2024 September Archive - People's Balita

Archive for September, 2024

VP Duterte hinamong sumailalim sa lie detector test

Posted on: September 28th, 2024 by @peoplesbalita No Comments

HINAMON ng isang miyembro ng Young Guns bloc sa Kamara si Vice President Sara Duterte na sumailalim sa lie detector test kasunod ng testimonya ng isang dating opisyal ng Department of Education na tumanggap ng buwanang ‘suhol’ mula sa ilang mataas na education officials noong panahon ni Duterte bilang kalihim.

Ayon kay Zambales Rep. Jay Khonghun, dapat sumailalim si VP Duterte sa lie detector test kasabay ni dating Education Undersecretary Gloria Mercado, na una nang ibinunyag na nakatanggap siya ng mga envelopes na naglalaman ng P50,000 kada buwan, mula umano sa VP, habang nagsisilbing Head ng Procuring Entity (HOPE) sa DepEd.

“Kung talagang sa puso ni VP Duterte eh feeling niya nagsasabi siya ng totoo, mag-lie detector test na lang silang dalawa ni USec Mercado, para magkaalaman kung sinong nagsasabi ng totoo. Hindi na kailangan pang mag-deny at manira sa presscon,” ani Khonghun.

Una ng sinabi ni Mercado sa mga miyembro ng House Committee on Good Government and Public Accountability noong Miyerkules na pinuwersa siyang magbitiw mula sa DepEd dahil sa pagsabing nais niyang sumunod sa isinasaad sa procurement laws ng HOPE. Hiniling niya na payagan na lamang siyang magretiro na pinagbigyan naman.

“Kung wala namang tinatago si VP Duterte, walang issue sa pag-take ng lie detector test. Mahalaga na malaman ng taumbayan kung sino ang nagsasabi ng totoo sa kanilang dalawa. Pondo ng bayan ang pinag-uusapan, and the Vice President owes it to the people to prove her honesty and integrity,” dagdag ni Khonghun.

Sa pahayag ni Mercado, nakatanggap siya ng siyam na envelopes mula February 2023 hanggang September 2023, na naglalaman ng P50,000 kada isa.

Ayon pa kay Mercdo, ang mga naturang envelopes ay iniabot sa kanya ni Assistant Secretary Sunshine M. Fajarda, na direkta umanong nanggaling kay Vice President Duterte.

Plano aniya niyang ibalik ang mga naturang envelopes sa kanyang pagreretiro. Sa halip ay idinoate niya ito sa isang non-government organization, na umabot sa total na P450,000.
(Vina de Guzman)

Malabon LGU nakipag-ugnayan sa MCM para alisin ang mga nakatambak na basura

Posted on: September 28th, 2024 by @peoplesbalita No Comments

BILANG bahagi ng mga hakbangin upang mapanatiling malinis at malusog ang Malabon para sa mga Malabueño, nakipag-ugnayan ang pamahalaang lungsod sa pamunuan ng Malabon Central Market (MCM) para sa agarang pag-alis at pagtatapon ng mga nakaimbak na basura sa palengke na nagdudulot ng mabahong amoy at istorbo sa mga residente at namamalengke.

“Patuloy po tayo sa ating mga isinisasagawang programa at operasyon upang mapanatiling malinis ang bawat sulok ng Malabon. Sa kabila nito ay ating nabalitaan na ilan sa ating mga mahal na Malabueño ang nagpahayag ng kanilang pangamba dahil sa mga basurang nakatambak sa MCMt na pinapatakbo ng isang pribadong korporasyon. Kasama na rito ang mga mamimili at mga nagtitinda na nangamba sa kanilang kalusugan at maging sa kanilang trabaho. Kahit na ang isyung ito ay nasa ilalim na ng management ng palengke, ating sisiguruhin na sila ay mapapaalalahan tungkol sa kanilang responsibilidad at masigurong mapanatiling malinis ang kanilang lugar na siyang pangunahin nating layunin dito sa Malabon,” ani City Administrator Dr. Alexander Rosete.

Ipinaliwanag ng Business Process and Licensing Office (BPLO) na ang MCM ay nasa ilalim ng private-public partnership agreement sa pagitan ng lokal na pamahalaan at ng Prestonburg Development Corporation, na nangangahulugan na lahat ng aktibidad ng merkado kabilang ang koleksyon ng basura at market fee ay nasa ilalim na ng responsibilidad ng nasabing kumpanya.

Gayunpaman, tinitiyak ng lokal na pamahalaan na ang lahat ng operasyon nito ay naaayon sa layunin ng malinis, berde, at ligtas na Malabon.

Nauna nang nagpadala ng liham ang City Environment and Natural Resources Office (CENRO) sa pamunuan ng MCM na nagpapaalala sa kanila na tanggalin ang mga basura sa loob ng 24-oras.

Ibinahagi nito na ang pamunuan ng MCM ay may umiiral nang kontrata sa Metro Waste Solid Waste Management Corporation para sa mga operasyon sa paghakot ng basura (lalo na ang malalaking basura). Gayunpaman, may mga isyu sa koleksyon ng basura na naging sanhi ng pagtatambak ng mga basura sa lugar na dapat tugunan ng pamunuan ng pamilihan.

Sinabi ng BPLO na inaasahan nila na ang pamamahala ng pamilihan ay gagawa ng mga kinakailangang hakbang hinggil sa isyu at sumunod sa mga patakarang itinatag ng lungsod at na nakasaad sa kanilang kasunduan. (Richard Mesa)

Panguil Bay Bridge, pasisiglahin ang economic activities sa Mindanao

Posted on: September 28th, 2024 by @peoplesbalita No Comments

KUMPIYANSA si Pangulong Ferdinand ”Bongbong” Marcos Jr. na magiging masigla na ang economic activities sa Mindanao sa tulong ng Panguil Bay Bridge.

Sa naging talumpati ng Pangulo, sinabi nito na umabot ng dekada para maitayo ang tulay mula sa naging balak o plano pa lamang hanggang inagurasyon.

”I just said we waited for this for such a long time. If I had a peso for every time someone asks me when we will finish the Panguil Bay Bridge, I would already be able to fund a second bridge by now. But today, the waiting has ended,”ayon kay Pangulong Marcos.

”We all know that the increased economic activity is going to be an important development building block for both the provinces and the entire island of Mindanao,” dagdag na wika ng Chief Executive.

Sinabi naman ng Presidential Communications Office, ang P8.03-billion Panguil Bay Bridge ang kinokonsiderang pinakamababa sea-crossing bridge ng Mindanao na may 3.1 kilometro.

Nagkokonekta ito sa Tangub City sa Misamis Occidental at bayan ng Tubod sa Lanao del Norte.

Ang actual work ng disensyo at konstruksyon ng two-way, two-lane bridge na nagkokonekta sa Misamis Occidental at Lanao del Norte provinces ay nagsimula noong Pebrero 28, 2020 at nakompleto ngayong buwan.

Sinasabing mababawasan ang land travel time sa pagitan ng Misamis Occidental at Lanao del Norte ng 7 minuto lamang mula sa mahigit dalawang oras.

Inaasahan din na maaayos ng Panguil Bay Bridge Project ang transport systems na nag-uugnay sa coastal areas ng rehiyon at mapabibilis ang 24/7 na pagkilos ng mga tao, kalakal at serbisyo, itinutulak ang paglago ng ekonomiya sa mga nakapaligid na lugar.
(Daris Jose)

Pangandaman, kumpiyansang mabilis na maipapasa ang panukalang P6.352-trillion national budget para sa taong 2025

Posted on: September 28th, 2024 by @peoplesbalita No Comments

KUMPIYANSA si Budget Secretary Amenah Pangandaman na agad na maipapasa ang panukalang P6.352-trillion national budget para sa taong 2025.

“Thus, we are confident about the immediate passage of the proposed national budget for next year so that we can continue implementing programs and initiatives for the welfare of our people,” ayon sa Kalihim.

Nauna rito, pinasalamatan ni Pangandaman sina Senate President Francis Escudero at House Speaker Martin Romualdez dahil pinansin ng mga ito ang kahilingan ni Pangulong Ferdinand R. Marcos Jr. na ipasa sa tamang oras ang panukalang 2025 budget.

Kamakailan lang ay inaprubahan ng Mabang Kapulungan ng Kongreso sa ikatlo at pinal na pagbasa ang House Bill (HB) 10800 o 2025 General Appropriations Bill (GAB), isang araw matapos na seripikahan ni Pangulong Marcos na urgent ang naturang batas.

Kasunod ng pagpapasa sa Kongreso, ang 2025 GAB ay dadalhin sa Senado para mas basahin at himayin pa.

Pinasalamatan naman ni Pangandaman ang mga kongresista para sa pagpapasa sa panukalang 2025 national budget.

Sa kabilang dako, sinabi naman ni Senate Finance Committee chairperson Grace Poe na ang committee hearings sa 2025 GAB ay

ira-wrapped up sa Oktubre 18, bago pa ang All Saints’ Day at All Souls’ Day break.

Winika pa ni Poe na matapos ang committee hearings at transmittal ng GAB sa Senado, sisimulan naman ng panel ang paghahanda para sa committee report para sa plenary deliberations sa Nobyembre 4.

Matatandaang, araw ng Martes nang sertipikahan bilang urgent ni Pangulong Marcos ang pagsasabatas ng GAB “to ensure the uninterrupted operation of critical government functions, guarantee the allocation of fiscal resources for vital initiatives, and enable the government to adeptly respond to emerging challenges.”

Ang 2025 National Expenditure Program, tinurn over ng DBM sa Kongreso noong July 2024 ang magsilbi bilang basehan para sa GAB. (Daris Jose)

Vacation service credits ng mga guro, itinaas pa sa isang buwan

Posted on: September 28th, 2024 by @peoplesbalita No Comments

DINODOBLE pa ng Department of Education (DepEd) ang vacation service credits ng mga guro sa 30 araw.

Ipinaliwanag ng ahensya ang mga service credit, kung saan nagbibigay-daan ito sa mga guro na i-offset ang mga pagliban dahil sa sakit o personal na dahilan, o upang mabawi ang mga bawas sa suweldo sa panahon ng bakasyon.

Ang panibagong kautusan ay nagbibigay ng karapatan sa mga kasalukuyang guro na may hindi bababa sa isang taon ng serbisyo, gayundin ang mga bagong hire na guro na itinalaga sa loob ng apat na buwan pagkatapos ng pagsisimula ng klase, ng 30 araw ng mga vacation service credits taun-taon.

Maliban dito, ang mga bagong guro na ang mga appointment ay ibinigay sa nakalipas na apat na buwan pagkatapos ng pagsisimula ng mga klase ay makakatanggap ng 45 araw ng mga bakasyon bawat taon. (Daris Jose)

VP Sara: Paggamit ng mga walang kredibilidad na testigo, itigil na

Posted on: September 28th, 2024 by @peoplesbalita No Comments

HINIMOK ni Vice President Sara Duterte ang mga mambabatas na itigil na ang paggamit ng mga walang kredibilidad at kuwestiyonableng testigo upang sirain siya.

Tinukoy pa ni Duterte si Gloria Mercado na dating DepEd undersecretary na ngayon aniya ay bahagi na ng political machinery laban sa kanya.

Ayon sa bise presidente, nais ng Kongreso na paniwalaan ng mga Pilipino si Mercado at kalimutan na umamin itong masama ang kanyang loob nang mawala sa pwesto.

Inisa-isa rin niya ang mga kadahilanan kung bakit tinanggal si Mercado sa DepEd.

Kabilang aniya dito ang paghingi ni Mercado ng P16 milyon mula sa isang pribadong kompanya na malinaw aniyang labag sa batas.

Ani Sara, hindi ito maaaring itanggi ni Mercado dahil ito ay dokumentado at pirmado niya mismo.

Iginiit din aniya ni Mercado na mabigyan ng teaching item ang isang indibidwal sa Region VII at ginawa niya itong Executive Assistant sa DepEd Central Office. Makikita aniya ang service record ng taong ito sa BHROD ng Deped.

Sinabi pa ni Duterte na kabilang din sa mga ebidensiya laban kay Mercado ay ang ‘Minutes of Teacher Education Council (TEC) meetings’ kung saan malinaw na makikitang sinadya ni Mercado na maantala ang appointment ng executive director ng TEC.

Matatandaang kamakalawa, ibinunyag ni Mercado sa ikalawang pagdinig ng House good governance committee na siya at ang iba pang empleyado ng DepEd ay buwanang tumatanggap ng envelope na naglalaman ng P50,000 cash sa loob ng siyam na buwan, sa ilalim ng pamumuno ni Duterte noong siya pa ang kalihim ng DepEd. (Daris Jose)

Ads September 28, 2024

Posted on: September 28th, 2024 by @peoplesbalita No Comments

Sa pagko-consider na isama bilang National Artist; LEA, ipinagdiinang maraming mas deserving tulad ni DOLPHY

Posted on: September 27th, 2024 by @peoplesbalita No Comments

ANG documentary film na “And So It Begins” ang napili ng Film Academy of the Philippines (FAP) bilang official entry ng Pilipinas para sa 97th Academy Awards o sa Oscars 2025.

Lalaban ito sa kategoryang “Best International Feature”.

Ang magandang balita tungkol sa pagkakasama ng “And So It Begins” ay inanunsyo ng FAP sa kanilang Facebook page na may caption na, “And the winner is….”

Kasama ng post ang mga larawan ng direktor na si Ramona Diaz na tumanggap ng certificate of proclamation sa kanyang documentary film bilang official entry ng bansa.

Gaganapin ang 97th Academy Awards sa March 2, 2025 sa Los Angeles.

Ipinalabas ang “And So It Begins” nitong August 2024 sa mga sinehan sa bansa.

Umiikot ang kuwento ng pelikula sa naging presidential campaign ni dating Vice President Leni Robredo sa nagdaang 2022 National Elections.

Kasama rin ang istorya ng CEO ng Rappler at Nobel Prize awardee na si Maria Ressa sa pakikipaglaban niya para sa malayang pamamahayag.

Sa hindi pa nakakapanood ng ‘And So It Begins’ at palabas pa ito sa piling sinehan.

***

PINARANGALAN nga si Lea Salonga ng 2024 Gawad CCP para sa Sining.

Malaking karangalan ito para sa international singer na parangalan ng Cultural Center of the Philippines ang kanyang mga naging kontribusyon sa entertainment industry. “CCP was my home for ‘The King and I,’ the first show I ever did,” pahayag ni Lea.

“It was my home for ‘Annie,’ ‘Miss Saigon,’ where I auditioned in the first place when I was 17. I spent a lot of time on those stages. So, it is an absolute honor to be receiving this.”

Nagbigay naman si Lea ng reaksyon tungkol sa National Artist award na puwede raw isama sa mga pagpipilian.

Ayon naman sa international diva, “No, there are folks who are far more deserving and whose National Artists Awards are long overdue. I would love to see somebody like Dolphy, for example.

“We have to judge him as an artist for his body of work. He has contributed so much, even the movies where he is cross-dressing. It lends so much tolerance and so much acceptance towards LGBT community.

“Even if that was not his intention at that time, that was an effect. I think he should be heralded first. Hopefully, I will be given an opportunity to champion him,” paliwanag ng nag-iisang Lea Salonga.

(ROHN ROMULO)

‘Pinaka’ sa lahat ng ginawa bilang isang aktres: PINKY, thankful na mahusay na nagampanan sina Moira at Morgana

Posted on: September 27th, 2024 by @peoplesbalita No Comments

GUMAGANAP si Pinky Amador bilang si Moira/Morgana sa top-rating series ng GMA na ‘Abot Kamay Na Pangarap’.

Marami na raw siyang na-portray na mabigat na papel sa buong karera niya bilang aktres, pero ito ang pinaka raw ang ginagawa niya.

“Ay naku, isa sa pinakamasaya, pinakamahirap, pinaka-challenging, and pinaka-rewarding,” pahayag ni Pinky.

“Mabibigat din, pero ito kasi sunud-sunod na mabibigat, kung anu-ano na lang ang naiisip.

“Imagine namatay na si Moira, bumalik pa si Morgana.

“So, it’s like another set ng mga challenges, paghihirap, pag-iisip kung paano makakaganti, kung paano mabubuo pa yung pamilya niya kahit alam naman niyang mahirap, marami siyang kasalanan, ganun.”

Sino ang mas hirap siyang i-portray si Moira o si Morgana?

“I think Moira, kasi si Morgana kasi since nag-a-assume lang siya ng identity, hindi siya makatodong kontrabida, kasi baka mabuko siya.

“Hindi siya… siya talaga si Moira na nagpapanggap lamang. The moment na gumawa siya ng bagay na masama, siya pagbibintangan, so pag pinagbintangan siya at naimbestigahan siya, mabubuko siya ngayon. “So, mabubuko na siya pala si Moira na may mga kaso, may mga pending, makukulong siya.

“So, kumbaga yung pagka-ano niya, limited lang. Pero pareho din naman na mahirap kasi si Morgana na yung lumaki ako sa farm, nasa pig pen, mga ganun, mga muntik na ako mahimatay.
“Physically, very challenging siya.”

Well, pinag-usapan at nag-trending si Morgana dahil inihawig ang naturang karakter sa kontrobersyal na dating Mayor ng Bamban, Tarlac na si Alice Guo.

Aware naman si Pinky tungkol dito.

Lahad niya, “Yes, oo. Actually, nung pumu… ito yung kuwento sa akin ng producers, tinanong ko si direk kasi,” pagtukoy ni Pinky sa direktor ng teleserye nila na si LA Madridejos.

“Sabi ko, pinag-uusapan kasi nila, alam naman nilang may kontrata ako sa Singapore, so alam naman nilang hindi ako totally mamamatay.

“So, nag-iisip sila ng paraan para makabalik si Moira. “So in the story, mamamatay kuno, so nag-iisip sila, paano natin pababalikin si Moira?

“So, isa sa mga naisip nila is stolen identity, so nandoon na yung thought balloon na stolen identity, sabay sumabog yung issue sa Senado.

“So sabi nila, ito na yun, nangyayari na ng totoo, why can’t we use it? It’s happening in real life.”

Pansamantalang nawala sa ‘Abot Kamay Na Pangarap’ si Pinky dahil sa isang prior commitment sa Singapore.

Aniya, “I was in Singapore for seven weeks. Kaya talagang kailangan ‘mamatay’ talaga si Moira.”

Buti pinayagan siya ng GMA?

“Oo, kasi nung pinaalam ko yun last year pa, 2023, iyon yung time na hanggang January 2024 pa lang kami. So ang paalam ko is May.”

Na ang thinking niya is tapos na ang serye?

“Hindi, sabi ko, kahit ma-extend pa yan ng February, or March, or April, pasok pa ako, e na-extend hanggang June 30.

“So sabi ko, eto na, hanggang sa huli, tinatanong nila ako, ‘Tuloy ba yan?’ E wala, naka-sign na ako ng kontrata.

“Tsaka alam naman natin, Singapore iyon.”

Isang play ang naging proyekto ni Pinky sa naturang bansa.

“Who’s Afraid of Virginia Woolf. I was the woman playing Martha. It’s about an older couple and a younger couple. Apat lang kami doon.”

Dagdag pa ni Pinky, “It’s a movie with Elizabeth Taylor and Richard Burton, and recently, in the West End, ginampanan ni Imelda Staunton, yung nag-play ng the queen sa The Crown.”

So dahil talagang malakas si Moira at si Morgana, nagawan ng paraan na makabalik si Pinky sa ‘Abot Kamay na Pangarap’?

Aniya, “Yes po. I’m very…ako super thankful ako dun, kasi tanggap ko na kung patayin nila ako, hindi na nila ako pabalikin.

“Tanggap ko yun kasi pumirma ako ng kontrata, hindi ko naman alam na extended, and siyempre creative choice nila yun.

“Pero for… the fact na ibinalik nila ako, hindi yun nangyayari every day, so talagang sobrang, sobrang pasasalamat ko.

“Kasi hindi lang siya trabaho, ano siya e, trabaho na you go to work with people that you really love working with, that you have respect for, co-actors that are intelligent, that are generous, and that get along.”

(ROMMEL L. GONZALES)

Ibinahagi ang challenging weight loss journey: CARLA, inaming may insecurity sa kanyang timbang

Posted on: September 27th, 2024 by @peoplesbalita No Comments

INAMIN ni Carla Abellana na may insecurity siya sa kanyang timbang. Noong nagsisimula raw siya sa showbiz, lagi siyang concern sa paglaki ng katawan niya.

“I see photos of other people who are so fit and I can’t help but feel insecure. I also wish weight would work like magic, but no… There really is no shortcut,” sey ng ‘Widows’ War’ star.

Sa dalawang magkasunod na posts sa Instagram, seryosong ibinahagi ni Carla ang tungkol sa kanyang challenging na weight loss journey. Sanhi nga raw ito ng pagkakaroon niya ng hyperthyroidism for five years.

Pero nakahanap daw si Carla ng diet plan na epektibo sa pagbawas niya ng timbang. 18lbs na raw ang nawala sa kanyang timbang.

***

ANG Japanese language coach ng teleserye na Pulang Araw na si Ryoichi “Ryo” Rivera Nagatsuka ay isa ring promising singer at actor din.

Miyembro ang 26-year old Fil-Japanese ng Japanese music trio na SkyGarden. Na-release last year ang album nila under AltG records na sub-label ng GMA Music.

Nakapagtapos ng economics si Ryo sa Nanzan University in Nagoya Japan. Nakapag-aral din siya sa Ateneo De Manila University.

Nagtrabaho si Ryo ng dalawang taon sa isang Japanese company bago siya nagdesisyong i-pursue ang pagpasok sa showbiz sa Pilipinas.

Bukod sa pagiging language coach niya kina Dennis Trillo at David Licauco, gumaganap din siyang Japanese immigrant sa Pulang Araw.

***

PATULOY talaga ang pamamayagpag ng GMA Public Affairs sa iba’t ibang platforms, kasama na online! Batay sa Tubular Labs, ito ang No. 1 online news video publisher sa Pilipinas mula January hanggang August 2024.

Noong July, ang GMA Public Affairs din ang most-watched news publisher globally sa Facebook. Pumangatlo naman ito worldwide sa kategoryang News and Politics sa parehong YouTube at Facebook.

Hindi talaga maikakailang patuloy na tinatangkilik ng sambayanan ang mga top-rating at award-winning programs ng GMA Public Affairs gaya ng KMJS, I-Witness, Wish Ko Lang, Tadhana, at Biyahe ni Drew. Tunay nga namang basta Tatak Public Affairs, Tatak World-Class!

(RUEL J. MENDOZA)