PINANGUNAHAN ni Pangulong Ferdinand R. Marcos Jr. , araw ng Biyernes ang inagurasyon ng 3.17-kilometro ng Panguil Bay Bridge Project.

Ito ang itinuturing na pinakamahabang sea-crossing bridge sa Mindanao na naglalayong mapahusay ang pagkakakonekta at drive economic progress sa rehiyon.

Ang P8.026-billion Panguil Bay Bridge Project ng Department of Public Works and Highways (DPWH) ay kumokonekta sa Tangub City sa Misamis Occidental at bayan ng Tubod sa Lanao del Norte.

Ang actual work ng disensyo at konstruksyon ng two-way, two-lane bridge na nagkokonekta sa Misamis Occidental at Lanao del Norte provinces ay nagsimula noong Pebrero 28, 2020 at nakompleto ngayong buwan.

Sinasabing mababawasan ang land travel time sa pagitan ng Misamis Occidental at Lanao del Norte ng 7 minuto lamang mula sa mahigit dalawang oras.

Sa kasalukuyan, ang byahe ay umabot ng 2.5 oras sa pamamagitan ng Roll-On, Roll Off (RoRo) vessels mula Ozamiz hanggang Mucas sa Lanao del Norte o 100-kilometer route via Tangub-Molave-Tubod road o Tangub-Kapatagan-Tubod road.

Inaasahan din na maaayos ng Panguil Bay Bridge Project ang transport systems na nag-uugnay sa coastal areas ng rehiyon at mapabibilis ang 24/7 na pagkilos ng mga tao, kalakal at serbisyo, itinutulak ang paglago ng ekonomiya sa mga nakapaligid na lugar.

“The bridge is made up of a 360-meter approach road leading to a 1,020-meter approach bridge on the Tangub City side, alongside a 569-meter approach road connecting to a 900-meter approach bridge on the Tubod side,” ayon sa ulat.

“It also features an extra-dosed main bridge, with 320-meter central span, supported by two pylons standing 20 meters tall, anchored by six cable stays, and complemented by a lighting system, providing structural support and enhancing bridge aesthetics and safety for nighttime travel,” ayon pa rin sa ulat.

Ang proyekto ay ginamitan ng advanced Korean bridge technology, kabilang na ang reverse circulation sa pag-drill ng barges para makalikha ng boreholes at paglulunsad ng makapal na permanent steel casings gamit ang ‘revolving crane barges at vibro pile hammers.’

Samantala, ang proyekto ay pinondohan sa pamamagitan ng loan agreement na nilagdaan sa pagitan ng gobyerno ng Pilipinas at Korean Export-Import Bank noong 2016.

Ang Panguil Bay Bridge Project ay isa sa 198 high-impact priority infrastructure flagship projects sa ilalim ng “Build, Better, More” program ng administrasyong Marcos. (Daris Jose)

SINABI ng isang senior U.S. defense official na ang pinakabagong nuclear-powered attack submarine ng Tsina ay lumubog noong unang bahagi ng taong kasalukuyan.

Maituturing itong isang malaking kahihiyan para sa Beijing na hangad na mapalawak ang military capabilities nito.

Sa ulat, sinasabing ang Tsina ay mayroon ng pinakamalaking navy sa buong mundo, mayroong 370 barko, at nagsimula nang gumawa ng bagong henerasyon ng nuclear-armed submarines.

Winika ng senior U.S. defense official na ang bagong first-in-class nuclear-powered attack submarine ng Tsina ay lumubog sa tabi ng pier o pantalan sa pagitan ng Mayo at Hunyo.

Sinabi naman ng tagapagsalita ng Chinese embassy sa Washington na wala itong maibibigay na impormasyon ukol dito.

Hindi naman malinaw kung ano ang dahilan ng paglubog o kung ito may lulan na nuclear fuel ng oras na iyon.

“In addition to the obvious questions about training standards and equipment quality, the incident raises deeper questions about the PLA’s internal accountability and oversight of China’s defense industry – which has long been plagued by corruption,” ang sinabi ng opisyal, gumamit ng acronym para sa People’s Liberation Army.

“It’s not surprising that the PLA Navy would try to conceal” the sinking,” ang sinabi pa rin ng opisyal.

Samantala, ang balita ay unang iniulat ng Wall Street Journal.

Isang serye ng satellite images mula sa Planet Labs mula Hunyo ang lumabas para ipakita ang cranes sa Wuchang shipyard, kung saan ang submarine ay nakadaong.

“As of 2022, China had six nuclear-powered ballistic missile submarines, six nuclear-powered attack submarines and 48 diesel-powered attack submarines,” ayon sa Pentagon report ukol sa China’s military.

“That submarine force is expected to grow to 65 by 2025 and 80 by 2035,” ang sinabi naman ng U.S. Defense Department. (Daris Jose)

IDINEKLARA ni Pangulong Ferdinand R. Marcos Jr., araw ng Biyernes ang Misamis Occidental bilang isang “Insurgency-Free Province”.

Ayon sa Pangulo, ang malakas na ‘political will at mahigpit na pagtutulungan ng mga law enforcement agencies ang naghatid sa pagtatapos ng communist rebellion at terrorist activities sa lalawigan.

Sa naging talumpati ng Pangulo sa Tangub City Global College (TCGC) sa Tangub City, binigyang diin ni Pangulong Marcos na ang 60 barangay na minsan nang naapektuhan ng Communist Terrorist Groups’ (CTGs) sa Misamis Occidental ay malaya na mula sa kanilang impluwensiya.

“We are gathered here today to celebrate a historic occasion, one that also took time in the making, the declaration of Misamis Occidental as an Insurgency-Free Province,”ang sinabi ng Pangulo sa mga residente ng Barangay Maloro, Tangub City.

“After years of consistent and resolute security, peace, and community-building, we have succeeded in our campaign to end the decades of conflict in the sixty barangays in your province that were once in the clutches of insurgent movements,” aniya pa rin.

Binigyang kredito naman ng administrasyon ang pagkawala ng CTGs-related violence sa neutralization ng key leaders ng grupo sa Misamis Occidental at Zamboanga del Sur sa first half ng 2024 sa Ilalim ng liderato ni Pangulong Marcos.

Ang lumalagong bilang ng mga indibiduwal na pinili ang mapayapang daan at ang paghina ng armed rebellion ay nakapag-ambag din sa mapayapang kalayagayan ng lalawigan.

“We have successfully dismantled the key leadership of the former insurgents operating in Misamis Occidental, which have now led to their reintegration into society,” ang winika ng Pangulo.

Sa kabilang dako, pinuri naman ni Pangulong Marcos ang Department of Interior and Local Government (DILG) at Armed Forces of the Philippines (AFP) para sa kanilang community development at reintegration programs para sa mga nagbabalik-loob sa batas.

Tinatayang 51 barangay sa Misamis Occidental ang nakinabang mula sa Barangay Development Program (BDP) sa pagitan ng 2021 hanggang 2023.

“As of September, the Marcos administration completed 46 projects, including 44 farm-to-market roads (FMRs) and two other infrastructure projects involving the construction and development of roads and bridges in the province,” ayon sa ulat.

Idinagdag naman ni Pangulong Marcos na may 17 bagong proyekto ang nasa pipeline – siyang ang nakatuon sa improvement ng water supply systems at walo naman sa improvement ng health stations, rural electrification at rehabilitasyon ng mga eskuwelahan. (Daris Jose)

SINABI ni Pangulong Ferdinand Marcos Jr., na mahigit sa P3 billion ang nawala dahil sa agricultural smuggling noong 2023.

Inihayag ito ni Pangulong Marcos sa paglagda upang maging ganap na batas ang Anti- Agricultural Economic Sabotage.

Giit ng Pangulo, ang economic sabotage sa agricultural sector ay ”not simply a tale of dubious deals and inflated profits; it manifests as well as hunger, desperation, as betrayal.”

”Let us then acknowledge the gravity of the situation: These crimes threaten not only our economy but our national security as well. It jeopardizes the livelihood of hardworking Filipino farmers and fisherfolk and it threatens the food sustainability of our communities,” ang sinabi ni Pangulong Marcos.

”In 2023 alone, we lost over three billion pesos to agricultural smuggling — staggering amount,” ang pahayag pa rin ng Chief Executive.

Sinabi pa rin niya na “in less than nine months of 2024”, nakumpiska ng mga awtoridad ang mahigit sa P230 milyong halaga ng smuggled agricultural products.

Sa ilalim aniya ng bagong batas, ang smuggling, hoarding, profiteering, at cartel operations na may kaugnayan sa agricultural at fishery products ay ika-klasipika bilang economic sabotage, isang non-bailable offense, ang kaparusahan ay habambuhay na pagkakakulong at may multa na 5 beses sa halaga ng sangkot na kalakal.

Ayon sa Pangulo, hindi lamang target nito ang mga mastermind kundi ang panagutin ang lahat ng mga kompanya na kasabwat at may pananagutan kabilang ang mga ‘financiers, brokers, mga empleyado at maging ang transporters. ( Daris Jose)

TINANGGAP ni Agriculture Secretary Francisco P. Tiu Laurel, Jr. ang pagtinta sa Anti-Agricultural Economic Sabotage Act, isang batas na magpapataw ng mas mahigpit na parusa laban sa mga ‘smugglers at hoarders’ ng agricultural food products kabilang na ang mga cartel.

“This new law that penalizes violators with higher fines and long jail terms, should instill fear in the minds of smugglers and hoarders, and force them to mend their ways,” ayon kay Tiu Laurel.

“This would also benefit our farmers and fisherfolk whose livelihood are imperiled by unscrupulous hoarders and smugglers,” dagdag na wika nito.

Nilagdaan upang maging ganap na batas ni Pangulong Ferdinand Marcos Jr., araw ng Miyerkules, itinuturing ng Anti-Agricultural Economic Sabotage Act (AGES) ang smuggling at hoarding ng agricultural food products bilang economic sabotage kapag ang halaga ng kalakal ay lumampas sa P10 million. Kinokonsidera rin na economic sabotage ang paglikha sa cartel at financing smugglers at hoarders.

“Aside from a fine that is five-times the value of smuggled or hoarded agricultural or fishery products, violators face life imprisonment if proven guilty,” ayon sa DA.

Ang Agricultural products na saklaw ng AGES ay bigas, mais, baka at iba pang ruminants, baboy, manok, bawang, sibuyas, at iba pang gulay, prutas , isda, at iba pang aquatic products sa kanilang raw state.

“AGES also grants rewards of up to P20 million and other incentives to those who will provide information that would lead to the investigation, arrest, prosecution and conviction of smugglers and hoarders. This should lead to the radical reduction of their ranks,” ayon kay Tiu Laurel.

Samantala, nire-require naman ng batas ang pagtatatag at pagpapanatili ng Daily Price Index, ang Bureau of Agricultural Research at Agribusiness and Marketing Assistance Service ng DA ang mamamahala nito. (Daris Jose)