ITO ang pagtatanong ni Deputy Assistant Majority Leader at Tingog Party-list Rep. Jude Acidre sa ginawang hakbang ng kampo ni Vice President Sara Duterte na hadlangan ang pagsasagawa ng impeachment trial.

“Transparency is fundamental in any democratic government. If Vice President Duterte has done nothing wrong, why is she so afraid of the truth? Blocking the impeachment process through the Supreme Court only raises more doubts,” ani Acidre.

Ayon sa mambabatas, hindi ito ang unang pagkakataon na tinangka umano ng VP ang ganitong mga hakbang.

Matatandaan aniya na sa isinagawang imbestigasyon ng Kamara noong nakalipas na taon, nadiskubre na tinangka umanong hadlangan ng kanyang tanggapan ang Commission on Audit (COA) na ipalabas ang findings nito sa kontrobersiyal na ₱125-million confidential fund.

“This pattern is alarming. First, she tried to block COA’s report. Now, she wants to stop Congress from doing its job. What exactly is she trying to hide?” pagtatanong ni Acidre.

Iginiit nito na ang proseso ng impeachment ay isang constitutional mechanism upang masiguro na mayroong accountability o pananagutan ang mga high-ranking officials.

“No one is above the law—not even the Vice President. Instead of running to the courts to avoid scrutiny, she should face the process and answer the allegations fairly. The Filipino people deserve leaders who respect accountability, not those who run from it. Seeking to silence COA, and now Congress, sets a dangerous precedent. The Vice President must stop dodging the truth and start explaining herself to the public,” pagtatapos ni Acidre. (Vina de Guzman)

BINANGGA ng hindi pa natukoy na barko ang isang Filipino fishing boat na may sakay na walong mangingisda sa West Philippine Sea (WPS), ayon sa Philippine Coast Guard (PCG).

Sa ulat, sinabi ng Coast Guard District National Capital Region – Central Luzon , nangyari ang insidente  noong Enero 30 ngunit nai-report lamang sa kanilang unit noong Pebrero 16.

“Accordingly, on or about 08:00 p.m. on January 30, 2025, an unidentified vessel rammed FBCA Prince Elmo 2, with eight crews onboard, at an unknown location,” sinabi ng Coast Guard district .

Sa baybayin ng Vietnam nailigtas noong Linggo ang lima sa walong mangingisda ng MV Dong An. Ang tatlo ay nanatiling missing, ayon sa PCG.

Matapos ma-rescue ang mga mangingsida, nagsagawa ang nasabing sasakyang pandagat ng paghahanap  sa katubigan para sa tatlong nawawalang mangingisda ngunit negatibo ang resulta.

Ang Coast Guard Station Bataan ay tumawag kay Mr. John Sayao ng Atiko Trans Incorporated, ahente ng MV DONG AN, at ipinaalam sa kanya na ang barko ay naglalayag patungong Bataan at nakatakdang dumating ng  Mariveles ng  Miyerkules.

Ipinakalat ng Coast Guard ang BRP Boracay kasama ang isang medical team para tumungo sa katubigan sa Corregidor Island para makipagkita sa MV DONG AN at tanggapin ang mga nasagip na mangingisda.

Nitong Miyerkules, ang limang nasagip na mangingisda ay nai-transfer mula MV Dong An sa BRP Boracay.

Sila ay itinurn-over sa Coast Guard Sub-Station Naic at Municipal Disaster Risk Reduction and Management Office (MDRRMO) Naic ang mga mangingisda. (Gene Adsuara)

PORMAL na tinurn over ng MASHAV, aid agency ng Israel ang isang bagong learning center sa mga estudyante ng Ususan Elementary School (UES).

Kapwa pinangunahan nina MASHAV Head Ambassador Eynat Shlein at Israel Ambassador to the Philippines Ilan Fluss, ang unveiling ceremony sa Taguig City.

Sinabi ng mga ito na ang nasabing center ang hudyat ng interest ng Tel Aviv na ipagpatuloy at itaas ang ‘development cooperation’ nito sa bansa.

Ang Nir Oz Resource Learning Center, ibinigay na pangalan matapos atakihin ng Hamas ang Israeli kibbutz noong October 2023 ay kumpleto sa mga materyales sa pagbabasa at equipment na binili ng MASHAV.

“The learning center is one of the building stones of the joint quest between Israel and the Philippines for sustainable development. And if we want to get to development, we need to start from the beginning,” ang sinabi ni Shlein.

“The beginning are the seeds and the seeds of the future are the children —we need to look after them,” dagdag na wika nito.

Maliban sa maging inspirado ang mga estudyante na magbasa ng mas maraming libro, umaasa si Shlein na ang naturang center ay makapagpo-promote ng pagkakaibigan, pagkakaunawaan

at open-mindedness sa mga mag-aaral.

“The fact that we helped establish this refuge for children from daily teachings where they could sit and think and reconnect, for us, that is a building block for sustainable education,” ayon kay Shlein.

“Education is a core beacon in our work, and as we have worked already in 140 countries and trained hundreds of thousands of people, out of which many thousands are Filipinos, we are happy to continue on this joyful bilateral track,” dagdag na wika nito.

Sa kabilang dako, sinabi naman ni Fluss na plano rin ng Israel na makatuwang ang mas maraming stakeholders para pondohan ang kahalintulad na mga center sa ibang lugar sa labas ng Metro Manila.

“It’s very humble but that’s the Israeli approach —we believe in the development of human resources, even in other programs, we always look at capacity building,” ayon kay Fluss.

Ang Niz Or Center ay isa sa apat na learning spaces na pinondohan ng Israel sa bansa.

Samantala, nakiisa naman sa inagurasyon si Taguig City Mayor Lani Cayetano. (Daris Jose)

PATAY ang isang 6-anyos na batang lalaki nang nalunod sa 3 pulgadang lalim ng pool makaraang nahulog sa isang resort sa Dolores, Quezon Martes ng hapon.

Naisugod pa sa San Pablo Medical Center ang biktima na si Ken, isang estudyante ng Brgy West Rembo, Taguig City subalit idineklarang dead on arrival.

Sa ulat, bandang ala-1:30 kamakalawa ng hapon nang naganap ang insidente sa FARMKO Resort and Hotel na matatagpuan sa Brgy. San Mateo Dolores, Quezon kung saan nagtungo ang pamilya ng biktima at mga guro bilang bahagi ng kanilang field trip.

Matapos mananghalian, naligo umano ang tatay ng biktima at iniwan ito ang bata nang aksidenteng nahulog sa 3 pulgadang lalim na pool at tuluy-tuloy na nalunod.

Unang binigyan ng Cardio Pulmonary Resuscitation (CPR) ng mga staff ng resort subalit hindi umubra kaya isinugod sa ospital subalit hindi na umabot ng buhay. (Gene Adsuara)

SWAK sa kulungan ang 15 individuals, kabilang ang walong umano’y sangkot sa ilegal na droga matapos madakma ng pulisya sa magkakahiwalay na anti-gambling operations sa Valenzuela City.

Sa ulat ng Police Sub-Station 1 kay Valenzuela police chief P/Col. Nixon Cayaban, alas-8:30 ng gabi nang maaktuhan nila ang tatlong lalaki na nagsusugal ng cara y cruz sa Candle St., De Castro Sudb. Brgy. Paso De Blas at nakuha sa kanila ang tatlong piso coins ‘pangara’, bet money at isang sachet ng shabu na nasamsam kay alyas ‘Gilbert’, 30.

Alas-10 ng gabi nang madakip ng mga tauhan ng SS4 ang dalawang lalaki habang nagsusugal din ng cara y cruz sa Area 4, Dumsite Pinalagad, Brgy. Malinta at nakumpiska sa kanilang ang tatlong piso coins ‘pangara’, bet money at isang sachet shabu na nakuha kay alyas ‘Kimpot’, 35.

Nadakip din sa cara y cruz sa Casa Rival, Northville 1, Brgy. Bignay ang dalawang lalaki ala-1:30 ng madaling araw at nasamsam sa kanila ng mga tauhan ng SS7 ang tatlong piso coins ‘pangara’, bet money at isang sachet ng shabu na nakuha kay alyas ‘Manuel’, 46.

Tiklo naman sa mga tauhan ng SS6 si alyas ‘Ronel’, 37, alas-4:30 ng madaling araw at nakuha sa kanyang ang isang sachet ng shabu, tatlong piso coins ‘pangara’ at bet money habang nakatakas ang kanyang mga kalaro sa sugal na cara y cruz sa Molave St. Brgy. Lingunan.

Sa Brgy. Gen T De Leon, naaktuhan ng mga tauhan ng SS2 ang tatlong lalaki na nagka-cara y cruz sa Rasario Street alas-6:30 ng gabi at nakuha sa kanila ang tatlong piso coins ‘pangara’, bet money at isang sachet ng shabu na nakumpiska kay alyas ‘Requel’, 23.

Nakuhanan din ng isang sachet ng shabu si alyas ‘Glenn’, 32, matapos madakip ng mga tauhan ng SS3 habang nagpapataya ng sugal na basketball ‘ending’ sa F. Bautista, Brgy. Marulas ala-1 ng hapon

Natimbog naman ng mga tauhan ng SS1 si alyas ‘Kenneth’ habang nakatakas ang kalaro niya sa cara y cruz sa Paolo St., Paso De Blas at nasamsam sa kanya ang isang sachet ng shabu, tatlong piso coins ‘pangara’ at bet money.

Habang alas-10:30 ng gabi nang mahuli ng mga tauhan ng SS8 ang dalawang kelot na nagka-cara y cruz sa Kabuhayan St., Brgy. Mapulang Lupa at nakuha sa kanila ang bet money, tatlong piso coins ‘pangara’ at isang sachet ng shabu na nasamsam kay alyas ‘Michael’.

Ayon kina P/MSgt. Carlito Nerit Jr, P/MSgt Carlos Erasquin Jr, PSSg Pamela Joy Catalla at PCpl Christopher Quiao, mahaharap ang mga suspek sa kasong PD 1602 at paglabag RA 9165. (Richard Mesa)

WELCOME kay Navotas Congressman Toby Tiangco ang mga digital na hakbangin ng Department of Social Welfare and Development (DSWD) na naglalayong mapabuti ang paghahatid ng serbisyo nito.

Ayon kay Tiangco, ang bagong inilunsad na online donation platform ng DSWD at ang one-stop-shop online system nito ay alinsunod sa direktiba ni Pangulong Marcos na gamitin ang teknolohiya upang gawing mas madaling ma-access ang mga serbisyo ng gobyerno.

“We appreciate DSWD’s commitment to President Marcos’ vision. We hope other government agencies follow suit, as the growing demand for online government services underscores the critical role of digital ecosystems in efficient service delivery,” pahayga niya.

Sinabi ni Tiangco na ang digitalization, kasama ng mga pagsisikap ng gobyerno sa pag-streamline, ay makabuluhang nagpalakas ng kahusayan sa mga proseso ng gobyerno.

Binanggit din niya ang Harmonized Electronic License and Permit System o Helps ng DSWD, na inaasahang magpapahusay sa mga serbisyo ng regulasyon ng ahensya.

“According to DSWD, Helps allow clients to file their applications for registration, license to operate, and accreditation (RLA) in only 20 minutes and receive their certificates as fast as 14 days. This is a huge improvement from the manual process, which could take three to six months and require multiple in-person visits,” ani Tiangco.

“This proves how vital digitalization is in government transactions. These programs will undoubtedly provide Filipinos with faster and more responsive services,” dagdag niya. (Richard Mesa)