NAGPULONG ang mga opisyal ng Pilipinas at Tsina sa Xiamen, China, para sa 10th consultative meeting ng Bilateral Consultation Mechanism on the South China Sea.

Sinabi ni Department of Foreign Affairs (DFA) Foreign Undersecretary Ma. Theresa Lazaro na nagkaroon siya ng tapat at konstruktibong talakayan kasama si Chinese Vice Foreign Minister Chen Xiaodong hinggil sa South China Sea at iba pang bilateral issues.

Hindi namang idinetalye ni Lazaro ang nasabing “frank discussions’ ipinaalala nito sa Beijing ng kanilang Provisional Understanding hinggil sa ‘rotation at reprovisioning missions’ ng PIlipinas sa Ayungin Shoal at positibong resulta nito.

“Our position is clear and consistent, but so is our willingness to engage in dialogue. We firmly believe that despite the unresolved challenges and differences, there is genuine space for diplomatic and pragmatic cooperation in dealing with our issues in the South China Sea,” ang sinabi ni Lazaro sa naturang pulong.

Winika pa ni Lazaro na nagpahayag ng kanyang seryosong alalahanin ang Maynila ukol sa mga aktibidad ng ‘Chinese cutters’ sa Philippine maritime zones na ‘inconsistent’ sa 1982 UN Convention on the Law of the Seas at Philippine Maritime Zones Act.

Ang tinutukoy ng diplomat ay ang intrusyon ng Beijing sa Philippine territorial waters, partikular na ang pag-deploy coast guard cutters, isa sa mga ito ay ang pinakamalaking coast guard vessel sa buong mundo.

Hindi naman tinukoy ng veteran diplomat ang naging tugon ng Beijing, subalit ang pagpupulong ay isinagawa matapos na hikayatin ni Sen. Marco Tubio, nominado ni US President-elect Donald Trump sa US state department, ang Tsina na “stop messing around” sa Pilipinas at Taiwan.

Kapwa naman hinikayat ng mga opisyal ng Maynila at Washington ang Beijing na pagsumikapan na patatagin ang situwasyon sa South China Sea at sa mga lugar na nakapalibot sa Taiwan, isa ring treaty ally ng Estados Unidos.

“The actions they are taking now are deeply destabilizing. They are forcing us to take counteractions because we have commitments to the Philippines and we have commitments to Taiwan that we intend to keep,” ang sinabi ni Rubio sa mga US senator sa idinaos na confirmation hearing, araw ng Huwebes.

If they want to destabilize the relationship or they want to at least create some pathway for stabilization of our relationship with them, they really need to stop messing around with Taiwan and with the Philippines because it’s forcing us to focus our attention in ways we prefer not to have to,” ang sinabi ng senador. (Daris Jose)

NAGBIGAY ng paunang tulong ang Department of Social Welfare and Development (DSWD) sa pamilya ng nag-viral na babaeng college student na inatake ng security guard sa labas ng isang mall sa Mandaluyong City.

Sa naging kautusan na rin ni DSWD Secretary Rex Gatchalian, personal na iniabot ni Assistant Secretary Irene Dumlao ang P20,000 kay Judith, ina ng sampaguita vendor na nagngangalang Jeny, 22, na nasa eskuwelahan nang mag-house visit ang mga DSWD social workers.

“Nanay, ito pong ipinaabot namin sa iyo ay initial pa lamang. Sabi po ng case manager natin, babalik sya at mag-iinterview sya para humingi ng additional information kasi gusto rin po namin kayong matulungan,” ang sinabi ni Dumlao sa ina sa bahay ng mga ito sa Quezon City.

Sinabi nito na lalo pang aalamin ng mga social worker ang situwasyon ng pamilya upang madetermina kung ano pa ang maaaring maitulong gaya ng Sustainable Livelihood Program.

Sa isinagawang panayam, sinabi ni Judith na ang kanilang pamilya ay dating benepisaryo ng Pantawid Pamilyang Pilipino Program subalit gradweyt (graduate) na dahil ang pinakabunsong anak ay 19 taong gulang.

Sinabi ni Judith na si Jeny ay first-year student, kumukuha ng kursong Bachelor of Science in Medical Technology.

Sinabi pa rin nito sa mga social worker na nagsisikap si Jeny na tapusin ang kanyang pag-aaral, dahilan para magtinda ito ng sampaguita pagkatapos ng kanyang klase.

“Kaya sila nagsusumikap na magtinda, doon sila kumukuha ng baon at pamasahe. Tapos ang iba ay itatabi nila para pagdating ng babayarin [sa school] ay mayroon silang pagkukunan,” ayon kay Judith.

Si Judith ang gumagawa ng sampaguita habang ang kanyang mga anak at asawa ang nagbebenta nito.

Sa ulat, hindi itinago ng mga magulang ng viral sampaguita vendor na masama ang loob nila sa ginawa ng security guard sa kanilang anak. Napag-alaman na 22-anyos na college student na ang dalaga at mayroong kakambal.

“Masakit sa kalooban kasi akong nanay hindi ko sila nahampas ng ganyan. Masakit kasi ginawa nila sa anak ko, na sinipa parang ganoon naghahanap-buhay nang maayos,” ayon sa ina ni Jeny.

“Nakikiupo lang siya kasi umaambon ng time na ‘yon.… Eh ngayon dumating ang guard. Pilit siya pinapaaalis. Ang anak ko na ‘yan ‘pag alam niya tama siya ipaglalaban niya sarili niya eh hanggat hindi nagkakaunawaan, hinablot ngayon ang sampaguita,” sabi naman ng ama ni Jeny.

December 17, 2024 umano nang mangyari ang insidente sa labas ng SM Megamall. Tinanggal na sa mall ang sangkot na security guard sa insidente.

“On the part of the DSWD,lagi po nating sinasabi na hindi po natin tino-tolerate ang gender-based violence. Dapat ay there is a collective effort on the part of the private and public sectors na protektahan at pangalagaan ang karapatan ang well-being ng bawat isa,” ang sinabi ni Dumalo. (Daris Jose)

IPINAG-UTOS ni Social Welfare Secretary Rex Gatchalian sa Disaster Response Management Group ng Department of Social Welfare and Development (DSWD) na magpadala ng mas maraming food packs sa Negros Island para sa inaasahang pagputok ng Bulkang Kanlaon, huling sumabog noong nakaraang Disyembre at nananatiling nasa Alert Level 3.

Sinabi ng DSWD na tiniyak ni Gatchalian sa mga field offices ng departamento sa Central at Western Visayas regions na ang karagdagang food packs ay darating, araw ng bukas, Linggo, Enero 19.

“We will fill our provincial warehouses on the island to the brim,” ang winika ni Gatchalian.

Aniya pa, kailangang tiyakin ng DSWD na maihahatid ang 40,000 food packs sa Negros Oriental at panibagong 40,000 sa Negros Occidental sa araw ng Lunes, Enero 20.

Ang Food packs ay ay sinadya upang mapanatili ang pamilya na na-displaced ng kalamidad gaya ng pagsabog ng bulkan, lindol at pagbaha.

“Check the maximum capacity for both sides of Kanlaon. I want maximum capacity the warehouses of Negros Oriental and Occidental. So we have to be ready,” ayon sa Kalihim. (Daris Jose)

NAGPAHAYAG ng kanyang buong suporta si Navotas Congressman Toby Tiangco sa isinusulong ni Pangulong Ferdinand Marcos para sa mas magandang koneksyon sa buong Pilipinas.

“Sabi nga ng Pangulo, wala dapat maiiwan. Dapat lahat ng Pilipino magkaroon ng access sa internet,” ani Tiangco.

“Handa ang Kongreso na suportahan ang pananaw ng Pangulo, lalo na sa pag-streamline ng mga proseso at pag-institutionalize ng mga reporma na kinakailangan para sa mas mahusay na digital na imprastraktura,” dagdag niya.

Idiniin ni Tiangco ang panawagan ng pangulo sa Department of Information and Communications Technology (DICT) na unahin ang Common Tower Program (CTP) nito para maabot ang mga underserved at remote na lugar.

“Malinaw ang mga utos ng Pangulo–kailangan ng DICT na mag-step up para mapakinabangan ang mga benepisyo ng CTP at magbigay ng mas magandang koneksyon sa mas maraming Pilipino,” sabi pa niya.

Ang CTP ay inilunsad upang mapahusay ang imprastraktura ng telekomunikasyon sa pamamagitan ng pagtataguyod ng pagtatayo ng mga shared tower.

Sa pamamagitan ng programang ito, ang mga mobile network operator ay na-insentibo na mag-set up ng mas maraming antenna sa mga rural na lugar na may mababang populasyon.

“Lahat ay nagsisimula sa koneksyon. Sa pamamagitan lamang ng pagbibigay ng mas maraming Pilipino ng access sa maaasahang internet maaari nating i-unlock ang buong potensyal ng pagsisikap ng digitalization ng ating pamahalaan. Umaasa kami na bilisan ng DICT ang pagkilos sa pagpapatupad ng CTP,” pagtatapos ni Tiangco. (Richard Mesa)