TUWANG-TUWA ang mga Vilmanians dahil napasama sa sampung MMFF entries para sa taong ito ang pelikulang “Uninvited “

Ang nasabing movie ay pinagbibidahan ni Star for All Seasons Vilma Santos-Recto kasama sina Aga Muhlach at Nadine Lustre.

Siyempre bukod sa grupo ng VSSI na pinamumunuan nina Jojo Lim ay isa sa very much happy ang kaibigang super Vilmanian at UST professor na si Sir Augusto Antonio Aguila na kilala namin na si Sir Tots.

Si Tots ay isa ring part time stage actor at nagtuturo ng English literature sa UST.

Dahil sa karanasan sa pagtuturo at kahusayan, siya ay binigyan ng doctorate degree sa literature.

Hindi ikinahiya ni Sir Tota na isa siyang self-confessed Vilmanian.

“Hindi nakakahiya iyon, ang rector magnificus nga ng UST, si Rev. Fr. Richard Ang OP ay isa ring Vilmanian,” katwiran pa rin ni Tots.

Na-meet namin ng personal sina Tots at Fr. Richard sa Phil. Embassy kung saan naging guest speaker si Ate Vi.

Ang ipinagtataka lang nina Sir Tots at kung bakit kay Ate Vi ibinunton ng mga fans ni Nora Aunor ang hindi pagkapasok ng movie ng idolo nila.

Hindi rin matanggap ng mga Noranians na napasama ang “Uninvited” sa film fest..

Kung kaya kung anu-ano na lang ang mga patutsada nila.

Sa totoo lang mga edukado ang mga Vilmanians at may respeto at alam nila na anumang gawin Nila ay magre-reflect yun Kay Ate Vi.

“Bakit ba galit na galit ang mga fans ni Nora Kay Ate Vi. Kasalanan ba niya? Sana umisip sila ng paraan para maiangat ulit si Nora, Hindi yung sinisiraan nila si Vilma?

“Inggit lang ang mga yan kasi hindi Nila matatanggap na very much in pa rin si Vilma at si Nora out na.”

Sana maiisip ng mga tagahanga ni Nora na hindi na bumabata ang idolo Nila. 70 years old na si Ate Guy at sa totoo lang, sa mga batang henerasyon ngayon ay hindi na siya kilala.

Ipinipilit pa ng mga Noranians na hinarang daw ng mga malalapit kay Vilma ang mga pelikula ni Nora na ‘Mananambal’ at ‘Pieta’ sa MMFF.

Kumbaga, nabigyan daw ng higit na pabor si Vilma, dahil mga kumare at kumpare diumano ni ng Star for all seasons ang nasa screening committee.

Ganun!

Ipinaliwanag naman ng mga taga MMFF

na sa pamimili ng mga kalahok sa MMFF na isa sa batayan ay ang commercial viability.

Kumbaga, kahit maganda pa ang pag kagawa ng movie kung kulang naman sa box office appeal ang pelikula ay reject din.

Kaya huwag kay Ate Vi isisisi.

Gawin nyo munang box office hit ang movie ng idolo nyo!

***

ISA si Super Mahra Tamondong na nangangarap na maging mayora ng Maynila.

Kumbaga, kung ang kasalukuyang alkalde na si Mayora Honey Lacuna ang first woman mayor si Marah na ang Second Lady mayor ng capital ng Pilipinas.

Sey pa ni Marah sa ipinatawag niyang presscon ay marami siyang magagawa na higit pa sa mga kalaban niya ngayon sa mayoral post.

Si Marah ang candidate ng KBL ni Pangulong Marcos kung kaya nasa kanya raw ang suporta ng Malakanyang.

Hindi lang daw sa senior citizen kundi may mga program din si Marah sa mga kabataan at kasama ba rito yung mga bagong silang na sanggol.

Well, base sa latest survey ay nangunguna pa rin si Isko ‘Yorme’

Moreno, huh!

(JIMI C. ESCALA)

HINDI naman magpapakabog ang premyadong aktres na si Nadine Lustre sa ‘Uninvited’ kasama ang sina Ms. Vilma Santos at Aga Muhlach, na muling magsasama sa pelikula pagkaraan nang maraming taon.

Pagkatapos ng announcement ng last five entries para sa 50th Metro Manila Film Festival na kung saan isa sa pinalad ang ‘Uninvited’, inilabas ng Mentorque Productions ang first teaser (POV of Guilly, ang character ni Aga).

Marami nga ang pumuri sa naturang teaser, lalo na ng mga fans ni Nadine.

Ilan sa nabasa naming comment sa YouTube…

“Nadine, Vilma and Aga. Wow! Can’t wait.

“Mga mata pa lang nila Nadine, Aga at Vilma pang best acting performance awards na.”

“Mukhang maghahakot ng awards ang movie na ’to.”

“Wow Vilma and Aga? Kala ko hindi na darating ang araw na to eh lupet + Tirso and Nadine…”

“Ganyan dapat ng trailer. Hindi Yung parang predictable na siya.”

Sa Twitter post naman, Direk Antoinette Jadaone, may ibinahagi siya na dapat daw abangan…

“Abangan nyo ang eksena ni Nadine with Ate Vi, Nadine with Aga, at yung tatlo in 1 frame!!! #uninvited.”

Siguradong sa next teaser na posibleng POV naman ni Nicole (Nadine) ang hahangaan at pupurihin.

Star-studded nga ang ‘Uninvited’, dahil bukod tatlong bida, kasama rin para sumuporta sina Tirso Cruz III, Mylene Dizon, Lotlot de Leon, Elijah Canlas, Gabby Padilla, RK Bagatsing, Ketchup Eusebio, Cholo Barretto, Gio Alvarez, and Ron Angeles.

SI Nadine ang bida sa ‘Deleter’, na naging top grosser at humakot ng awards sa MMFF 2022. Nasungkit din dito ni Nadine ang na Best Actress award.

Si Aga naman ang bida sa ‘Miracle in Cell No. 7’, na naging top grosser ng MMFF 2019 at muling lalaban sa Best Actor category sa 50th MMFF.

Si Ate Vi naman ang tinanghal na Best Actress ng MMFF 2023 para sa ‘When I Met You In Tokyo’ at siguradong palaban din siya sa pagka-Best Actress.

Mukhang makakalaban din niya si Nadine kung ilalagay ang award-winning actress sa same category.

Makikipagsalpukan din sa kanila ni Judy Ann Santos para sa ‘Espantaho’. Matatandaang huling nagwagi si Juday ng Best Actress sa MMFF noong 2019 para sa pelikulang ‘Mindanao’.

Kaya tiyak na magiging ’tinik’ silang tatlo sa iba pang mano-nominate bilang Best Actress sa 50th MMFF, na pawang magaganda ang napiling entries.

***

SPEAKING of ‘Uninvited’, may kinalaman pala sa story ang bida nito na si Ms. Vilma Santos.

Ayon kay Mentorque President and CEO Bryan Dy, “Kaya naman sa ‘Uninvited’, we really never expected this. Kung naalala n’yo, ang sinubmit namin ang script ng ‘Biringan’. But something happened along the way and we are very happy that we have this film.

“At saka ang pelikulang ito, istorya ito ni Ate Vi. It is something she was looking for ever since. Istorya niya ito, sinulat lang at screenplay ni Dodo Dayao. Pero siya ang nag-explain, what she wants to happened.

“That’s why this is very special for us and it’s our opportunity na kami ang gumawa. At sinasabi talaga ni Ate Vi, passion film at dream project niya ito.”

Dagdag pa niya, “tapos yun timing talaga, napabilis ang paggawa namin. And I never realized, na lahat ng hiniling naming artista ay mabilis umoo at nag-swak lahat sa schedules.

“At ngayong na-pick kami as one of the entries, parang something is pushing us towards that. Mas nauna pa itong matapos kesa sa Biringan, saka nagbakasali kami na ipasok.

“And I think, on the 50th edition of MMFF, the Filipinos deserve a film like this. Something they haven’t seen for decades.”

Inaasahan nga na maraming pasabog na aabangan sa pelikula, bukod pa sa mahuhusay na pagganap ng cast.

(ROHN ROMULO)

SA simula pa lang ay puring-puri na premyadong aktres na si Sylvia Sanchez si Maine Mendoza, ang mga wifey ni Cong. Arjo Atayde.

Palaging binabanggit ni Sylvia sa kanyang mga interview na maswerte siyang mother-in-law sa kanyang manugang, hindi lang kay Maine, pati na rin sa asawa ni Ria Atayde na si Zanjoe Marudo.

Sa latest interview niya sa “Fast Talk with Boy Abunda” noong Biyernes, October 25, muli siyang nagkuwento sa relationship niya kina Maine at Zanjoe.

Pahayag niya tungkol kay Maine, “Du’n ko nakita, kasi sinasabi nila suplada, Kuya Boy, nami-misinterpret si Maine.

“Sobra siya talagang mahiyain. Kung alam lang nila. May mga nagsasabi sa ‘kin, suplada, hindi. ‘Wag n’yo i-judge ‘yung tao kasi nakita ko siya e, nag-usap kami.”

Dagdag pa ni Ibyang, noong first time raw na dinala ni Arjo si Maine sa bahay nila sa White Plains ay halos 15 minutes daw itong nasa labas lang dahil nahihiya.

“Ako mismo, na-experience ko. Sabi, ‘Mommy, nahihiya pa, sandali lang.’ ‘Halika na, sige.’ Lumabas si Arjo, pagbalik niya, ako na sumalubong. ‘Hi, Maine!’ Niyakap ko na, sobrang lamig,” tsika pa ni Sylvia.

Mahiyain din daw si Zanjoe, pero sa simula pa lang ng relasyon ng aktor at ng anak ay gusto na niya ito dahil, “mabait kasi, kasama ko kasi ‘yan, nakakatrabaho ko, nakakasama ko sa trabaho.

Kaya say pa niya, “swerte ako bilang mother-in-law dahil meron akong Maine Mendoza na daughter-in-law, at Zanjoe Marudo na son-in-law.”

Samantala, sa November 29 na ang ‘juan karlos LIVE’ na masayang-masaya sina Ibyang dahil sold out na ang SVIP section. Kaya wala na silang maibigay sa naghahanap. Kaya masasabing very successful ang Nathan Studios Inc. sa pagpo-produce ng first major concert ni Juan Karlos Labajo.

Pinupuri naman ang trailer ng hard-action movie ’Topakk’ na isa sa 50th MMFF entries na pinagbibidahan nina Arjo Atayde at Julia Montes.

Ang movie na ito siguradong tatatak sa mga manonood sa pagiging certified action star ni Arjo, bukod pa sa husay niya sa pag-arte. Hindi rin sila bibiguin ni Julia, na grabe rin ang ginawa sa kanyang action scenes.

Napakahusay din dito nina Sid Lucero, Enchong Dee, Kokoy de Santos at iba pang supporting cast.

At kung naghahanap kayo ng pang-malakasang action movie na pang-international ang kalidad, narito na ang ’Topakk’ na mapapanood na simula sa December 25.

Award-winning docu series ni Loren Legarda mapapanood na sa BNC

MAPAPANOOD na sa Bilyonaryo News Channel (BNC) ang award-winning documentary series “Dayaw” ni Senator Loren Legarda.

Nagsimula ito noong Sabado, Oktubre 26, iniimbitahan ng “Dayaw” ang mga manonood na sumama sa paglalakbay sa mga makukulay na tanawin ng Philippine cultural heritage.

Proyekto ito ng National Commission for Culture and the Arts (NCCA) na naging posible dahil sa matatag na suporta ni Legarda mula nang ilunsad ito noong 2015.

Bida sa “Dayaw” ang mga katutubo ng bansa, kanilang mga kaugalian, ritwal, tradisyon at mahalagang papel sa paghubog ng Filipino cultural fabric.

Sa bawat episode, ginagabayan ni Senator Legarda ang mga manonood sa pamamagitan ng mga kaugalian at gawi na nagbubuklod sa mga katutubong pamayanan, na nagpapakita ng kanilang malalim na paggalang sa kalikasan, kanilang katatagan at mga survival method na patuloy na nagpapayaman sa kanilang buhay.

Mula sa tradisyonal na palakasan at wika hanggang sa masiglang sayaw, ritwal at pagluluto, binibigyang-diin sa “Dayaw” ang kahalagahan ng paggalang sa mga kasanayang ito upang matiyak ang isang pamana ng kultura para sa mga susunod na henerasyon.

Nagmula sa salitang nangangahulugang “ipresenta o isuot nang may pagmamalaki”, ang “Dayaw” ay angkop na kumakatawan sa misyon nito na itaguyod ang diwa ng Pilipino, na nagbibigay-diin sa kagandahan, dignidad at katatagan ng katutubong pamana.

Saksihan ang mga kuwento, hamon at katatagan ng mga katutubong komunidad at magkaroon ng mas malalim na pag-unawa sa ating pamana sa “Dayaw” sa Bilyonaryo News Channel, na available sa BEAM TV 31 (maa-access sa pamamagitan ng digital TV boxes sa Metro Manila, Cebu, Davao, Iloilo, Baguio, Zamboanga, at Naga), Converge Channel 74 at sa Cignal Channel 24.

(ROHN ROMULO)