HINIKAYAT na ang mga Filipino sa Lebanon na ikonsidera na lisanin na ang foreign country habang available pa ang mga commercial flights.

Ipinalabas ng Philippine Embassy sa Lebanon ang nasabing advisory kasunod ng “unprecedented explosions of beepers” sa Lebanon noong Setyembre 17 at 18, nagresulta ng pagkasawi ng 11 katao habang sugatan naman ang 2,800 indibiduwal.

“The Philippine Embassy strongly urges all Filipino nationals to consider leaving the country while commercial flights are still available,” ang sinabi ng Philippine Embassy sa mga mamamayang Filipino na kasalukuyang nakatira sa Lebanon.

“Your safety and well-being are of utmost priority. Those who intend to remain for any reason are advised to exercise extreme caution and remain in contact with the Embassy,” dagdag na wika nito.

Pinayuhan naman ng Embahada ang mga Filipino na tiyakin na ang lahat ng mga mahahalagang dokumento gaya ng pasaporte at iqamas ay nakahanda at sinabihan na mahigpit na i-monitor ang local at international news.

Pinayuhan din ang mga ito na magkaroon ng kamalayan sa kanilang kapaligiran at iwasan ang lahat ng demonstrasyon at malalaking pagtitipon.

“Everyone is reminded to stay in touch with the Philippine Embassy in Lebanon and the Migrant Workers Office (MWO-Lebanon) for voluntary repatriation and to update their status,” ang sinabi pa rin ng embahada.

Hinikayat din ang mga Filipino na magrehistro sa pamamagitan ng https://tinyurl.com/2024Repatriation for repatriation at kontakin ang Embahada sa Lebanon o Migrant Workers Office (MWO-Lebanon) via Embassy ATN hotline (para sa mga permanenteng residente): 70 858 086 o Migrant Workers Office hotline (para sa lahat ng mga manggagawa): 79 110 729.

“The Philippine Embassy understands that this may be a challenging time, and we are here to support you throughout this process. Your prompt action is crucial to ensure your safety and well-being,” ayon sa embahada.

Samantala, sinabi naman ng embaha na maraming nangyaring pagsabog sa southern suburbs ng Beirut, South Lebanon, at Bekaa Valley. (Daris Jose)

NANGAKO si Pangulong Ferdinand R. Marcos Jr. na titiyakin niya na ‘accessible’ ang medical care para sa bawat Filipino.

Inulit ng Pangulo ang kanyang ‘strong commitment’ na iprayoridad ang healthcare system sa Pilipinas.

“Number one talaga, number one para sa akin sa priority na ginagawa ng pamahalaan ‘yung healthcare,” ang sinabi ng Pangulo sa kanyang pinakabagong vlog, bilang tugon sa komento mula sa isang netizen hinggil sa regalo niyang “Zero Billing”.

Matatandaang, noong kanyang kaarawan , Setyembre 13, ipinag-utos ng Chief Executive sa Department of Health (DOH) na bayaran ang lahat ng gastusin ng lahat ng inpatient, outpatient, at emergency services sa 22 public hospitals sa buong bansa sa pamamagitan ng “Zero Billing.”

Sinabi ng isang netizen na si Adrianne Bianca na dapat na iprayoridad ng gobyerno ang kalusugan at kapakanan ng mga Filipino sa pamamagitan ng Universal Healthcare. Sinabi nito na ang “Zero Billing” ay malaking tulong at dapat na ipatupad araw-araw.

Tanggap naman ni Pangulong Marcos ang sentimyento ni Bianca sabay sabing hindi dapat na maging kampante ang pamahalaan sa pagsusulong ng isang globally competitive healthcare system para sa mga Filipino, lalo na iyong mga underprivileged.

Ang naging tugon naman nito sa netizen na si Alicarl Limas Apolinaria, pinasalamatan ang Pangulo para sa pagsisikap nito, inilarawan ang “Zero Billing” bilang isang band-aid solution na hangad din nya (Pangulo) ang araw-araw na pagpapatupad ng Zero Billing.

“Maraming, maraming pangangailangan ang bawat isang Pilipino at ginagawa naming lahat… kahit papano… Hindi natin mabubuo lahat ‘yan ngunit gagawin naming ‘yan lahat para talagang malaking bawas sa bigat na dala,” aniya pa rin.

Nagdiwang ang Pangulo ng kanyang kaarawan noong Setyembre 13 sa pamamagitan ng pagpapatupad ng “Zero Billing” sa 22 public hospital sa bansa at pinalawak ang serbisyo ng pamahalaan at financial assistance sa mga magsasaka at mangingisda, bukod sa iba pa. (Daris Jose)

NANAWAGAN si Pangulong Ferdinand Marcos Jr. sa mga magulang o guardians na pabakunahan ang mga maliliit o sanggol pa nilang anak.

Layon nito na maprotektahan ang kanilang mga anak laban sa vaccine-preventable diseases gaya ng pertussis, polio, at tigdas.

Sa isang vlog, binigyang-diin ni Pangulong Marcos ang kahalagahan ng pagbibigay ng ‘affordable at accessible healthcare services’ sa mga Filipino lalo na sa mga bata.

Sinabi pa ng Pangulo na naglunsad ang Department of Health (DOH) ng isang vaccination drive, target na bakunahan ang mga bata sa kanilang unang 12 buwan.

“Tulungan niyo kami…kasi minsan ‘yung iba ayaw magpabakuna dahil natatakot sila baka hindi maganda ang bakuna, baka mas lalong masaktan ang bata. Hindi po. Lahat itong binibigay naming bakuna, tested po ito at ilang taon na ginagamit ‘yan,” ayon kay Pangulong Marcos.

“Kung meron kayong mga sanggol o maliliit na bata, dalhin niyo po. Meron na tayong vaccination program at ang pinakauna talaga na tinutulungan natin ay ‘yung first 12 months ng bata,” dagdag na wika nito.

Sa kabilang dako, layon ng DOH na kompletuhin na mabakunahan ang 95% mga batang Filipino laban sa vaccine-preventable diseases.

Sa nakalipas na taon, nagpakita ang immunization campaign ng gobyerno ng ‘improvement’, kung saan, sa wakas ay nakalabas na ang Pilipinas sa listahan ng ‘top 20 countries’ na may ‘most “zero-dose” children.’

Ang pakahulugan kasi ng World Health Organization (WHO) sa “zero-dose” na mga bata ay iyong hindi kailanman nabakunahana ang mga bata ng kahit na anumang bakuna, iyong “lack access to or are never reached by routine immunization services.”

Samantala, ang batang ganap na nabakunahan ay iyong nakatanggap ng isang dose ng bacille Calmette-Guérin (BCG) vaccine para sa tuberculosis; tatlong dose ng oral polio vaccine (OPV); tatlong dose ng diphtheria, tetanus, pertussis, Hib, at Hepatitis B (pentavalent) vaccine; at dalawang dose ng measles, mumps, and rubella (MMR) vaccine.

Nakatakda namang ikasa ng DOH ang isang ‘nationwide school vaccination progrem” na tinawag na “Bakuna-Eskwela” sa darating na Oktubre 7, pinalawig nito ang National Immunization Program (NIP).

Sinabi naman ni Health Secretary Ted Herbosa, lubos na suportado ni Pangulong Marcos ang NIP dahil nadagdagan ang budget nito at naging P2.3 billion para pondohan ang ‘vaccine acquisition at administration’ sa buong bansa. (Daris Jose)

NAKATAKDANG ipasa ng Kamara ang panukalang P6.352-trillion 2025 national budget sa ikatlo at pinal na pagpasa sa Miyerkules (September 25), matapos ang dalawang linggong plenary debates.

Ayon kay Speaker Ferdinand Martin Romualdez, sinusunod lamang ng kamara ang timeline sa plenary deliberation-approval dahil “because we are treating the national spending program with urgency without sacrificing transparency.”

Ang pagpasa ng Kamara sa badyet bago mag-recess upang mabigyan ng sapat na panahon ang senado sa pagtalakay ng badyet.

“We have sufficient time to finally agree on the budget before yearend. It is the most important piece of legislation Congress passes every year,” pahayag ng speaker.

Sa unang linggong deliberasyon ng badyet, inaprubahan ng kamara ang panukala ng ilang departamento at kanilang attached agencies, kabilang na ang Department of Finance, Department of Justice, National Economic and Development Authority, judiciary, Office of the Ombudsman, Commission on Human Rights, Department of Human Settlements and Urban Development, Department of Interior and Local Government, Department of Tourism, Development of Labor and Employment; Commission on Elections, Department of Agrarian Reform, Department of Foreign Affairs, Department of Trade and Industry, Department of National Defense, Department of Migrant Workers, Presidential Communications Office, Department of Science and Technology, Metro Manila Development Authority, state colleges and universities, at government corporations.

Ngayong Lunes hanggang Miyerkules ay tinalakay at tatalakyin ng kamara ang badyet ng Office of the President, Office of the Vice President, Department of Agriculture, National Irrigation Administration, Department of Health, Department of Energy, Energy Regulatory Commission;

Civil Service Commission, Department of Environment and Natural Resources, Commission on Audit, Department of Transportation, Department of Social Welfare and Development, Congress, Department of Trade and Industry, Department of Public Works and Highways, Department of Education, at ibang executive offices. (Vina de Guzman)

PITONG indibidwal ang inaresto ng pinagsamang puwersa ng lNational Bureau of Investiagtion -Organized and Transnational Crime Division (NBI-OCD), NBI-Intellectual Properety Rights Division (NBI-IPRD), NBI-Counter Terrorism Division (NBI-CD), NBI-Tarlac District Office (NBI-TARDO), at NBI-Central Luzon Regional Officce (NBI-CELRO) sa bisa ng arrest warrant sa kasong Qualified Trafficking sa ilalim ng Section 4(j) in relation to Section 6 (c) nd (i) para sa RA No. 9208 (Anti Trafficking in Persons Act of 2023) as ammeended ng RA No 10364 (Expanded Anti-Trafficking in Person Actoff 2012) at RA No. 11862 (Expanded Anti-Trafficking in Persons Actof 2022).

Kinilala ni NBI Director Judge Jaime Santiago (Ret) ang mga naaresto na sina Roderick Paul Bernardo Puajante, Juan Miguel Alpas ng pinagsamang puwersa ng NB-OTCD), NBI-IPRD at NBI -CTD) habang sina Rachelle Joan Malonzo Carreon, Jamielyn Santos Cruz, Rita Sapu Uyturralde, Rowena Gonzales Evangelista at Thelma Barrogo Requiro ay inaresto ng pinagsamaang puwersa ng NBI-OTCD, NBI-ARDO at NBI-CELRO.

Ang mga inaresto ay sinasabing mga co-conspirators ni Ex-Bamban Mayor Alice Guo. GENE ADSUARA

INIHAYAG ni Navotas Congressman Toby Tiangco na ang pagpapalabas ng mga bagong alituntunin para sa flexible na oras ng pagtuturo sa ilalim ng MATATAG basic education curriculum ay magpapabuti sa kapakanan ng guro at makatutulong na mapalakas ang learning competencies ng mga mag-aaral sa mga pampublikong paaralan.

“I welcome the sustained efforts of the Department of Education to improve teacher welfare in the country, as directed by President Bongbong Marcos. Allowing flexibilities in teaching schedule will enable our teaching personnel the latitude in class preparation and instruction and will provide them options to adopt class schedules that are more responsive to the needs of our students,” ani Tiangco.

Gayunman, hinimok ni Rep. Tiangco ang Kagawaran ng Edukasyon na maging handa sa agarang pagmomonitor at pagsusuri sa epekto ng bagong pamamaraan sa mga estudyante.

“Kaya napakahalaga na masusing bantayan ang resulta ng mga reporma dahil kung makikita natin na hindi ito nakatutulong, mas mabilis tayong makagagawa ng pagbabago sa mga inisyatibo para sa edukasyon,” sabi niya.

Bilang Chair ng Committee on Information and Communications Technology, pinapurihan ni Rep. Tianco ang pagsisikap ng ahensiya sa pagpapahintulot sa online distance learning bilang paraan ng pagtuturo.

“We must leverage technology to address the diverse challenges facing our education sector. By embracing flexible delivery modalities, we can ensure broader access to quality instruction, especially in areas where in-person teaching may be difficult or impractical,” pahayag ng alkade.

Hinimok din niya ang ahensiya na tumuklas pa ng mga makabagong pamamaraan sa pagtuturo, mga bagong curriculum, at materyales na magaggamit sa pagpapaunlad ng kaalaman ng mga estudyante.

“We have to recognize that children today consume information differently. If we take these realities into consideration, coupled with strong programs for our curriculum delivery and teacher development, we can breach the gap between instruction and learning,” aniya. (Richard Mesa)