KUNG ang sobrang pag-inom ng alak sa isang showbis affair ang dahilan kung bakit pinag-uusapan ngayon ang isang supporting aktor, ay ang paglalasing din ang ginawang “scape goat” ng dating komedyanteng si Mura.

Kumbaga, ang paglalasing ay ang ginawang bisyo ni Mura ns kilala sa tunay na pangalang si Allan Padua.

Ayon pa kay Nanay Cristy Fermin sa kanyang latest episode ng “Cristy Per Minute” ay may pinagdadaanan umanong depresyon si Mura.

Ayon pa kay Nay Cristy ay nasagap daw niya diumano ang naturang tsika na laging naglalasing si Mura.

“Ang dami-daming nagsasabi, nagkukuwento sa atin na ito raw si Mura ay laging naglalasing. Dahil inatake ng depresyon,” banggit pa ni Nanay Cristy.

“Kahit naman sino talaga, nasunugan ka na ng bahay, wala ka pang proyekto, ‘di ba? Kawawa naman,” dagdag pa rin niya.

Napag-alaman pa rin ni Nay Cristy na may mga ilang taga-showbiz naman daw ang nagpapaabot ng tulong sa dating ka loveteam ng namayapang si Mahal.

“Unang-unang nagpadala sa kaniya ng tulong si Ai Ai Delas Alas. Si Ai Ai talaga pagdating sa mga kapuwa artista na nangangailangan siya ‘yong unang-unang sumasagot kasi alam niya kung paano magsimula sa ibaba,” kuwento pa rin ni Nay Cristy.

Marami naman sa mga malalapit na kaibigan ni Mura ang nagdarasal na sana nga raw ay mabigyan ng mga proyekto nang maipangtustos sa araw-araw na pangangailangan nito.

Sana nga lang ay mapansin ni Direk Coco Martin at maisama si Mura sa kanyang “Batang Quiapo”.

Matatandaang naiulat noong Mayo na nasunog ang bahay ni Mura at walang kahit anong gamit na nailigtas.

***

SA bonggang Prescon ng “Uninvited“ ay kapansın-pansin at talaga namang nagmarka sa lahat nang nakapanood ng trailer ang malutong na pagmumura ni Nadine Lustre kay Aga Muhlach na gumaganap na tatay sa movie.

Siguradong marami sa mga tagahanga ang masa-shock sa role ni Nadine sa nasabing pelikula na pinagbibidahan din ng Star for All Seasons Vilma Santos na official entry ng Mentorque Productions at Project8Projects sa 50th Metro Manila Film Festival na magsisimula na sa December 25.

Sa nasabing project ay first time na nakasama ng 38th Star Awards Best Actress sina Vilma at Aga.

Kahit ang mga kasamahang writers ay naloka sa eksena ni Nadine sa ipinalabas na full trailer ng movie sa bonggang grand mediacon ng “Uninvited” na ginanap sa Solaire Resort North, sa Quezon City.

(JIMI C. ESCALA)

INAMIN ni Kate Yalung na leading lady ni John Arcenas sa pelikulang ‘Idol: The April Boy Regino Story’, na bata pa siya ay dream na niyang mag-artista.

“Hindi ko nga akalain na magiging artista ako at aarte ako.

“Kasi pinakaalam ko talaga ay fashion designing, pero growing up ang gusto mag-‘Goin’ Bulilit’ ako. Pero hindi lang siguro ako nabigyan ng time ng parents ko, pero noong lumalaki na ako, sabi nila, go. Very supportive na sila sa ginagawa ko, binigyan talaga nila ako ng freedom.”

Hangang-hanga naman si Kate kay Bea Alonzo at wish niya itong maka-trabaho. Ganun din si John Lloyd Cruz dahil certified Popoy-Basha fan daw siya.

“Idol ko talaga si Bea Alonzo, dahil napakagaling niyang umarte. Pinapanood ko siya ngayon sa ‘Widows War’.

“Hindi ko pa nga siya nami-meet, pero sana soon.”

Dagdag pa niya, “I’m really a fan of Popoy-Basha, kasi pagdating sa aktingan, napakanatural nila, sila talaga ang pinapanood ako growing up.

“Sana nga po next time, meron pa siyang susunod na palabas, aabangan ko talaga.

“At kung may chance, gusto ko silang make-work, kahit anong role tatanggapin ko, makasama lang sila.”

Bukod kina JL at Bea, type din ni Kate nina Kathryn Bernardo at Alden Richards na makatrabaho, at ganun din pala si John.

“Napakagaling nilang artista. Napanood ko ang ‘Hello Love Again’ at ang gagaling talaga nila. Nakakakilig talaga sila. So sana talaga, mabigyan ng chance,” sabi ni John.

Sey naman ni Kate, “Ako talaga naging fan talaga nila ako sa ‘Hello Love Goodbye’ pa lang and from there, gusto ko na talaga silang makatrabaho.”

Samantala, palabas na ang ‘Idol: The April Boy Regino Story’ sa mga sinehan nationwide. Mula ito sa direksyon ni Efren Reyes at produced ng WaterPlus Productions ni Marynette Gamboa.

(ROHN ROMULO)

DISMAYADO si Mister World Philippines Kirk Bondad dahil umuwi siyang luhaan sa katatapos lang na ‘Mister World’ Pageant sa Vietnam.

Umabot lang sa Top 20 si Bondad at nanalo ng title ay si Mister Puerto Rico Daniel Mejia.

Sa Instagram post ni Bondad after the competition, inamin niya na dismayado siya, pero ginawa raw niya ang best niya sa competition.

“Well, this didn’t go as planned… My time here in Vietnam has been an indescribable ride. My placement wasn’t what I aimed for, and honestly, I’m still not sure where things went off track. Right now, I feel empty on all ends. But I know I gave it my all, and that’s what matters.

“Mister World seeks out the ‘Most Desirable Man’ which goes beyond looking just for physical appearance but also personality and skills. If I were to determine who fits that mold best, I’d be called a judge.

“To my family, friends, and supporters everywhere–thank you for believing in me and cheering me on. Your support gave me the strength to push through my limits.

“Representing the Philippines at Mister World has been one of the greatest honors of my life, and I will always treasure the memories I’ve made with my brothers here in beautiful Vietnam.
“Life has unique ways of guiding us to places we’re meant to be, so, chest high, back straight–life goes on.”

Muntik nang mapanalunan ng Philippines ang title na Mister World noong 2012, pero nag-place lang noon si Andrew Wolff as first runner-up losing sa nanalong si Mister Colombia Francisco Javier Escobar Parra.

***

BIDA si Lindsay Lohan sa bagong Netflix Christmas movie titled ‘Our Little Secret’.

Kasama niya rito sina Kristin Chenoweth, Tim Meadows and Ian Harding.

Tamang-tama raw ang paglabas ng naturang movie dahil gusto ni Lohan na maka-create ng holiday memories kasama ang 1-year old son nila ni Bader Shammas na si Luai.

“We’re going to have new traditions. So maybe we’ll have something that’s different that he ends up liking that we create for him,” sey ng aktres.

Excited na rin si Lohan sa 2025 reunion movie nila ni Jamie Lee Curtis na Freakier Friday.

“The movie is really funny. There’s like a lot more heart, there’s a ton of music in this one, which is different. Everything’s bigger, the jokers are bigger. It’s really something. Me and Jamie really threw ourselves into it, and we’re just really, really proud of it.”

(RUEL J. MENDOZA)