sa Qatar sa Pebrero 13 para sa 2nd Doha International cup na isang friendly games.

Dagdag pa ni Chua na ang dalawa ay hahalili sa ilang manlalaro na nagpapahinga matapos na magtamo ng maliit na injury gaya nina Justin Brownlee at Troy Rosario.

Makakasama naman sa training camp sina AJ Edu, Kevin Quiambao at Dwight Ramos habang si Carl Tamayo ay didiretso na sa Doha.

Magugunitang pagkatapos ng friendly games sa Doha ay diretso na ang Gilas Pilipinas sa third window ng FIBA Asia Cup 2025 Qualifiers sa Taiwan at New Zealand.

Pinas, Cambodia tinintahan ang kasunduan na magpapahusay sa bilateral ties ng dalawang bansa

Posted on: February 12th, 2025 by Peoples Balita No Comments

NILAGDAAN ni Pangulong Ferdinand Marcos Jr. at Cambodian Prime Minister Hun Manet ang ilang kasunduan na naglalayong ayusin at paghusayin ang bilateral ties ng dalawang bansa.

Ang mga nilagdaang kasunduan ay ang:

-Kasunduan sa pagitan ng Republika ng Pilipinas at Gobyerno ng Kingdom of Cambodia para sa Elimination of Double Taxation with Respect to Taxes on Income and the Prevention of Tax Evasion and Avoidance

-Memorandum of Understanding hinggil sa Information and Communications Technology (ICT) and Government Digital Transformation sa pagitan ng Department of Information and Communications Technology ng Republic of the Philippines at Ministry of Post and Telecommunications ng Kingdom of Cambodia

-Memorandum of Understanding ukol sa Agricultural and Agribusiness Cooperation sa pagitan ng Government of the Republic of the Philippines at Government of the Kingdom of Cambodia

-Memorandum of Understanding hinggil sa Implementation of Competition Law sa pagitan ng Philippine Competition Commission at Competition Commission ng Cambodia

-Memorandum of Understanding sa pagitan ng Technical Education and Skills Development Authority ng Republic of the Philippines at Ministry of Labour and Vocational Training of the Kingdom of Cambodia on the Cooperation sa larangan ng Technical Vocational Education and Training

-Implementation Program ng Memorandum of Understanding hinggil sa Tourism Cooperation sa pagitan ng Ministry of Tourism ng Kingdom of Cambodia at Department of Tourism ng Republic of the Philippines 2025-2028

-Memorandum of Agreement hinggil sa Prevention of Looting and Illicit Trafficking of Cultural Properties

-Memorandum of Intent sa pagitan ng Board of Investments at Council for the Development of Cambodia on Investment Promotions

“We are also pleased with the growing partnership between our militaries and uniformed services,” ang sinabi naman ni Pangulong Marcos sa kanyang naging talumpati.

“I anticipate the continued exchange of best practices and knowledge to support our mutual aspiration for regional peace and security and our collaborative efforts in enhancing our resiliency,” dagdag na wika ng Pangulo.

Sinabi pa ng Chief Executive na ang Pilipinas ay “open for business” at wine-welcome nito ang “opportunity to partner and achieve greater commercial successes” kasama ang Cambodia.

Samantala, sinabi naman ni Hun Manet na ang multilateral cooperation nito sa Philippines, Cambodia ay “underlies the importance of upholding Asian unity and centrality, especially at times of conflict and geopolitical dynamics.”

Kinilala rin nito ang kontribusyon ng 7,000 Filipino na kasalukuyang naninirahan at nagta-trabaho sa Cambodia.

“The Filipino community in Cambodia plays an important role in our socioeconomic development. We remain committed to ensuring a welcoming and supportive environment for our Pinoy friends,” ang sinabi naman ni Hun Manet sa kanyang naging talumpati.

Samantala, ipinahayag naman ng Cambodian PM ang kanyang suporta sa Pilipinas kung saan nakatakdang i-host ng bansa (Pilipinas) ang Association of Southeast Asian Nations (ASEAN) Summit meetings sa 2026.

Si Hun Manet ay nasa bansa mula Pebrero 10 hanggang 11 para sa kanyang official visit sa Pilipinas. (Daris Jose)

P12.3B COA-flagged DepEd funds; ipinasasama sa impeachment

Posted on: February 12th, 2025 by Peoples Balita No Comments

HINIKAYAT ni House Assistant Majority Leader at Zambales Rep. Jay Khonghun ang House Blue Ribbon Committee na iasama ang pinakahuling findings ng Commission on Audit (COA) na P12.3 billion na umano’y unsettled financial transactions sa Department of Education (DepEd) sa isinasagawang imbestigasyon sa paniniwalang mapapalakas nito ang impeachment case laban kay Vice President Sara Duterte.

Sa 2023 annual audit report ng COA, sinabi nito na nabigo umano ang DepEd na maayos ang maraming bilang ng notices of suspension, disallowance and charge, na umabot sa P12.3 billion pagkatapos ng termino ni Duterte bilang education secretary. Tumaas ang halaga mula P11.4 billion noong 2022.

“The red flags keep piling up. First, it was P125 million in confidential funds spent in just 11 days at the Office of the Vice President (OVP). Now, COA has flagged over P12 billion in unresolved transactions at DepEd under Duterte’s leadership. This isn’t just an oversight—it’s a pattern of seemingly financial mismanagement,” ani Khonghun.

Inimbestigahan ng Blue Ribbon panel, dating House Committee on Good Government and Public Accountability, ang expenditure ng OVP na P125 million na confidential funds na nagastos sa loob lamang ng nasa 11-araw noong December 2022.

Lumitaw pa na 1,322 sa1,992 listed recipients ng naturang pondo ay wala o kulang sa birth records, na naging sanhi upang paghinalaan ang posibleng pagkakaroon ng pamemeke sa acknowledgment receipts.

Binusisi rin ng komite ang oaggamit ng DepEd sa P112.5 milyong confidential funds. Nadiskubre ng Philippine Statistics Authority na 405 sa 677 listed recipients ay walang birth records.

Ang mga naturang imbestigasyon ang ilan sa dahilan sa paghahain ng multiple impeachment complaints laban kay Duterte. Nitong Pebrero 5, inimpeach ng Kamara si Duterte.

Ayon kay Khonghun, maaaring hilingin ng House prosecution panel sa Senate impeachment court na ipa-subpoena ang financial records ni Duterte upang madetermina kung tutugma sa kuwestiyonableng financial practices ng OVP at DepEd.

“The COA report is just the tip of the iceberg. We need to follow the money. If the Vice President has nothing to hide, she should have no problem opening her financial records for scrutiny,” ani Khonghun. (Vina de Guzman)