2025 February 26 Archive - People's Balita

Archive for February 26th, 2025

Pinas, nagdarasal para sa paggaling ni Pope Francis- PBBM

Posted on: February 26th, 2025 by Peoples Balita No Comments

NAKIISA ang Pilipinas at si Pangulong Ferdinand Marcos Jr. sa natitirang bahagi ng mundo sa pagdarasal para sa paggaling at malakas na pangangatawan ni Pope Francis.

Nagpahayag ng kalungkutan si Pangulong Marcos sa kondisyon ni Pope Francis, na patuloy na nakikipaglaban sa pneumonia sa pareho nitong baga.

”Nakakalungkot na marinig ang malubhang karamdaman ni Pope Francis. Sa mga sandaling ito, kaisa tayo ng buong mundo sa panalangin para sa kanyang kalakasan at paggaling,” ang sinabi ni Pangulong Marcos.

”Nawa’y patuloy siyang patnubayan at palakasin ng Panginoon upang magpatuloy sa kanyang misyon ng pananampalataya at pagmamahal sa sangkatauhan,” dagdag na wika nito.

Sa ulat, patuloy na umaapela ng panalangin ang maimpluwensiyang Catholic Bishops’ Conference of the Philippines (CBCP) para kay Pope Francis matapos kumpirmahin ng Vatican na lumala ang kalagayan ng kalusugan nito, at ngayon ay nasa kritikal na kondisyon dahil sa sakit na pneumonia.

“Let us continue to pray for Pope Francis,” apela pa ng CBCP sa kanilang Facebook post.

Sa naturang paskil, ibinahagi rin naman ng CBCP ang pinakahuling update sa kalusugan ng Santo Papa, na inisyu ng Holy See Press Office dakong alas-7:07 ng gabi ng Sabado, Pebrero 22, oras sa Roma.

Ayon sa Vatican, patuloy na nasa kritikal na lagay ang Santo Papa at nakaranas pa ng asthma-like respiratory crisis na may prolonged intensity, at nangangailangan ng pagkakaloob ng high-flow ng oxygen.

Kinailangan din umanong isailalim siya sa blood transfusions matapos na makitaan sa kanyang blood tests ng thrombocytopenia, na dulot ng anemia.

Matatandaang Pebrero 14 nang i-confine sa Gemelli hospital sa Roma si Pope Francis dahil sa sakit na bronchitis ngunit malaunan ay nadiskubreng may pneumonia na ito sa magkabilang baga.

(Daris Jose)

Pagpapaliban ng halalan sa BARMM, mas maraming oras para tugunan ang Sulu exclusion concerns

Posted on: February 26th, 2025 by Peoples Balita No Comments

ISANG welcome development ang pagpapaliban sa unang parliamentary elections sa Bangsamoro Autonomous Region in Muslim Mindanao (BARMM) dahil mabibigyan ng sapat na oras ang gobyerno nito para tugunan ang itinuturing na ‘pressing legal concerns’ ukol sa hindi pagkakasama ng Sulu sa BARMM.

Nilagdaan ni Pangulong Ferdinand R. Marcos Jr. upang maging ganap na batas ang Republic Act 12123, na muling nagtatakda ng BARMM polls mula May 12 ay magiging Oct. 13 na ngayong taon.

“The passage of RA 12123 is a testament (to) the Marcos Jr. administration’s unwavering determination to fulfill the commitments made by the national government under all signed peace agreements, and bringing sustainable development and long-lasting peace to our Bangsamoro brothers and sisters,” ayon kay Office of the Presidential Adviser on Peace, Reconciliation, and Unity (OPAPRU) Secretary Carlito Galvez Jr.

Tinanggap naman ni Galvez ang probisyon ng batas na pinapayagan ang kasalukuyang BARMM government na ipagpatuloy “to disburse Sulu’s share of the region’s Block Grant earmarked for 2025.”

Dahil dito, mapahihintulutan ang lalawigan na magpatupad ng mga programa alinsunod sa rules and guidelines ng Department of Budget and Management (DBM).

Sa ulat, pinal na idineklara ng Korte Suprema na ang lalawigan ng Sulu ay hindi kasama sa BARMM.

Ito ay matapos tanggihan ng Korte Suprema ang mga motion for partial reconsideration na inihain ng BARMM government, Office of the Solicitor General, at iba pa.

Layong baligtarin ng mga motion ang Desisyon ng Korte noong Setyembre 9, 2024, na nagbukod sa Lalawigan ng Sulu sa BARMM.

Ayon sa korte, ang desisyon ay final and immediately executory at hindi na nito papansinin ang anumang ihahaing pleading.

“The OPAPRU, together with its peace partners, join the Bangsamoro people as we gear up for the upcoming BARMM parliamentary election, which is another major milestone in the Bangsamoro peace process,” ang sinabi ni Galvez.

“With the resetting of the BARMM elections, the national and Bangsamoro governments can now focus on the main task at hand, and that is, to ensure the peaceful, credible, and orderly conduct of this landmark political exercise for the Bangsamoro people,” aniya pa rin.

Una nang naghain ng mga mosyon ang Bangsamoro Government upang maibalik ang lalawigan ng Sulu sa sakop ng Bangsamoro region.

Isinumite sa SC ng Bangsamoro Attorney General’s Office (BAGO) ang motion for leave to intervene at admit attached motion for partial reconsideration.

Sa motion for leave to intervene, nais ng Bangsamoro Attorney General’s Office na lumahok sa kaso kahit hindi ito orihinal na bahagi ng pagdinig.

Sinabi ni BAGO Officer-in-Charge Atty. Mohammad Al-Amin Julkipli na sa buong panahon na itinagal ng kaso ay hindi naging partido ang Bangsamoro autonomous region. (Daris Jose)

Pinas, tinitingnan ang Alaska bilang potensiyal na liquefied natural gas source

Posted on: February 26th, 2025 by Peoples Balita No Comments

KINOKONSIDERA ng Pilipinas na umangkat ng liquefied natural gas (LNG) mula Alaska kasabay ng pagtatakda ng Trump administration na muling buhayin at pasiglahin ang long-delayed USD44 billion gas pipeline project.

Nauna rito, nakuha naman ng Alaska ang suporta ni US PResident President Donald Trump na i- develop ang Alaska LNG project, maaaring mag-proseso at maghatid ng 20 milyong tonelada ng LNG taun-taon.

Layon ng proyekto na ikonekta ang gas fields mula northern Alaska sa daungan sa katimugan para sa liquefaction and export, pangunahin na sa Asian market.

“We plan to procure LNG from Alaska to meet our growing needs to develop our energy sector,” ang pinost ni Philippine Ambassador to the US Jose Manuel Romualdez sa kanyang X account.

“Pres. (Ferdinand) Marcos (Jr.) hopes to discuss this and other matters of mutual benefit and interest for both our countries when he meets with Pres. Trump at the soonest possible time,” aniya pa rin.

Sa ngayon, walang tiyak na timeline subalit sinabi ni Romualdez na nagtutulungan ang dalawang gobyerno para magtakda ng bilateral meeting sa pagitan ng dalawang lider ngayong taon.

Winika pa ni Romualdez na ang alok ng Alaskan ay makatutulong sa bansa na maka-secure ng matatag ng suplay ng LNG maliban pa sa makuha ito sa isang ‘competitive price.’

“Similar to what Japan that made a commitment, we are prepared to make a commitment to be able to buy some of that LNG. This is being offered to us matagal na by US Senator Dan Sullivan (R-Alaska),” ang sinabi pa rin ni Romualdez.

“They have an abundant supply, so we might be able to get it very cheap—That’s what we are hearing from them that’s why we are considering it as part of our energy mix,” dagdag na wika nito.

(Daris Jose)

Palau President Whipps, dumating sa Palasyo ng Malakanyang para sa bilateral talk kasama si PBBM

Posted on: February 26th, 2025 by Peoples Balita No Comments

DUMATING sa Palasyo ng Malakanyang si Palau President Surangel Whipps Jr., araw ng Lunes, Pebrero 24, para sa bilateral meeting kasama si Pangulong Ferdinand Marcos Jr.

Mainit na tinanggap at sinalubong ni Pangulong Marcos at iba pang opisyal ng Pilipinas si Whipps sa Kalayaan Grounds.

Sa magiging pagpupulong ng dalawang lider, inaasahan na magpapalitan ng kuru-kuro ang mga ito, si Whipps hinggil sa pagpapalawak ng umiiral na bilateral cooperation hinggil sa palaisdaan, kalakalan, investment, connectivity at people-to-people ties.

Gagalugarin din ng mga ito ang mga bagong abenida o daan ng pagtutulungan, partikular na sa sektor ng kalusugan at sektor ng paggawa.

Pag-uusapan naman nina Pangulong Marcos at Whipps ang South-South cooperation, regional concerns at karaniwang mga adbokasiya sa multilateral arena. (Daris Jose)

Mahigit $300-M tulong para sa modernisasyon ng military forces ng PH, exempted sa US foreign aid freeze

Posted on: February 26th, 2025 by Peoples Balita No Comments

INANUNSYO ni Philippine Ambassador to the United States Jose Manuel Romualdez na in-exempt ng administrasyong Donald Trump ang $336 million pondo para sa modernisasyon ng military forces ng Pilipinas mula sa U.S. foreign aid freeze.

Ang naturang pahayag ay matapos ang isang pulong balitaan ngayong Lunes matapos kumpirmahin ni Romualdez na natanggap nila ang pahayag ng Estado Unidos tungkol sa exemption na ito.

Samantala ang $336 million ay bahagi ng $500 million na foreign military financing (FMF) na inaprubahan naman ng Kongreso ng Estados Unidos noong nakaraang taon sa ilalim ng administrasyong Biden.

Itinuturing naman ng embahada na ang desisyong ito ay isang mahalagang resulta sa pagsisikap ng bansa na matamo ang magandang alyansa sa Estados Unidos na nagpapakita aniya ng malalim na ugnayan ng gobyerno ng Pilipinas sa administrasyong Trump.

Kaugnay pa nito ang $500 million na military aid ay ipinagkaloob ng U.S. sa Pilipinas upang palakasin ang military forces ng bansa.

Ang naturang tulong ay nagpapakita lang ng bipartisan support mula sa Kongreso ng Estados Unidos na maituturing namang mahalaga para sa modernisasyon ng Philippine Armed Forces partikular sa maritime military forces ng bansa kasunod ng tumitinding tensyon sa China, na paulit-ulit na nanghaharas sa mga barko at eroplano ng Pilipinas sa West Philippine Sea.

Maaalalang pagupo ni US President Donald Trump sa White House noong buwan ng Enero ay iminungkahi na nito ang pag hinto sa mahigit $5.3 billion tulong para sa mga foreign aid ng bansa kasunod ng 90-araw na pagpataw nito ng ”pause” sa foreign development assistance ng bansa.

Kung kaya’t ang Pilipinas, kabilang si Foreign Secretary Enrique Manalo, ay humihiling ng paglilinaw mula sa US tungkol sa mga programang maaapektohan ng foreign aid freeze at nakipag-ugnayan din sa US tungkol sa mga destabilizing action ng China sa WPS. (Daris Jose)

Kabilang ang kooperasyon hinggil sa pangingisda… Pilipinas at Palau, lumagda ng 3 MOU

Posted on: February 26th, 2025 by Peoples Balita No Comments

TATLONG MOU ang pinirmahan ng Pilipinas at Palau kasabay ng Official visit sa bansa ni Palau President Surangel Whipps Jr.

Kabilang sa nilagdaang Memorandum of Understanding ay ang tungkol sa fishing cooperation na dito ay itataguyod ang kasunduan hinggil sa pagpapanatili ng pangangalaga sa yamang-dagat gayundin sa mga proyekto at pananaliksik patungkol sa pangisdaan kasama na ang may kinalaman SA pagpigil sa illegal, unreported at regulated fishing.

Kasama din sa nalagdaan ay ang Diplomatic Note para sa study visit o pagbibigay ng technical support sa mga opisyales ng Palau officials at stakeholders na may kinalaman sa gagawing pagbabahagi ng Pilipinas ng best practices ng bansa sa usapin ng pangisdaan.

Kabilang din sa nalagdaang MOU ang Memorandum of Understanding on Policy Consultations.

Ito ay ang MOU na nagtatakda ng isang mekanismo para sa mga kagawaran ng ugnayang panlabas ng Pilipinas at Palau para magpalitan ng pananaw tungkol sa bilateral at regional cooperation. (Daris Jose)

Ads February 26, 2025

Posted on: February 26th, 2025 by Peoples Balita No Comments