2024 August Archive - People's Balita

Archive for August, 2024

27 na manggagawa sa online gaming dineport

Posted on: August 3rd, 2024 by @peoplesbalita No Comments

INANUNSYO ng Bureau of Immigration (BI) ang pagpapa-deport sa unang batch ng Chinese national na dating inaresto dahil sa illegal na pagtatrabaho sa bansa.

May kabuuan na 27 na mga Chinese national ay pina-deport sakay ng Philippine Airlines biyeheng Shanghai, China.

Nabatid na dapat ay 38 na dayuhan ang dapat na ipa-deport subalit anim sa kanila ay walang clearance mula sa National Bureau of Investigation (NBI).

Paliwanag ni BI Commissioner Norman Tansingco na kinakailangan muna ng anim na indibidwal na ayusin muna ang nakabinbin nilang kaso sa Pilipinas at kumuha ng clearance bago isakatuparan ang pagpapa-deport sa kanila.

“We are committed to ensuring that all necessary legal procedures are followed before deportation,” ayon kay Tansingco .

“This is to guarantee that justice is served and the integrity of our legal system is upheld.”

Ang mga pina-deport na Chinese national ay bahagi ng unang inresto ng Presidential Anti-Organized Crime Commission (PAOCC) sa magkahiwalay na lugar sa Las Piñas, Pasay, at Tarlac.

Target ng nasabing operasyon ay mga illegal online gaming na nagresulta sa kanilang pagkakaaresto dahil sa paglabag nila immigration law.

“The Bureau of Immigration remains dedicated to enforcing our immigration laws and ensuring that foreign nationals who violate these laws are dealt with accordingly,” ayon sa BI Chief. “Our collaboration with other agencies, such as the PAOCC, highlights our unified effort to maintain law and order in the country.” GENE ADSUARA

Umento ng government workers matatanggap na

Posted on: August 3rd, 2024 by @peoplesbalita No Comments

MAAARI nang matanggap ng mga kawani ng gobyerno ang umento sa sahod ngayong taon.

Ayon kay Budget Secretary Amenah Pangandaman, hinihintay na lamang nila na mailabas ng Palasyo ang executive order para rito.

Lumalabas na nasa P36 bilyon ang nakalaang alokasyon para sa salary adjustment sa ilalim ng Personnel Services Expenditures ng Fiscal Year 2024.

Nilinaw naman ng kalihim na retroactive ang salary adjustment ng mga kawani ng gobyerno mula Enero ng taong ito, subalit hindi niya matukoy kung magkano ang itataas sa sahod.

Para naman sa susunod na taon, naglaan aniya ang DBM ng P70 bilyon para sa susunod na tranche ng salary adjustment sa mga kawani ng gobyerno kasama na rito ang taas sweldo para sa mga guro.

Bukod sa dagdag sweldo, mayroon ding aasahang P7,000 na cash na medical allowance ang mga kawani ng gobyerno, kung saan nasa P9.6 bilyon ang inilaang pondo para rito.

Iginiit diin ni Pangandaman na mahalagang mabigyan ng atensyon ang kalusugan ng mga kawani ng gobyerno.

33 manggagawa mula sa sinalakay na POGO hubs sa Bamban, Pasay, balik-Tsina na

Posted on: August 3rd, 2024 by @peoplesbalita No Comments

MAY 33 empleyado ng sinalakay na Philippine Offshore Gaming Operator (POGO) hubs sa Bamban, Tarlac at Pasay City ang itinapon na pabalik ng Tsina, araw ng Huwebes.

Ang mga manggagawa na dineport pabalik ng Tsina ay mula sa Smart Web Technology sa Pasay City, kung saan natuklasan ang torture chamber matapos itong salakayin noong 2023, at mula sa Zun Yuan Technology sa Bamban.

Isa rin sa katuwiran kaya’t dineport ang mga naturang manggagawa ay dahil sa pagiging ‘undesirable aliens’ bunsod ng kakulangan ng permits at visas.

Mahaharap din ang mga ito sa reklamong pakikipag-ugnayan sa illegal gambling sa Tsina.

“Technically kasi lahat ng mga yan will be treated as criminal suspects in China. So they will all be charged criminally in China,” ayon kay Presidential Anti-Organized Crime Commission (PAOCC) spokesperson Winston Casio.

Samantala, sinabi naman ni PAOCC Executive Director Gilbert Cruz na maraming biktima ng mga POGO workers ang nasa Tsina.

“Maraming biktima. And yung coordination na ginagawa natin with the Chinese authorities, nakikita natin yung mga biktima sa kanila, sa China, and then yung scamming hub o yung mga scammers dito nang gagaling sa atin,” aniya pa rin.

Dahil dito, sinabi ni Casio, lahat ng POGO workers ay iba-blacklist.

Gayunman, sinabi nito na iyong mga boluntaryong aalis ng bansa bitbit ang kanilang mga papeles ay hindi iba-blacklist ng gobyerno.

“Pero even if they leave voluntarily, if their papers are not in proper order then they will still be blacklisted,” aniya pa rin.

Kabilang sa mga dineport ay ang mag-asawa kasama ang kanilang dalawang taong gulang na anak, na isinilang sa Pilipinas.

Gayunman, sinabi ng PAOCC na ang nasyonalidad ng bata ay nananatiling intsik dahil ang mga magulang ng bata ay intsik.

Matatandaang, sa pangatlong Ulat Sa Bayan ni Pangulong Ferdinand Marcos Jr., ipinagbawal na nito ang lahat ng POGOs sa bansa bago pa matapos ang taon. (Daris Jose)

PBBM, hiniling sa mga Pinoy na mahalin ang Pambansang Wika

Posted on: August 3rd, 2024 by @peoplesbalita No Comments

HINILING ni Pangulong Ferdinand R. Marcos Jr. sa mga Filipino na mahalin ang Pambansang wika, binigyang diin ang kahalagahan ng layunin ng bansa na makamit ang pagkakaisa at pangalagaan ang ‘Filipino identity.’

“Ang okasyong ito ay nagsisilbing mahalagang paalala sa atin na mahalin ang wikang Filipino nang bukal sa ating puso at nanggagaling sa kamalayan na ang mga wikang minana ay nagtatanghal ng ating kahanga-hangang pagkakakilanlan bilang isang lipi,” ang bahagi ng mensahe ni Pangulong Marcos para sa pagdiriwang ng Buwan ng Wikang Pambansa.

“Subalit ang Buwan ng Wikang Pambansa ay hindi lamang isang paalala; ito ay isa ring paanyaya na patuloy nating mahalin at pagyamanin ang ating mga wika. Hitik ang ating panitikan ng mga obrang tiyak na magpapalalim ng ating pag-ibig sa bayan at makapanghihikayat sa bagong henerasyon na tangkilikin din ang sariling atin,” aniya pa rin.

Hinikayat naman ng Pangulo ang mga Filipino na tanggapin ang ganitong kamulatan sa puso at isip para pangalagaan ang ang ‘greater collaboration’ sa hanay ng mga ito para sa progresibo, malaya at pinag-isang bansa.

Habang dinadakila ng bansa ang ‘month-long celebration’ na may temang “Filipino: Wikang Magpapalaya” sinabi ng Pangulo na ang Presidential Proclamation No. 1041 ipinalabas noong 1997, “is a cornerstone in the strengthening of our unity and sense of self and the reason why we celebrate these qualities.”

“Ilan sa mga nabanggit ay ang pakinabang ng pagkakaroon ng wikang panlahat, ang malaking ambag nito sa pagkamit ng kasarinlan ng ating bansa, at ang kapangyarihan nito na buksan ang ating mga mata at isipan sa kahalagahan, karanasan, at kakayahan ng bawat isa,” ang sinabi ni Pangulong Marcos.

Matatandaang, nilagdaan ni dating Pangulong Fidel V. Ramos ang Proclamation No. 1041 noong Hulyo 15, 1997, dahilan para ang buwan ng Agosto ay “Buwan ng Wikang Pambansa,” o National Language Month. (Daris Jose)

DepEd, target na ayusin ang performance ng 8 milyong estudyante para sa 2025 PISA

Posted on: August 3rd, 2024 by @peoplesbalita No Comments

SINABI ni Education Secretary Sonny Angara na dapat na tutukan ng Department of Education (DepEd) ang performance ng 8 milyong mag-aaral at stakeholders nito sa paghahanda para sa Programme for International Student Assessment (PISA) para sa susunod na taon.

Sinabi ng Kalihim na ang kanyang “immediate goal” sa pag-upo sa DepEd ay iangat ang performance ng bansa sa susunod na PISA, nakatakdang isagawa sa March 2025.

“Tulungan niyo po ako sana do’n dahil ‘yung Grades 7, 8, 9, 10, mga 8 million lang naman ‘yan eh na kailangan natin tulungan. ‘Yung iba diyan walang computer, ‘yung iba diyan hindi nag-almusal, ‘yung iba diyan pagod na pagod maglakad, naka-tsinelas lang,” ang sinabi ni Angara sa education stakeholders.

“You know, these are the things that we have to deal with on the ground. But with you, again, there is hope amidst misery. There is so much hope, there is so much action, and pretty soon there will be results,” aniya pa rin.

Nauna rito, pinangunahan ni Angara ang paglulunsad ng Brigada Pagbasa Partners Network (BPPN), naglalayong i-mobilize ang mahigit sa milyong literacy advocates sa 2040, at tulungan ang 10 milyong Filipinong mag-aaral na magbasa sa kanilang angkop na antas.

Sa 2022 PISA results, ang Pilipinas ay nasa rank na pang-anim sa pinakamababa sa hanay ng 81 bansa at ekonomiya na nagpartisipa sa pag-aaral, patuloy kasing napag-iiwanan ang mga Filipinong mag-aaral sa pagbabasa, matematika at agham.

Noong nakaraang linggo, sinabi ni Angara na inirekumenda niya ang pagpapahusay sa performance ng mga estudyante ng Filipino sa PISA, alinsunod ito sa panawagan ni Pangulong Ferdinand Marcos Jr. na palakasin ang iskor ng Pilipinas sa local at international tests. (Daris Jose)

P70-B, inilaan para sa unang dalawang tranches ng umento sa sahod ng mga gov’t employees

Posted on: August 3rd, 2024 by @peoplesbalita No Comments

IPINANUKALA ng gobyerno ng Pilipinas ang budget na P70 billion para sa una at pangalawang tranches ng umento sa sahod para sa mga empleyado ng gobyerno.

“Iyong 70 billion po para sa adjustment na iyan ng first tranche at saka second tranche for next year kasi gusto po natin simulan na this year iyong first tranche noong ating salary increase,” ayon kay Department of Budget and Management (DBM) Secretary Amenah F. Pangandaman.

Aniya, ang first tranche ng umento sa sahod ay magiging epektibo ng Enero 2024 at ipatutupad ng ‘retroactive.’

“So, iyon po four tranches hanggang 2027 and as of now po, we are perfecting the executive order po and we are hoping po for the issuance of the executive order soon po,” ayon kay Pangandaman.

Nauna rito, inanunsyo ni Pangulong Ferdinand Marcos Jr. ang panibagong salary increase para sa government workers sa kanyang pangatlong State of the Nation Address noong nakaraang linggo.

Sinabi rin nito na ang government employees ay makatatanggap ng medical allowance.

“Para naman sa ating mga kawani sa gobyerno, meron silang maaasahang medical allowance bilang karagdagang benepisyo sa susunod na taon,” ayon sa Pangulo.

“At hindi lamang yon, meron ding napipintong umento sa suweldo na makukuha nila sa apat na tranche,” ang Winika pa rin ng Chief Executive.

Tinuran ni Pangandaman, P9.6 billion ang inilaan para sa medical allowance ng mga government workers para sa taong 2025.

“P7,000 each employee po. Wala po kaming ano eh. Sa executive po, noon pong pumasok po ako, matagal na, pero galing ako sa Senate. So, iyong may mga fiscal autonomy, they provide. So, pagdating ko po sa executive, napansin ko, parang wala po kaming medical allowance o HMO, so hindi po kami nakakapagpa-checkup, at least iyong blood test and all. Tapos, ER wala rin kaming access sa ganoon. So, we pay for it or maybe PhilHealth po. But, I think, this is a nice add to the benefits and allowances na mayroon po ang mga empleyado,” ang litanya ng Kalihim.

(Daris Jose)

ARE YOU HAVING A GOOD TIME? WATCH THE NEW TRAILER FOR ZOË KRAVITZ’S DIRECTORIAL DEBUT “BLINK TWICE,” STARRING CHANNING TATUM AND NAOMI ACKIE

Posted on: August 3rd, 2024 by @peoplesbalita No Comments

BLINK and you’ll miss it.

“Blink Twice,” the feature film directorial debut of Zoë Kravitz (“X-Men: First Class,” “Fantastic Beasts” film series, “Big Little Lies”) starring Naomi Ackie (“Whitney Houston: I Wanna Dance with Somebody”) and Channing Tatum, opens only in cinemas August 21.

Watch the new trailer: https://youtu.be/aCuT-klGby4

Official synopsis:

When tech billionaire Slater King (Channing Tatum) meets cocktail waitress Frida (Naomi Ackie) at his fundraising gala, sparks fly. He invites her to join him and his friends on a dream vacation on his private island. It’s paradise. Wild nights blend into sun soaked days and everyone’s having a great time. No one wants this trip to end, but as strange things start to happen, Frida begins to question her reality. There is something wrong with this place. She’ll have to uncover the truth if she wants to make it out of this party alive.

About “Blink Twice”

Zoë Kravitz makes her feature directorial debut in the wild new psychological thriller “Blink Twice.” The screenplay is from Kravitz & E.T. Feigenbaum (“High Fidelity”), and the film is produced by Bruce Cohen, Tiffany Persons, Garret Levitz, Kravitz and Tatum. The executive producers are Stacy Perskie, Jordan Harkins and Vania Schlogel.

The film’s ensemble cast includes BAFTA winner Naomi Ackie (“The End of the F***ing World,” “Whitney Houston: I Wanna Dance with Somebody”), Channing Tatum (the “Magic Mike” films, “The Lost City”), Golden Globe winner Christian Slater (“Mr. Robot”), Simon Rex (“Red Rocket”), Adria Arjona (“Andor”), Kyle MacLachlan (“Fallout,” “The House with the Clock in Its Walls”), with Oscar winner Geena Davis (“The Accidental Tourist”), and Alia Shawkat (“Drift,” “Search Party”).

Opening in cinemas August 21, “Blink Twice” is distributed in the Philippines by Warner Bros. Pictures, a Warner Bros. Discovery company. Join the conversation with the hashtag #BlinkTwiceMovie

Photo & Video Credit: “Warner Bros. Pictures”

(ROHN ROMULO)

Umento ng government workers matatanggap na

Posted on: August 3rd, 2024 by @peoplesbalita No Comments

MAAARI nang matanggap ng mga kawani ng gobyerno ang umento sa sahod ngayong taon.

Ayon kay Budget Secretary Amenah Pangandaman, hinihintay na lamang nila na mailabas ng Palasyo ang executive order para rito.

Lumalabas na nasa P36 bilyon ang nakalaang alokasyon para sa salary adjustment sa ilalim ng Personnel Services Expenditures ng Fiscal Year 2024.

Nilinaw naman ng kalihim na retroactive ang salary adjustment ng mga kawani ng gobyerno mula Enero ng taong ito, subalit hindi niya matukoy kung magkano ang itataas sa sahod.

Para naman sa susunod na taon, naglaan aniya ang DBM ng P70 bilyon para sa susunod na tranche ng salary adjustment sa mga kawani ng gobyerno kasama na rito ang taas sweldo para sa mga guro.

Bukod sa dagdag sweldo, mayroon ding aasahang P7,000 na cash na medical allowance ang mga kawani ng gobyerno, kung saan nasa P9.6 bilyon ang inilaang pondo para rito.

Iginiit diin ni Pangandaman na mahalagang mabigyan ng atensyon ang kalusugan ng mga kawani ng gobyerno.

British tennis star Andy Murray emosyonal sa pagtatapos na ng kaniyang tennis career sa pagkatalo sa Olympics

Posted on: August 3rd, 2024 by @peoplesbalita No Comments

NATAPOS ang tennis career ni British tennis star Andy Murray matapos na mabigo sa men’s doubles sa Paris Olympics.

Matapos kasi na mag-withdraw sa singles match ay nagpasya ang 37-anyos na maglaro sa doubles para irepresenta ang kaniyang bansa.

Kasama niya sa doubles si Dan Evans ng subalit tinalo sila ni Taylor Fritz at Tommy Paul ng US sa score na 6-2, 6-4 ng quarterfinals rounds.

Matapos ang laro ay nagkaroon ng standing ovation sa Court Suzanne-Lenglen bilang pagkilala kay Murray.

Nagwagi ng gold medal sa Murray noong 2012 at 2016 Olympics ganun din sa silver medal ng mixed doubles noong 2012.

Taong 2012 ng talunin niya si Roger Federer sa Olympic finals at matapos ang isang taon ay nagkampeon ito sa US Open.

Magugunitang nagpasya si Murray na magretiro na pagkatapos ng Olympics dahil sa mga injury na kanyang natatamo kung saan noong 2019 ay nagpa-opera na ito sa kanyang beywang.

Caloy mas mabagsik sa floor at vault

Posted on: August 3rd, 2024 by @peoplesbalita No Comments

ASAHANG mas magiging mabagsik si Carlos Yulo sa oras na sumabak ito sa finals ng men’s floor exercise at men’s vault sa 2024 Paris Olympics.

Nabigong makasungkit ng medalya si Yulo sa men’s all-around finals.

Subalit marami itong natutunan na magagamit nito sa kanyang susunod na laban.

Nagtapos lamang sa ika-12 puwesto si Yulo sa all-around matapos ang masaklap na simula nito sa pommel horse kung saan bumagsak ito sa kalagitnaan ng kanyang routine.

Nakabawi si Yulo sa iba pang apparatus subalit hindi ito sapat para makapasok sa Top 3.

Nakalikom si Yulo ng kabuuang 83.032 puntos.

Sa kabila nito, masaya si Yulo sa mga natutunan nito sa all-around.

“Marami akong natutunan. Wala akong regrets dahil masaya ako sa performance ko,” ani Yulo.

Sunod na sasalang si Yulo sa finals ng floor exercise at vault.

“Magandang chance yung all-around kasi nagawa ko ang gusto ko sa floor at sa vault. May mga adjustments na kailangang gawin sa finals ng floor at vault,” wika pa ni Yulo.

Solido ang performance ni Yulo sa floor exercise ngunit sinabi nito na kailangan pa nito ng mas magandang landings upang makakuha ng mataas na puntos sa finals.

Mataas ang degree of difficulty ng performance ni Yulo at mas lalong lalakas ang tsansa nito sa gold medal kung maisasakatuparan nito ng swabe ang kanyang performance.

“Sa floor kailangan kong mag-adjust pa ng konti para mas maging maganda ang performance ko ganun din sa vault,” ani Yulo.