2024 September Archive - People's Balita

Archive for September, 2024

Death toll sa hagupit ng bagyong Enteng sa PH, sumampa na sa 13 – OCD

Posted on: September 4th, 2024 by @peoplesbalita No Comments

SUMAMPA na sa 13 katao ang napaulat na nasawi dahil sa hagupit ng bagyong Enteng.

Ayon kay Office of the Civil Defense spokesperson Edgar Posadas, kasalukuyang biniberipika pa ang mga napaulat na nasawi kung saan 8 dito ay mula sa lalawigan ng Rizal partikular sa Antipolo city kasunod ng mga insidente ng landslide at baha, 3 sa Bicol at 2 sa probinsiya ng Cebu na nabagsakan ng pader.

Samantala, nakapagtala din ang OCD ng 10 katao na nasugatan sa Cebu dahil sa epekto ng bagyo.

Samantala, base naman sa datos mula sa NDRRMC, umabot na sa kabuuang 147,024 indibidwal o katumbas ng 37,867 pamilya mula sa mahigit 300 barangay sa Central Luzon, Calabarzon, Bicol, Western Visayas, Central Visayas, at National Capital Region.

Nasa 157 lugar din ang naitala ng ahensiya na binaha, 4 ang naitalang insidente ng landslide dahil sa mga pag-ulan at 3 gumuhong struktura.

Mayroon ding kabuuang 54 na kalsada at 2 tulay ang nananatiling hindi madaanan.

Nasa 11 siyudad at bayan naman sa Central Luzon, Calabarzon at Bicol ang nawalan ng suplay ng kuryente.

Sa advisory mula sa Meralco ngayong Martes, humingi ng pang-unawa ang kompaniya dahil nasa 2,000 pang customer nila ang nananatiling lubog sa baha. Tiniyak naman nito na kanilang ibabalik ang suplay ng kuryente sa lahat ng apektadong customers sa lalong madaling panahon.

Inaasahan naman na umaga ng Miyerkules lalabas na ng Philippine area of responsibility ang bagyong Enteng. (Daris Jose)

Dahil kay “Enteng”: Klase sa Metro Manila, suspendido

Posted on: September 4th, 2024 by @peoplesbalita No Comments

SINUSPINDE ng Malakanyang ang klase sa pampubliko at pribadong eskuwelahan sa lahat ng antas sa Metro Manila, araw ng Lunes, dahil sa Tropical Storm Enteng (international name Yagi).

“In view of the inclement weather brought about by Tropical Storm “Enteng,” classes in public and private schools at all levels within the National Capital Region on 02 September 2024 are hereby suspended,” ang nakasaad sa kalatas ng Tanggapan ni Executive Secretary Lucas Bersamin.

Samantala, tinaas na ang Tropical Cyclone Wind Signal No. 2 ngayong Lunes, Setyembre 2, sa pitong lugar sa Luzon dahil sa pagbayo ni Tropical Storm Enteng (international name: Yagi), ayon sa PAGASA.

Kabilang sa mga lugar na nasa ilalim ng TCWS No. 2 ay:

-northeastern portion ng Camarines Norte (Vinzons, San Lorenzo Ruiz, Talisay, Daet, Labo, Paracale, Jose Panganiban, San Vicente, Basud, Mercedes);
-northeastern portion ng Camarines Sur (Garchitorena, Caramoan, Presentacion, San Jose, Lagonoy, Tinambac, Siruma);
-eastern portion ng Cagayan (Pe, Gonzaga, Santa Teresita, Buguey, Lal-Lo, Gattaran, Baggao, Santa Ana, Lasam, Santo Nino, Alcala, Amulung, Solana, Iguig, Tuguegarao City, Enrile, Aparri, Ballesteros, Camalaniugan, Allacapan, Piat, Tuao, Rizal, Abulug, Pamplona) kabilang ang Babuyan Islands;
-eastern portion of Isabela (Santa Maria, Santo Tomas, Cabagan, Delfin Albano, Quirino, Gamu, Burgos, Luna, Reina Mercedes, City of Cauayan, Alicia, Echague, Jones, San Agustin, Angadanan, San Guillermo, San Pablo, Maconacon, Tumauini, Ilagan City, Palanan, Divilacan, San Mariano, Naguilian, Benito Soliven, Dinapigue, Cabatuan, Aurora, San Manuel, Mallig, Quezon, Roxas);
-Polillo Islands;
-eastern portion ng Quirino (Maddela); at
-eastern portion ng Kalinga (Rizal).
Ang mga nabanggit na lugar ay magkakaroon ng gale-force winds mula 62 hanggang 88 km/h sa loob ng 24 na oras na maaaring magdulot ng minor hanggang sa katamtamang banta sa buhay at ari-arian.
Samantala, nakasailalim naman sa TCWS No. 1 ang mga sumusunod na lugar:
-southern portion ng Batanes (Sabtang, Ivana, Uyugan, Mahatao, Basco);
-eastern portion ng Ilocos Norte (Nueva Era, Carasi, Vintar, Adams, Dumalneg, Pagudpud, Bangui);
-eastern portion of Abra (Tineg, Lacub, Malibcong);
Apayao;
-natitirang bahagi ng Kalinga (Tanudan, City of Tabuk, Balbalan, Pinukpuk, Rizal, Lubuagan);
-eastern portion ng Mountain Province (Barlig, Natonin, Paracelis);
-eastern portion ng Ifugao (Banaue, Hingyon, Lagawe, Lamut, Mayoyao, Alfonso Lista, Aguinaldo);
-natitirang bahagi ng Cagayan;
-natitirang bahagi ng Isabela;
-natitirang bahagi ng Quirino;
-eastern portion of Nueva Vizcaya (Alfonso Castaneda, Kasibu, Dupax del Norte, Bagabag, Diadi, Quezon, Villaverde, Solano, Bayombong, Ambaguio, Aritao, Bambang, Dupax del Sur);
-natitirang bahagi ng Aurora;
-eastern portion ng Nueva Ecija (General Tinio, Gabaldon, Palayan City, General Mamerto Natividad, Llanera, San Jose City, Carranglan, Pantabangan, Bongabon, Rizal, Laur);
-eastern portion ng Bulacan (Do, Norzagaray);
-eastern portion of Rizal (Jala-Jala, Pililla, Tanay, Baras, City of Antipolo, Rodriguez, Teresa, Morong);
-eastern portion ng Laguna (Luisiana, Majayjay, Magdalena, Pagsanjan, Santa Cruz, Lumban, Cavinti, Kalayaan, Paete, Siniloan, Santa Maria, Famy, Pangil, Mabitac, Pakil);
-northern at southern portions ng Quezon (Tagkawayan, Guinayangan, Buenavista, San Narciso, Mulanay, San Andres, San Francisco, Lopez, Calauag, Catanauan, Gumaca, Macalelon, General Luna, Quezon, Alabat, Perez, General Nakar, Infanta, Real, Mauban, Unisan, Pitogo, Padre Burgos, Atimonan, Agdangan, Plaridel, Lucban, Sampaloc, City of Tayabas, Lucena City, Pagbilao);
-Marinduque;
-natitirang bahagi ng Camarines Norte;
-natitirang bahagi ng Camarines Sur;
-Albay; Sorsogon; Catanduanes; at
-northern portion ng Masbate (City of Masbate, Aroroy, Baleno) incuding Ticao and Burias Islands.

Ang mga lugar sa ilalim ng TCWS No. 1 ay magkakaroon ng malakas na hangin mula 39 hanggang 61 km/h sa loob ng 36 na oras na maaaring magdulot ng minimal hanggang sa maliit na banta sa buhay at ari-arian.

Alas-4 ng umaga noong Lunes, ang sentro ng Enteng ay tinatayang nasa ibabaw ng baybayin ng Vinzons, Camarines Norte.

Taglay ni Enteng ang maximum sustained winds na 75 km/h malapit sa gitna, pagbugsong aabot sa 90 km/h, at central pressure na 998 hPa.

Kumikilos ang tropical storm pakanluran hilagang-kanluran sa bilis na 10 km/h.

Mula sa gitna ng Enteng, ang malakas hanggang sa lakas ng hangin ay umaabot palabas hanggang 250 km.

Sa susunod na 24 na oras, inaasahang gagalaw si Enteng sa pangkalahatan pahilagang-kanluran.

Ang tropikal na bagyo ay posibleng mag-landfall sa Isabela o Cagayan sa Lunes ng hapon o gabi.

Gayunpaman, kung lilipat ng landas ang Enteng, posibleng maglandfall sa hilagang bahagi ng Aurora.

Sa Luzon Strait, posibleng mag-decelerate ang Enteng sa Martes hanggang Miyerkules.

Ito ay lilipat pakanluran hilagang-kanluran habang bumibilis.

Inaasahang lalabas si Enteng sa Philippine Area of Responsibility sa Miyerkules ng gabi hanggang Huwebes ng madaling araw. (Daris Jose)

Ads September 4, 2024

Posted on: September 4th, 2024 by @peoplesbalita No Comments

COA sinita sablay na feeding program ng DepEd

Posted on: September 4th, 2024 by @peoplesbalita No Comments

SINITA ng Commission on Audit (COA) ang inaamag na nutribun, nabubulok na mga food item, hindi maayos na pagkakabalot ng mga pagkain at kuwestyunableng manufacturing at expiration date ng mga pagkain sa ilalim ng school-based feeding program ng Department of Education (DepEd) noong 2023, sa ilalim ng pamumuno ni Vice President Sara Duterte.

Sa audit report ng COA para sa taong 2023, sinabi nito na 21 Schools Divisions Office sa iba’t ibang bahagi ng bansa ang nakaranas ng delay o hindi na-deliver sa oras ang pagkain at gatas sa ilalim ng P5.69 bilyong School Based Feeding Program (SBFP) ng DepEd.

Ayon kay bagong DepEd Sec. Juan Edgardo Angara, may nakitang mga insekto sa loob ng Karabun/Milky bun and E-nutribun (squash) noong isagawa ng state auditors ng COA sa Aurora ang nasabing mga pagkain.

Sa Bulacan SDO, ang mga ipinadalang pagkain ay bulok, hindi pa hinog, o nasira. Ang Bulacan at Aurora ay kapwa nasa Region 3 (Central Luzon).

Sa Metro Manila, inireklamo ng Quezon City SDO ang hindi magandang packaging at ang laman umano ay mas maliit o mas magaan kumpara sa nakalagay sa kontrata.

Layunin ng SBFP na matulungan ang mga undernourished learner sa mga pampublikong paaralan. Ang feeding program ay mayroong dalawang bahagi— ang NFP o pagbibigay ng hot meal o food items gaya ng prutas, itlog, kamote, at nutty bars; at pasteurized fresh milk.

Sa 10 rehiyon, late dumating ang gatas o walang dumating sa buong school year.

Nangyari umano ang delay kahit na-release na ang pondo sa unang quarter pa lamang ng 2023.

Sa Camarines Sur SDO, ang halos P100 milyong halaga ng produktong pagkain ay hindi dumating at ang supply contract para sa gatas ay hindi nalagdaan.

Sa Palawan SDO, nauna umano ang pagbabayad sa supplier kaysa sa pagdating ng mga pagkain.

Bagama’t naipamigay umano ng mga SDO ang mga pagkain at gatas, sinabi ng COA na hindi nasunod ang guidelines ng DepEd Feeding Program dahil dinoble-doble na lamang umano ang ipinamigay at maging ang mga estudyante na hindi undernourished ay nabigyan. Ginawa umano ito upang hindi masira ang mga pagkain.

Tuloy ang salpukan nila ni Mayor Honey sa Maynila: ISKO, malabo na mag-back out dahil sa taas ng rating

Posted on: September 3rd, 2024 by @peoplesbalita No Comments

MAINIT na pinag-usapan pa rin ngayon sa Maynila ay ang parating na local elections.

Umaasa pa rin daw ang kampo ng incumbent Mayor Honey Lacuna na mag-back out ang dating mayor na si Isko Moreno at ikunsider na lang na tumakbong senador.

Pero kung pagbabasehan ang inilabas na latest survey commissioned ng Malakanyang ay malabong si Isko ang aatras sa laban.

Nakakuha ng 77% si Yorme over 13% ni Mayora. Samantalang tie sa 4% sina Naida Angping at si Sam Versoza.

Sa pagka-Vice Mayor naman ay halos pantay lang sina incumbent Vice Mayor Yul Servo at Chi Atienza.

Abante pa rin at hindi matinag-tinag ang congressman sa District 1 na si Cong. Ernix Dionisio na malaki ang lamang sa kalaban niya.

***’

STILL on Manila elections, papasukin na rin ng sikat na blogger na si Rosmar Tan ang pulitika.

Tatakbong kunsehal ng District 1 si Rosmarie Tan-Pamulaklakin.

Ayon pa kay Rosmar nang makausap namin bago siya humarap sa mga constituents namin sa Brgy. UnoDosTres ay nagnanais daw siyang makapaglingkod nang husto sa mga taong higit na nangangailangan ng tulong niya.

Sa totoo lang, sa yaman ni Rosmar ay hindi na niya kailangan ang anumang tatanggapin niya kung sakaling papalarin siyang manalo bilang kunsehal.

Katunayan, hindi pa man nakaupo ay bumili na ng ambulance si Rosmar para magagamit ng mga taga-baranggay niya.

Dagdag pa ni Rosmar na pumapalo sa P13 million a day ang kita niya kapag malakas ang benta ng kanyang skincare products.

Bukod sa kanyang negosyo, si Rosmar ay social media personality na may 21.1M followers sa TikTok, 1.06M sa YouTube at 4.7M sa Facebook

Ipinaliwanag ni Rosmar kung paano siya kumikita ng aniya’y milyun-milyon kada araw.

“And yun po kasi, halimbawa sa isang araw naka-live po ako, big live.

“Sa isang araw naka-live po ako and then kumita po ako ng P13M. Naka-affiliate lang po sa mga distributor, sa reseller po.”

Pinasok na rin ni Rosmar ang pagbili ng real estate properties gaya ng mga bahay at resort na matatagpuan sa Laguna, Batangas at sa iba pang lugar.

(JIMI C. ESCALA)

Itinanggi rin na nagli-live in na ang dalawa: JERIC, nilinaw na apo niya ang kasama sina AJ at ALJUR sa viral photo

Posted on: September 3rd, 2024 by @peoplesbalita No Comments

SI Jeric Raval mismo ang naglinaw ng tsikang anak nina AJ Raval at Aljur Abrenica ang batang babae na kasama ng dalawa sa isang nag-viral na litrato sa social media kamakailan.

“Alam niyo, ang dami kong apo, thirteen, magpu-fourteen na apo ko.

“So, yung mga apo ko, sabay-sabay yan, maliliit na batang maliit.

“Mga one of my apos siguro ang kasama.”

“Apo ko doon sa anak ko, si Ace, yung rapper,” saad ni Jeric sa premiere night ng ‘Mamay: A Journey to Greatness (The Marcos Mamay Story)’.

Apo ni Jeric ang bata, anak ito ng isa sa 18 anak niyang si Ace Raval.

Pinabulaanan rin ni Jeric ang balitang nagli-live in na sina AJ at Aljur.

“No, hindi. Si AJ, sa akin nakatira.”

Ayon pa rin kay Jeric, ayaw nang mag-artista ni AJ.

“Ayaw na, tinamad,” pakli ni Jeric.

“Alam mo naman yung mga artista, kung minsan mamamahinga ng sampung taon.

“Parang ako, namahinga ako ng nine years straight.”

Suportado niya si AJ kung ayaw na nitong mag-artista.

Lahad ni Jeric, “Ako naman kasi, kung saan masaya ang anak ko, sinusuportahan ko yung anak ko.

Samantala, ang ‘Mamay: A Journey to Greatness (The Marcos Mamay Story)’.

Tungkol ito kay Marcos Mamay na mayor ng Nunungan, Lanao del Norte.

Mula sa Mamay Production, bida sa movie si Jeric bilang Marcos Mamay, with Teejay Marquez (as the teen Marcos Mamay), Ara Mina, Victor Neri, Polo Ravales, Julio Diaz, Devon Seron, Ron Angeles, Ali Forbes, Jethro Ramirez, Sheila Delgado, written and directed by Neal “Buboy” Tan.

***

IKINALOKA ng lady filmmaker na si Gayle Oblea ang disappearing act ng female lead niya sa short film na ‘As The Moth Flies’.

As in isang araw na lamang ang natitira sa shooting nila ay bigla na lamang nawala ang aktres.

“Originally when we wrote this, it was meant for a different actress, but the actress disappeared.

“Kumbaga It was the last day of the shoot. “And the worst part is that she was paid, so when she bailed out it was quite the huge problem to the point that it triggered an episode where I couldn’t get up off my bed.”

Hindi namin napilit si direk Gayle na sabihin kung sino ang naturang aktres.

Bakit raw biglang “nawala” ang aktres?

“Mahaba yung reason niya, pero in a nutshell, she got scared because there are scenes in the film na R-18 talaga.

“But what’s funny is that they read the script prior and they agreed. So, I think there was a change of heart on her part talaga kasi I think the manager also discouraged her to push through with it noting she might not get to do commercial opportunities after.”

Nakahanap siya ng kapalit sa katauhan ng indie actress na si Mina Cruz upang gumanap bilang si Tonette.

“I saw Mina Cruz, through one of the entries in the Silent Film Festival, and I said to myself, ‘Mina looks exactly like the character for my film’.

“I think it was a blessing in disguise because we were able to improve on the scenes we shot. We made it better.

“At the same time, I think the universe really want it to happen.”

Mula sa Creative Kartel, Desi Matters, Happy Manila at Rav Singh, ang 15-minute short film na “As The Moth Flies” ay nagtatampok rin kay Boo Gabunada bilang Jett, Pam Arambulo at Epy Quizon bilang Dr. Oliver Sanchez .

Entry ito sa short film category sa Sinag Maynila Film Festival 2024 na gaganapin mula September 4-8, 2024 sa ilalim ng Solar Pictures, ng festival director na si Brilliante Mendoza at ng City of Manila.

(ROMMEL L. GONZALES)

‘Malditas in Maldives’, Best Picture sa Taipei Filmfest: DIREK NJEL, muling naghatid ng karangalan para sa Pilipinas

Posted on: September 3rd, 2024 by @peoplesbalita No Comments

MULING naghatid ng karangalan para sa Pilipinas si Direk Njel de Mesa, dahil sa isa na namang parangal sa international scene ang nakamit niya, this time sa Taipei, Taiwan.

Ang kanyang full-length film na “Malditas in Maldives” (na pinagbibidahan nina Arci Muñoz, Kiray Celis, at Janelle Tee tungkol sa tatlong nag-aaway na toxic vloggers na na-stuck sa Maldives nang misteryosong nawala ang kanilang eroplano) ay nagwaging Best Picture at ayon sa mga kritiko sa Taipei, isa itong “unexpected cinematic gem with a very unique twist.”

Ang prestihiyosong parangal ay ipinagkaloob sa matagumpay na ‘WuWei Taipei International Film Festival’, Philippine Night Awarding Ceremony na ginanap sa Westar Theater, Taipei Cinema Park, Ximending, Taipei. Ang mga hurado ng Filcom Taiwan Network (FTN) na nag-organise ng event.

Nagpasalamat si Direk Njel sa lahat ng organisasyon at indibidwal tulad ni Senator Bong Go, Surge at 1-PacMan Partylist na sumuporta sa Philippine Delegation na naging bahagi ng Taipei film festival.

“We wouldn’t have done this without those people who believed in is, like Senator Bong Go,” pahayag ni Direk Njel sa kanyang acceptance speech.

Tinanggap ng direktor-writer-producer ang parangal kasama ang kanyang asawa na si Jan Christine at ang kanyang collaborator/co-producer na si Arci Muñoz.

“Some people did not get the dark humor of our film, its looping slow burn pace to make a point, and the intentions of our social commentary but you got it!,” dagdag pahayag pa ni Direk Noel.

Sa naturang event, binanggit ang pelikula bilang isang dark comedy na de-construction ng “Groundhog Day” habang nagbibigay ng satirical comment on clout chasing, social media, and social divide between classes.

Ang pelikula ay binansagan din bilang isang art film na nagkukubli bilang isang commercial comedy film.

Tila nagliliwanag na ang kinabukasan para sa NDMstudios at maraming Pilipino ang umaasa na sa wakas ay mapapanood na ang kanilang pelikula sa mga major streaming platform sa lalong madaling panahon.

(ROHN ROMULO)

Red Hulk is a product of cosmic energy, not just gamma radiation

Posted on: September 3rd, 2024 by @peoplesbalita No Comments

MARVEL Studios has revealed the first look at President Ross’ transformation into Red Hulk in the MCU, and it will likely feature some key differences from the original Hulk. As seen in trailers and promotions for Captain America: Brave New World, it’s been revealed that Thaddeus “Thunderbolt” Ross will finally become the Red Hulk, just like his counterpart in the original comics.

To that end, there are some notable comic differences between the red and green Hulks that will likely transfer to the big screen.

Originally a general with a personal vendetta against Bruce Banner’s Hulk, Ross debuted in 2008’s The Incredible Hulk and eventually became Secretary of State as seen in future MCU appearances (originally played by the late William Hurt). Now, Captain America: Brave New World is set to debut Ross as the new President of the United States, played by Harrison Ford.

However, it’s also been confirmed that Ross will at some point transform into the Red Hulk in front of the White House itself. To that end, some key distinctions will likely be revealed between Red Hulk’s transformations and the original Hulk’s in the MCU.

The difference between Hulk and Red Hulk is more than just color in the comics, and the same will likely be true in the MCU as well.

On the page, Ross becoming Red Hulk was the work of the group known as Intelligencia, of which Samuel Sterns’ The Leaderwas a member (and is set to return in Brave New World). Primarily using siphoned gamma radiation from the original Hulk, Ross was able to consciously transform himself into the Red Hulk at will, rather than his transformation being tied to anger like Banner and the Hulk.

Likewise, Ross has typically been in full control of his mind even as Red Hulk in the comics. This is unlike Banner who often had to give up control to the Hulk, effectively becoming a passenger in his own body. This had long been the case for Banner in the MCU as well, at least until Banner found a way to merge himself with the Hulk ahead of Avengers: Endgame.

That being said, it does look as though the MCU’s Ross is being forcibly transformed into the Red Hulk in front of the White House. To that end, it’s certainly possible that Ross’s Red Hulk will be debuting more like the classic Hulk as a full-on rage monster, one that will have to be stopped by Sam Wilson’s Captain America (somehow).

That said, the official footage only shows Red Hulk standing up, rather than showing a full transformation from start to finish. There may be new elements for the MCU version that have yet to be revealed.

Beyond Red Hulk’s ability to consciously transform at will, there are two other key elements from the comics that set Ross apart from the original. Firstly, the Red Hulk is also a product of cosmic energy, not just gamma radiation. In the same vein, his ability to absorb and expel multiple forms of energy is quite powerful as well.

Red Hulk also runs the risk of overheating as his more monstrous form has no way of self-regulating his body temperature (unlike the OG Hulk).

It’s unknown if either of these aforementioned aspects will make their way to the MCU’s Red Hulk who’s set to debut in Captain America: Brave New World. (source: screen rant.com)

(ROHN ROMULO)

Ads September 3, 2024

Posted on: September 3rd, 2024 by @peoplesbalita No Comments

PBBM, ipinag-utos ang mapayapang resolusyon ng maritime dispute – NMC

Posted on: September 3rd, 2024 by @peoplesbalita No Comments

NANANATILI ang posisyon ni Pangulong Ferdinand R. Marcos Jr. na isulong ang mapayapang resolusyon sa pinagtatalunang katubigan, kabilang na ang West Philippine Sea (WPS), sa kabila ng pinakabagong agresyon ng Escoda Shoal.

“As directed by the President, the Philippines will fully utilize and continue to pursue diplomatic channels and mechanisms under the rules-based international order and pursue the peaceful resolution of disputes,” ang sinabi ng National Maritime Council (NMC) sa isang kalatas.

Gayunman, tiniyak ng NMC sa publiko na ang Pilipinas “will not succumb toacts ofharassment and aggressive behavior.”

Sinabi pa ng NMC na patuloy na paninindigan ng Pilipinas ang “soberanya, sovereign rights, at hurisdiksyon” nito sa WPS.

“China’s latest actions are uncalled for as the Philippine vessel was engaged in a peaceful and lawful patrol within itsownmaritime jurisdiction,” ang sinabi ng NMC.

Sa press briefing, sinabi ni Philippine Coast Guard (PCG) spokesperson for the West Philippine Sea Commodore Jay Tarriela na sinadya ng Chinese Coast Guard (CCG) vessel 5205 na banggain ang PCG vessel BRP Teresa Magbanua (MRRV-9701), tatlong beses sa bisinidad ng Escoda Shoal.

Inilagay ng agresibong pagmamaniobra ng CCG vessel ang buhay at naging dahilan ng matinding pinsala sa BRP Teresa Magbanua habang nagsasagawa ng routine patrols sa loob ng exclusive economic zone (EEZ) ng Pilipinas.

Iginiit ng NMC na ang presensiya ng BRP Teresa Magbanua sa Escoda Shoal, na nakahimlay sa 75 nautical miles mula sa Philippine baselines, ay “legal and isin accordance withinternational law, the United Nations Convention on the Law of the Sea (UNCLOS) and the 2016 Arbitral Award.”

Nanawagan ang NMC sa CCG “exercise restraint and prioritize the safety of vessels at sea and aircraft within our airspace”.

“The Philippines will continue its sovereign operations in its maritime zones. The BRP Teresa Magbanua will remain and maintain its operations in the West Philippine Sea,” ayon sa NMC sabay sabing ipagpapatuloy ng Pilipinas ang pagsasagawa ng “routine maritime activities, protecting its territory at maritime zones, at pagdepensa sa katubigan laban sa environmental degradation at iba pang illegal activities. (Daris Jose)