MAHIGIT 134,000 motorista ang nahuli sa buong bansa noong 2024 dahil sa paglabag sa Republic Act 8750 o Seat Belts Use Act of 1999, ayon sa Land Transportation Office (LTO) nitong Miyerkules, Enero 8.

Ayon kay LTO Chief, Assistant Secretary Atty. Vigor D. Mendoza II, ang masigasig na pagpapatupad ng batas hinggil sa paggamit ng seatbelt ay nagresulta sa pagkolekta ng P179.9 milyon mula sa mga multa ng mga lumabag.

“Patunay ito na seryoso kami sa pagpapatupad ng batas na ito. Kung dati ay maaaring makalusot, ngayon ay hindi na, lalo na’t pinaigting namin ang kampanya para sa paggamit ng seatbelt ngayong taon,” ayon kay Asec. Mendoza.

“Kaya naman nananawagan kami sa ating mga motorista na sundin nang maayos ang batas dahil, ayon na rin sa ating DOTr Secretary Jaime J. Bautista, ito ay para sa kanilang kaligtasan at bahagi ng pagsisikap ng gobyerno na masiguro ang kaligtasan ng lahat ng gumagamit ng kalsada,” dagdag niya.

Batay sa datos ng LTO, ang LTO-CALABARZON ang may pinakamataas na bilang ng nahuling lumabag sa Seatbelt Law na umabot sa 32,485, sinundan ng LTO-Region 3 na may 10,774, at LTO-Region VI na may 10,270.

Mula Enero 1, 2024 hanggang Disyembre 31, 2024, kabuuang 134,147 motorista ang nahuli dahil sa paglabag sa Seatbelt Law, kung saan 124,712 na ang nagbayad ng multa, 53 ang patuloy na kinokontes ang kanilang kaso, habang ang iba ay hindi pa nakakapagbayad.

Nangako si Asec. Mendoza na ipagpapatuloy ang masigasig na operasyon laban sa mga lumalabag sa Seatbelt Law bilang bahagi ng kampanya ng LTO na Stop Road Crash.

Ngunit sinabi rin niya na sasabayan ito ng agresibong kampanya sa pagbibigay ng impormasyon upang hikayatin ang mas maraming motorista na gumamit ng seatbelt.

“Ang aming diskarte sa usaping ito ay may dalawang bahagi, ang una ay mahigpit na pagpapatupad sa pamamagitan ng pagpapakalat ng aming mga enforcer at pakikipag-ugnayan sa iba pang mga ahensya ng tagapagpatupad ng batas. Ang pangalawa ay isang malawakang kampanya sa impormasyon upang ipaintindi sa mga motorista ang kahalagahan ng pagsusuot ng seatbelt,” ani ni Asec. Mendoza.

Sa ilalim ng kampanya para isulong ang paggamit ng seatbelt, makikipag-ugnayan ang LTO sa mga lokal na pamahalaan at gagamit ng tulong mula sa mga grupo ng mamamayan at mga organisasyon ng komunidad upang isulong ang kamalayan sa kaligtasan ng publiko.

Kasama rin sa mga hihikayatin ang mga transport group, paaralan, at iba pang stakeholders upang mas palawakin ang kampanya sa impormasyon at komunikasyon para madagdagan ang kaalaman ng mga driver at pasahero tungkol sa kahalagahan ng paggamit ng seatbelt. (PAUL JOHN REYES)

MAGKAKAROON ng pagkabalam ang tinatayong Light Rail Transit 1 Cavite Extension (LRT   1   Cavite   Extension)   dahil   sa   problema   sa   right-of-way   (ROW)   kung   saan magkakaroon ng redesigning ang dating alignment.“One area that we talked about is the realignment of the LRT 1 extension to Niog in Cavite. We already have an existing alignment, but the DPWH constructed a flyover in the area and because of that, we need to redesign the project,” wika ni Department of Transportation (DOTr) Secretary Jaime Bautista.Kung kayat maghihintay pa ang mga commuters ng matagal bago pa magamit ng   tuloy-tuloy   ang   LRT   1   extension   papuntang   Cavite   dahil   sasailalim   pa   ang konstruksyon nito sa isang redesigning dahil sa ginawang flyover ng DPWH.Pinaliwanag   ni   Bautista   na   ang   extension  ng   LRT  1   ay   hindi   na   dadaan   sa orihinal na alignment dahil sa nagkaroon ng isang flyover segment ng dapat sana ay doon itatayo ang nasabing railway.Sinabihan   ni   Bautista   si   President   Ferdinand   Marcos   ng   nasabing   sitwasyon upang maresolba agad ang problema dahil ito ay isa sa mga priyoridad na proyekto ng pamahalaan.Ang LRT 1 Cavite Extension ay isang proyekto na naglalayon na pahabain ang dating LRT 1 ng 12 kilometro south ng istasyon sa Baclaran na mayron istasyon sa Paranaque, Las Pinas, at Bacoor sa Cavite. Bago natapos ang 2024 ay binuksan naman ng Light Rail Manila Corp. (LRMC), ang   operator   ng   LRT   1,   ang   unang   bahagi   ng   extension   na   may   estasyon   sa Redemptorist at MIA Roads ganon din ang PITX, Ninoy Aquino Avenue, at Dr. Santos sa Sucat. Wala pang eksaktong timeline ang binigay ng LRMC kung kailan matatapos ng buo ang natitirang bahagi ng extension. Ang ikalawang bahagi ng proyekto ay may habang 3.1 kilometro na itatayo ang istasyon sa Las Pinas-Zapote roads. Habang   ang   ikatlo   at   ang   huling   bahagi   ay   may   habang   2.4   kilometro   na matatapos sa istasyon ng Niog sa Cavite.

Kung matatapos ang buong linya, ang nasabing railway ay tataas ang ridership ng 800,000 kada araw. May kabuuang P64.92 billion ang pondo ng LRT 1 Cavite Extension na inaasahang ang travel time mula sa lungsod ng Pasay papuntang Cavite ay tatagal na lamang ng 25 minuto.  LASACMAR 

TUMAAS  sa 63 porsiyento o 17.4 milyong pamilyang Pinoy ang ikinokonsidera ang sarili na mahirap, ayon sa Social Weather Stations (SWS) survey na ginawa noong Disyembre 2024.

Lumitaw sa survey noong Disyembre 12-18 na ang Self-Rated Poor Families ay tumaas ng apat na puntos mula sa 59 porsyento noong Setyembre 2024.

Sinabi pa ng SWS na ang December survey ang pinakamataas na Self-Rated Poor Families sa loob ng 21 taon mula sa 64% noong ­Nobyembre 2003.

Nabatid pa na ang 2024 annual average Self-Rated Poor Families na 57% ay mas mataas sa 48% annual average na naitala noong 2023 at 2022.

Samantala, ang December 2024 survey ay nagpapakita na 11 porsyento sa mga pamilyang Filipino ang ikinokonsidera ang sarili na nasa borderline o sa gitna ng poor at not poor classifications.

Nasa 26 porsyento naman ang nagsabing hindi sila mahirap.

Ang Mindanao ang nakapagtala ng pinakamataas na bilang ng mga mahirap (76%), sinundan ng Visayas (74%), Balance Luzon (55%) at Metro Manila (51%).