2024 November 16 Archive - People's Balita

Archive for November 16th, 2024

Online sellers na ‘tax evaders’ iba-block ng BIR

Posted on: November 16th, 2024 by @peoplesbalita No Comments

NAGBABALA ang Bureau of Internel Revenue (BIR) sa mga online sellers at E-marketplaces na ipatitigil ang kanilang mga operasyon kung hindi magbabayad ng buwis ng partikular ngayong Kapaskuhan.

Ayon kay BIR Commissioner Romeo D. Lumagui, Jr., pinaigting ng ahensiya ang kampanya laban sa mga Online Marketplaces, E-Marketplaces at Online Sellers dahil ngayon ang panahon na marami ang namimili online at malakas ang kita ng mga online businesses.

Alinsunod sa Section 115 ng National Internal Revenue Code na inamyendahan sa ilalim ng RA No. 12023, binibigyan ng kapangyarihan ang Commissioner ng BIR na suspendihin ang mga operasyon ng negosyo kasama ang pag-block sa digital services at mga digital service provider sa Pilipinas na hindi nagbabayad ng tamang buwis sa pamahalaan.

Aniya, oras na mapatunayan ng BIR na lumabag sa batas sa pagbubuwis ang naturang mga negosyo, agad nila itong iba-block katulad ng ginagawa ng Oplan Kandado program sa mga physical stores.

Paliwanag ni Lumagui, nagbabayad ng buwis ang mga may tindahan o sari-sari store kaya dapat lamang na gawin din ito ng mga nagnenegosyo online.

5 huling cyclones, sinaid ang P1B quick response fund-DSWD

Posted on: November 16th, 2024 by @peoplesbalita No Comments

NASIMOT ang P1 billion na quick response funds ng Department of Social Welfare and Development (DSWD) matapos gastusin sa mga biktima ng limang huling tropical cyclones na tumama sa bansa.

“More than P1 billion yung total humanitarian assistance na po ang naipamahagi ng inyong DSWD. Out of that, more than 1.4 million na family food packs ang ating naipamigay dito sa mga probinsiya na apektado ng limang nagdaang bagyo,” ang sinabi n DSWD Undersecretary Edu Punay.

“May natira pa tayo so far na P100 million na standby funds. But the good news, mabilis po ang replenishment ng ating pondo when it comes to disaster response,” dagdag na wika nito.

Kaya nga sinabi ni Punay na inaasahan ng DSWD na ipalalabas ng Department of Budget and Management (DBM) ang P875 million pondo ngayong linggo o sa susunod na linggo.

Mula pa noong October 21, naapektuhan na ng tropical cyclones Kristine, Leon, Marce, Nika, at Ofel ang maraming rehiyon sa bansa.

Dahil sa epekto ng Kristine and Leon, may kabuuang 9,626,456 katao ang naapektuhan at 158 naman ang napaulat na nasawi.

Sinabi naman ng National Disaster Risk Reduction and Management Council (NDRRMC) na 387,514 katao ang naapektuhan sa pananalasa ng bagyong Marce.

Samantala, 195,532 katao ang naapektuhan ng mga bagyong Nika at Ofel.

Nakapinsala naman sa agrikultura at imprastraktura ang pagbaha at landslides sa pananalasa ng kamakailan lamang na bagyo.

Ang bagyong Ofel ay nananatili pa rin sa loob ng Philippine area of responsibility.

Samantala, sinabi naman ng state weather bureau (PAGASA) na ang tropical storm na may international name Man-Yi ay inaasahan na papasok sa PAR, Huwebes ng gabi at papangalanang Pepito.

Sinabi ng PAGASA na maaaring lumakas si Man-Yi at maging severe tropical storm, araw ng Miyerkules at umabot sa typhoon category, Huwebes ng tanghali o gabi.

“The tropical cyclone could even reach the super typhoon category,” ang sinabi ng PAGASA.

Si Man-Yi ay huling namataan sa 1,965 kilometers east ng Eastern Visayas Kumikilos patungong west-southwestward na may 30 kilometers per hour (kph).

“The tropical storm was packing maximum sustained winds of 65 kph near the center and gustiness of up to 80 kph,” ayon sa PAGASA. (Daris Jose)

Ariana Grande and Cynthia Erivo’s Journey in “Wicked”, Open Up About Their Bond, Voice Training, and Matching Tattoos

Posted on: November 16th, 2024 by @peoplesbalita No Comments

ARIANA Grande and Cynthia Erivo’s journey as Glinda and Elphaba in Wicked includes live singing, intense voice retraining, and even matching tattoos! Discover their incredible bond and the magic behind…

The bond between Glinda and Elphaba comes to life in the much-anticipated film adaptation of “Wicked,” with Ariana Grande and Cynthia Erivo capturing the heart of their characters. Together, they share a transformative journey in this retelling of a classic tale.

The casting process for Wicked was anything but ordinary. For director Jon M. Chu and his team, finding the right actresses to embody Glinda and Elphaba wasn’t just about talent; it was about discovering a unique connection. In a memorable gathering at Chu’s home, Grande and Erivo performed an impromptu rendition of the iconic song “For Good.” As Chu recalls, “Stephen went to the piano and said to Cynthia and Ari, ‘Shall we sing, ‘For Good’?” Chu says. “Cynthia and Ari didn’t rehearse it. They’d never done it together. They sang it, and my four-year-old daughter’s jaw dropped to the floor. No one has ever seen two powerhouses like this before. It’s been beautiful to see how well connected they are.”

Grande’s path to becoming Glinda was a decade-long dream. “I had been chasing producer Marc Platt down for about ten years, wondering when this movie was going to happen and when I would have the opportunity to audition,” she shares. For Grande, embodying Glinda became a personal journey. “Spending this time with Glinda has been a profound journey of self-discovery and healing for me,” Grande reflects. “It’s remarkable how embodying her character and embracing self-trust has brought about such personal growth.”

Her preparation was rigorous, involving vocal retraining with her coach, Eric Vetro. I had to retrain my voice to sing more classically and operatically, which is my range but a style I hadn’t done since I was much younger. It takes the chords a while to reacclimate, like any other muscle, which requires a lot of training.”

As soon as Erivo auditioned, the production team knew they had found their Elphaba. An Oscar, Grammy, Emmy, and Tony winner, Erivo’s portrayal brought a fierce vulnerability to the iconic character. “To have Cynthia Erivo, a woman of color, play a woman who is green makes all the world of difference,” Chu says. “When she sang ‘Defying Gravity,’ she blew the roof off. We were stunned. As soon as Cynthia left the room, we said, ‘our search is finally done.’”

Erivo’s dedication was clear in her training and her approach to the role. She says, “I hope that this joy keeps growing. I hope we find something to spark joy in every day. This was a long process, and I knew that it would get hard sometimes. But I knew, even on those days, that we would find something that makes us love and reconnect to what brought us here.”

As a symbol of their journey together, Grande and Erivo got matching tattoos. “We got tattoos together,” Grande says. “I got an ‘E’ for Elphaba in a heart on the back of my leg and she had a little ‘G’ for Glinda on the back of hers.” Erivo says that their bond is anchored by a sense of joyful exploration. “I hope that we don’t lose our love of play,” Erivo says. “That’s something that I really enjoyed—this need to keep wanting to learn and discover. Ariana and I used that to make these beings as humane and full as possible. When we worked together, something special happened.”

Wicked opens in Philippine cinemas on November 20. Reserve your seats and join Universal Pictures PH for the latest updates on Facebook, Instagram, and TikTok.

(ROHN ROMULO)

CATRIONA, pinuri sa pinapakitang performance ni CHELSEA sa Mexico City

Posted on: November 16th, 2024 by @peoplesbalita No Comments

PINURI ni Miss Universe 2018 Catriona Gray ang pinapakitang performance ni Miss Universe Philippines Chelsea Manalo sa Mexico City.

“I would love to see her personality come out more. But I’m sure she’s being tactical about it. There’s a very youthful presence about her, and I’m excited to see how that transforms on stage,” sey ni Queen Cat.

Behind-the-scene commentator si Catriona sa Miss Universe ngayong taon. Third time na raw niya itong ginagawa at first time niyang makapunta sa Mexico.

“I’m excited—it’s my first time going to Mexico, so I’m really going with fresh eyes and documenting it as well, as I do with every place I go. Of course, Miss Universe has a different energy altogether. I can’t wait to be there,” sey ni Queen Cat na manggagaling pa ng Canada dahil sa show tour kasama ang ilang Cornerstone artists.

Kahapon naman ginanap na ang preliminary ng Miss Universe competition na kung saan nagpakitang gilas ang mga kandidata sa kani-kanilang bonggang National Costumes, swimwear at at inaabangang evening gown.

Hindi nga nagpakabog si Chelsea dahil lumalaban siya ng husto lalo na są pagrampa niya ng NatCos na ‘Hiraya’ at blue evening gown. Inaasahan na makakapasok siya sa Top 30 na ia-announce ngayong gabi (Mexico time) at live na mapapanood bukas.

Best of luck Chelsea!

***

HINDI nahiyang umamin ang Sparkle model-actor na si Gil Cuerva na nakakatanggap siya ng indecent proposals.

Noong male model pa lang daw siya ay ilang beses siyang nakatanggap ng mga invitations mula sa mga hindi niya kilalang mga tao.

Sey ni Gil: “I don’t think na-experience ko ng harap-harapan, usually through messaging.”

Ikinuwento pa ni Gil kung paano sinasabi sa kanya through text message ang indecent proposal.

“Kasi, parang there are times na usually mag-start, okay, mag-iinvite through dinner, ganun. Tapos siyempre ako magtatanong, ‘Dinner for what?’ And then dun na papasok ‘yung indecent proposal. I’ll give you money, just go out with me. ‘Di na ‘ko magre-reply pag ganun. It only happened siguro mga a few times lang, lalo nung model ako. Nung nag-showbiz ako, actually parang ‘di na nangyari.”

Kasalukuyang in a relationship ngayon si Gil Cuerva sa Running Man Philippines star na si Lexi Gonzales.

***

NILABAS na ni Oprah Winfrey ang Oprah’s Favorite Things 2024 edition.

Each item ay si Oprah ang pumipili at kung gusto niya ang isang product, isasama niya ito sa prestigious holiday list.

“Like every year, her list draws selections across shopping categories like beauty, home goods, skin care, fashion and more. This year, Oprah’s Favorite Things list features 116 different items, with the majority selected from small businesses and women-, LGBTQ-, Hispanic- and Black-owned businesses — and 59 new brands are on the list,” sey ng Oprah Daily’s creative director, Adam Glassman.

Ika-28th year na ng Oprah’s Favorite Things at marami na raw itong natulungan na mga small businesses sa Amerika.

“It’s called Oprah’s Favorite Things for a reason. We believe in gifting with purpose and shining the light on sellers that people may not know, along with a mix of tried-and-true brands people are always looking for during the holiday season,” sey pa ni Glassman.

(RUEL J. MENDOZA)

Tim Cone inaming nahihirapang makahanap ng final 12

Posted on: November 16th, 2024 by @peoplesbalita No Comments

INAMIN ni Gilas Pilipinas coach Tim Cone na mahihirapan itong pumili ng final 12 na sasabak para sa second window ng FIBA Asia Cup.Streaming service

Sinabi nito na sakaling magkakaroon ng problema dahil sa injury si Justin Brownlee ay ipapalit agad nila si Ange Kouame.

Ang 6-foot-11 kasi na dating Ateneo de Manila University star ay isa sa mga back-up kay Brownlee dahil sa kabisado na nito ang mga galawan ng Gilas.

Base kasi sa FIBA ruling ay isa lamang dapat na naturalized player ang maaring maglaro sa bawat bansa.

Umaasa rin ang Gilas coach na magiging malusog at walang anumang injury ang mga manlalaro nito sa pagsisimula ng laro nila sa darating na Nobyembre 21 at 24.

Boyfriend ni NADINE na si CHRISTOPHE, itinangging ‘engaged’ na sila

Posted on: November 16th, 2024 by @peoplesbalita No Comments

MARAMI ang nagtanong na netizens kung engaged na nga ba si Nadine Lustre at ang kanyang non-showbiz boyfriend na si Cristophe Bariou?

Matapos ngang i-post ng premyadong aktres ang love notes sa kanya ni Christophe.

“Can’t wait to discover and conquer the world with you,” ito ang nakakikilig na hand-written note kay Nadine.

Caption naman ni Nadine sa kanyang post, “Man, oh man, you’re my best friend I scream it to the nothingness. ”

Pero paglilinaw si Christophe sa pamamagitan ng Instagram Live ni Nadine, “We’re not engaged.”

Ang naturang video ay sinabi ng aktres na, “And before we leave, one last thing…”

“We’re not engaged!” Sabi ni Christophe.

“No, one last thing I do have coming out this is something three years na in the making and we’re keeping it secret this time pero malapit nang i-launch, so, I’m very excited to this project,” dagdag pa ni Nadine.

Kinukulit naman siya ni Christophe kung ano ito, “Basta, I don’t wanna say anything.”

Nag-IG Live daw si Nadine para pasalamatan ang brand partners niya at para sagutin ang mga tanong sa kanya ng fans.

Samantala, kahit na palaging magkasama ang dalawa sa Siargao ay bumabalik si Nadine sa Manila kapag may trabaho.

Kaabang-abang nga role ni Nadine sa “Uninvited” sa ang entry ng Mentorque Productions, Project 8 Projects at Warner Bros. sa 50th year ng Metro Manila Film Festival (MMFF) na mapapanood sa December 25.

Sa November 20, sa magaganap na grand media launch ay tiyak na matatanong si Nadine sa role bilang Nicole na ipinasilip na sa teaser drop ng movie na kung lumalabas siyang anak ni Aga Muhlach.

Kasama rin sa “Uninvited” sina Tirso Cruz lll, Lolot De Leon, Mylene Dizon, Elijah Canlas, Gabby Padilla, RK Bagatsing, Ketchup Eusebio, Gio Alvarez, Ron Angeles at Ms. Vilma Santos.

***

MAKALIPAS ang limang taon, mapapanood muli ang tambalang Alden Richards at Kathryn Bernardo sa “Hello, Love, Again” na binigyan ng PG rating ng Movie and Television Review and Classification Board MTRCB) galing kina MTRCB Board Members Katrina Angela Ebarle, Eloisa Matias at Maria Carmen Musngi.

Nabigyan din ng PG rating ang unang bersiyon nito noong 2019.

Sa direksyon ni Cathy Garcia-Sampana, ang pelikula’y iikot sa muling pagkikita nina Joy (Kathryn) at Ethan (Alden) sa Canada at mapagtanto nila ang malaking pagbabago sa kani-kanilang buhay.

Rated PG din ang post-apocalyptic thriller na “Elevation,” na hango sa istorya ng isang ama na ginawa ang lahat para mailigtas ang kanyang anak.

Sa PG, kailangang may kasamang magulang o nakakatanda ang mga batang manonood na edad 12 at pababa.

R-16 naman ang “Sana: Let Me Hear” mula Japan dahil sa katatakutan na hindi bagay sa mga edad 15 at pababa.

Hinikayat ni MTRCB Chairperson at CEO Lala Sotto-Antonio ang pamilyang Pilipino na magpakasaya sa mga pelikulang nabigyan ng angkop na klasipikasyon ng Ahensiya.

“Ating ipinapaalala sa mga magulang na responsableng gabayan ang mga bata sa panonood,” sabi ni Chair Sotto-Antonio. “Hubugin natin ang kanilang kaisipan sa tamang direksiyon sa pamamagitan ng pagsuporta sa pagpili nila ng mga pelikula na angkop sa kanilang edad.”

(ROHN ROMULO)

DBM, ipinalabas ang P875-M para punan ang QRF ng DSWD

Posted on: November 16th, 2024 by @peoplesbalita No Comments

INAPRUBAHAN ng Department of Budget and Management (DBM) ang pagpapalabas ng P875 million para punan ang Quick Response Fund (QRF) ng Department of Social Welfare and Development (DSWD).

Ang hakbang na ito ay alinsunod sa naging direktiba ni Pangulong Ferdinand R. Marcos Jr. sa mga kinauukulang ahensiya ng pamahalaan para tiyakin ang ‘disaster response at recovery funds.’

Huhugutin ang pondo mula sa National Disaster Risk Reduction and Management (NDRRM) Fund sa ilalim ng 2024 budget.

“Alam po natin na mahalaga ang papel ng DSWD sa pag-alalay at pagtugon sa pangangailangan ng ating mga kababayan lalo’t sunud-sunod po ang nangyaring mga kalamidad,” ayon kay Budget Secretary Amenah Pangandaman.

“Kaya nung nag-request po sila na i-replenish ang kanilang QRF, agad po natin ‘yang tinugunan bilang pagsunod din po sa direktiba ni Pangulong Bongbong Marcos na siguruhing may nakaantabay tayong pondo para sa anumang sakuna,” ayon pa rin sa Kalihim.

Ang NDRRM Fund ay maaaring gamitin bilang karagdagang funding source para sa QRF ng mga nagpapatupad na mga ahensiya pag dating sa balance na umabot sa 50%, subject ito sa magiging pag-apruba ng DBM.

“As of October, DSWD’s available QRF balance has reached below the 50 percent threshold at P557.77 million or 31.87 percent of its current appropriations,” ayon sa DBM.

“The replenishment is intended for the procurement of family food packs and non-food items for the stockpiling of relief resources in DSWD warehouses, and the implementation of cash for work for the affected families of Typhoon Julian (international name Krathon) in Region 1,” ang sinabi pa rin ng departamento.

“Malaking bagay po ang pondong ito para tuluy-tuloy na makapagbigay ng tulong ang DSWD sa mga pamilyang nasalanta ng bagyo,” ang sinabi ni Pangandaman.

(Daris Jose)

Gilas Pilipinas sisimulan na ang puspusang ensayo sa Laguna

Posted on: November 16th, 2024 by @peoplesbalita No Comments

MAGSISIMULA na ngayong araw ang puspusang ensayo ng Gilas Pilipinas para sa gaganaping ikalawang window ng FIBA Asia Cup 2025 Qualifiers.

Ayon kay Gilas coach Tim Cone, na mananatili muna ang mga Gilas Pilipinas sa kanilang training camp sa Calamba, Laguna.

Dahil sa limitadong oras ng ensayo ay nagpasya ang mga ito na hindi muna gawin ang public practice gaya ng nakagawian.

Dagdag pa ni Cone na hindi sapat ang kanilang oras kaya gugugulin muna nila ang mga nalalabing panahon sa matinding ensayo.

Maaring maimbitahan muna nila ng isang koponan sa PBA para makalaro ng Gilas squad bago ang laban nila sa susunod na linggo.

Ang ranked 34 na Gilas Pilipinas ay makakaharap ang ranked 22 na New Zealand sa darating na Nobyembre 21 habang sa Nobyembre 24 naman ay makakaharap nila ang ranked 117 na Hong Kong na gaganapin sa MOA Arena.

Gilas Pilipinas sisimulan na ang puspusang ensayo sa Laguna

Posted on: November 16th, 2024 by @peoplesbalita No Comments

MAGSISIMULA na ngayong araw ang puspusang ensayo ng Gilas Pilipinas para sa gaganaping ikalawang window ng FIBA Asia Cup 2025 Qualifiers.

Ayon kay Gilas coach Tim Cone, na mananatili muna ang mga Gilas Pilipinas sa kanilang training camp sa Calamba, Laguna.

Dahil sa limitadong oras ng ensayo ay nagpasya ang mga ito na hindi muna gawin ang public practice gaya ng nakagawian.

Dagdag pa ni Cone na hindi sapat ang kanilang oras kaya gugugulin muna nila ang mga nalalabing panahon sa matinding ensayo.

Maaring maimbitahan muna nila ng isang koponan sa PBA para makalaro ng Gilas squad bago ang laban nila sa susunod na linggo.

Pinas, hindi makikipagtulungan sa ICC – PBBM

Posted on: November 16th, 2024 by @peoplesbalita No Comments

NILINAW ni Pangulong Ferdinand R. Marcos Jr. na hindi makikipagtulungan ang Pilipinas sa anumang imbestigasyon ng International Criminal Court (ICC) ukol sa illegal drug campaign ng nakalipas na administrasyon maliban na lamang kung gusto ni dating Pangulong Rodrigo Roa Duterte.

“Well, as the comment of the Executive Secretary, the former Chief Justice, if ‘yun ang gugustuhin ni PRRD ay hindi naman kami haharang doon sa mga ICC. Hindi lang kami tutulong. Ngunit kung pumapayag siya na makipag-usap siya o magpa-imbestiga siya sa ICC ay nasa kanya ‘yun. Wala na kaming desisyon doon,” ang sinabi ni Pangulong Marcos tinukoy si Duterte.

Ipinahayag ito ng Punong Ehekutibo sa sidelines ng aid distribution sa mga magsasaka at mangingisda sa Cavite at hiningan ng komento para sa sinasabing ICC probe sa madugong drug war ng administrasyong Duterte.

Samantala, sinabi ni Pangulong Marcos na iniimbestigahan na ng Department of the Interior and Local Government (DILG) at Philippine National Police (PNP) anti-drug campaign ng dating administrasyon.

Sa katunayan, hinihintay na lamang ng mga awtoridad ang findings ng imbestigasyon. Marami pa aniyang mga tanong na hindi nasasagot.

Winika pa ng Chief Executive na ang Department of Justice (DOJ) ang magiging responsable sa pagpapatuloy ng reexamination ng kaso, mga pahayag at testimonya.

“But you know, all of the testimony that was given yesterday really – will be taken in and will be assessed to see what – in legal terms, what is the real meaning and consequence of some of the statements made by PRRD,” ang sinabi ni Pangulong Marcos.

“Now, if that will result in a case being filed here in the Philippines, we will just have to see. The DOJ will have to make that assessment,” dagdag na pahayag ng Pangulo.

At sa tanong naman kung nagbago na ang posisyon ng Pilipinas sa ICC probe, nananatiling naninindigan si Pangulong Marcos na ang Pilipinas ay hindi makikipagtulungan sa anumang imbestigasyon ng international court.

Gayunman, sinabi ng Pangulo na susunod ang Pilipinas sa obligasyon nito sa Interpol. (Daris Jose)