MAINIT na tinanggap ni Pangulong Ferdinand Marcos Jr., araw ng Biyernes si Indonesian President-elect Prabowo Subianto sa Palasyo ng Malakanyang.

Sa naging pag-uusap ng dalawang lider, sinabi ni Pangulong Marcos kay Prabowo na magandang pahiwatig para sa Pilipinas at Indonesia ang pagpili ng huli sa Maynila bilang isa sa unang foreign visits bilang isang elected state leader.

Matatandaang, ang unang foreign trip ni Pangulong Marcos nang maupo ito bilang halal na Pangulo ng bansa noong 2022 ay sa Indonesia.

“I think your visit here today will certainly bring a new impetus to making that relationship between Indonesia and the Philippines stronger and deeper,” ayon sa Pangulo.

Muli namang kinumpirma ni Prabowo ang kanyang commitment na panatilihin ang tinatawag niyang ‘traditionally close relationship’ sa pagitan ng Pilipinas at Indonesia.

“We have common roots, cultural, historical, and by the fact that we are very close neighbors, it behooves us, I think, to always support each other and to work together closely in all fields,” ang sinabi ni Prabowo.

Samantala, sa Nobyembre ay ika-75 taon ng diplomatic relations ng Pilipinas at Indonesia.

Si Prabowo, Indonesia’s Defense minister at former military general, ay opisyal na kinumpirma ni Indonesia’s Election Commission na siyang nanalo sa presidential elections noong Pebrero. Pormal na naupo ito sa pagka-Pangulo nito lamang Oktubre , pinalitan ni Prabowo si Joko Widodo. (Daris Jose)

NANINIWALA ang 39% ng mga adult Filipino na bumuti ang kalidad ng kanilang buhay sa nakalipas na taon.

Ito’y base sa resulta ng kamakailan na survey ng Social Weather Stations (SWS).

Makikita sa survey na ginawa mula June 23-July 1, 2024, na 23% ng mga respondents ang nagsabi na ang kalidad ng kanilang buhay ay naging mas masahol pa kaysa sa bago ang 12 buwan habang 37% naman ang nagsabi na ang kanilang buhay ay nananatiling hindi nagbago.

Dahil dito, sinabi ng SWS na nagresulta ito ng net gainers score na +15, na klasipikado bilang “very high.”

Nagmarka naman ang June 2024 score ng 10-point improvement mula sa dating survey noong March 2024, na mayroong “fair” rating na+5.

Gayunman, ang kasalukuyang iskor ay nananatiling bahagyang nasa ibaba ng pre-pandemic level na +18 na naitala noong December 2019.

Ayon sa June 2024 survey, “Balance Luzon registered the highest net gainer score at an “excellent” +26, followed by Metro Manila at a very high +16, Mindanao at a high +7, and the Visayas at a high +1.”

“The 10-point rise in the nationwide Net Gainer score between March 2024 and June 2024 was due to increases in all areas, especially in Mindanao,” ang sinabi pa rin ng SWS.

Pagdating naman sa educational levels, ang net gainers sa hanay ng mga college graduates ay tumaas mula sa +10 noong March 2024 sa “excellent” +21 noong Hunyo, habang ang junior high school at elementary graduates ay mayroong “very high” rating at non-elementary graduates ay mayroon namang “net zero “fair” rating.

Ang mga pamilya na hindi nakaranas ng pagkagutom ay mayroong “very high” net gainers score na +18, habang ang pamilyang nahaharap sa moderate hunger ay may iskor na +12.

Taliwas dito, nananatili naman na nasa “mediocre” territory ang ‘severely hungry families’ na may iskor na -17.

Ang mga pamilyang tinukoy bilang “Not Poor” ay mayroong “excellent” score na +26, habang iyong mga kinokonsidera ang kanilang sarili na “Poor” ay mayroong “high” score na +9.

“The Net Gainers score has historically been lower among the Poor than the Borderline and Not Poor. This means the Poor have more Losers and fewer Gainers than the Borderline and Not Poor,” ayon sa SWS.

Samantala, ang Second Quarter 2024 Social Weather Survey ay isinagawa sa pamamagitan ng face-to-face interviews sa 1,500 adults sa buong bansa na may ±2.5% margin of error sa national level. (Daris Jose)

SA pangunguna ni Mayor John Rey Tiangco, nakiisa ang Pamahalaang Lungsod ng Navotas sa International Coastal Clean-up Day sa pamamagitan ng pagsasagawa ng simultaneous cleanup activities sa lahat ng barangay sa Navotas. (Richard Mesa)

MAHIGIT P.2 milyong halaga ng shabu ang nasamsam sa isang hinihinalang tulak ng ilegal na droga matapos maaresto ng pulisya sa ikinasang buy bust operation sa Valenzuela City, Biyernes ng umaga.

Sa report ni Valenzuela police chief P/Col. Nixon Cayaban kay Northern Police District (NPD) Director P/BGen. Rizalito Gapas, kinilala ang naarestong suspek na si alyas Gie, 57, ng lungsod.

Ayon kay Col. Cayaban, nakatanggap ng impormasyon ang mga operatiba ng Station Drug Enforcement Unit (SDEU) sa ilalim ng pangangasiwa ni P/Capt. Joan Dorado hinggil sa umano’y pagbibenta ng suspek ng shabu.

Nang magawa nilang makipagtransaksyon sa suspek, ikinasa ng SDEU sa pangunguna ni P/Lt. Johnny Llave ang buy bust operation na nagresulta sa pagkakaaresto sa kanya dakong alas-6:15 ng umaga sa Liwayway St. Brgy. Marulas, matapos umanong bintahan ng P7,500 halaga ng shabu ang pulis na nagpanggap ba buyer.

Nakumpiska sa suspek ang apat plastic sachets na naglalaman ng hinihinalang shabu na nagkakahalaga ng P238,000, buy bust money na isang P500 bill at pitong P1,000 boodle money, P200 recovered money, cellphone at coin purse.

Ani P/MSg. Ana Liza Antonio, kasong paglabag sa Sections 5 at 11 sa ilalim ng Art. II ng RA 9165 o ang Comprehensive Dangerous Drug Act of 2002 ang isasampa nila laban sa suspek sa Valenzuela City Prosecutor’s Office. (Richard Mesa)