NAKAAAPEKTO na sa imahe ng Davao City ang nagpapatuloy na tangkang pag-aresto ng kapulisan kay Kingdom of Jesus Christ (KOJC) founder, Pastor Apollo C. Quiboloy, at sa kapwa akusado nito.

“It is true that the city’s image and the residents’ businesses in Davao City were affected. Flights were disrupted in the first two days of their operation. No one wants this as our goal is to ensure a peaceful life for Davao City,” ayon kay VP Sara.

Nauna rito, pinangunahan ni VP Sara ang paggunita para sa nga biktima, kanilang pamilya at survivors ng ika-8 taong anibersaryo ng Roxas Night Market bombing sa Roxas Ave. sa Davao City noong September 1, 2016.

Sinabi pa ni VP Sara na ang pagpapatupad at pagsisilbi ng arrest warrant ay dapat na episyenteng makompleto. Ang sukat ng lugar ay hindi dapat ginagamit bilang ‘excuse’ para magtagal ang mga pulis sa lugar.

“With so many police officers already on-site, it is surprising that, after nine days, they have still not finished executing the arrest warrant,” ayon kay VP Sara, sabay sabing kung mayroong pang-aabuso sa kapangyarihan sa operasyon ay nananatiling idedetermina ng korte.

Sinabi pa niya, sa kanyang pagkakaintindi, ang mga miyembro ng KOJC, sa pamamagitan ng kanilang legal counsel, naghanda ng maraming kaso laban sa mga miyembro ng Philippine National Police at bahala na ang korte na idetermina kung may pang-aabuso sa awtoridad.

“In my personal opinion, there is abuse of authority. We don’t need to list the violations seen just to implement the arrest warrant. There is no issue with implementing the warrant of arrest, but it should be done according to the law,” ayon kay VP Sara.

Kinumpirma rin ni VP Sara na dadalo siya sa 39th Feast of the Passover ng KOJC sa Linggo para i-check at i-comfort ang religious group. Magbibigay din siya ng mensahe para sa mga ito ukol sa mga pangunahing rule of law alinsunod sa kanilang situwasyon sa compound.

Sinabi pa niya na malabo na ang kanyang pagbisita sa KOJC compound ay mapupulitika dahil bilang isang Davaoeño at Vice President ng bansa, responsable siya sa pagbibigay ng kaginhawaan sa mga KOJC members sa kanilang ng kasalukuyang kahirapan.

Hinikayat din ni VP Sara ang mga tao ng Davao City upang panindigan ang rule of law, palaging tugunan ang paglabag, kabilang ang constitutional violations o breaches of the law, at maayos na ipatupad ang arrest warrants.

Samantala, binatikos naman ni VP Sara ang mga pulis para sa pagpapatupad ng arrest warrants laban kay Quiboloy at kanyang mga kasamahan na ‘wanted’ para sa child at sexual abuse at human trafficking.

At nang tanungin kung nasaan si Quiboloy, pabirong sinabi naman ni VP Sara na nasa langit na ito. (Daris Jose)

Naglabas ang Department of Health (DOH) ng updated guidelines para mapigilan, ma-detect at mapangasiwaan ang mpox o dating tinatawag na monkeypox dito sa Pilipinas.

Base sa inilabas na 8 pahinang Department Memorandum No. 2024-0306 na nilagdaan ni Health Secretary Ted Herbosa, pinapayuhan ang lahat na iwasan ang malapit na skin-to-skin contact gaya ng sexual contact, paghalik, pagyakap sa mga inibidwal na suspect, probable o kumpirmadong kaso ng mpox. Sakali man na hindi maiwasan, pinapayuhan ang mga caregiver na gumamit ng kaukulang personal protective equipment (PPE)

Ikalawa, dapat na obserbahan ang madalas at maayos na hand hygiene sa pamamagitan ng paggamit ng alcohol o paghuhugas ng kamay kapag narumihan o nakontamina.

Ikatlo, dapat na tiyaking ang mga bagay at lugar na nakontamina ng virus o nahawakan ng infected na indibidwal ay dapat na masinsinang malinisan at ma-disinfect.

Panghuli, pinapayuhan din ang publiko na iwasang magkaroon ng kontak sa mga hayop partikular na ang mga nagdadala ng virus kabilang ang may sakit o patay na hayop na natagpuan sa mga lugar kung saan may presensiya ng mpox.

Minamandato din ang lahat ng healthcare providers na obserbahan ang ‘high index of suspicion’ para sa mpox kapag sinusuri ang mga indibidwal na nagpapakita ng mga sintomas ng sakit tulad ng hindi maipaliwanag na pantal, mucosal lesions o lymphadenopathy.

Inatasan din ang mga ito na ipaalam sa DOH sakaling may suspect, probable o kumpirmadong kaso ng mpox sa loob ng 24 na oras mula ng madetect ang virus.

Samantala, lahat ng suspect at probable mpox cases ay dapat na masuri para sa laboratory confirmation ng mpox virus.

Kailangang mamonitor kada araw ang kanilang close contact para sa paglabas ng senyales o sintomas ng sakit sa loob ng 21 araw mula ng huling magkaroon ng kontak sa suspect, probable o confirmed case ng mpox.

Ang mga may mataas na banta na makaranas ng komplikasyon kabilang ang may malubha o kumplikadong mpox ay dapat na ma-admit sa ospital.

Samantala, ayon kay Sec. Herbosa, ang updated Mpox guidelines ng DOH ay binalangkas ng mga Filipino expert para sa Filipino communities na nakahanay sa international response. (Daris Jose)