2025 January Archive - People's Balita

Archive for January, 2025

Wala ring problema sa billing ng ’Sessionistas’: ICE, thankful na natuloy at sold out na ang pre-Valentine concert

Posted on: January 17th, 2025 by Peoples Balita No Comments

MARAMI nga ang nag-aabang sa upcoming pre-Valentine concert na “Love, Sessionistas” na binubuo nina Ice Seguerra, Juris Fernandez, Princess Velasco, Sitti Navarro, Kean Cipriano, Duncan Ramos at Nyoy Volante, lalo na ang kani-kanilang fans.

Sa almost 3 hours ang concert, tiyak naman may kanyang-kanyang solo ang pitong Sessionistas at highlights para nga sa kanilang tagahanga.

Plus ang pagsasama-sama nila sa production numbers, tulad ng ginagawa nila sa ‘ASAP’.

Ang “Love, Sessionistas: A Pre-Valentine Concert” na gaganapin sa The Theater at Solaire sa February 8, 7 p.m. ay mula sa direksyon ni Ice.

Pagkukuwento niya sa pagdidirek sa mga kaibigan…

“When we were doing the repertoire, may mg amabilis sumagot, may ibang napakabagal, nagsara na ‘yung repertoire hindi pa rin nagbibigay kung anong kakantahin nila.

“Ako naman ay naniniwala na of course, friendship is friendship but of course you have to be professional.

“When it comes to that, I’d like to think that I can be professional at punumpuno naman ng respect sa artistry ang bawa’t isa.

“Ang maganda kasi sa show na ito, we made sure na may inputs ang bawa’t isa. They’re all artist may kanya-kanya silang kaalaman, may kanya-kanya silang star power, and gusto ko itong concert na ito ay to represent each other’s expertise, kung baga may ilalagay kami ni Liza dito pang-break lang.

“Ako rin as an artist, I don’t wanna do something that I’m not comfortable with, so ito masasabi ko na halos lahat sa amin except for one (Kean) comfortable sa gagawin nila,” mahabang sagot ni Ice.

Pagdating naman sa billing ay pinatanong daw ni Ice sa asawang si Liza Diño kung sino ang mauuna at sino ang mahuhuli at wala namang naging problema.

“Siguro that’s one thing I love about this group siguro kaya we really love to work together because there’s no ego. We’re all confident sa sari-sarili naming mga talent pero pag magkakasama kami, all ego left out of the door parang ang goal is to have fun, to have good music and be happy,” pahayag pa ni Ice na sobrang happy dahil natuloy na rin ang pagsama-sama nila sa isang big concert.

Say naman ni Nyoy nu’ng nagkatanungan daw tungkol sa billing ay hindi kumibo ang lahat, “Parang lahat nag-freeze, we didn’t want to tackle that. Parang, ‘puwede ba wala na lang ‘yan?’ Unfortunately, siyempre as professional artist kailangan pero kung tatanungin, lahat walang sumagot kasi ayaw pag-usapan.”

Sabi naman ni Kean, “Parang gets na rin ng mga agency namin na kung sinuman ‘yung mga kasama namin ngayon sa mga karera namin ay ito ‘yung project na gusto talaga naming gawin. Gagawin namin ito na hindi ‘yung may bahid na dapat ganito-ganyan, hindi ganu’n. Sabi nga ni Ice walang ego na involved.”

Nagpasalamat din ang lahat na ang Fire and Ice ang producer ng “Love, Sessionistas” dahil hindi mangyayari ang show at maganda ang pakikipag-usap sa bawa’t isa.

Samantala, nilinaw ni Ice na nagpaalam din sila sa “ASAP” dahil ginamit nila ang Sessionistas bilang titulo ng concert at pangalan na rin ng grupo nila.

“Nagpaalam ako sa kanila. We have a very small industry and as much as possible we don’t want to burn bridges and Malaki ang respeto naming sa ABS-CBN especially sa ASAP because sila ang nagbuo sa amin, eh at na-excite nga sila for us,” pahayag pa ng OPM Icon.

Personal din nilang inimbita ang mga executives ng Sunday show para manood ng concert at lahat naman ay nagsabing manonood ng one night show sana, pero dahil sold out na, magkakaroon ito ng second night sa April 4.

Nag-inquire din sila sa management nina Richard Poon at Nina, pero hindi raw sila available. May pre-Valentine concert din si Nina sa February 7, kaya imposible talaga na mapasama siya.

Ang “Love, Sessionistas: A Pre-Valentine Concert” ay presented by Fire and Ice Entertainment at produced ng Fire and Ice LIVE, in partnership with Profero Aesthetics.

Pinasasalamatan ng Fire and Ice Entertainment ang Platinum Sponsors: The Platinum Karaoke at Katinko at ang Gold Sponsor: HG Studio.

Kabilang din ang Media Partners: Magic 89.9, True FM 105.9, Philippine Concerts, and WhenInManila.com at sa pre-sale inquiries para sa April 4 repeat concert maaring tumawag sa 0917-700-3262 or e-mail: tickets@fireandice.ph.

(ROHN ROMULO)

Kahit kakahiwalay pa lang niya kay Barbie: JAK, ‘di nagpaapekto at tuloy-tuloy lang sa sinimulang negosyo

Posted on: January 17th, 2025 by Peoples Balita No Comments

KAHIT na kakahiwalay pa lang ni Jak Roberto sa relasyon nito kay Barbie Forteza, hindi ito naging hadlang sa kanyang sinimulan na negosyo.

Sa ‘Pera Paraan’ with Susan Enriquez, na-feature ang skin care products for men ni Jak na puwede ring gamitin ng mga babae.

Taong 2023 nang simulan ng Sparkle hunk ang kanyang JC Essentials.

“Grabe, sobrang challenging po. Kasi una ‘yung papers, ‘yung mga business permit. Siyempre, ‘yung mga office. Kasi, requirements ‘yan para makapag-apply ka ng business permit. Doon ako naglabas ng kapital.

“One person corporation ako, e. Wala akong partners. Kaya ako talaga kailangan ‘yung gumalaw. Kailangan mag-isip ng strategies, mag-isip ng mga marketing. Kailangan meron kang logo, meron kang brand name, product name,” sey ni Jak sa mga pinagdaanan niya sa negosyo.

Jak is hands-on with his business, which is now e-commerce-based, promoting it on social media.

“’Yung mga tao naman, mas easy access sa kanila na magpa-deliver na lang. Order online kasi ngayon may mga free shipping naman,” Jak said.

Ang best-selling product ni Jak ay ang masculine wash na panlinis ng mga sensitive areas sa katawan ng lalaki.

“Genital wash siya. ‘Yung product po na yun na masculine wash, pwede rin siya sa underarms, sa mga batok, sa legs, sa mga singit-singit. ‘Yung masculine wash, naisip ko kasi may friends ako na naghahanap, na dati bumibili pa sila sa ibang bansa. Hindi nila alam na meron na dito sa Pilipinas,” pagmamalaki ni Jak.

(RUEL J. MENDOZA)

‘Di maitanggi na naninabago sa ka-loveteam: SOFIA, na-shock nang maka-eksena si ALLEN na naka-topless

Posted on: January 17th, 2025 by Peoples Balita No Comments

HINDI maitanggi ni Sofia Pablo na naninabago siya sa ka-loveteam na si Allen Ansay nang makita itong mag-topless sa isa sa mga eksena nila para sa Afternoon Prime series na ‘Prinsesa ng City Jail.’

Isa sa mga eksena na ipinakita sa trailer ng naturang serye ay ang pagkalunod ng karakter ni Sofia na si Princess sa swimming pool. Matapos itong makita ay sinagip ni Xavier (karakter ni Allen) si Princess.

Paliwanag niya ay noong nag-look test sila para sa eksena ay naka-rash guard lang sina Allen at Radson Flores kaya’t nagulat siya nang makita silang naka-topless na sa mismong araw ng taping.

“Nagulat po ako. Tapos paglabas, sabi namin ‘Talaga?’ Akala po namin inaasar lang kami. Sabi, ‘Hindi, ‘yan talaga, promise. ‘Di kami nagbibiro,’ Nanibago po ako, sabi ko, ‘Kaeksena ko, nakahubad, ano ba ‘yan.’” pag-alala ni Sofia.

Kuwento naman ni Allen ay hindi rin niya akalain na magta-topless siya noong araw na ‘yun at kahit na maraming dalang pagkain si Sofia sa set, ay hindi siya kumain buong araw para ready siya sa nasabing eksena.

***

SA Santa Barbara, California nakatira si Oprah Winfrey kaya malayung-malayo ito sa panganib ng wildfire na tumupok sa maraming communities sa Southern California.

Pero nagkaroon din ng nakakatakot na experience ang Queen of Talk sa sunog nang magkaroon ng wildfire sa Lahaina, Hawaii noong August 2023.

Nataon daw na nasa kanyang property sa Hawaii si Oprah noong mangyari ang wildfire na kumitil sa buhay ng 102 people.

“At the time, the smoke covered the sun and half the sky. None of us could imagine the apocalypse of death and destruction that would come,” pag-alala ni Oprah.

Agad nga raw nagpadala ng tulong si Oprah para sa mga nasa evacuation centers sa Los Angeles at iba raw na nandoon ay kanyang mga kaibigan. May iba raw na pinasundo niya at pansamantalang nakatira sa kanyang bahay sa Santa Barbara.

“I’m preparing dinner for people whose lives have been affected by the fires and are taking respite at my home.

“We will be giving thanks for the refuge many have been able to find after being forced to leave their homes; praying for those having to process unimaginable loss; and expressing our gratitude to the firefighters who continue to put themselves in harm’s way. I hope that, if you can, you’ll do the same,” sey ni Oprah.

(RUEL J. MENDOZA)

130 non-conforming weighing scale, sinira sa Valenzuela

Posted on: January 17th, 2025 by Peoples Balita No Comments

WINASAK ng Pamahalaang Lungsod ng Valenzuela sa pangunguna ni Mayor WES Gatchalian ang 130 non-conforming weighing scale na nakumpiska mula sa iba’t ibang pamilihan sa lungsod sa isinagawang operation timbangan.

Ang inisyatiba ay naka-angkla sa pambansa at lokal na mga batas na kumokontrol sa paggamit ng mga kagamitan sa pagtimbang sa mga pampublikong pamilihan.

Ang Republic Act No. 11706, o ang “Timbangan ng Bayan Act,” ay nag-uutos sa pagtatatag ng Timbangan ng Bayan Centers sa mga pampubliko at pribadong pamilihan upang mabigyan ang mga mamimili ng paraan ng pag-verify ng mga instrumento sa pagtimbang.

Ang mga lalabag sa batas na ito ay maaaring maharap sa mga parusa mula ₱50,000 hanggang ₱300,000, pagkakulong ng isa hanggang limang taon habang ang paulit-ulit na mga paglabag ay maaaring kanselahin ang mga business permit.

Ang lungsod ay ipinapatupad na ordinansa, ang Ordinance No. 903, Series of 2021, na kilala rin bilang New Market Code ng Valenzuela City na nagpapataw ng multa mula ₱5,000 hanggang ₱15,000 sa mga vendor o establisyimento na makikitang gumagamit ng tampered o non-compliant weighing device.

Binigyang-diin ni Mayor WES ang kahalagahan ng fair and honest trade practice. “Hindi po rason ang pagmahal ng bilihin, dahil lahat naman po tayo ay naghahanap-buhay, importante po na tayo ay tapat sa ating gawain. Dito po sa Valenzuela, ang pinaiiral natin ay disiplina, ayaw po nating pinagsasamantalahan ang ating mga consumer. Dapat po natin silang protektahan, bilang bahagi ng ating misyon na pagandahan ang ating environment dito sa lungsod.” pahayag niya.

Ang pagsira sa mga nakumpiskang timbangan ay magsilbing daan upang turuan ang mga nagtitinda sa pamilihan tungkol sa wastong paggamit at pagpapanatili ng mga kagamitan sa pagtimbang.

Samantala, nagsagawa naman si Mayor Wes, kasama ang Department of Trade and Industry (DTI) ng surprise inspection sa Karuhatan Public Market para suguraduhin na tama at walang daya ang mga gamit na timbangan ng mga nagtitinda. (Richard Mesa)

PHILHEALTH may sapat na pondo para sa bagong benefit packages

Posted on: January 17th, 2025 by Peoples Balita No Comments

SINIGURO ng mga opisyal ng Philippine Health Insurance Corporation (PhilHealth) sa mga mambabatas na may sapat itong pondo para sa bago at pinalawig na health benefit packages.

Ang paniniguro ay ginawa ng mga opisyal ng PhilHealth sa pangunguna ni President at Chief Executive Officer Emmanuel Ledesma Jr., sa pagdinig ng House Committee on Health na pinamumunuan ni Batanes Rep. Ciriaco Gato Jr. ukol sa pagtaas ng benefit packages nito.

Sinabi ni Gato na makakakuha ang mga PhilHealth members ng bago at expanded health benefit packages na nagkakahalaga ng P271 billion.

Inihayag naman ni PhilHealth finance officer Renato Limsiaco Jr., sa pagtatanong ni Appropriations acting chairperson at Marikina City Rep. Stella Luz Quimbo kaugnay sa cash-on-hand ng ahensiya, na ang PhilHealth ay mayroong P492 billion nitong Dec. 31, 2024.

Dagdag nito, ang P203 billion ay kokolektahin sa direct contributors mula sa private sector atgovernment ngayong 2025. nitong 2024, ang actual collection base sa PhilHealth’s cash position report ay P178.5 billion mula sa direct contributions at P9.6 billion mula sa indirect contributions.

“That’s the entire picture. But the bottom line is we really have more than enough to fund your corporate budget of P280 billion. And if I remember it correctly last hearing, (you said) that you intend to spend P244 billion for benefit (packages),” ani Quimbo.

Klinaro naman ni Ledesma na ang pondo para sa benepisyo ngayong taon ay nasa P271 billion, na inaprubahan ng PhilHealth Board.

“So P271 billion is the total new number for total expected benefit packages in 2025,” pahayag ni Quimbo.

Ayon kay Limsiaco, ang P284 billion corporate budget sa 2025 ng Philhealth ay hinati sa P271 billion para sa benefits expense; P12.5 billion paea sa administration and personnel services; at P200 million para sa maintenance at iba pang operating expenses. (Vina de Guzman)

Kamala Harris: US, dapat na manatiling nakasuporta sa Pinas sa gitna ng probokasyon ng Tsina sa WPS

Posted on: January 17th, 2025 by Peoples Balita No Comments

BINIGYANG diin ni Outgoing United States Vice President Kamala Harris ang kahalagahan na muling pagtibayin ang US commitment para idepensa ang Pilipinas sa gitna ng patuloy na agresyon ng Tsina sa West Philippine Sea (WPS).

Ito ang binanggit ni Harris sa isang telephone call kay Pangulong President Ferdinand Marcos Jr. Martes ng gabi.

“Indeed, and I will tell you from my first visit to Manila and our first conversation, it is extremely important to me and to the United States that we reaffirm the commitment to the defense of the Philippines including the South China Sea,” Harris ang nakasaad sa press release na ipinalabas ng Presidential Communications Office (PCO).

Sa kabilang dako, sinabi naman ng White House na pinagtibay ni Harris ang kahalagahan ng patuloy na pagdepensa sa ‘international rules and norms’ sa South China Sea sa harap ng probokasyon mula Beijing.

Binigyang diin nito na dapat lamang na suportahan ng Estados Unidos ang Pilipinas sa harap ng probokasyon ng Tsina, “and the enduring nature of its defense commitments to the Philippines,” ayon sa White House.

Inaala rin ni Harris ang kanyang makasaysayang pagbisita sa Pilipinas, partikular na ang kanyang naging byahe sa Palawan noong November 2022. Sinabi nito na ang kanyang byahe ay nagbigay-diin sa ”the vulnerability in the region.”

Winika pa ng Bise-presidente na ang kanyang naging pagbisita ay nagpalakas sa pagsuporta ni US President Joe Biden sa Pilipinas pagdating sa ‘seguridad at kaunlaran.’

“I know there is bipartisan support within the United States Congress and within the US for the strength of this relationship and the enduring nature of it in terms of security, but again prosperity and to your point of people-to-people ties,” ang sinabi ni Harris.

Sa kabilang dako, pinasalamatan naman ni Pangulong Marcos si Harris kasabay ng pagbibigay-diin sa matatag at produktibong partnership sa pagitan ng Pilipinas at Estados Unidos.

“Madame Vice President, before I came to this call I was going through all of the things that we had discussed in the past couple of years. And it is remarkable how much work we have been able to do and how much it has progressed and developed the relationship between our two countries. Already very strong relationship but evolving and evolving for the modern challenges that we face, both for us and the South China Sea and for the United States around the world,” ang litaniya ni Pangulong Marcos.

“As I told President Biden when I spoke to him, I said that, I remember … just before we signed the trilateral agreement in Washington, that, I said to President Biden that this will change the dynamic of the South China Sea and the Indo-Pacific. And it certainly has done that,” aniya pa rin.

Pinag-usapan din ng mga ito ang trilateral cooperation sa Japan bilang isang mahalaging halii ng regional security, kung saan tumulong ang Vice President na pabilisin ito ito sa unang leader-level trilateral meeting sa Jakarta noong September 2023.

Bago matapos ang nasabing pag-uusap sa telepono, inimbitahan ni Pangulong Marcos si Harris na muling bisitahin ang Pilipinas. (Daris Jose)

Walang pondo para ipatupad ang medical, burial aid program sa 2025- OVP

Posted on: January 17th, 2025 by Peoples Balita No Comments

INAASAHAN na ng Office of the Vice President (OVP) na matitigil na nito ang pagbibigay ng medical at burial assistance ngayong taon dahil sa ‘no budget’ na inaprubahan para sa programa sa ilalim ng 2025 General Appropriations Act (GAA).

Sinasabing mula January hanggang December 2024, nakapagbigay ang programa ng mahigit sa P822 milyong halaga ng financial assistance para sa kabuuang 187,028 benepisaryo.

“Since there’s no line item under 2025 General Appropriations Act for Financial Assistance / Subsidy, the Office of the Vice President has no fund to implement the medical and burial assistance program,” ang sinabi ng OVP.

Dahil dito, humingi ng paumanhin ang Office of Vice President Sara Duterte sa publiko “for the inconvenience.”

Matatandaang, tinintahan na ni Pangulong Ferdinand Marcos Jr. ang panukalang ₱6.352-trillion national budget para sa 2025 noong Disyembre 30 ng nakaraang taon.

Nangyari ang pagpirma ni Pangulong Marcos upang maisabatas ang General Appropriations Act (GAA) for Fiscal Year (FY) 2025, sa Ceremonial Hall sa Malacañang Palace matapos ang programa para sa paggunita ng “Rizal Day.”

Sa kanyang talumpati, sinabi ni Pangulong Marcos na inatasan niya ang pag-veto sa mahigit ₱194 billion halaga ng line items na hindi umano naka-align sa mga prayoridad na programa ng kaniyang administrasyon.

“This budget reflects our collective commitment to transforming economic gains into meaningful outcomes for every Filipino. It is designed not just to address our present needs but to sustain growth and to uplift the lives of generations that are yet to come,” aniya pa rin.

Samantala, sinabi ni VP Sara na maaaring maapektuhan ng pagtapyas sa 2025 budget ng OVP ang ilang proyekto ng OVP partikular na ang ‘free bus rides at financial assistance’ ang ipinagkaloob sa kanilang satellite offices.

Gayunman, ipinagpatuloy pa rin ng mga satellite office ng OVP ang kanilang trabaho at tungkulin hanggang noong December 31, 2024, subalit binigyang diin na hindi siya sigurado kung paano ang operasyon ay magbabago ngayong 2025.

Tinuran ni VP Sara na may 200 OVP personnel ang maaaring mawalan ng trabaho dahil sa nangyaring pagtapyas sa budget. (Daris Jose)

PBBM sa DBM: Ibalik ang P400-M BRANDING BUDGET ng DoT

Posted on: January 17th, 2025 by Peoples Balita No Comments

INATASAN ni Pangulong Ferdinand R. Marcos Jr. ang Department of Budget and Management (DBM) na ibalik ang P400 million branding budget para sa Department of Tourism (DOT).

“Restore the P400 million branding budget of DOT to sustain the momentum,” ang naging utos ni Pangulong Marcos sa DBM sa isinagawang pagpupulong kasama si Tourism Secretary Esperanza Christina Garcia Frasco sa Palasyo ng Malakanyang.

Ang pondo ay huhugutin mula sa contingency fund ng Pangulo.

Sinabi ni Pangulong Marcos na handa na ang Pilipinas na simulan ang pagpapalakas sa international image, tinukoy ang kamakailan na accomplishments ng Filipino talents, kabilang ang two-time gymnastics world champion na sina Carlos Yulo at The Voice US champ Sofronio Vasquez, kapwa nagdala ng karangalan sa bansa.

Binigyang diin ng Pangulo na hindi makakaya ng gobyerno na mawala ang momentum.

“We have to maintain the momentum. There is already momentum. It doesn’t hurt that we have people like Sofronio winning The Voice and that we had Caloy Yulo winning the Olympics,” ang tinuran ni Pangulong Marcos.

“All of these things that our people are doing that is great for the Philippines. And then we’re still living off the wonderful performance of Filipino health workers during Covid. Hindi na makakalimutan ‘yon,” dagdag na wika nito.

Muli namang inulit ni Frasco ang sentimyento ni Pangulong Marcos at nagpahayag ng ganap na suporta para sa inisyatiba ng administrasyon para i-promote ang turismo ng Pilipinas.

Sa kanyang naging presentasyon, sinabi ng Kalihim na ang kakapusan sa pondo para sa DOT ay mauuwi sa pagkabawas ng engagement kasama ang target audiences, mas kaunting kalakalan at consumer activation opportunities, at kawalan ng global media placements, kabilang sa iba pang setbacks.

Utang na loob sa global campaign para palakasin ang turismo ng Pilipinas, sinabi ng Kalihim na ang bansa ay nakakuha ng P760 billion sa international visitor receipts mula January 1, 2024 hanggang December 31, 2024.

Idinagdag pa nito na ang foreign tourists sa Pilipinas na matagal na nananatili o may average na 11 gabi noong 2024 kumpara sa siyam lamang noong 2019.

Samantala, pormal na hiniling ng DoT ang pagbabalik ng P400 million branding budget para suportahan ang campaign efforts nito. (Daris Jose)

Experts Urge Filipinos to Rely on Factual InformationAbout the 2nd-Generation Dengue Vaccine

Posted on: January 17th, 2025 by Peoples Balita No Comments

Amid rising cases of dengue and the spread of health misinformation, healthcare professionals are calling on Filipinos to seek medical advice and factual information about second-generation dengue vaccines. Experts emphasize that understanding the benefits and safety of this vaccine is essential for making informed health decisions.

Dr. Lulu Bravo, a prominent vaccinologist and vaccine advocate, has been vocal in dispelling common misconceptions surrounding the dengue vaccine. With decades of experience in vaccine development and immunization campaigns, Dr. Bravo underscores the importance of vaccination not only for personal protection but also as a public health measure to protect entire communities.

“Vaccination has been around for over 230 years, saving millions of lives by preventing serious diseases,” Dr. Bravo said. “People must remember that vaccines are rigorously tested to ensure safety and efficacy. The dengue vaccine is no different.”

Combating misinformation to protect health

In recent years, misinformation about vaccines has circulated widely, especially on social media, often fueled by sources lacking scientific expertise. Healthcare providers are concerned that the spread of these inaccuracies might deter people from taking steps that could prevent serious diseases like dengue, which is a leading cause of illness in the Philippines. According to Dr. Bravo, misinformation around vaccination not only affects individuals but also puts entire communities at greater risk.

“Vaccination is not just a personal choice; it’s a public health issue,” she said. “When people are vaccinated, they are less likely to spread disease to others, including vulnerable groups such as children, the elderly, and those with weakened immune systems.”

The new dengue vaccine is a valuable intervention in combating dengue disease that can be mild for some people but may occasionally cause more severe cases¹ for others, especially for people with underlying health conditions.

How other countries benefit from second-generation dengue vaccine

In response to the growing threat of dengue fever, Vietnam’s Ministry of Health has proposed offering free dengue vaccinations. The Law on Prevention and Control of Infectious Diseases of Vietnam mandates that available vaccines for infectious diseases must be given to the people for free to reduce the number of cases and limit severe cases requiring hospitalization or death due to dengue fever.

The second-generation vaccine is approved in more than 40 countries worldwide and is available in 24 countries including Indonesia, Brazil, Thailand, Argentina, Malaysia, Colombia, Germany, Finland, Sweden, Norway, Denmark, Netherlands, Luxembourg, Czech Republic, Austria, Belgium, Ireland, Portugal, Spain, U.K., Slovakia, Italy, Poland, Israel.

Empowering Filipinos through informed choices

Healthcare providers are hopeful that with accurate information, more Filipinos will recognize the benefits of the vaccine and consider it an important part of dengue prevention alongside traditional measures like vector control and environmental sanitation.

“Combatting dengue in the Philippines requires a multi-pronged approach,” Dr. Bravo noted. “Aside from vaccination, people must continue practices like fogging, eliminating mosquito breeding sites, and maintaining clean surroundings.”

With a growing array of online sources and opinions, Dr. Bravo urges Filipinos to verify information through credible channels. She encourages the public to look to healthcare professionals, scientific studies, and official health organizations for accurate and evidence-based information.

In a time when social media can amplify misinformation, healthcare professionals stress that individuals who rely on facts are better equipped to make health choices that benefit both themselves and their communities.

“The goal is to empower Filipinos with knowledge so they can make informed decisions and take actions that protect their families and their communities,” she said. “When people rely on credible information, they contribute to a healthier Philippines.”

The second-generation dengue vaccine offers a significant opportunity to reduce the disease burden in the Philippines. By embracing informed choices, experts believe Filipinos can play a critical role in the nation’s fight against dengue.

US tennis star Coco Gauff pasok na sa ikatlong round ng Australian Open

Posted on: January 17th, 2025 by Peoples Balita No Comments

PASOK na sa ikatlong round ng Australian Open si US tennis star Coco Gauff.

Ito ay matapos na talunin niya si Jodie Burrage ng United Kingdom sa score na 6-3, 7-5.

Hawak na ni Gauff ang kalamangan 3-1 sa ikalawang set subalit nagawa pang lumaban ang Londoner tennis player at naitala ang 5-3 sa kaniyang serve.

Inamin nito na isang malaking hamon sa kaniya ang Rod Laver Arena dahil sa nakapagtala ito ng double-faulting sa kaniyang serve.

Susunod na makakaharap nito sa ikatlong round si Leyla Fernandez ng Canada.

POC maagang naghahanda para sa iba’t ibang torneo

ITINALAGA ng Philippine Olympic Committee si PBA Chairman Ricky Vargas bilang magiging chef de mission ng Los Angeles 2028 Olympics.

Isinagawa ang pagtatalaga sa ginawang kauna-unahang general assembly ng POC.

Habang si Dr. Jose Raul Canlas ay itinalaga na mamuno sa Southeast Asian Games na gaganapin sa Thailand.

Ilan sa mga itinalaga ay si Al Panlilio na mangangasiw ng Aichi-Nagoya 2026 Asian Games habang si Represetatives Richard Gomez ay siyang bahala sa Milano Cortina 2026 Winter Olympics at si Stephen Arapoc naman ay itinalaga sa Chengdu 2025 World Games.

Si Richard Lim ng Karate ay chef de mission ng Asian Winter Games sa Harbin na magsisimula sa Pebrero 7 hanggang 14.

Sinabi ni POC president Abraham “Bambol” Tolentino na mahalaga ang maging handa ng maaga para walang magiging palusot sa mga performances ng mga atleta ng bansa.