MASAYA ang Vivamax actress na si Angela Morena na makatrabaho sa unang pagkakataon ang direktor na si Dado Lumibao para sa “Butas”.

Say ni Angela, “Ang dami kong na-discover at natutunan. Isa yun sa ano, dahil writer siya, siya yung nagsulat nito, talagang very strict siya pagdating sa dayalog and everything.

“E ako as an actor mahilig akong mag-adlib pero since itong “Butas” it’s a teamwork, it’s a collaboration, at sobrang natuwa ako kasi si direk Dado sobrang taas ng respeto niya pagdating sa mga Vivamax actors.

“Hindi lang sa amin pero kinukuwento niya, sinasabi niya na, ‘Ang taas ng respeto ko sa inyo!’”

Nakilala si direk Dado bilang writer at direktor ng mga romance at drama projects sa ABS-CBN at una niyang Vivamax project ang “Butas”.

At dahil daring and sexy ang ‘Butas’ (mabilis ang pagkakabigkas bilang pang-uri) natanong si Angela kung ano ang opinyon niya tungkol sa isyung pinag-uusapan ngayon, ang sexual harassment.

Lalo pa nga at sa genre ng kanyang mga proyekto, kadalasan ay mga may mapangahas na eksenang ipanagagawa sa kanya.

“Well for me naman po I am trained to work professionally,” pahayag ni Angela.

“And as long as you can protect yourself, protect yourself.

“Kasi walang ibang magpoprotekta sa iyo kundi ang sarili mo.

“And respeto.”

Noong baguhan pa lamang si Angela ay kita ang pagiging mahiyan pa nito, pero sa ngayon, naroroon na ang confidence niya bilang isang Vivamax actress.

Iyon ba ay nangangahulugan na mas madali na para sa kanya ang gumawa ng mga daring na projects at characters?

“The answer is no,” at napatawa si Angela. “Hindi po talaga madali at everytime na nagkakaroon ako ng project or ng bagong character na nakikilala andun pa rin yung kaba.

“And hindi ko magagawa ang lahat ng ito kundi dahil sa production, sa direktor, and especially Viva.”

Dahil ‘Butas’ ang titulo ng kanilang proyekto, tinanong namin si Angela kung ano ang poumapasok sa isip niya kapag naririnig niya ang salitang “butas”?

At nagkaroon na ba ng importansiya sa buhay niya ang salitang ito?

“Siguro po for me, “butas” is kulang? Or the feeling of being misunderstood. Kasi alam naman natin na no one is perfect, lahat tayo may “butas” sa pagkatao natin.

“And nasa atin kung paano natin siya tatanggapin at kung paano natin hahanapin yung kulang na iyon sa tamang paraan.

“Kasi yung character ko dito sa maling paraan niya hinanap, e. “At doon kayo magkakaroon ng question pagdating sa moral niya at sa character niya.

“So iyon, kulang and misunderstood.”

May iba na ang tingin sa mga sexy stars ay mababa na isang stigma pa rin sa ngayon.

“Pero hindi nila alam o hindi nila naiintindihan kung ano nga ba yung dahilan ko kung bakit ako nandito, kung bakit ko ito ginagawa.

“Na hindi ako katulad o hindi ako ganung klaseng tao na iniisip nila,” seryosong sinabi pa ni Angela.

Kasama ni Angela sa “Butas” sina Albie Casiño, JD Aguas at Angelica Hart. Available na ito for streaming sa Vivamax.

(ROMMEL L. GONZALES)

NAMIGAY nang 100 negosyo package si Rep. Sam Verzosa sa napili na 100 kata ng “Dear SV” sa kanyang thanksgiving at birthday celebration na ginanap sa MLQU Hidalgo Basketball Covered Court nitong Lunes, September 16.

Bahagi ng pasasalamat ay ang malaking surpresa na bumuluga kay SV at isa na rito ang pagdating ng kanyang girlfriend na Rhian Ramos, na nagsilbing co-host niya sa naturang event.

Say ni Rhian, “sandali, magsisimula ka talaga na wala ako?

“Siyempre babati muna ako sa birthday celebrant. Akala mo ba, palalampasin ko ang araw na ito, siyempre hindi dahil malakas ka sa akin.”

Sabay sabi kay Sam na, “nagulat ka ba?”

“Sinikreto talaga namin ng production team para ma-surprise ka today.

“Gusto ko rin malaman mo, na hindi ko talaga palalampasin ang chance na masaksihan sa araw na ito ang napakalaki mong regalo para sa kanilang lahat.”

Dumating din ang pamilya ni Rep. Verzosa, kasama na rin ang kanyang mga anak at ganun din ang mga kaibigang at supporters. Nag-alay ng mga awitin sa celebrant ang Sto. Domingo Boys Choir.

Pero ng pinaka-highlight ng event ay ang paglalantad ng nakabalot na mobile negosyo package na tinawag na ’SioMaynila’, na kung saan isa-isang pinuntahan ni SV ang masusuwerteng napili at nakatanggap ng regalo mula sa birthday celebrant.

May kanya-kanya silang kuwento, kaya naman hindi napigilan ni Sam na maging emosyonal habang nag-iikot at isa-isang kinakausap ang mga kababayan sa Lungsod ng Maynila at ibang lugar sa bansa.

Para talaga silang nakatanggap ng early Christmas gift, na kung saan sakto sa countdown na 100 days bago mag-Pasko.

Kuwento pa ni SV, “ito po ay talagang pinagpuyatan namin at pinagsikapan. Hindi lang isang araw, hindi isang linggo, dahil ilang buwan ang ginugol namin at pinag-isipan para sa regalong ito.

“Kung paano namin tunay na mapapasaya yung mga kababayan natin, na nagmula pa sa iba’t-ibang lugar sa Pilipinas at sa lungsod ng Maynila.”

Dagdag pa ng representative ng ‘Tutok To Win Party-List’, “tuwing programa ng ‘Dear SV’, pumipili kami ng isang taong tutulungan at babaguhin ang buhay. Pero sa espesyal na araw ngayon, 100 Pilipino ang babaguhin natin ang buhay at matutulungan.”

Wish ni SV na sana’y makatulong at mapalago ang ipinamahagi niyang negosyo package lalo na sa mga taga-Maynila.

Mabuhay kay Rep. SV at maligayang kaarawan!

(ROHN ROMULO)

FIRST time nakarating sa Venice, Italy si Janine Gutierrez, dumating siya doon ng August 28 at umuwi ng September 4.

Dumalo si Janine sa 81st Venice International Film Festival para sa pelikula niyang ‘Phantosmia’ ni Lav Diaz na four hours and fifteen minutes ang haba.

Ano ang feeling habang isa-isang tinatawag ang mga pangalan nila sa red carpet premiere ng pelikula niya?

“Sobrang saya,” bulalas ni Janine, “kasi first time ko din naman to have a screening na international yung audience.

“So masaya po.

“Tapos siguro mga thirty minutes to go sa pelikula merong isang babae na naglapag ng parang note, papel na nakatupi, nilapag niya sa harap ni direk Lav, nakalagay, ‘This was an absolute masterpiece!’

“Nilapag niya lang [yung note] during the screening.”

Kagulat-gulat ang papel ni Janine sa pelikula; ibinebenta siya ng sarili niyang ina kung kani-kaninong lalaki at sinasaktan siya nito kapag tumatanggi siya.

Pero hindi naman nagpaseksi si Janine sa pelikula kahit ganoon ang tema ng pelikula.

“Hindi naman po daring, parang wala naman pong pinakitang anything, lahat suggestive.”

Ang aktres na si Hazel Orencia ang gumanap na ina ni Janine sa ‘Phantosmia’.

Aminado si Janine na pressure ang dumalo sa isang international event na tulad ng VIFF.

“Opo kasi siyempre I don’t wanna disappoint tsaka parang feeling ko kami yung Philippine delegation doon, e.

“So gusto ko din talaga na ipakita na yung mga fashion designers natin dito sobrang world class.”

Dalawang gowns ang isinuot ni Janine sa festival at parehong nag-trending ang mga ito.

“Sobrang grateful kasi siyempre yung dalawang designers pumayag na damitan ako doon sa Venice International Film Festival.”

Ang black gown ni Janine ay likha ng iconic fashion designer na si Inno Sotto at ang baby blue gown naman niya ay gawa ni Vania Romoff.

Ilan sa mga kasama ni Janine sa Venice ay ang producer ng pelikula na si Paul Soriano at misis nitong si Toni Gonzaga at ang beteranong aktor na si Ronnie Lazaro na kasali rin sa pelikula.

May kuwento pa nga raw si direk Paul na sa sobrang ganda ni Janine ay napagkamalan itong isang European actress.

“Sobrang grateful, sobrang grateful kasi napaka-supportive ng mga kasama ko doon like sina Ms. Toni nga, si direk Paul and si Tito Ronnie, parang happy sila na pini-piktyuran ako sa red carpet.
“Very supportive sila.

“And proud to be Filipina yung pakiramdam ko talaga doon kasi makikita mo din doon sa red carpet na merong flag for each country na parte nung Venice Film Festival this year so nagpa-picture talaga ako kasi may flag tayo,” ang nakangiting kuwento pa ni Janine.

Pagbalik ni Janine sa Pilipinas ay sumalang na agad siya sa taping ng ‘Lavender Fields’.

(ROMMEL L. GONZALES)