2024 September 20 Archive - People's Balita

Archive for September 20th, 2024

DFA binulabog ng bomb threat

Posted on: September 20th, 2024 by @peoplesbalita No Comments

NAUWI sa tensyon ang pagbubukas pa lamang ng mga tanggapan sa Department of Foreign Affairs (DFA) nang mabulabog sa natanggap na bomb threat, sa Pasay City, kahapon ng umaga.

Kaniya-kaniyang labasan sa mga opisina ang mga kawani hinggil sa sinasabing nakatanim na bomba sa gusali ng DFA.

Natanggap ang ulat alas-7:00 ng umaga ni Pasay City Police Station, chief P/Col. Samuel Pabonita, na nag-utos sa mga operatiba ng Explosive Ordnance Disposal (EOD) at Special Weapon and Tactics (SWAT) Team na magtungo sa lugar upang suyurin ang bawa’t sulok ng tanggapan.

Ikinordon ang DFA, habang ang mga kawani at opisyal ay nagtipun-tipon sa 2330 Service Road, Roxas Boulevard.

Sa ulat na nakarating sa tanggapan ni Southern Police District (SPD) Director P/BGen. Leon Victor Rosete, nagmula ang impormasyon hinggil sa bomba na itinanim umano sa DFA building nang mag-email ang mga empleyado ng Philippine Embassy sa Canada. Sa nasabing embahada ipinarating ang impormasyon na ipinabatid lamang sa DFA sa Pilipinas.

Negatibo naman sa anumang bakas ng bomba sa mga tanggapan matapos ang pagsuyod ng EOD at SWAT kaya’t pinabalik ang mga kawani alas-8:00 ng umaga.

Patuloy pang iniimbestigahan ang insidente.

Babaeng drug suspect kulong sa P149K shabu sa Caloocan

Posted on: September 20th, 2024 by @peoplesbalita No Comments

KALABOSO ang isang babaeng drug suspect matapos makuhanan ng mahigit P.1 milyong halaga ng shabu habang nakatakas naman ang kanyang kasama na target ng buy bust operation ng pulisya sa Caloocan City.

Sa ulat ni Caloocan police chief P/Col. Paul Jady Doles kay Northern Police District (NPD) Director P/BGen. Rizalito Gapas, kinilala ang naarestong suspek na si alyas Sara, 36, ng lungsod.

Lumabas sa imbestigasyon na nagsagawa ang mga operatiba ng Station Drug Enforcement Unit (SDEU) ng buy bust operation sa B40 L25, King Solomon Street, Barangay 188, matapos nilang magawang makipagtransaksyon sa kasama ng suspek.

Gayunman, nang matapos ang abutan ay nakatunog umano ang target na pulis ang kanyang katransaksyon kaya agad itong tumakbo hanggang magawang makatakas habang napigilan naman ang kanyang kasabwat.

Ayon kay SDEU chief P/Lt. Restie Mables, narekober nila ang buy bust money at isang coin purse na naglalaman ng tatlong medium plastic sachets ng hinihinalang shabu na naiwan ng nakatakas na suspek. Aabot sa 22 grams ng umano’y shabu na may standard drug price value na P149,600.00 ang nakumpiska ng pulisya.

Mahaharap ang naarestong suspek sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

Certificate of Eligibility for Lot Allocation, iginawad ng Malabon LGU sa 147 Malabueño

Posted on: September 20th, 2024 by @peoplesbalita No Comments

IGINAWAD ni Mayor Jeannie Sandoval at ng Malabon City Housing and Urban Developing Department (CHUDD) ang Certificates of Eligibility for Lot Allocation (CELA) sa 147 Malabueño beneficiaries na mga sertipikadong nangungupahan ng mga lupain kung saan nakatayo ang kanilang mga tahanan.

Ang CELA awarding ceremony na ginanap sa Penthouse ng Malabon City Hall ay bilang bahagi ng mga hakbangin ng lokal na pamahalaan para sa katuparan ng pangako nito na magbigay ng mas magandang pabahay at mga proyekto sa lupa para sa mga residente ng lungsod.

“Ipinagkaloob natin ang CELA sa mga mahal nating Malabueño upang mawala na ang kanilang mga alalahanin pagdating sa seguridad at lupang kinakatayuan ng kanilang mga tahanan. Bahagi ito n gating layunin na masiguro ang maayos, ligtas, at masayang pamumuhay ng ating mga kababayan habang naninirahan sa mga tahanan na ngayon ay matatawag nilang kanila na. Ito ay ating ipinangako noon at ngayon ay patuloy nating ipinapatupad. Nandito kami para umalalay sa inyo. Asahan ninyo na palaging bukas ang tanggapan ng pamahalaang lungsod para sa inyo,” ani Mayor Jeannie.

Ayon kay CHUDD concurrent head at City Administrator Dr. Alexander Rosete, ang mga benepisyaryo na nakatanggap ng CELA ay mga miyembro ng Sto. Niño Tenant Neighbor Association, Sangciangco Sports Complex Neighbor Association, Gulayan Pilapil Neighbor Association, at Catmon Pilapil.

Sinabi ni Dr. Rosete na ang pamamahagi ng CELA ay bahagi ng “Programang Palupa para sa mga Walang Lupa ng lungsod” na ipagkaloob sa mga Malabueño ang lupang pinagawaan ng kanilang mga bahay at matiyak na mapapangasiwaan nila ito ng maayos habang naninirahan sa ligtas.

Samantala, nagpasalamat naman ang mga benepisyaryo kay Mayor Jeannie at sa Pamahalaang Lungsod sa pamamahagi ng mga CELA na ayon sa kanila ay makakatulong hindi lamang sa kanilang mga mahal sa buhay kundi maging sa mga pamilya ng kanilang mga anak sa hinaharap. (Richard Mesa)

Paul Gutierrez, kinumpirma na tapos na ang termino bilang executive director ng PTFoMS

Posted on: September 20th, 2024 by @peoplesbalita No Comments

KINUMPIRMA ni Paul Gutierrez na napaso’ o natapos na ang kanyang termino bilang executive director ng Presidential Task Force on Media Security (PTFoMS).

Sa isang kalatas, pinasalamatan ni Gutierrez si Pangulong Ferdinand Marcos Jr., para sa pagkakataon na ibinigay sa kanya para makapagsilbi sa ilalim ng kanyang administrasyon kahit sa maikling panahon lamang o isang taon at 14 linggo mula nang italaga siya noong May 25, 2023.

“His (Pres. Marcos) decision to continue with the PTFoMS is the clearest message to all that he is committed to creating a safe media environment where every member of the press can practice their profession responsibly, professionally, and without fear,” ayon kay Gutierrez.

“Modesty aside, during this period, the PTFoMS was able to help solve ALL the five (5) violent attacks against the press that happened under the Marcos administration while helping solve two (2) more cases of media killings under the previous administration (Ed Dizon case, 2019, Duterte administration; Gerry Ortega case, 2011, Aquino administration). We also promptly and diligently assisted in resolving all incidents of threats and harassments by the members of the press brought to our attention. Those we assisted can attest to this. The database (most wanted list) of all suspects in the killing of journalists, the first of its kind, has also been completed, ready for release to the public,” ang litaniya ni Gutierrez.

Sa kapareho pa rin aniyang panahon, nagawa ng PTFoMS na magkaroon ng MOA sa PAO kung saan ang mga indigent na miyembro ng mga mamamahayag lalo na iyong mga nasa malalayong lugar ay matutulungan, free-of-charge, ng PAO sa kanilang legal cases na may kaugnayan sa kanilang trabaho bilang journalists.

Matatandaang, kamakailan lamang, lumagda ang PTFoMS ng MOA kasama ang COMELEC na naglalayong tiyakin ang karapatan at seguridad ng mga journalist sa panahon ng election period.

“For finalization is the MOA with the CHR and the NAPOLCOM that are also geared to protecting the rights of the media and strengthening the media’s relationship with the PNP. All of these are the “first” to happen in the 7-years history of the PTFoMS and all of them, under the Marcos administration,” ang sinabi ni Gutierrez.

Bahagi pa rin ng tagumpay ng PTFoMS, gamit ang limitadong budget, nagawa nito (PTFoMS) na magsagawa ng walong (8) regional media safety summits sa buong bansa na may buong suporta ng mga nagmamalasakit na LGUs at media organizations.

Winika pa ni Gutierrez na sa unang bahagi ng taon, binigyang kredito ng ibang tanggapan ng pamahalaan ang PTFoMS para sa matagumpay na paggabay sa pagbisita sa bansa ng UN Special Rapporteur on Freedom of Opinion and Expression.

Sa kabilang dako, pinasalamatan din ni Gutierrez ang lahat ng Inter-Agency Partners ng PTFoMS at mga kapwa opisyal sa gobyerno para sa mga nagawa ng mga ito upang maging posible ang mga kapuri-puring tagumpay na ito sa maikling panahon.

Partikular na pinasalamatan ni Gutierrez ang NBI, PNP, Phil. Army para sa buong suporta ng mga ito sa ‘joint effort’ sa pagbibigay hustisya sa mga biktima ng media killings.

“I thank Secretary Boying Remulla of the DOJ and PCO Secretary Cheloy Garafil and Secretary Cesar Chavez, the chairand co-chair of the PTFoMS, respectively, and friends of many years. Their unstinting support made the burden of my job satisfying and bearable. The same goes to my family who has always been there as my pillar of support,” ang sinabi pa rin ni Gutierrez.

Pinasalamatan din ni Gutierrez ang mga miyembro ng press—groups at mga indibiduwal sa buong bansa na sinasagot ang kanyang mga tawag, kung wala aniya ang tulong at kooperasyon ng mga ito, “PTFoMS can only do so much. Para sa inyo ito at salamat sa tulong at suporta ninyo.”

Sa huli, pinasalamatan naman ni Gutierrez ang mga PTFoMS staff sa sa dedikasyon at commitment ng mga ito na manatili sa buo niyang journey.

“Together with them, everything that happened is one remarkable experience,” diving pahayag ni Gutierrez.

Nauna rito, napaulat na ipinagbigay- alam ni Executive Secretary Lucas Bersamin sa isang sulat na pinadala kay Justice Secretary Jesus Crispin Remulla na may petsang Setyembre 12, 2024 na expired na ang termino ni Gutierrez bilang Executive Director ng PTFoMS.

“This refers to the expiration of the tenure of Mr. Paulino Malinay Gutierrez as Executive Director of the Presidential Task Force on Media Security. On behalf of President Ferdinand R. Marcos Jr., this is to inform you that the expiration of his tenure shall take effect immediately,” ayon sa liham ni Bersamin.

Binigyan ng kopya ng liham sina Gutierrez at Senior Undersecretary Elaine T. Masukat, head ng Presidential Management Staff (PMS).

Si Gutierrez ay dating pangulo ng National Press Club (NPC), isang organisasyon ng mga journalist sa Pilipinas. (Daris Jose)

20 katao patay, 14 nawawala dahil sa Habagat, Ferdie, Gener —NDRRMC

Posted on: September 20th, 2024 by @peoplesbalita No Comments

TINATAYANG may 20 katao na ang napaulat na nasawi at 14 naman ang nawawala dahil sa epekto ng Southwest Monsoon, o Habagat at maging Tropical Cyclones Ferdie at Gener.

Sa 8 a.m. Bulletin ng National Disaster Risk Reduction and Management Council (NDRRMC), sinabi nito na siyam ang naitalang nasawi sa Mimaropa, tig-apat sa Western Visayas at Bangsamoro Autonomous Region in Muslim Mindanao, dalawa sa Zamboanga Peninsula, at isa sa Central Visayas.

“The reported deaths are still up for validation,” ayon sa NDRRMC.

Nakapagtala naman ng 11 katao na sugatan sa panahon ng pananalasa ni Habagat, Ferdie, at Gener.

May kabuuang 597,870 katao o 156,524 pamilya ang apektado ng masamang panahon sa Cagayan Valley, Mimaropa, Bicol, Western Visayas, Central Visayas, Zamboanga Peninsula, Davao Region, Soccsksargen, Caraga, Bangsamoro, at Cordillera.

Karamihan sa mga apektadong tao ay napaulat sa Western Visayas, mayroong 256,593 indibiduwal o 73,512 pamilya.

Sa kabuuang apektadong populasyon, may 62,995 katao o 16,926 pamilya ang nananatili sa evacuation centers habang 34,265 katao o 8,592 pamilya ang mas ginusto na manuluyan sa ibang lugar.

Dahil sa Habagat, Ferdie, at Gener, nawasak ang 930 bahay, may 789 partially at 141 totally damage. Nasira rin ang imprastraktura na umabot na sa P2,401,500.

Winika pa rin ng NDRRMC na nagkaroon ng power outages at communication line problems sa ilang bahagi ng mga apektadong lugar.

Mayroon namang walong domestic flights at 39 sea trips ang nananatiling suspendido. Sa mga apektadong seaports, may kabuuang 1,609 pasahero, 58 rolling cargoes, 25 vessels, at pitong motorbanca ang stranded.

Ang klase naman sa 592 na lugar at work schedules sa 82 lugar ay sinuspinde rin dahil sa banta ng masamang panahon.

“Assistance worth P15,574,471 has been provided to the victims so far,” ayon sa NDRRMC. (Daris Jose)

PBBM, hinikayat ang mga manggagawa ng gobyerno na manatiling ‘transparent, accountable’

Posted on: September 20th, 2024 by @peoplesbalita No Comments

HINIKAYAT ni Pangulong Ferdinand Marcos Jr. ang mga manggagawa ng gobyerno na panatilihin ang ‘transparency, accountability, at integridad’ sa pagsisilbi sa mga tao.

Inihayag ito ng Pangulo sa kanyang naging talumpati sa pagbibigay parangal sa mga nanalo sa 2024 Search for Outstanding Government Workers sa Palasyo ng Malakanyang.

“So, let us remember that the impact of our work does not lie in the recognition that we receive or the laurels that we are given. It lies in the hearts that we have touched, the communities that we have reached, and the lives that we have changed,” ayon kay Pangulong Marcos.

“Let us continue to live by our constitutional mandate that public office is a public trust. We should remain transparent, accountable to all our people and to serve them with integrity, loyalty, and efficiency,” dagdag na wika nito.

Binanggit naman ni Pangulong Marcos ang ilang inisyatiba sa mga awardees kabilang na ang transpormasyon ng 15-hectare na abandonadong palaisdaan na naging isang ecopark at ang probisyon ng competitive healthcare sa mga taong napagkaitan ng kalayaan.

“Ganyan naman kasi ang ugali ng Pinoy. Talagang alam mo ‘yung sinasabi, akala natin kung minsan dahil hindi naman masyadong nababanggit at napakakumplikado na ng buhay ay ‘yung sinasabi, ang tanging katangian ng Pilipino ay ‘yung nagbabayanihan,” ang sinabi ni Pangulong Marcos.

“And that is where we need leaders such as these awardees to lead the way and to inspire people, to come and to do this work,” dagdag na wika ng Chief Executive.

Sa kabilang dako, sinabi naman ng Presidential Communications Office (PCO) na kinikilala ng Pangulo kasama ang Civil Service Commission (CSC) ang mga awardees para sa kanilang ‘outstanding performance at extraordinary service.’

“the awardees contributed to the attainment of efficiency, economy and improvement of government operations,.” ayon sa PCO.

Samantala, kabilang sa award categories ay ang Presidential Lingkod Bayan, Outstanding Public Official and Employee Award or Dangal ng Bayan, at ang CSC Pagasa Award.

“The ceremony is the culmination of the 124th Philippine Civil Service Anniversary which is celebrated every September,” ayon sa PCO. (Daris Jose)

VP Sara sinabing ‘never again’ makikipag-tandem kay PBBM, sinabing ‘di sila magkaibigan

Posted on: September 20th, 2024 by @peoplesbalita No Comments

INIHAYAG ni Vice President Sara DIRETSONG Duterte na “never again” na makipag-tandem siya kay Pangulong Ferdinand Marcos Jr.,

Pahayag ito ng pangalawang Pangulo matapos matanong kung may tiyansa pa na magka tandem sila ng Punong Ehekutibo.

Hindi naman pinaliwanang ni VP Sara kung bakit nasabi niya na “never again” na maka sama uli si Pang. Marcos.

Kung maalala nagsanib pwersa sina Pang. Marcos at VP Sara nuong nakaraang 2022 Presidential elections sa ilalim na Unity Team.

Sa unang dalawang taon naging maganda ang relasyon ng dalawa subalit pagpasok ng ikatlong taon ay unti-unti ng nagkakalamat hanggang sa nuong buwan ng Hunyo ay nagbitiw sa pwesto bilang DepEd Secretary si VP Sara.

Inihayag din ng Pangalawang Pangulo na hindi sila magka-ibigan ng Pang. Marcos nagkakilala lamang sila nuong kasagsagan na ng kampanya kaya hindi niya ito kilala.

Aniya ang kanyang kaibigan ay si Senator Imee Marcos.

Sinabi ni VP Sara na huli silang nagkausap ni Pang. Marcos nuong magtungo siya sa Malakanyang at ibigay ang kaniyang resignation bilang kalihim ng Department of Education (DepED). (Daris Jose)

Dahil sa mga kwestiyunableng paggastos ng OVP at DepEd… VP Sara iginiit target ng Kamara i-impeach siya

Posted on: September 20th, 2024 by @peoplesbalita No Comments

NANINIWALA si Vice President Sara Duterte na target talaga ng House of Representatives (HOR) na siya ay i-impeach batay na rin sa naging privilege speech ni Manila Rep. Rolando Valeriano dahil may nakitang kamalian.

Sa panayam kay VP Sara kanyang sinabi na ang ginagawa ngayong pagdinig ng House Committee on Good Government and Public Accountability ay isang hakbang na para sa kanyang impeachment.

Aniya mismo si ACT Teachers Partylist Rep. France Castro ang nagsabi na posible ma-impeach si VP Sara dahil sa mga kwestiyunableng paggastos ng Office of the Vice President at Department of Education.

Naging mainit kasi ang usapin hinggil sa ginastos na confidential funds ni VP Sara.

Humarap kanina sa Komite si VP Sara para magsalita at ipahayag ang kaniyang saloobin.

Tahasan din nitong sinabi sa komite na hindi target ng pagdinig ang misuse of funds, accountability o governance.

Naniniwala si VP Sara na ito ay para sirain siya ang kaniyang imahe ang OVP at upang mapigilan ang anumang political contest sa hinaharap.

Dahil sa kawalan ng sapat na basehan pinatitigil ni VP Sara ang pagdinig.

Gayunpaman ayon kay Rep. Chua na siyang chairman ng Komite na hindi nila mapatigil ang pagdinig dahil kanila ng inaksiyunan ang talumpati ni Rep. Valeriano.

Inakala na magkakalalaki na sila: Second baby nina VIN at SOPHIE, babae uli

Posted on: September 20th, 2024 by @peoplesbalita No Comments

BABY girl ulit ang magiging second baby nina Vin Abrenica at Sophie Albert.

Sa recent vlog ng mag-asawa sa YouTube channel, mapapanood ang experience ni Sophie sa ultrasound center na Hello Baby kunsaan naganap ang gender reveal ng kanilang second baby.

Yung private room ay napalibutan ng balloons at may big screen para sa viewing ng ultrasound image.

Ang eldest daughter nila na si Avianna, ay excited na sa baby sister nito.

Kuwento pa nila Sophie at Vin na inakala nila magkakalalaki na sila. Pero mali ang hula nila.

“We’re so, so, so, so, sure we will have a boy,” sey ni Sophie.

Sey ni Vin: “Oo sobra. Kasi ang daming signs, ‘di ba? Alam ko kasi ang pregnancy mo kay Ava, our first. Sabi nila, ‘Ganito kabilog, bilog ang tiyan. Tapos hindi bumababa. Kapag hindi bumababa that’s a girl.’ Tapos ‘yung pagbubuntis mo noon, iba sa pagbubuntis mo ngayon.”

Mas naging magaan daw ang pagbubuntis ngayon ni Sophie kumpara sa una.

“First trimester, this is definitely better kasi I was really in hell with Ava’s first trimester. This one at least kahit papaano but I still felt a little bit. My morning sickness is still all day. Now that I’m in my third trimester, parang mas napi-feel ko ‘yung aches and pains in my body. But I don’t know if I’m also much older now.”

***

NILINAW ng Filipino drag queen na si Eva Le Queen ang misconceptions about drag.

Hindi raw ito basta lang form of gender expression but more of an art form.

“Para lang kami ding painters or writers or para kaming nagsusulat ng musika or nagsusulat ng tula. It’s just na kung ano yung nabuong personality, ano yung performance na nabuo, yun yung art form.”

Inamin ng DragRace PH season 1 finalists, maraming misunderstandings tungkol sa mga drag performers. Ina-assume ng marami na ang drag ay para lang sa transexuals or want to cross-dress. Drag is a form of artistic expression and not gender expression.

“Kumbaga, sa normal na buhay ko hindi naman ako nagbibihis ng ganito, e. This is an art form na gusto kong ipakita sa ngayon and then, mamaya, magtatanggal na ako ng make up, tutulog na ako ulit bilang lalaki. ‘Yun talaga siya,” sey ni Eva.

May mga straight men and women na nagda-drag din.

“Nagkataon lang na ‘yun ‘yung satire about it, e, it pokes on gender constructs. Kumbaga, it’s a gender-bending art form, it’s just a play on gender. Whether may mga cis-born female, they dress up as males, they call themselves drag kings. Then, merong mga cis-male like myself who dress up as females, we are drag queens, meron ding mga non-binary.

“In simple terms, ang lagi kong sinasabi, drag, we sell a fantasy. Ito pong nakikita ninyo, ito po ‘yung fantasy ko bilang as a person.

“Gusto ko na mukha akong mayaman, gusto ko ng mukha akong makinis, ‘yung kakong madam, ‘yung ganito ‘yung buhok. Pero on an ordinary day, wala naman naglalakad ng ganito sa kalsada, ‘di ba?”

***

INUTUSAN ng korte si Sean “Diddy” Combs na bayaran si Derrick Lee Cardello-Smith ng $100 million dahil sa salang sexual assault.

Sa lawsuit ni Cardello-Smith, inakusahan niya si Combs na may nilagay na droga sa inumin niya at hinalay siya ng rapper sa isang Detroit party in 1997.

Sa preliminary court hearing last month, Cardello-Smith testified that Diddy offered him $2.3 million to dismiss the case, pero di niya ito tinanggap.

To settle the $100 million, inutusan ng Lenawee County Circuit judge si Diddy to pay $10 million a month starting in October.

Cardello-Smith is currently an inmate serving time at Earnest C. Brooks Correctional Facility in Michigan for an unrelated charge.

Nasa market na ang Beverly Hills mansion ni Diddy for $61.5 million six months after na ma-raid ito ng federal officers for sex trafficking.

(RUEL J. MENDOZA)

Nakipag-meeting na sa gagawin sa ABS-CBN: JAMES, tuloy ang pagbabalik at wala nang makapipigil

Posted on: September 20th, 2024 by @peoplesbalita No Comments

MULA sa isang kaibigang ABS-CBN insider ay napag-alaman naming on going daw ang negosasyon para sa bagong gagawing proyekto ni James Reid.

Ayon pa sa kausap namin nakipag-meeting na raw si James sa ilang TV executives.

Dagdag pa niya na may nabuo na raw na bagong proyekto ang ABS-CBN executives at ang kampo ng actor-singer.

Ayon pa sa aktor sa isang interview sa kanya ng ABS-CBN news ay wala na raw makapipigil sa kanyang pagbabalik sa larangan ng pag-arte.

“I actually plan to work a lot with ABS. Yes, there are discussions already. That’s my plan actually ever since 2020,” pag-amin pa ni James.

“Everyone is asking, did you quit acting? Did you quit showbiz? I always said, no, I plan to go back,” dagdag pa niya.

So, abangan na lang natin kung ano ang pasabog na projects ni James.

Hoping naman ang fans nila ni Nadine Lustre na muli silang magkatambal sa isang teleserye.

Mapagbigyan kaya ang kanilang wish?

(JIMI C. ESCALA)