2024 November 16 Archive - People's Balita

Archive for November 16th, 2024

3 crew members nasagip ng PCG

Posted on: November 16th, 2024 by @peoplesbalita No Comments

TATLONG crew members ng isang nasiraang yate ang nasagip ng Philippine Coast Guard (PCG) sa koordinasyon ng mga lokal na otoridad malapit sa karagatan sakop ng Barangay Binalas, Lubang, Occidental Mindoro.

Sa ulat ng PCG, nakatanggap ng impormasyon ang PCG Sub-Station (CGSS) Lubang tungkol sa yate na ‘Annie Kim’ na nagkaaberya noong Nov.11.

Nakipag-ugnayan naman ang CGSS Lubang sa Provincial Disaster Risk Reduction and Management Office (PDRRMO) ng Lubang at agad na naglunsad ng search and rescue (SAR) operation.

Bahagya namang lumubog ang yate dahil sa masamang panahon.

Kabilang sa crew members, ang dalawang Filipino at isang Korean na nasagip at isinakay sa inarkilanh motorized banca at ligtas na nailipat sa sea ambulance.

Umalis ang yate sa Puerto Princesa ,Palawan patungong Subic,Zambales ng masalubong ang masamang panahon kasama ang malakas na hangin at malalaking alon na dahilan ng aberya.

Matagumpay namang nahatak ang yate sa Sitio Tumibo, Barangay Tangal, Lubang, Occidental Mindoro, noong November 13, 2024 gamit ang drum na basyo na ibinigay ng the MDRRMO. GENE ADSUARA

Mobile Legends Tournament inilarga ni Mayor Joy

Posted on: November 16th, 2024 by @peoplesbalita No Comments

PORMAL nang inilunsad ni Quezon City Mayor Joy Belmonte bilang Acting President ng League of Cities of the Philippines (LCP) ang kauna-unahang Mobile Legend Bang Bang Tournament na inorganisa ng LCP sa isang simpleng pagtitipon sa Solaire Hotel sa Quezon City.

Sa media conference, sinabi ni Mayor Belmonte na ang torneo ay magbibigay daan na makalikha ng mga talent mula sa mga kabataang nais makiisa sa naturang palaro.

Ito rin aniya ay magpapalakas sa samahan ng mga participants mula sa iba’t ibang lungsod sa bansa.

Ayon naman kay LCP Focal Mayor for Youth and Sports Development at Victorias City Mayor Javier Miguel Benite, napapanahon ang pagsasagawa ng ganitong uri ng tournament na may koneksiyon sa mga kabataan, global age game at mas practical dahil internet lamang ang kailangan.

Ang bawat LGU ay maaaring mag-endorso ng 2 contestant mula sa kanyang lungsod kasabay ng pagsusumite ng sertipikasyon mula sa kinaanibang LGU o birth certificate, hindi amateur, drug free at nasa 14 years old pataas.

Aabot naman sa P3 milyon ang makukuha ng mananalo sa tournament.

Dagdag pa ni Mayor Belmonte, patuloy ang suporta ng LCP sa mga programa na may magandang layunin at nagbibigay importansiya sa pagtuklas sa talento ng mga kabataan.

Spurs star Wembanyama nagtala ng record sa NBA

Posted on: November 16th, 2024 by @peoplesbalita No Comments

NAGTALA ng record sa kasaysayan ng NBA si San Antonio Spurs star Victor Wembanyama.

Siya lamang kasi ang pang-apat na pinakabatang manlalaro ng NBA na nagtala ng 50 points sa isang laro.

Naitala nito ang nasabing puntos sa panalo ng Spurs kontra Washington Wizards 139-130.

Sa edad nitong 20-anyos at 314 na araw ay kasali na siya sa listahan na unang naitala nina Devin Booker, LeBron James at Brandon Jennings.

MMDA: Mungkahi sa EDSA carousel modification, dapat pag-aralan

Posted on: November 16th, 2024 by @peoplesbalita No Comments

NAGBIGAY ng isang mungkahi ang Department of Transportation (DOTr) na magkaroon ng dalawang direksyon ang takbo ng mga buses sa EDSA Carousel upang maiwasan ang paggamit ng mga ilegal na mga sasakyan.

Subalit ang Metropolitan Manila Development Authority (MMDA) ay nagsabing dapat munang pag-aralan mabuti ang nasabing panukala kung ililipat ang lanes ng mga buses sa kabilang bahagi ng EDSA Bus Carousel kung saan magkakaron ng counter traffic flow.

“It was proposed to prevent the illegal entry of motorists to the busway and to make it safer for commuters,” wika ng DOTr.

Ayon naman kay MMDA chairman Romando Artes na ang nasabing mungkahi ay posibleng magawa subalit sa tingin niya ay posible rin na makapagdudulot ito ng mga aksidente ng mga buses sapagkat ang mga ito ay tatakbo ng palaban sa traffic flow ng mga ibang motorista.

“We really need to study it carefully. If you are not used to the traffic in Metro Manila or you did not expect that you have an upcoming vehicle towards you, it may cause accident and it will be a fatal one. It will be fatal one because both vehicles are moving,” sabi ni Artes.

Dagdag ni Artes na ang intensyon ng mungkahi ay maganda subalit kailangan pa rin na mabuting pag-aralan upang matimbang ang posibleng panganib na puwedeng idulot nito.

Ang nasabing mungkahi ay lumabas matapos ang isang kontrobersyal na pangyayari kung saan may isang SUV na pang-aari ng Orient Pacific Corporation ang gumamit at dumaan sa EDSA busway. Ayon kay DOTr Secretary Jaime Bautista na nakausap na niya ang mga bus operators tungkol sa plano at sinabi nilang open naman sila sa ideya.

“We had a very good discussion about the possibility of moving direction of the busway that instead of going North on the right side, it can be moved to the left side. It is a good idea although we asked the opinions from the operators and told them to give us their positions. Initially, according to them it was a good idea,” saad ni Bautista.

Subalit, isang advocacy group na AtlMobility ang nagsabing dapat ang pamahalaan ay bigyan muna ng solusyon ang totoong problema sa EDSA. Ayon kay PH director ng AtlMobility Ira Cruz na dapat ay alamin muna ang talagang pinanggagalingan ng problema. Dapat tingnan ang compliance ng mga motorista o di kaya ay dapat ba na itaas pa ang multa ng mga hindi sumusunod na mga motorista. Kailangan din na paigtingin ang aspeto sa enforcement ng mga traffic enforcers.

Nagpayag din si transport expert Engr. Rene Santiago na dapat ay masusing pag-aralan ang panukala dahil talagang magreresulta ito sa mas madaming head-on collision ng mga sasakayan.

“It is the wrong solution to the wrong problem. If the problem is about intrusion, it will not disappear. The worst, it could increase the risk of head-on collision. It was forced,” ayon kay Santiago.

Ang EDSA busway ridership ay may naitalang 51,722,507 na ridership mula January 1 hanggang October 31, 2024 ayon sa datus ng DOTr Special Action and Intelligence Committee for Transportation (SAICT). LASACMAR

Help protect free election, democracy

Posted on: November 16th, 2024 by @peoplesbalita No Comments

HINILING ni Pangulong Ferdinand R. Marcos Jr. sa mga miyembro ng media araw ng Huwebes na tumulong na tiyakin ang pagsasagawa ng malinis, tapat at transparent midterm elections sa susunod na taon at bantayan ang demokrasya ng bansa.

Sa pagsasalita sa 50th Top Level Management Conference (TLMC) na inorganisa ng Kapisanan ng mga Brodkaster the Pilipinas (KBP) sa Tagaytay City, muling inulit ni Pangulong Marcos ang commitment nito na protektahan ang mga mamamahayag, ibinahagi ang layunin ng summit na pagbuo ng tiwala at pagbabantay sa demokrasya ng Pilipinas.

“I urge you to remain steadfast in these principles that protect the trust bestowed to all of us by the Filipino people,” ang sinabi ni Pangulong Marcos.

Binigyang diin ang kahalagahan ng partnership ng KBP sa Parish Pastoral Council for Responsible Voting (PPCRV) para makatulong na i-promote at siguraduhin ang malinis, tapat at transparent na 2025 elections.

“Let us also explore new and creative ways to engage and inspire the public. We need a citizenry that is not only informed but is also actively involved—vigilant, ready to defend the values that we hold dear,” anito.

Samantala, sa pagre-renew naman ng commitment sa KBP para protektahan ang karapatan at kapakanan ng media practitioners, sinabi ni Pangulong Marcos na pinalakas ng gobyerno ang paninindigan nito na pangalagaan ang buhay ng media personnel at practitioners sa ilalim ng kapangyarihan ng bagong appointed head ng Presidential Task Force on Media Security (PTFOMS) na si Executive Director Jose A. Torres.

Inatasan ni Pangulong Marcos ang PTFOMS, kung saan ang chairman ay ang Kalihim ng Department of Justice (DoJ) na paigtingin ang kanilang operasyon na may kaugnayan sa paparating na 2025 midterm elections.

“In particular, I asked the PTFOMS to focus their efforts on the members of the local media, whose fearless coverage makes them particularly vulnerable to threats against life, liberty, and security,” ani Pangulong Marcos.

“I have also directed the PTFOMS to intensify and strengthen partnerships with the media, such as the Kapisanan ng mga Brodkaster ng Pilipinas (KBP), the National Press Club (NPC), the National Union of Journalists of the Philippines (NUJP), and other concerned groups.”aniya pa rin.

Ipagpapatuloy naman ng gobyerno ang suporta sa mga journalists o mamamahayag sa pagdepensa sa katotohanan at tugunan ang demands ng modern press.

Nanawagan naman ang Pangulo ng pagkakaisa para isulong ang ‘credible at unfettered press’ sa ilalim ng Bagong Pilipinas.

Inorganisa noong April 27, 1973, ang KBP ay isang non-government at non-profit organization ng Philippine broadcast media.

Ang KBP TLMC ay isang taunang conference na naglalayong talakayin ang iba’t ibang broadcast media trends at usapin at plano para sa future development ng industriya. (Daris Jose)

Mas mahigpit na immigration policies, posibleng maapektuhan ang 300k Filipino nationals na nasa US

Posted on: November 16th, 2024 by @peoplesbalita No Comments

TINATAYA ni Ambassador Romualdez na nasa 300,000 Filipino nationals, na karamihan na pumasok sa U.S. ng legal subalit nag-overstay lagpas sa kanilang visas ay posibleng maapektuhan ng mas mahigpit na immigration policies.

Pinaalalahanan din nito ang mga kababayang Pinoy na piniling manatili sa US na kumuha o pumili ng abogado o counsel mula sa legitimate legal advisers.

“We join Ambassador Romualdez’s call for undocumented Filipinos in the U.S. to consider voluntary repatriation if no legal options remain. Returning voluntarily gives them an opportunity to be with their loved ones they may not have seen in years, or even in decades, restart their lives on solid ground, and explore new opportunities here in the Philippines,” anang mambabatas.

Dala na rin sa inaasahang malaking bilang ng mga magbabalik na Pinoy mula U.S., sinabi ni Salo na mangangailangan ito ng isang ‘whole-of-government, whole-of-society and whole-of-nation approach’ para masiguro na mabigyang suporta ang mga ito pagbalik sa Pilipinas.

“The government has existing reintegration programs for returning Filipinos, but we need all agencies of the government particularly the DMW, OWWA, DOLE, DILG, DSWD and TESDA to collaborate and come up with robust and comprehensive reintegration plans and programs for returning Filipinos from the U.S.”, Salo emphasized. “We need to ensure that we’re able to assist them to either find jobs or start their businesses, and leverage the skills, competencies and experiences they acquired in the U.S.,” dagdag ng mambabatas.

Una nang inihayag ni Ambassador Romualdez ang planong makipagpulong sa pitong Philippine consulates sa U.S. upang makipag-coordinate para sa agarang legal at repatriation support sa mga Pilipinong maapektuhan ng inaasahang pagbabago sa U.S. immigration policy.

Plano nilang masiguro na ang mga pinoy na posibleng ma-deport ay may access sa legitimate legal guidance ay may malinaw na impormasyon ukol sa mga options, kabilang na voluntary repatriation support at assistance pagbalik nila sa Pilipinas.

“Voluntary repatriation is always a better option than forced repatriation, as the affected Filipinos won’t have to suffer the legal consequences and indignities of being forced to be sent back to the Philippines,” Salo stressed. “While they may not have the same opportunities in the Philippines with the opportunities they currently have in the U.S., voluntary repatriation will spare them and their families in the Philippines the mental anguish and anxiety that go with the knowledge that anytime they may be apprehended by immigration authorities,” pagtatapos ni Salo. (Vina de Guzman)

Tiangco sa publiko; maging mapagbantay kontra “love scams”

Posted on: November 16th, 2024 by @peoplesbalita No Comments

PINAALALAHANAN ni Navotas City Congressman Toby Tiangco ang publiko na manatiling mapagbantay laban sa “love scams.”

“Siyempre, sana all may love life pero ayaw natin na maloko lang ng pekeng pag-ibig ang mga kababayan natin. True love dapat ang mahanap nila, hindi kriminal,” ani Tiangco.

“Huwag po basta-basta magpadala sa damdamin. Hindi po sa lahat ng bagay, puso ang una nating paiiralin. Pinag-iingat natin ang mga kababayan natin dahil may mga masasamang-loob na patuloy na mananamantala kahit na alam nilang labag sa batas ang ginagawa nila.” dagdag niya.

Binanggit ni Tiangco ang isang pag-aaral mula sa isang pandaigdigang kumpanya ng impormasyon at mga insight na nagpapakita na, sa unang kalahati ng taon, 18 porsiyento ng suspected digital fraud attempts sa communities sector gaya ng mga online forum at dating site—ay nagmula sa Pilipinas.

“Nakakalungkot dahil marami pa ring nabibiktima ang ganitong modus na pinagsasamantalahan ang damdamin ng ating mga kababayan,” sabi pa ng mambabatas.

“Scammers target even the most personal and basic aspirations of people – to be loved and be in a committed relationship. Let us protect Filipinos from the financial, emotional, and psychological damage these scams cause,” dagdah niya.

Ayon sa Cybercrime Investigation and Coordinating Center (CICC), ang love scams ay nagsasamantala sa mga biktima sa pamamagitan ng paglikha ng mga pekeng pagkakakilanlan upang bumuo ng tiwala, pagkatapos ay ginagamit ang ilusyon ng isang relasyon upang manipulahin, mangikil, o magnakaw mula sa kanila.

“Huwag po tayong ma-fall sa ganitong modus. Iwasan po nating maging marupok at huwag basta-basta ibigay ang tiwala,” paalala niya.

Pinaalalahanan din niya ang publiko na manatiling mapagbantay at mag-ulat ng mga kahina-hinalang mensahe at aktibidad sa anti-scam hotline 1326. (Richard Mesa)