• March 11, 2026

  • Ang Diyaryong Pinagkakatiwalaan

 

Archive for January, 2025

DA, magtatakda ng ‘maximum SRP’ system para sa bigas bago matapos ang Enero

Posted on: January 9th, 2025 by Peoples Balita No Comments
NAKATAKDANG magtakda ang Department of Agriculture (DA) ng “maximum suggested retail price (SRP) system” bago matapos ang buwan.
Layon nito na tugunan ang hindi makatwiran na retail prices ng bigas sa ilang lokal na pamilihan.
Sinabi Agriculture Secretary Francisco Tiu Laurel Jr. na wala dapat na imported rice na maipagbibili sa P60 per kg.
“We are now trying to establishano ba ang maximum suggested retail price. So, we will be coming up with a maximum suggested retail price system very soon,” ayon kay Tiu Laurel.
Gayunman, nilinaw ni Tiu Laurel na ang sistema ay hindi aakto bilang price cap sa retail rice.
“It’s not a suggestion, it’s like we’re saying na ito dapat ang maximum na presyo niyan. But it’s not a price cap,” ang sinabi pa rin ni Tiu Laurel.
“Moreover, a P60/kg.-level of retail rice may already be considered as profiteering, dagdag na pahayag nito.
At para papanagutin ang mga importers at retailers para sa posibleng profiteering, nakatakdang makipagpulong ang DA sa Department of Trade and Industry (DTI), Bureau of Internal Revenue (BIR), National Bureau of Investigation (NBI), Philippine National Police (PNP), at Department of Interior and Local Government (DILG).
“Para ma-sort namin ang aming remedies kung paano ma-address ito. Clearly, nasa Price Act ata ang profiteering angle,” ang winika ni Tiu Laurel.
Pagdating naman sa rice brands, pinanatili naman nito ang plano ng DA na alisin ang “premium” at “special” labels upang lalo pang maiwasan ang panghuhuthot.
“People are very brand conscious and I know that better than anybody in this country dahil I’m a brand owner, I used to be a brand owner myself,” ani Tiu Laurel.
“In the label pagka sinabi mong premium or special, hindi ba mas na-a-attract ka doon at willing ka na bilhin iyon nang mas mahal. Pero actually, hindi naman siya premium o special, parehas lang siya ng mga katabi niya,” aniya pa rin.
Tinukoy ang kontradiksyon sa mga antas ng presyo sa merkado gamit lamang ang “rice types, origin, at specification percentage.”
“As of Jan. 3,” ang presyo ng local at imported regular at well-milled rice sa Kalakhang Maynila ay umaabot lamang ng mula sa P38/kg. hanggang P54/kg., ayon sa DA-Bantay Presyo.
Ang premium at special-labeled rice, kapwa imported at local, ay pumapalo naman mula sa P48/kg. hanggang P64/kg. ( Daris Jose)

Hindi naman kasi saklaw ng election ban: mga proyekto at aktibidad ng DOTr, tuloy-tuloy na gagawin

Posted on: January 9th, 2025 by Peoples Balita No Comments

TULOY-TULOY ang trabaho ng Department of Transportation (DOTr) lalo na sa mga proyektong matagal nang nais na ipatupad ng departamento.
Sinabi ni DOTr Sec. Jaime Bautista na hindi saklaw ng election ban ang tapusin ang lahat ng mga nagsimulang proyekto at aktibidad ng DOTr.
“”Iyong election ban natin is in a few days ‘no. You know, most of the projects of the Department of Transportation are to be implemented long-term ‘no. So, we will continue to implement the program ‘no. Siguro hindi naman kami maku-cover election ban because we have started all activities/projects already ‘no so we don’t think the election ban will affect the implementation of any of our projects in DOTr,” ang sinabi ni Bautista.
Sa ulat, magpapatupad ng nationwide gun ban ang Philippine National Police (PNP) simula January 12, kasabay ng pagsisimula ng election period para sa 2025 midterm elections sa May.
Ayon kay PNP Spokesperson Police Brig. Gen. Jean Fajardo, magsasagawa ang mga pulis ng checkpoint operations sa mga estratehikong lugar upang tiyakin ang mahigpit na pagpapatupad ng gun ban.
Base sa resolusyon ng Commission on Elections (Comelec), tanging mga lehitimong miyembro ng pulisya, militar, at iba pang law enforcement agencies at nasa official duty lamang ang papayagang magdala ng baril sa panahon ng election period.
Ang mga hindi sakop ng exemptions ay kailangang kumuha ng Certificate of Authority mula sa Comelec Committee on Ban on Firearms and Security Concerns (CBFSC) upang mabigyan ng permiso. ( Daris Jose)

Ayon Kay Executive Secretary Lucas Bersamin…

Posted on: January 9th, 2025 by Peoples Balita No Comments
‘MARTIAL LAW, TERM Extension wala sa isip ni PBBM
PINANINDIGAN ng Malakanyang na wala ni isa man sa Batas Militar at term extension ang bahagi ng agenda ni Pangulong Ferdinand R. Marcos Jr.’ kasunod ng reorganisasyon ng National Security Council (NSC).
Nauna rito, ipinalabas ni Pangulong Marcos ang Executive Order 81 na muling nag-organisa sa NSC.
Sa press briefing sa Malakanyang, sinabi ni Executive Secretary Lucas Bersamin na nakatuon ang administrasyong Marcos sa pagsusulong ng ‘economic prosperity ng bansa, gawing maayos ang kalusugan at kapakanan ng mga mamamayang filipino at kompletuhin ang kanyang ‘legacy projects.’
“What he has in mind is the economic prosperity of the country, the health and welfare of the people, especially those who are in the lower classes, and the prioritization of his legacy projects,” ang sinabi ni Bersamin.
“It’s not about martial law. It’s not about extending himself in power. No, he has no thinking about that. He does not even think in those terms,” dagdag na winika nito.
Ang pahayag na ito ni Bersamin ay tugon sa mga kritiko na kinukuwestiyon ang Executive Order 81 na nag-organisa sa NSC.
Tinuran pa ni na “power falls within the President’s responsibility to ensure that whoever advises him is within his fullest trust and confidence.”  ( Daris Jose)

Unang DepEd Execom ngayong 2025, pinangunahan ni Sec. Angara PINANGUNAHAN ni Sonny Angara ang unang EXECOM meeting ng 2025.

Posted on: January 9th, 2025 by Peoples Balita No Comments

Tinalakay nila ang mga proyektong naaayon sa agenda ni Pangulong Ferdinand “Bongbong” Marcos, kabilang ang:
-Mga proyekto para mapabuti ang kalidad ng edukasyon
-Pagtatayo ng mas maraming silid-aralan at pagpapabuti ng kondisyon ng mga guro
-Pagpapahusay ng programa sa computerization para sa mga pampublikong paaralan
-Paghahanda para sa mga pandaigdigang pagsusuri tulad ng PISA
-Pakikipagtulungan sa DOST para palakasin ang edukasyong pang-agham
Layunin ng mga proyektong ito na mapabuti ang edukasyon sa Pilipinas sa ilalim ng pamumuno ni Secretary Angara.

Ads January 8, 2025

Posted on: January 8th, 2025 by Peoples Balita No Comments

Galaw ng monster ship mahigpit na binabantayan at sinusundan ng PCG – NSC

Posted on: January 8th, 2025 by Peoples Balita No Comments
TINIYAK ng National Security Council (NSC) na tatapatan ng karampatang aksyon ng Pilipinas sa oras na gumawa ng anumang provocative action ang namataang  monster ship ng China sa karagatan malapit sa Zambales.
Ayon kay NSC Assistant Girector-General Jonathan Malaya na hindi pinababayaan at patuloy na sinusundan at minamanmanan ang galaw ng ng Philippine Coast Guard at Armed Forces of the Philippines (AFP)  sa Chinese coast guard 5901 vessel.
Dagdag pa ni Malaya, mahigpit din mino monitor ito ng Task Force North at National Task Force for the West Philippine Sea.
Patuloy din na binibigyan ng challenge ng ating mga otoridad ang Chinese vessel at binibigyang-diin na sila nasa loob ng exclusive economic zone ng Pilipinas at mali ang kanilang iginigiit na nagsasawa sila ng patrolya sa kanilang area of jurisdiction.
Naniniwala naman si Malaya na ang ginagawa ng China ay isang uri ng intimidation, coercion, deception, at agression kung saan ipinapakita nilang may ganito silang barko upang takutin ang mga mangingisda.
Dagdag pa ni Malaya na sa ngayon wala silang na monitor na nagsagawa ng pangha-harang at delikadong maneuvers ang Chinese monster ship.
Pinayuhan naman ng pamahalaan ang mangingisda sa lugar na ipagpatulong lamang ang kanilang pagpalaot at nakasuporta sa kanila ang gobyerno. (Daris Jose)

Pagtataas sa SSS contribution, makapagpapalakas sa buhay ng pondo

Posted on: January 8th, 2025 by Peoples Balita No Comments

SINABI ng Social Security System (SSS) na ang pagtataas sa kontribusyon o ang pagkasa sa 1-percent rate hike ay makatitiyak sa long-term viability ng institusyon at makatutulong na tumagal and pondo ng hanggang 2053.
Sinabi ng SSS na ang 1-percent rate hike, nakatakdang simulang ipatupad ngayong buwan ay alinsunod sa probisyon ng Republic Act 11199 o Social Security Act of 2018.
Ang pinakabagong pagtataas ay magdadala sa contribution rate na 15% mula sa dating 14%.
Sinabi pa ng SSS na ang pagtataas ay sinamahan ng minimum monthly salary credit (MSC) na P5,000 mula sa dating P4,000 at sa maximum MSC na P35,000 mula sa dating P30,000.
“The scheduled contribution rate and MSC increases are among the most important reforms under RA 11199 that aim to ensure the long-term viability of the SSS,” ang sinabi ni SSS President and chief executive officer Robert Joseph De Claro.
“With this last tranche of contribution rate and MSC increases, the SSS fund is projected to last until 2053 – doubling the fund life to 28 years (vs. 2032 or 14 years when an actuarial valuation study was performed in 2018). This will allow us to fulfill our social security obligations to current and future members during times of contingencies,” litanya ni De Claro.
Aniya pa, ang pagtataas sa contribution rate at MSC ay magreresulta ng karagdagang koleksyon na P51.5 billion ngayong taon.
Sa kabuuang halaga, ang P18.3 billion ay direktang mapupunta sa Mandatory Provident Fund (MPF) accounts ng SSS members.
“Such additional collection amount also enables SSS to support national government in times of difficulty, particularly as regards granting calamity loans,” ang winika ni De Claro.
Tinuran pa ng SSS, nagpalabas ito ng kabuuang P9.7 billion na calamity loans sa mas mahigit sa 500,000 calamity-stricken members noong nakaraang taon.
“Our top priority in 2025 is service excellence to SSS members. We aim to enhance our programs and systems to provide superior customer service to our members,” ayon kay De Claro.
Ipagpapatuloy din aniya ng SSS na trabahuhin ang universal inclusion sa social security sa pamamagitan ng KaSSSangga Collect nito at E-Wheels Programs saklaw naman ang self-employed workers sa buong Pilipinas.
Tinitingnan din ng SSS na paghusayin pa ang investment income performance mula sa iba’t ibang asset classes.
“The favorable outlook should enable SSS to actively participate in the capital markets and contribute to jobs generation as companies build and expand their businesses,” ang sinabi ni De Claro.
“Ultimately, our goal is to make SSS relevant in the life of every Filipino at every point in their lives by providing quality social protection and espousing the value of saving for the future,” lahad nito.  (Daris Jose)

“A Minecraft Movie,” first-ever big screen, live-action adaptation of the best-selling video game of all time

Posted on: January 8th, 2025 by Peoples Balita No Comments

FROM Warner Bros. Pictures and Legendary Pictures and starring Jason Momoa and Jack Black, “A Minecraft Movie,” directed by Jared Hess, is the first-ever big screen, live-action adaptation of Minecraft, the best-selling video game of all time.

The film also stars Emma Myers (“Wednesday”), Oscar nominee Danielle Brooks (“The Color Purple”), Sebastian Eugene Hansen (“Just Mercy, “Lisey’s Story”), with Jennifer Coolidge.

Welcome to the world of Minecraft, where creativity doesn’t just help you craft, it’s essential to one’s survival! Four misfits—Garrett “The Garbage Man” Garrison (Momoa), Henry (Hansen), Natalie (Myers) and Dawn (Brooks)—find themselves struggling with ordinary problems when they are suddenly pulled through a mysterious portal into the Overworld: a bizarre, cubic wonderland that thrives on imagination. To get back home, they’ll have to master this world (and protect it from evil things like Piglins and Zombies, too) while embarking on a magical quest with an unexpected, expert crafter, Steve (Black). Together, their adventure will challenge all five to be bold and to reconnect with the qualities that make each of them uniquely creative…the very skills they need to thrive back in the real world.

Oscar nominee Hess (“Ninety-Five Senses,” “Nacho Libre”) directed, with Roy Lee, Jon Berg, Mary Parent, Cale Boyter, Jason Momoa, Jill Messick, Torfi Frans Olafsson and Vu Bui producing, and Todd Hallowell, Kayleen Walters, Brian Mendoza, Jonathan Spaihts, Pete Chiappetta, Andrew Lary and Anthony Tittanegro executive producing.

The director’s creative team behind the camera includes BAFTA-nominated director of photography Enrique Chediak (“127 Hours,” “Transformers: Rise of the Beasts”), Oscar-winning production designer Grant Major (“The Lord of the Rings: The Return of the King,” “The Meg”), editor James Thomas (“Pokémon: Detective Pikachu”, the “Borat” films), Oscar-winning VFX supervisor Dan Lemmon (“The Jungle Book,” “The Batman”), and costume designer Amanda Neale (“The Meg,” “What We Do in the Shadows”). Casting is by Rachel Tenner. The music supervisors are Gabe Hilfer and Karyn Rachtman, and the music is by Mark Mothersbaugh (“Thor: Ragnarok,” the “LEGO®” movies).

Warner Bros. Pictures and Legendary Pictures Present A Vertigo Entertainment/On The Roam/Mojäng Aktiebolag Production, A Jared Hess Film, “A Minecraft Movie.” The film will be distributed by Warner Bros. Pictures worldwide and by Legendary East in China, and released only in theaters and IMAX in North America on April 4, 2025, and internationally beginning 2 April 2025.

(ROHN ROMULO)

Maglalaban sila sa pagka-senador sa 2025 Elections: Sen. JINGGOY, pinayuhan si PHILLIP na magsipag sa pag-iikot sa bansa

Posted on: January 8th, 2025 by Peoples Balita No Comments
ISA sa masasabing maimpluwensiya at pinakamayaman na pulitiko at negosyante si  former Gov. Chavit Singson.
Bukod sa naging gobernador, kunsehal, meyor at kung anu-ano pang posisyon sa probinsiya ng Ilocos.
Pero ngayon naman ay nangarap na maging senador ng Pilipinas.
Bukod sa sinasabing gusto naman niyang mapaglingkuran ang ang mga kababayan natin ano pa ang dahilan ng isang Chavit Singson sa pagtakbo niyang senador?
“Well, napatahimik ko na ang buong lalawigan namin at napayaman ko na ang probinsiya. When in fact ikalimang pinakamayaman na ang probinsiya namin sa buong Pilipinas.
“Sa totoo lang, hindi ko na maantay-antay yung economic zone na inihain ng mga anak ko, laging binabara sa senado.
“Kung maaprubahan lang sana yun, yayaman na rin ang buong bansa,” bungad pa ni Manong Chavit.
Malaki ang panghinayang ni Gov. Chavit sa kung ilang beses nabaril at hindi pumasa sa senado ang panukalang batas na gusto niyang ipatupad at siya pa raw mismo ang mamahala nito.
“Binabara sa senado, kaya ang ginawa ko nga, nagtayo ako sa Korea. Doon ako namuhunan ng bilyones. Sayang nga at dito dapat sa Pilipinas yun.
“Nagkaroon ako ng factory sa Korea para sa electric vehicles, side cars, submarine at iba pa.
“Pero ngayon itinayo ko ba rin ang economic zone sa probinsiya namin,” sey ng pulitiko.
Binanggit na rin daw ni Gov. Chavit nang makausap niya si Pangulong Bongbong Marcos hinggil sa proposal niyang ito.
“Sabi ko kay Presidente, sana mapagbigyan na ako sa gusto kong ito, at deretsong sinabi ko sa kanya na ako na rin ang magpapautang sa mga kababayan natin matutuloy lang at maaprubahan lang niya ito,” seryosong sabi pa niya.
“Sa lahat ng gustong umutang, willing akong magpahiram sa kanila para sa lahat ng electric vehicles at lahat nito wala silang intindihin na down payment at zero interest pa po ito.
“Saan kayo nakarinig na magpapautang na malaki-laking halaga na walang down payment at wala pang tubo, ako lang ang loko-loko na gagawin ito para s mga kababayan natin,” napangiti pero seryosong lahad pa ng soon to be senator.
***
TUNGKOL pa rin sa pulitika, dalawa pa ring may konek sa showbiz ang tatakbong senador sa May 2025 elections.
Ito ay ang magkaibigang Sen. Jinggoy Estrada at Phillip Salvador.
Kaya nang matanong ang re-electionist kung ano ang masasabi niya sa pagtakbo ng kasamahang action star na si Phillip bilang senador ay napangiti agad si Sen. Jinggoy.
Halata agad sa reaksiyon niya at very obvious sa sagot niyang hindi niya susuportahan ang kaibigan.
“Ako susuportahan ko ang aking mga kasamahan ngayon, ‘yung mga incumbent na mga kasamahan. ‘Yung pitong re-electionist, mga incumbent senators.” malaman pang kasagutan niya.
Siyempre kasi pagdating sa pulitika, ang partidong kinaaniban ang masusunod.
Magkaiba naman kasi ng partido sina Sen. Jinggoy at Philip. Ang una sa partido ni PBBM at ang huli ay nasa tiket ni dating pangulong Duterte.
Kumbaga, alam naman nilang pareho na magkakalaban ang partido nila.
But still bilang kasamahang aktor ay may advice si Sen. Jinggoy kay Phillip. Need daw ni Kuya Ipe sipagan pa talaga ang pag-iikot at pangangampanya.
Huwag magpapakampante na porke taga-showbiz.
“I think he is aligned with former president (Duterte).
“Alam mo ‘pag walang experience sa national campaign, you have to strive more. Lalo na siya baguhan, e baka mahirapan. So, konting sipag,” lahad pa ni Sen. Jinggoy.
Samantala isa sa pinakiusap at tinutulungan ngayon ni Sen. Jinggoy ang partylist nilang BFF o Balikatan of Filipino Families na kung saan ang asawa niyang si Precy Ejercito ang first nominee, at kasama ring nominee ang anak nilang si Jolo Estrada.
(JIMI C. ESCALA)

Si Cristine naman ang girl crush ni Angelica: MARIAN, parang may sariling ‘ring light’ at gustong I-kiss ni CANDY

Posted on: January 8th, 2025 by Peoples Balita No Comments
TINANONG namin ang dalawang bida ng GL o Girls Love movie na ‘Pin/Ya’ na sina Candy Veloso at Angelica Hart, kung sino ang celebrity girl crush nila?
“Cristine Reyes, sobra po,” bulalas ni Angelica.
”Kasi may istorya yan dati, nakita ko siyang naka-sports car na red, tapos, parang bata pa ko nun, tapos nakita ko siya.
“Sabi ko siya yung gusto kong maging, hanggang sa yun na, siya na yung idol ko since then.”
Ang bongga naman ng sagot ni Candy…
“Ako naman po si Ms. Marian Rivera. Parang pag nakikita ko talaga siya parang, ‘Oo na, sige na Lord kunin mo na ko’, ganun,” at tumawa si Candy.
Nakita na Candy sa personal ang GMA Primetime Queen…
“Oo, sobrang…”
Nakausap niya si Marian?
“Hindi naman po.”
Kapag nakausap ni Candy si Marian ano’ng sasabihin niya dito?
 “Ma’am mahal na mahal kita Ma’am,” ang tumatawang reaksyon ni Candy.
“’Ma’am pa-kiss!’
“Ganun ko siya ka-crush, kasi para siyang may sariling ring light, promise, may sariling ilaw, parang buhat-buhat niya yung Meralco, ganun siya.”
Samantala, sinabi nilang hindi na sila naalangan sa mga intimate scenes nila kahit pareho silang babae.
Lahad ni Angelica, “Opo, actually hindi na nga po nila kami tinanong e, dire-diretso na kami e, opo, hanggang sa mag-cut na lang.”
Sinegundahan ito ni Candy na sinabing, “Iyon nga yung parang compared sa iba, may connection kang makikita.”
Pagpapatuloy pa ni Angelica, “Kasi before kami mag-shoot, nag-bonding kami nito e, hindi pa kami magkakilala nun, nung time na nag-ano, hindi pa kami nagkakasama, oo, tapos nag-bonding kami. After namin mag-bonding…”
“Wala na kaming pake,” ang tumatawang mabilis na singit ni Candy.
Paano silang nag-bonding?
“Secret,” at tumawa si Candy.
Malaswang bonding ba ginawa nila?
“Ay hindi,” bulalas ni Angelica.
“Kumain lang kami,” ang tumatawa pa ring pakli ni Candy na sinunda naman ni Angelica ng, “Nagkainan kami.  Ha! ha! ha! Diyan lang sa Timog.”
Dahil sa sobrang pagka-kumportable nila sa proyektong babae-sa-babae, may pagkakataon bang kinuwestiyon na nila ang gender nila?
Inamin naman ito ni Candy, “Opo, may mga times na, ‘Hala iba na ‘tong nararamdaman ko!’
“Kinikilig na ako, nagagandahan na ako.”
Pero bawi rin ni Candy, ‘Pero at the end of the day, wala, alam ko pa ding straight ako. So medyo parang sa pagdyi-GL mas nakaka-appreciate lang talaga ako ng kapwa ko babae,.
“Naa-appreciate ko yung ganda nila, yung kaseksihan nila, but not to the point na willing akong mag-commit sa same gender. Never pa.”
Tawa naman ng tawa si Angelica nang sabihing, “Naku, yari yung tanong!
“May experience pero kasi mahilig ako sa magandang babae e, pag nakakakita ako ng magandang babae naa-attract talaga ako, pero not to the point nga na makikipagrelasyon ako.
“Kasi tapos na ako siguro sa babae, kasi niloko din ako ng last ano ko e, na girl e, so feeling ko pare-pareho lang, so dun na lang ako sa mas happy yung feeling.”
Karelasyong babae ang tinutukoy niyang niloko siya.
“Yes,” bulalas ni Angelica, “yung naging karelasyon kong girl.”
So bisexual ba si Angelica?
Aniya, “Hindi…iyon yun, curious, ngayon curious ako, curious ako ngayon kung ano yung gender ko kasi na-a-attract talaga ako sa girl pero… ayun, pero mas naa-attract pa din ako sa boys.”
Sa direksyon ni Omar Deroca, nasa ‘Pin/Ya’ rin sina Julianne Richard at Gboy Pablo at available na for streaming sa VMX.
(ROMMEL L. GONZALES)
People's Balita.
All rights reserved. © Copyright 2026.