HINIKAYAT ni Pangulong Ferdinand R. Marcos Jr. ang Filipino-Chinese community na  ituloy lamang ang kanilang “grand ambitions” hindi lamang sa sarili kundi para sa mas ikabubuti ng lahat.

Nakiisa kasi  ang Pangulo sa  Filipino-Chinese community, araw ng Miyerkules, sa pagdiriwang ng mga ito ng  Chinese New Year, Isang maningning na pang-kultural na na sumisimbolo sa ‘pag-asa, pagbabago at pagiging masigasig.’

“As we welcome a new year of self-improvement and good fortune, let this event inspire us to boldly set our intentions and confidently pursue grand ambitions not only for ourselves but for the greater good,” ang sinabi ng Pangulo sa kanyang mensahe.

Ang Chinese New Year ang pinakahihintay na holiday ng mga Chinese, hindi lamang sa China kundi sa buong mundo.

Tinatawag itong “Spring Festival” at “Lunar Year” at ibinabase ang petsa ng pagdiriwang sa Chinese lunar calendar.

Ang unang araw ng Chinese New Year ngayong 2025 ay January 29 at ito ang simula ng Year of the Wood Snake.

Ang Chinese New Year ang pinakamahalaga na taunang festival para sa mga tao na may Chinese ancestry sa buong mundo, at marami silang mga tradisyon na sinusunod.

Para sa marami, ito ay isang religious holiday, puno ng panalangin, offerings at marami pang iba.

Ang Chinese New Year ay ipinagdiriwang ng 15 araw, subalit ang unang tatlong araw ang pinakamahalaga.

Sinabi pa ng Pangulo na ang itinatangi na okasyon ay “steeped in century-old tradition and joy” dapat ay maging paalala sa publiko na ikonsidera ang bawat hamon na isang pagkakarltaon para yumabong at bawat pagsisikap bilang oportunidad para matupad ang hinahangad na aspirasyon.

Hinikayat naman  ng Pangulo ang publiko na yakapin ang “promise of prosperity with courage and determination” sa  Year of the Snake, Isang simbolo ng  ‘wisdom, intuition, at transformation.’

“Let the vibrant lanterns that illuminate our celebration also brighten our purpose as a nation,” ang sinabi ng Pangulo.

“May this auspicious time rekindle our commitment to a Bagong Pilipinas-inspiring new beginnings, forging fruitful endeavors, and deepening our duty to strengthen the ties that bind us as a country,” aniya pa rin. (Daris Jose)

MAHIGIT P1.5 milyong halaga ng ilegal na droga ang nasamsam sa isang rider na nagtangkang takasan ang mga pulis na nagsasagawa ng checkpoint makaraang masita dahil walang suot na helmet sa Caloocan City, Miyerkules ng gabi.

Ayon kay Caloocan police chief P/Col. Edcille Canals, habang nagsasagawa ng COMELEC checkpoint ang mga tauhan ng Police Sub-Station (SS9) sa pangunguna ni P/Major Segundino Bulan Jr sa Brgy., 171, Bagumbong nang parahin nila ang isang lalaki na sakay ng isang Honda Beat motorcycle na may Lalamove bag dahil walang suot na helmet dakong alas-11:45 ng gabi.

Sa halip na huminto, tinangka umanong takbuhan ng rider ang mga pulis subalit, agad din naman napigilan at naaresto ang suspek na nakilala bilang si alyas ‘Jonathan’, 24.

Nang hanapan siya ng kanyang driver’s license ay wala itong naipakita at nadiskubre din ng mga pulis na hindi nakarehistro ang minamaneho niyang motorsiklo.

Nang tignan ang laman ng kanyang Lalamove bag, nadiskubre ng mga pulis sa loob ang 11 kilograms ng suspected marijuana bricks, isang kilogram ng pinatuyong dahon ng marijuana, 60 piraso ng hinihinalang ecstasy tablets, mga bote ng umano’y liquid marijuana, at isang sachet ng suspected cocaine na umaabot lahat sa P1,573,100 ang halaga.

Nakatakdang sampahan ng pulisya ang suspek ng kasong paglabag sa Article 151 of the Revised Penal Code (Resistance and Disobedience to a Person in Authority) at Section 11, Article II of Republic Act 9165 (Comprehensive Dangerous Drugs Act of 2002) sa Caloocan City Prosecutor’s Office.

Pinuri naman ni Northern Police District (NPD) Acting Director P/Col. Josefino Ligan ang mga tauhan ni Col. Canals sa kanilang dedikasyon, professionalism, at mahusay na pagganap sa operation.

“This significant seizure is a direct result of our relentless efforts to dismantle illegal drug operations within our jurisdiction. Disrupting the supply chain and preventing these dangerous substances from reaching our communities are major achievements,” pahayag niya. (Richard Mesa)

NANGAKO si Department of Budget and Management (DBM) Secretary Amenah Pangandaman na gagawin niya ang lahat ng kanyang makakaya  para iposisyon ang Pilipinas bilang ‘top country’ sa buong mundo para sa  ‘budget transparency at oversight.’

Ito’y matapos na isatinig ng Kalihim ang achievement ng administrasyong Marcos habang pino-promote ang open governance.

Sabay sabing nakuha ng Pilipinas ang ‘ top spot’  para sa  budget transparency sa Asya  at pang-anim na spot sa buong mundo para sa  budget oversight, base sa 2023 Open Budget Survey results.

“Our goal is to make it as a number one for the world,” aniya sa isinagawang paglulunsad ng  2024 annual accomplishment report, legacy book at  inspiration gallery na ipinapakita ang Philippine Open Government Partnership (PH-OGP) sa Isang seremonya sa DBM’s central office in San Miguel, Manila.

Si Pangandaman, chairperson din ng  PH-OGP, nagpahayag na ang accomplishment report ay magbibigay diin sa key milestones ng gobyerno at pagsisikap na ilagay ang Pilipinas bilang  “a global leader in open governance space.”

Winika pa nito na ipinatupad ng administrasyong Marcos ang ilang ‘targeted initiatives’ para tugunan ang mga pangunahing ‘open government challenge areas.’

Aniya, ang paglulunsad ng  6th PH-OGP National Action Plan in 2024 ay nangangalaga sa ‘transparency, accountability, at citizen participation’ sa governance.

“As the department responsible for ensuring the efficient and sound utilization of our nation’s budget, the DBM ensures that budget documents are accessible and open to public scrutiny,” aniya pa rin.

Binigyang diin din ni Pangandaman na nilagdaan ang Republic Act 12009 o New Government Procurement Act (NGPA) noong nakaraang taon para tuparin ang commitment ng gobyerno na gawing modernisado ang procurement at tugunan ang pangangailangan ng mga tao.

Sinabi pa niya na ang NGPA ay itinuring na  “the country’s biggest anti-corruption measure in recent history.”

“The NGPA mitigates the risk of conflict of interest; introduces open contracting, a global standard enabling the public to access data and documents at all stages of procurement process; and also encourages public participation of our civil society members that can help us ensure prudent and judicious use of government resources,” ang sinabi ni Pangandaman.

NANAWAGAN si Navotas City Congressman Toby Tiangco sa Department of Education (DepEd) na magtatag ng ethical guidelines habang isinasama nito ang Artificial Intelligence (AI) at teknolohiya sa paghahatid ng edukasyon.

“We have to accept that AI is already part of our lives, so we must ensure it is utilized properly. While technology is an empowering tool for Filipino students, we also need to protect them from its potential risks,” ani mambabatas.

“I welcome the efforts of DepEd to utilize AI in its learning modalities and delivery. This is a much-needed step to modernize learning in our schools,” dagdag niya.

Binigyang-diin ng mambabatas ang kahalagahan ng mga alituntunin upang maprotektahan ang mga guro at mag-aaral mula sa hindi tumpak na impormasyon at potensyal na nakakapinsalang pakikipag-ugnayan.

“Marami ring nakababahalang aspeto ang teknolohiya, kaya mahalaga ang DepEd sa pag-siguro na matuturuan ang kabataang Pinoy ng tamang paggamit ng AI technology,” sabi niya.

“We don’t want these tech tools to hamper their development in any form or expose them to predatory online practices,” sabi pa niya.

Binigyang-diin din ni Tiangco ang pangangailangang magbigay ng tamang kaalaman sa mga tagapagturo kung paano pangasiwaan ang AI at mga kaugnay na teknolohiya.

“Pero syempre, kaakibat ng mga ganitong pagbabago ay ang pagsiguro na matuturuan din natin ang mga guro at estudyante ng tamang paggamit ng AI. Kasi kahit nandyan ang AI tools, kung hindi alam gamitin, masasayang lang din,” paliwanag ni Tiangco.

Hinikayat din ng solon ang DepEd na tiyakin na ang mga teknolohiyang AI na ipinakilala sa mga paaralan ay nagbibigay kapangyarihan sa mga mag-aaral at isulong ang pagpapaunlad ng sarili.

“If our public education system can successfully harness EdTech and integrate technology into our curriculum, I am certain we will produce globally-competitive graduates,” aniya. (Richard Mesa)

UPANG mapabilis ang koordinasyon sa pagitan ng lokal na pamahalaan at mga Malabueno sa panahon ng mga kalamidad, inilunsad ni Mayor Jeannie Sandoval at Malabon Disaster Risk Reduction and Management Office (MDRRMO) ang bagong Malabon All Hazards One Network (AHON) 24/7 Alert Application.

“Sa panahon po ngayon na halos lahat ng mga mamamayan ay may cellphone at may access sa internet, minabuti po natin na mas ilapit sa kanila ang ating dekalidad, tapat na serbisyo para sa lahat. Atin pong inilunsad ang Malabon AHON 24/7 Alert App na siyang magpapabilis ng koordinasyon at pagtutulungan nating mga Malabueno lalo na sa panahon ng sakuna. Kaya po i-download na natin ito at gamitin dahil sigurado pong nakahanda ang pamahalaang lungsod sa pagsiguro ng inyong kaligtasan at kapakanan,” ani Mayor Jeannie.

Ani Mr. Roderick Tongol, Officer-in-Charge ng MDRRMO, ang app ay nagbibigay sa mga residente ng direktang access sa iba’t ibang mahahalagang serbisyo ng pamahalaang lungsod, kabilang ang medical emergencies, safety and security, fire response, traffic enforcement, engineering, waste management at iba pa. Ang app ay magagamit sa pamamagitan ng pag-download sa Google Playstore at malapit na rin ilunsad sa iOS.

Ang app ay mayroon ding feature kung saan ang mga residente ay maaaring makipag-ugnayan sa mga numero ng emergency hotline, tingnan ang mga ordinansa ng lungsod, police watch list, traffic at weather updates.

Kapag na-download na sa kanilang mga device, dapat magparehistro ang mga residente sa pamamagitan ng pagsusumite ng kanilang larawan kasama ng isang valid ID, at sa pamamagitan ng pagbibigay ng kanilang personal at contact information, kasama ang numero ng kanilang telepono at email kung saan maaprubahan ito sa loob ng 24 na oras.

 Sinabi pa ni Tongol na ang City Command and Control Center kasama ang city department, ay mayroon na ngayong mga dashboard na nagpapahintulot sa kanila na madaling masubaybayan ang mga kahilingan at ulat na ipinadala ng mga residente sa pamamagitan ng app. Nagbibigay-daan ito sa kanila na tumugon kaagad, hindi tulad ng lumang bersyon ng “Let’s Connect,TXT MJS” kung saan kailangan munang gumawa ng ulat ang operator at ipadala ito sa kinauukulang opisina bago gumawa ng aksyon.

Hinihikayat natin ang mga Malabueno na i-download ang Malabon AHON 24/7 application dahil mas pinapabuti at pinapadali nito ang mga serbisyo para sa inyo. Kahit saang parte ka man ng ating lungsod ay madali nating malalaman at matutugunan ang inyong pangangailangan. Ito ay isa sa mga hakbang ng ating Mayor Jeannie sa pagtupad ng pangakong pagpapalakas ng mga programa para sa kaligtasan ng bawat mamamayan at kaayusan sa Malabon,” pahayag naman ni City Adminstrator Dr. Alexander Rosete. (Richard Mesa)