MATAPOS ang pandemya ng COVID-19, itutuloy na ng Department of Transportation (DOTr) at AyaLand ang naantalang konstruksyon ng Taguig Integrated Terminal Exchange (TCITX).

     Ang TCITX ay katulad ng tinayong Paranaque Integrated Terminal Exchange (PITX) na tinatayang matatapos sa taong 2027 at magsisimulang magkaroon ng operasyon sa taong 2028. Nagkaroon ng ground breaking ceremony noong nakaraang Lunes sa lungsod ng Taguig.

     Ito ay isang transport hub na magkakaroon ng seamless travel na karanasan ang mga pasahero sapagkat ito ay idudugtong sa North-South Commuter Railway (NSCR) na tatakbo mula Clark sa Pampanga hanggang Calamba, Laguna. Idudugtong rin ito sa ginagawang Metro Manila Subway Project (MMSP).

     Kapag natapos ang konstruksyon, ang mega transport hub na nasabi ay inaasahang makapagbibigay ng serbisyo sa may 160,000 na pasahero at 5,200 na sasakyan tulad ng buses at iba pang transport mode kada araw.

     “The TCITX is a public-private private partnership project envisioned to be a multi-modal terminal to be constructed in more than 5 hectares of land,” wika ni DOTr undersecretary Jesus Ferdinand Ortega.

     Ang TCITX ay isang six-storey building na itatayo sa Arca South, Taguig City na siyang magsisilbing terminal ng mga provincial at city buses at iba pang maliliit na pampublikong transportasyon tulad ng jeepneys at FX. Ito ay nagkakahalaga ng P5 billion.

     Sinabi naman ni DOTr Secretary Bautista na dahil sa TCITX, ang mga pasahero ay magkakaron ng kaibang karanasan sa pagsakay  mula sa southern part ng Metro Manila dahil magiging convenient at safe ang kanilang paglalakbay.

     “It should have more spaces for passengers. I am sure the developers will learn from the experience of PITX. But what you saw is already the design of its exterior. It is a public-private partnership (PPP) between the Philippine government and the private sector, led by AyalaLand,” wika ni Bautista.

     Ayon naman kay Anna Margarita Dy, president at CEO ng Ayala Land Inc., na sila ay may karanasan na sa pagtatayo at operasyon ng terminal matapos nilang gawin ang One Ayala Terminal kung saan ito ay nagbibigay ng mas madali, maginhawa, mabilis at komportableng karanasan sa pagsakay at pagbiyahe mula at pabalik sa central business district ng Makati.

     Samantala, pinayahag din ni Bautista na may gagawing feasibility study ang DOTr para sa proyektong katulad na nasabi na ilalagay at itatayo naman malapit sa mga northern cities ng NCR.

     “We are now preparing for the feasibility of the north project and we are looking for a suitable site. The North Terminal Exchange is similar as big as TCITX,” dagdag ni Bautista. LASACMAR

NANGANGAKO si Senatorial candidate Benjamin “Benhur” Abalos, Jr. ng tulong para sa mga opisyal at miyembro ng Tricycle Operators and Drivers Association (TODA) sa Metro Manila na matagal nang naghihirap dahil sa pagkaantala ng kanilang fuel subsidy.

Sa isang pulong kasama ang United Federations of Tricycle Operators and Drivers Association (UF-TODA) na pinangunahan ni Ace Sevilla sa Cuneta Astrodome sa Pasay City, narinig ni Abalos ang mga hinaing ng mga tricycle operators at drivers ukol sa hirap na kanilang nararanasan sa pagkuha ng fuel subsidy mula sa pambansang gobyerno.

Ipinahayag ng grupo na paulit-ulit nilang ini-raise ang mga isyu sa Land Transportation Franchising and Regulatory Board (LTFRB), ngunit hanggang ngayon ay wala pa ring aksyon mula sa mga kinauukulang ahensya.

Ayon kay Sevilla, nais ng grupo na idaan na lamang ang fuel subsidy sa mga lokal na pamahalaan dahil ang kasalukuyang distribusyon ng subsidy ay sa pamamagitan ng mga e-wallet tulad ng GCash.

Sinabi ni Abalos, na tumatakbo sa ilalim ng administrasyong Alyansa para sa Bagong Pilipinas, na nauunawaan niya ang mga alalahanin ng mga tricycle drivers at operators dahil nakipagtulungan siya sa kanila sa loob ng maraming taon, kabilang na ang pagiging legal na tagapayo ng TODA, lalo na sa Mandaluyong City.

Batay sa kanyang patuloy na pakikipag-ugnayan sa mga miyembro ng TODA, sinabi ni Abalos na alam niyang hindi lahat ng tricycle drivers ay may smart phone, kaya’t ang iba sa kanila ay walang GCash account.

Sa pulong, nangako si Abalos na tutulungan ang mga miyembro ng TODA upang matiyak na matatanggap nila ang fuel subsidy na nararapat sa kanila sa pamamagitan ng pag-angat ng kanilang mga hinaing sa mga ahensya ng gobyerno.

Ang fuel subsidy ay inisiyatibo ng pambansang gobyerno upang matulungan ang mga operator at drivers na makayanan ang patuloy na pagtaas ng presyo ng mga produktong petrolyo. Bagamat nakatanggap na ang mga operator at drivers ng jeepney at iba pang pampasaherong sasakyan ng subsidy, ang ilan sa mga miyembro ng TODA ay hindi pa rin nakikinabang dahil sa mga hamon ng e-wallet. (PAUL JOHN REYES)

MULA  2000, limang opisyal ng gobyerno sa bansa ang na-impeached ng House of Representatives kasama si Vice President Sara Duterte.

Si Duterte ang kauna-unahang bise presidente ng bansa na napatawan ng impeachment.

Si dating Pangulong Joseph Estrada naman ang kauna-unahang ­Pangulo ng bansa na na-impeached noong ­Nobyembre 13, 2000 pero hindi siya nahatulan matapos magbitiw sa puwesto dahil sa People Power II.

Na-impeached din si dating Ombudsman Merceditas Gutierrez noong 2011, dating Chief Justice Renato Corona noong 2012, at dating Comelec chairperson Andres Bautista noong 2017.

Nasampahan din ng impeachment complaints sina dating ­Pangulong Corazon Aquino at ­dating Pangulong Gloria ­Macapagal-Arroyo pero hindi nagtagumpay.

Sisimulan ng kasalukuyang 19th Congress ang pagbuo ng Impeachment Court sa Hunyo 2 pero inaasahang ang 20th Congress na ang nagpapatuloy sa pagdinig.

Bagaman at uupo pa rin sa impeachment court ang mga reeleksiyu­nistang senador ng 19th Congress, awtomatiko namang matatapos ang kanilang termino pagpasok ng 20th Congress kung hindi sila mananalo sa darating na eleksiyon.