KINUMPIRMA sa amin ng isang friend ABS-CBN insider ang sinasabing may bibilhin ng isang property si Coco Martin sa Spain.

On negotiation at pinag-aralan na raw ng abogado ng aktor ang bibilhin na isang house and lot na located sa isang magarang subdivision sa naturang bansa.

Hindi naman magkaroon ng problema si Coco. Ang pagiging Filipino dahil pinayagan din naman sa Spain ang non-EU nationals sa pamamagitan ng property investment para sa golden visa at magiging eligible ang Filipino citizen para mag-apply for citizenship pagkatapos ng dalawang taon.

Banggit pa ng source namin na maituring daw na isa sa pinakamayamang aktor si Coco sa ngayon.

Incidentally, sa kanyang seryeng “FPJ’s Batang Quiapo” ay super rich ang bagong Tanggol.

Biglang nagbago ang kapalaran ni Tanggol dahil sa ibinenta niyang diamanteng ‘Star of Venus’ sa mayamang negosyanteng si Divina (Rosanna Roces). At kasosyo na rin siya sa negosyo.

At kahit milyonaryo na si Coco sa serye ay tuloy pa rin ang pagdating ng mga kontrabida sa buhay niya.

***

NAKAUSAP namin ang anak ni Isko “Yorme” Moreno na si Joaquin Domagoso nang nakiramay ang Kapuso Star sa isa sa mga residente na namatayan.

Ayon pa kay Joaquin ay tuloy-tuloy na raw ang pagpalaot niya sa mundo ng pulitika.

Tatakbo siyang kunsehal sa unang districto ng Maynila.

Sa totoo lang saksı kami kung paano pinagkakaguluhan si Joaquin ng mga taga-Tondo.

And from the way we look at it, mukhang another Isko Moreno in the making si Joaquin as far as public servant is concern.

Sarili raw niyang kagustuhan yun at walang kinalaman ang ama niyang magbabalik pulitika at tatakbong mayor ng Maynila.

Kaya mukhang isasantabi muna ng Sparkle artist ang kanyang showbiz career.

Ngayon pa lang ay binabati na namin si Coun. Joaquin Domagoso at ang ama niyang si Mayor Isko Moreno, huh!

(JIMI C. ESCALA)

MAGANDANG balita para sa mga supporter ng “Balota” ni Marian Rivera dahil mapapanood na ang nasabing Cinemalaya film sa mga sinehan nationwide simula October 16.

Matatandaang nagwagi bilang 2024 Cinemalaya Best Actress si Marian sa kanyang pagganap bilang teacher Emmy. Ang “Balota” ay mula sa direksyon ni Kip Oebanda.

Inanunsyo ito ng GMA Pictures at GMA Entertainment Group kamakailan sa kanilang official social media accounts.

Maraming netizens na ang na-excite dahil matapos maging box-office hit sa Cinemalaya Film Festival noong Agosto ay mapapanood nang muli ang pelikula with its new cut.

Komento ng isang netizen: “Ay sa wakas dininig ang aming hiling, ok lang kahit matagal pa showing basta maipapalabas nationwide.”

***

NGAYONG Sabado, 12 p.m. sa Mall of Asia Arena, ang opening ceremony ng centennial season ng NCAA.

Bukod sa Kapuso artists na magbibigay-kulay sa programa, tiyak na inaabangan din ng kanilang fans ang performances nina SB19 member Justin at P-pop’s Female Alphas na G22.

Katuwang pa rin ang GMA Network bilang official broadcast partner, siguradong maraming inihandang sorpresa ang NCAA para sa “NCAA Siglo Uno: Inspiring Legacies Opening Ceremony.”

Magsisilbing hosts ng opening ceremony sina Sparkle stars Martin Javier, Lexi Gonzales, Michael Sager, at Faith da Silva. Tiyak maghahatid-saya naman sa kanyang kaabang-abang na

performance si Justin habang hindi dapat palagpasin ang pag-perform ng G22 sa NCAA Season 100 theme song na “Own the Future.”

Matapos ang opening ceremony, mag-uumpisa agad ang bakbakan sa Men’s Basketball. Sa Game 1, magsasagupaan ang LPU Pirates at Season 99 champion na San Beda Red Lions, 2:30 p.m.

Susunod naman ang Game 2 kung saan maglalaban ang Benilde Blazers at Mapua Cardinals, 5 p.m.

Abangan din ang telecasts ng opening ceremony sa GMA at Heart of Asia sa Linggo (September 8), 10:05 a.m.

(ROMMEL L. GONZALES)

KINILALA na naman ang husay sa pag-arte ng multi-awarded actor turned politician na si Congressman Arjo Atayde matapos na parangalan sa ContentAsia Awards 2024 na ginanap nitong Huwebes, September 5 sa Taipei, Taiwan.

Si Arjo ang nanalo bilang Best Male Lead in a TV Programme/Series para sa kanyang pagganap bilang Anton dela Rosa sa “Cattleya Killer,” na tinalo ang lima pang aktor na naminado kasama si Dingdong Dantes sa “Royal Blood” ng GMA.

Sa kanyang acceptance speech, pinasalamatan niya ang Prime Video, Nathan Studio, ABS-CBN management and ABS-CBN International.

Ayon sa award-winning actor, “Thank you to everyone. I’m forever indebted to all the actors that I work with, to the people behind the camera, to everyone who’s helped me be here, gather all this power to actually pull through this good series.”

Nagpasalamat din si Arjo sa kanyang pamilya at lalo na asawa niyang si Maine Mendoza.

“It’s my first time in Taipei, this is such a reward for a first time here. Last but not the least, my family. Thank you so much to my family for supporting so much, to my wife who understands so much of the hard work that of obviously that we have to pull through to be able to do this,” pahayag pa niya.

Muling nagpasalamat ang aktor sa ABS-CBN at ganun din sa mamamayang Pilipino.

“To ABS-CBN, Tita Cory Vidanes, Sir Carlo Katigbak, and of course, to Sir Rowell Bayani, thank you so much for this opportunity. To the Filipinos, to ABS-CBN, maraming, maraming salamat po,” dagdag pa niya.

Kilala nga ang multi-awarded Filipino film at television actor sa kanyang stellar performance sa digital series na ‘Bagman’ bilang Benjo Malaya.

Gumawa siya ng marka at pinag-usapan nang siya ay hinirang na Best Actor in a Leading Role para sa ‘Bagman’ sa 3rd Asian Academy Creative Awards.

Kinikilala ng taunang pagpaparangal ng paggawad ang kahusayan sa industriya ng pelikula at telebisyon sa 16 na bansa sa rehiyon ng Asia-Pacific at si Arjo ang unang Pilipinong nakatanggap ng parangal na ito.

Tumatak din ang kanyang character bilang Elijah Sarmiento sa primetime drama series na ‘The General’s Daughter’, na kung saan pinuri ng Autism Society Philippines para sa kanyang sensitibong pag-atake at pagre-represent ng may autism.

Bukod sa lead actor, isa rin siya sa producer ng ‘Cattleya Killer,’ na inilunsad at ipinalabas sa MIPCOM Cannes noong Oktubre 2022 at nakuha ng Prime Video para sa pagpapalabas noong Hunyo 2023 sa Southeast Asia, Hongkong, Taiwan, at iba pang teritoryo.

Samantala, ang “A Very Good Girl” ng Star Cinema ay nanalo ng Best Asian Feature Film/Telemovie Bronze Award. Nakuha ng “Trespassers” mula sa Nippon TV ang gold award habang ang “Firefly” ng GMA ang nakakuha ng silver trophy.

Congrats Cong. Arjo!

***

NANINDIGAN sa ikalawang pagkakataon ang Movie and Television Review and Classification Board (MTRCB) sa una nitong desisyon na bigyan ng X rating ang pelikulang “Dear Santa” na dating “Dear Satan” ang pamagat.

Ibig sabihin ng X ay hindi pwedeng ipalabas ito sa mga sinehan matapos na ito’y makitaan ng pag-atake sa paniniwala at relihiyon, partikular sa simbahang Katolika at ng iba pang Kristiyano.

Isinagawa ang ikalawang ribyu noong Setyembre 5.

Sa unang ribyu, na-X ang “Dear Satan” dahil sa paglabag nito sa Presidential Decree No. 1986, Chapter IV, Section F, Subsection (c). Alinsunod sa naturang probisyon, hindi pinapahintulutan ng MTRCB ang pagpapalabas ng pelikula, programa sa telebisyon o anumang katulad na pampublikong materyal o patalastas kung “Ang pelikula ay malinaw na naglalaman ng pag-atake sa anumang lahi, paniniwala o relihiyon.”

Nakitaan din ng Komite ang pelikula ng baluktot na paglalarawan kay ‘Satanas’ na taliwas sa mga turo ng simbahang Katolika at ng Kristiyanismo. Mapanlinlang ang depiksiyon kay Satanas at puwedeng malihis ang landas ng mga manonood.

Nilinaw ni MTRCB Chairperson and CEO Lala Sotto-Antonio na ang Committee system ang siyang masusing nagre-ribyu ng mga pelikula.

“Kami sa MTRCB ay tapat na sumusunod sa mandatong kaloob ng PD No. 1986 na kailangang balansehin ang umiiral na kultura at moralidad ng mga Pilipino,” sabi ni Sotto-Antonio.

Iginiit niyang kaisa lagi ang ahensya para sa pangkalahatang tagumpay ng idustriya ng pelikula at telebisyon ayon sa mga umiiral na mga batas sa bansa.

(ROHN ROMULO)