SI Star for All Seasons Vilma Santos-Recto ang featured celebrity para sa Cultural Wednesdays ng Deparment of Foreign Affairs.

Punong-puno ang bulwagan ng DFA at lahat ay nakikinig sa mga ibinabahagi na experiences ni Ate Vi sa Philippine Film industry.

At yung mga karanasan niya na naging dahilan kung bakit narating sa kınalalagyan niya ngayon na pangarap, siyempre ng lahat ng nasa industriya na at sa mga nagbabalak pang pasukin Ang showbiz.

“Well, sharing my experiences sa mga new blood. Hindi rin naman biro ang dinaanan ko na willing akong I share kaya ako nandito,” bungad pa ni Ate Vi after her more or less two hours speech sa harap ng mga executives and employees of DFA.

“In my more than 6 decades, but I started young pero hindi rin biro Ang dinaanan ko sa industry. Hindi Ito overnight na bigla Star for All seasons ka bigla, sweat and tears din naman ang puhunan ko.

“Learning process at utang ko rin sa mga directors, colleagues and a lot of people and things para mabuo ka at abutin mo ito,” dugtong rin ng pinakasikat na aktres among her contemporaries.
Ano ba talaga Ang sekreto ni Ate Vi?

Kumbaga, lahat halos ng mga kapanabayan niya ay hindi na aktibo at maski na yung mga naging karibal niya ay medyo timiklop na ang ningning ng mga Iio at bukod tanging ang isang Vilma Santos na lang namamayagpag.

Career, personal life, politika ay numero uno pa rin ang aktres.

“Secret? Well love your career and your career will love you yun lang,” maikling tugon pa ni Ate Vi.

Katunayan pa rin nag-number one sa Netflix ang movie niyang “When I Meet You In Tokyo”.

Ano pakiramdam ng isang Ate Vi?

“Well, so very happy and I’m very proud of this movie. Maaring sabihin na it’s very simple movie. Pero Ang importante dito, eh, yung message ng pelikula.

“Kumbaga, kung nakuha mo yung message mo ng movie panalo na kami. Ito yung forgiveness, hope, second chances, how important love is, family values.

“Kung panoorin mo talaga yung movie ang importante lang doon yung nakuha mo yung mensahe at sa story andun lahat and for that I am very proud.

“Kaya doon sa hindi pa nakapanood at makapanood na I asked them to watched them again,” lahad pa rin ng most awarded actress.

***

STILL on Vilma Santos.

Kaliwa’t-kanan ang offers ngayon sa original grand slam actress to do a movie plus yung offer to do a TV shows.

Sa rami ng lumabas na gagawin niya na raw including a sitcom with Luis Manzano, ano ba talaga ang uunahing gagawin ni Ate Vi?

“Alam mo sa totoo lang I am blessed. Maraming good offers kaya lang hindi ko naman kayang gawin lahat.

“Naniwala ako in a perfect time. Ayoko naman yung basta makagawa ako ng pelikula okey na.

“Nasa point ako ng career ko ngayon na I will do a movie na I knew it will challenge me again. At this point in time hindi ko naman kayang sumunod sa kanila na kailangan may movie ka na pang-MMFF, na kailangan makagawa ka ng pelikula, not anymore.

“Modesty aside naka-graduate na naman ako doon, kung gagawa ako ng movie, yun ang gusto kong gawin it will inspire me and challenge me for another character,“ sey pa niya.

Kalat na kalat na tatakbo siyang muli bilang Governor sa Batangas, does it mean na iiwan niya muli ang showbiz?

“Well I am still waiting for a sign and praying for it. And if ever given a chance I won’t mind serving Batangas again,” sambit pa ng the one and only Star for All Seasons.

(JIMI C. ESCALA)

TITIGIL na siguro ang ilang bashers na nilalait si David Licauco dahil kesyo hindi raw marunong umarte ang binatang Kapuso.

Kasi naman no less that Alden Richards na napakahusay na artista at multi-awarded actor ang pumuri sa uri ng pag-arte ni David sa ‘Pulang Araw’ kung saan sila magkatrabaho.

Sa interbyu ni Nelson Canlas sa ’24 Oras’, unang nagpahayag ng papuri si Alden sa iba niyang co-stars sa naturang GMA historical drama series na sina Dennis Trillo, Barbie Forteza at Sanya Lopez.

Sumunod dito ay pinuri rin ni Alden si David at inihayag na namangha din siya sa ipinakitang galing sa pag-arte ni David.

Lahad ni Alden, “Si David, ito talaga, siguro sa aming lahat si David yung pinakamalaki yung itinalon in terms of performance, in terms of portraying his character!”

Naobserbahan rin daw ni Alden na sa tuwing dumarating si David sa taping ay handa na ito, kabisado ang mga linya at alam na ang dapat niyang gawin.

“Iyon yung masarap sa pakiramdam na lahat kami nagwo-work, lahat kami nagtatrabaho, so with his performance and kapag nakaka-eksena ko siya, dumating nang prepared,” ani Alden.

Samantala ikinatutuwa ni Alden at itinuturing na isang karangalan na naging bahagi siya ng ‘Pulang Araw’, na ayon sa Asia’s Multimedia Star ay inaasahan niyang makakapagpaalab sa damdaming makabayan ng mga Pinoy.

“The Philippines has a lot of stories to tell, not only sa ating mga Pinoy, but also to the whole world and our culture is very colorful. We are such resilient individuals,” wika ni Alden.

Magandang balita rin na agad na nag-number 1 sa Top 10 TV Shows in Philippines Today sa Netflix ang ‘Pulang Araw’ na sinimulang ipalabas sa Netflix ang unang episode noong Biyernes.

Sinimulan naman nitong Lunes ang pagpapalabas ng ‘Pulang Araw’ sa GMA 7 at mapapanood gabi-gabi pagkatapos ng 24 Oras.

***

ISA sa umaani ng mga papuri ngayon mula sa mga netizen ay ang unica hija ni Aiko Melendez na si Marthena Jickain, who just turned eighteen.

Maganda, tulad ng kanyang mga magulang, nag-e-excel rin si Marthena bilang estudyante. Sa katunayan, pumasa sa limang unibersidad sa abroad si Marthena pero tinanggihan niya ang mga ito at mas minabuti na dito sa Pilipinas mag-aral.

Kuwento ni Marthena, “Actually, I applied kasi abroad din ng college and I got accepted.

“Pero iniisip pa rin ni Mama na, ‘You’re still my baby girl.’

“Siyempre, andun yung emotional attachment, which I one-hundred-percent understand, ganun.

“Pero I know naman to myself na where I am now is exactly where I need to be.”

Tatlong college admission tests sa mga eskuwelahan sa United Kingdom at dalawa sa Amerika ang ipinasa ni Marthena.

Pero ma sminabuti nga ng dalaga na sa mag-aral sa Ateneo De Manila University ng kursong Developmental Studies.

Ang napili niyang kurso ay sasakop sa law, politics, at economics.

“At least, I get to have a glance on those areas all at once,” saad ng dalaga ni Aiko..

May plano ba siyang pumasok ng showbiz?

“Right now it’s not my focus. Parang hindi pa ako masyadong out of my shell for that kind of stretch out of my comfort zone,” wika ni Marthena.

Pero papayag naman siya kung endorsement at commercial ang iaalok sa kanya.

“So gusto ko muna yung endorsements, commercials kung meron,” pahayag pa rin ni Marthena sa interview sa kanya ng kanyang ina sa Youtube channel ni Aiko.

Itutuloy pa rin ni Marthena ang passion niya sa sports, partikular ang volleyball.

“Since now volleyball is now booming in the Philippines, actually, worldwide, sobrang laki ng volleyball ngayon. “And it’s so nice to see throughout the years, it’s not just a sport, it’s more of like a passion na rin for others.”

(ROMMEL L. GONZALES)