NASA 150 Filipinos ang naapektuhan ng wildfires sa Los Angeles at kasalukuyang nananatili sa Evacuation Center, ayon sa  Department of Foreign Affairs (DFA).

“We have about 150 displaced Filipinos. They had to undergo the mandatory evacuation. They are now being housed in evacuation centers,” ayon kay DFA Assistant Secretary Adelio Angelito Cruz.

Ang wildfires ay kumalat sa libu-libong mga ektarya ng lupain dahil sa malakas na hangin kung saan naapektuhan ang tatlong magkakahiwalay na lugar na kinabibilangan ng Palisades, Eaton, at Hurst.

Nasa 24 ang iniulat sa namatay kung saan walo ang nasawi sa Palisades at 16 sa Eaton. Mahigit sa 100,000 residente ang inutusan na ring lumikas.

Tiniyak ni Cruz na tinutulungan ng gob­yerno ng Pilipinas ang mga apektadong Filipino na makakuha ng pangmatagalang tirahan.

Nasa 290,000 mga Pinoy immigrants ang nakatira sa Los Angeles, Long Beach at Anaheim sa California. ( Daris Jose)

UMAASA ang isang mambabatas na maipapasa ng Kamara bago magtapos ang ikatlo at huling sesyon ng Kamara ang panukalang pagsasa-legal sa paggamit ng marijuana bilang gamot o for medical use.

Pahayag ito ni Camsur Rep. LRay Villafuerte sa muling pagbubukas ng sesyon nitong Lunes.

Naipasa ng Kamara bago matapos ang taong 2024 ang House Bill (HB) No. 10439.

Isinusulong sa panukala na magamit ang marijuana bilang medical use sa matinding mga sakit tulad ng cancer, epilepsy, HIV o human immunodeficiency virus at post-traumatic stress disorder (PTSD).

“If all goes well, this Congress can cap its record feats in its third and final session by at last writing a long-proposed law legalizing the use of medical cannabis as an alternative, relatively more affordable pain reliever for Filipinos hurting from excruciating ailments like cancer, epilepsy, HIV and PTSD,” ani Villafuerte.

Umaasa pa ito na ipapasa rin ng senado ang bersyon nitong Senate Bill (SB) No. 2573 bago matapos ang 19th Congress.

Ayon sa mambabatas, dapat bigyang pansin lead ang ginawang pagsasa- legal ng nasa 60 bansa sa paggamit ng medical cannabis at pagkumpirma sa medicinal journals sa medical values nito.

Kabilang sa 60 bansa na ginawang legal ang paggamit sa medical  cannabis ay ang Australia, Canada, Germany, Israel at United Kingdom (UK). (Vina de Guzman)

IGINIIT ng isang mambabatas na panagutin yaong nagkamali sa pagkakilanlan o misidentified na nasawing OFW sa Kuwait.

Nanawagan din si Assistant Minority Leader at Gabriela Women’s Party Rep. Arlene Brosas ng masusing imbestigasyon sa kaso ni Overseas Filipino Worker Jenny Sanchez Alvarado, na umanoy napagpalit ang bangkay sa isang  Nepali domestic worker na namatay din sa  Kuwait.

“This is a grave insult to the dignity of our OFWs and their families. Paano nangyari na ang bangkay ng isang Nepali national ang naiuwi sa Pilipinas samantalang ang pamilya Alvarado ay naghihintay sa kanilang ina? Malaking kapalpakan ito,” ani Brosas.

Ayon sa mambabatas, dapat managot ang  Department of Migrant Workers (DMW) at Philippine embassy sa Kuwait sa naging lapse sa protocol.

‘The incident has caused severe emotional distress to Alvarado’s husband and five children, who only discovered the wrong remains upon opening the casket at a funeral home in Cavite. We demand answers from the DMW and our embassy officials. Saan napunta ang bangkay ni Jenny? Bakit hindi maayos ang identification process? This negligence is unacceptable and someone must be held accountable,” dagdag nito.

Bukod kay Alvarado, nais din nitong paimbestigahan ang kaso ng dalawa pang OFW na namatay sa ibang bansa.

“We call for a full investigation into the deaths of these three domestic workers. Hindi pwedeng basta-basta na lang tanggapin ang explanation ng employer na suffocation ang dahilan ng pagkamatay. We need to ensure that there was no foul play involved,” aniya.

BINIGYAN ng pagkilala ng Pamahalaang Lungsod ng Navotas ang Top 20 Business and Realty Tapayers bilang pasasalamat sa kanilang kontribusyon sa pag-unlad ng lungsod bilang bahagi ng pagdiriwangng ika-119th anibersaryo ng pagkakatatag ng Navotas City.

Pinangunahan ni Mayor John Rey Tiangco at Congressman Toby Tiangco, kasama si Vice Mayor Tito Sanchez at mga konsehal ng lungsod ang isinagawang Awarding ng plaque of recognation sa top 20 business and realty taxpayers na ginanap sa Manila Hotel.

Kabilang sa top 20 real property taxpayers na pinarangalan, ang Therma Mobile, Inc., Worldsummit Holdings Corp./Deity Construction Company, Petron Corporation, Frabelle Fishing Corp., Icy Point Cold Storage, Columbia International Food Products, Inc., RBL Fishing Corp., Nautilus Shipyard and Repair Inc., La Paz Ngo (Young’s Town Sardines & Corned Beef), Melcon Dev. Corp., Asian Slipway Corporation, VVS Cold Storage & Processing Corp., Primetown Realty Dev. and Leasing Corp., Manila Electric Company, TP. Marcelo & Co., Inc., Fishport Ice Plant, Inc., Crystal Cold Chain Corp., Solid Shipping Lines, Kai-Anya Foods Corp. at Happy Chef Inc.

          Samantala, ang top 20 business taxpayers naman na pinarangalan ay ang Ravago Equipment Rentals, Inc., Marra Builders Inc., Philippine Super Feed Corporation, Icy Point Cold Storage and Processing Corp., Therma Mobile Inc., Phil. Ecology Systems Corp., Frabelle Shipyard and Marine Services Corporation, Linton Incorporated, Frabelle Corporation, Columbia International Food Products, Inc., Trans Pacific Journey Fishing Corp., Josefa Slipways Inc., Ferna Corporation, Special Container and Value Added Services, Inc., Fast Logistic Corp., VVS Cold Storage & Processing Corp., Titan Transnational Corporation, Purechem Corporation, South Seas Cargo Forwarders, Inc. Co. at Meat World International, Inc.

Pinasalamatan ng Tiangco brothers ang mga taxpayers, mga opisyal, mga residente ng lungsod, department of heads, pribadong organisasyon, at sector ng negosyo dahil sa kanilang walang-humpay na suporta sa pamahalaan at sa kanilang ambag sa patuloy na pagtaas ng antas ng pamumuhay sa Navotas.

“Maraming salamat sa inyong maagap at tamang pagbabayad ng buwis at sa inyong patuloy na suporta sa ating lungsod para sa NavLevelUp na pagbibigay ng serbisyo sa mga Navoteño” pahayag ni Mayor Tiangco. (Richard Mesa)

MAHIGIT P.4 milyong peso halaga ng shabu ang nasamsam sa isang tulak na ginang na itinuturing bilang High Value Individual (HVI) matapos kumagat sa ikinasang buy bust operation ng pulisya sa Caloocan City.

           Sa kanyang ulat kay Northern Police District (NPD) Acting Director P/Col. Josefino Ligan, kinilala ni District Drug Enforcement Unit (DDEU) chief P/Capt. Regie Pobadora ang suspek na si alyas “Tita”, 45, residente ng Quezon City.

          Ani Capt. Pobadora, nakatanggap sila ng impormasyon hinggil sa umano’y pagbebenta ng suspek ng illegal na droga sa lungsod kaya isinailalim nila ito sa validation at nang positibo ang ulat, ikinasa ng DDEU ang buy bust operation.

Dakong alas-9:47 ng umaga nang dakmain ng mga tauhan ni Capt. Pobadora ang suspek sa Galler Subdivision, Brgy., 141 ng lungsod matapos bintahan ng shabu ang isang pulis na nagpanggap na buyer.

          Ayon kay Capt. Pobadora, nakumpiska nila sa suspek ang nasa 65 grams ng hinihinalang shabu na may katumbas na halagang P442,000 at buy bust money.

          Kasong paglabag sa Sections 5 at 11 ng Article II ng R.A 9165 o ang Comprehensive Dangerous Drugs Act of 2002 ang isinampa ng pulisya sa suspek sa Caloocan City Prosecutor’s Office.

Pinuri naman ni Col. Ligan ang DDEU sa kanilang hindi natitinag na pangako sa pagpapanatili ng kapayapaan at kaayusan.

“The prompt and effective execution of this operation exemplifies the resolute determination of our personnel in safeguarding the public from the detrimental effects of illicit drugs. We remain steadfast in our mission of protecting the community.” pahayag niya. (Richard Mesa)