Ang Diyaryong Pinagkakatiwalaan
NAGTAPOS sa pangalawang puwesto si Joanie Delgaco sa kabuuang anim na rower sa Heat D classification race sa Nautical St- Flat Water.
Nakakuha si Delgaco ng kabuuang oras na 7:43:83 minuto.
Dahil sa nasabing performance nito ay nagtapos ito ng pang-20 na puwesto sa overall ranking sa women’s single sculls category.
Magugunitang nabigo si Delgaco sa women’s single sculls rowing quarterfinals ng Paris Olympics.
Siya ang kauna-unahang Pinay rower na lumahok sa Olympics.
EXPERIENCE the magic of imagination as “Harold and the Purple Crayon” comes to life in a new fantasy comedy film starring Zachary Levi.
Discover a world of adventure when it opens in Philippine cinemas on August 21.
Countless families have cherished Crockett Johnson’s Harold and the Purple Crayon since its publication in 1955. The timeless story of an adventurous toddler who creates entire worlds with his magical purple crayon is getting a delightful twist in its latest film adaptation. In this version, Harold has grown up in his fantastical world and decides to draw a door into the real, modern world.
An Adventure Beyond Imagination
Producer John Davis shares insights into the thrilling journey Harold embarks upon in the film. “Harold and his friends are transformed from characters on the page to adventurers on a journey of self-discovery,” Davis says. “Their story is brimming with passion, imagination, and a sense of heart.”
Oscar-nominated director Carlos Saldanha, who read the original story to his own children, brings a deep personal connection to the film. “The original story is very simple and charming,” he reflects. “I love the way this movie expands on it. In the book, Harold is very sheltered, but entering the real world exposes him to the harsh realities of everyday life. He discovers new emotions, becoming a more complete and fuller human character, all while retaining his innocence.”
Playing the role of the intrepid Harold is Zachary Levi, who sees the film as more than an adaptation. “Harold and the Purple Crayon is a love letter to imagination itself,” Levi remarks. “There is no Harold without imagination. The power of imagination is just as integral to the movie as it is to the book.” When asked what he’d draw if he had Harold’s purple crayon, Levi opts for convenience. “The airplane scene was a lot of fun,” he says. “Maybe I’d draw a plane.”
Co-star Zooey Deschanel, who has also read the book to her children, shares her excitement. “I’ve been reading the book to my kids since they were really little,” she says. “It’s a much beloved book in my house, and I think this is the type of movie parents will want to go see with their kids.”
Director Saldanha finds magic in something as mundane as a crayon and invites audiences to share that magic and rediscover the power of imagination. “Pick up a crayon, and the possibilities are endless,” he enthuses. “With everything happening in our daily lives, we forget the power of the imagination, the power of believing, the power of dreaming, and the power of ‘drawing’ your way into a better place. This film invites audiences to rediscover that magic.”
So, grab a friend and set off into a world of adventure as Harold and the Purple Crayon opens in Philippine cinemas on August 21. #HaroldAndThePurpleCrayon
(Photo & Video Credit: “Columbia Pictures”)
SALUDO si volleyball star Alyssa Valdez kay rower Joanie Delgaco na lumalaban sa 2024 Paris Olympics rowing competitions.
Nagpasalamat si Valdez sa sakripisyo ni Delgaco upang mabigyan ng karangalan ang bansa sa Olympics.
Alam ni Valdez ang paghihirap ng isang atleta sa training dahil naging bahagi rin ito ng national team sa mga nakalipas na taon.
Kaya naman mataas ang respeto ng Creamline veteran player sa lahat ng atletang lumalaban para sa Pilipinas.
“Kahit anong mangyari buo ang tiwala namin sa iyo. Anuman ang mangyari sa journey mo ngayong Olympics, saludong-saludo kami sa iyo,” ani Valdez.
Bago maging rower, naglaro muna si Delgaco ng volleyball noong nasa high school pa lamang ito.
At isa si Valdez sa mga hinahangaan nitong player sa mundo ng volleyball.
Umaasa si Valdez na makakapanood si Delgaco sa mga laro ni Valdez.
“I can’t wait to see you here in the Philippines at makapanood din ng mga volleyball games. Mas marami kang nai-inspire na mga atleta hindi lang ako,” ani Valdez.
Isa si Delgaco sa 22 atletang Pinoy na bahagi ng Team Philippines sa Paris Olympics.
Si Delgaco ang kauna-unahang Pinay rower na nagkwalipika sa Olympic Games.
Sa kabuuan, may apat na Pinoy pa lamang na nakapag-Olympics.
Nauna na sina Cris Nievarez noong 2020 Tokyo Olympics, Benjamin Tolentino noong 2000 Sydney Olympics at Edgardo Maerina noong 1988 Seoul Olympics.
UMAANI ngayon ng paghanga ang Olympian mula sa Guatemala na si Adriana Ruano.
Ito’y makaraang makapag-uwi siya ng gold medal na kauna-unahan para sa kanilang bansa.
Pero maliban sa naturang historic win, mas lalo pa siyang tiningala makaraang maungkat na dati na siyang sumali bilang gymnast.
Nabatid na nagkaroon ng spinal injury si Ruano kaya hindi na nakapagpatuloy.
Pero nakakita ito ng panibagong opurtunidad sa larangan ng shooting, kung saan pinaghusayan niya ang pagsasanay hanggang sa makamit ang unang gold medal para sa kaniyang bansa.
Sa 50 targets, nakuha ni Adriana ang 45 sa mga ito, bagay na naghatid sa kaniya sa top spot ng sinalihang event.
ISANG fully-furnished two-bedroom residential condominium unit ang ibibigay ng property giant Megaworld para sa Pinoy athlete na mananalo ng gold medal sa 2024 Paris Olympic Games.
“This 2024, we are celebrating our 100th year of participating in the Olympic Games, and what a way to celebrate this milestone than by recognizing the superb competitive spirit of our ne-west Olympic gold medalist and welcoming them to McKinley Hill,” ani Megaworld president Lourdes T. Gutierrez-Alfonso.
Ang condo unit na nagkakahalaga ng P24 milyon ay nasa loob ng 50-hec-tare McKinley Hill township sa Taguig City kung saan makikita ang pamosong Venice Grand Canal.
Kabuuang 22 atleta ang ipinadala ng bansa sa Paris Olympics sa pamumuno nina pole vaulter EJ Obiena, boxers Nesthy Petecio at Carlo Paalam at gymnast Carlos Yulo.
Ang iba pa ay sina Lauren Hoffman (athletics), John Cabang-Tolentino (athletics), Levi Jung-Rui-vivar, Aleah Finnegan, Emma Malabuyo (gymnastics), Elreen Ando, John Ceniza, Vanessa Sarno (weightlifting), Joanie Delgaco (rowing), Eumir Marcial, Hergie Bacyadan, Aira Villegas (boxing), Jarod Hatch, Kayla Sanchez (swimming), Dottie Ardina, Bianca Pagdanganan (golf), Sam Catantan (fen-cing) at Kiyomi Watanabe (judo).
“As one of the most cele-brated addresses in Fort Bonifacio, McKinley Hill is home to several world-class athletes, including members of the Philippine national teams for basketball and football. This makes it a perfect home for Filipino champions who live a life of passion and excellence through and through,” dagdag ni Gutierrez-Alfonso.
Ang McKinley Hill ay isa sa apat na Megaworld township developments na nasa loob ng Fort Bonifacio at ang isa sa pinakamalaking townships ng kumpanya sa Metro Manila.
Ito rin ang tahanan ng exclusive McKinley Hill Village, residential condos at villas, office towers, schools, foreign embassies at ng McKinley Hill Football Stadium.
APRUBADO na ni Pangulong Ferdinand Marcos Jr. ang executive order na magbibigay ng umento sa sahod at dagdag sa mga benepisyo ng manggagawa sa gobyerno.
Ito ay matapos lagdaan kahapon ni Executive Secretary Lucas Bersamin ang Executive Order No. 64.
Nasa ilalim ng nilagdaang EO 64 ni Bersamin ang updated na pasahod sa mga government workers na nakatalaga sa executive, legislative, at judicial branches; constitutional commissions at iba pang constitutional offices.
Base pa sa kautusan ang mga nagtatrabaho sa Government-Owned or-Controlled Corporations (GOCCs) na hindi saklaw ng Republic Act 10149 o ang “GOCC Governance Act of 2011.”ay sakop ng EO.
Kasama rin sa dagdag umento ang mga nasa lokal na pamahalaan. Magiging epektibo ang kautusan 15 matapos mailathala sa Official Gazette o sa pahayagan.
Sinabi ni Marcos na dahil sa kasalukuyang kalagayang pang-ekonomiya, kabilang ang pagbawas ng kakayahang bumili dulot ng inflation, ay kailangan na i-update ang mga sahod at benepisyo ng mga tauhan ng gobyerno para mapanatili ang competent, tapat, mabilis at malusog na pwersa ng trabaho na magreresulta sa mataas na productivity at magandang serbisyo sa publiko
Ipatutupad ang umento sa sahod sa apat na tranches.
Unang matatanggap ng mga manggagawa ang umento sa sahod Enero 1, 2024; ikalawang tranche sa Enero 1, 2025; ikatlo sa Enero 1, 2026; at ang ikaapat na tranche sa Enero 1, 2027.
Inatasan naman ang Department of Budget and Management (DBM) na mag-isyi ng kaukulang guidelines para maipatupad ang nakasaad sa EO 64.
MATAPOS na isiwalat ng GMA sa kanilang official statement na pormal nang nagsampa ng reklamo si Sandro Muhlach są network laban kina Jojo Nones at Richard Cruz na hindi na idinetalye ang nilalaman nito, ay pinarating ang abogado ng daalwang independent contractors.
Ayon kay Atty. Garduque, na iniulat ng “24 Oras” noong Huwebes nang gabi, nalulungkot at nasasaktan sina Nones at Cruz dahil sa kaliwa’t kanang pambabatikos.
Na kahit hindi pa raw kasi napatutunayang may nagawa silang kasalanan kay Sandro ay nahusgahan na sila na parang mga kriminal.
“Our clients are deeply saddened by the serious allegations hurled against them circulating on social media.
“And though these allegations do not mirror the true accounts of the event, we would like to reserve the right to respond in a proper forum when we receive a copy of the formal complaint.
“For the meantime, we urge the public to respect the investigation being conducted on this case and we advise people who have no personal knowledge of the incident to refrain from posting baseless defamatory allegations and therefore unfairly subjecting both parties to publicity trial,” sabi ng abogado ng dalawa.
Samantala, ayon naman sa ama ni Sandro na si Niño Muhlach, naghahanda na sila sa pagsasampa ng kaukulang kaso laban sa mga taong nang-abuso sa anak.
Sinabi pa ng aktor at dating child wonder na lalantad siya at magsasalita sa tamang panahon. Balitang plano rin daw magsalita ni Sandro kapag may resulta na ang imbestigasyon ng GMA.
At sa latest post ni Niño sa kanyang Facebook account, humihingi siya ng dasal at nagpapasalamat sa lahat ng sumusuporta…
“Our family has suffered so much because of the unspeakable and vile acts done to our son. We ask for your prayers to help us muster enough strength and courage to withstand the horror of re-living the dastardly acts of the perpetrators as we seek justice through our legal system.
“Thank you for all your support and kind words and your gracious gift of space. We truly appreciate it.”
***
PATULOY ang pagtaas ng bilang ng child pornography at illegal gambling sites na nahaharang ng Globe.
Mula Enero hanggang Hunyo 2024, hinarang ng Globe ang 1,718 domains at 190,167 URLs na patungkol sa child pornography. Malaking pag-angat ito mula sa 1,295 domains at 129,652 URLs na na-block noong 2023.
Napigilan din ng Globe ang pag-access sa 2,726 domains ng mga illegal gambling sites, kumpara sa 1,828 noong nakaraang taon.
Sinisiguro ng Globe na ang mga programa ng kumpanya ay naaayon sa Anti-Child Pornography Act of 2009 (Republic Act 9775). Ang batas na ito ay nag-aatas sa mga internet service providers (ISPs) na gamitin ang teknolohiya para maiwasan ang access sa child pornography.
“Misyon ng Globe na gawing ligtas ang internet para sa lahat, lalo na sa mga bata. Ang mas pinaigting naming pagsisikap na pigilan ang access sa mga mapanganib na content ay patunay ng aming dedikasyon sa online safety,” ayon kay Anton Bonifacio, Chief Information Security Officer at Chief AI Officer ng Globe.
Nag-invest ang Globe ng higit sa $2.7 milyon sa mga advanced content filtering systems para mas mapaigting ang pagharang sa illegal content.
Nakikipagtulungan din ang Globe sa iba’t ibang organisasyon tulad ng Department of Information and Communications Technology (DICT), Department of Justice (DOJ), Philippine Chamber of Telecommunications Operators, at mga non-government organizations para mas palakasin pa ang proteksyon ng mga bata online.
Ayon sa pag-aaral ng US-based National Center for Missing and Exploited Children (NCMEC), ang Pilipinas ay isa sa mga nangungunang pinagmumulan ng Online Sexual Abuse and Exploitation of Children (OSAEC) content.
Kaya naman hindi lang pagharang sa nakasasamang content ang ginagawa ng kumpanya.
Sa pamamagitan ng #MakeITSafePH campaign na inilunsad noong 2017, nagsasagawa ang Globe ng educational programs at awareness activities para bigyang kaalaman ang mga mamamayan kung paano protektahan ang kanilang sarili online.
Layunin ng Globe na maging responsable ang lahat sa paggamit ng teknolohiyang digital at matiyak na mas ligtas na internet para sa lahat ng Pilipino.
Para sa karagdagang impormasyon tungkol sa Globe, bisitahin ang https://www.globe.com.ph/.
(ROHN ROMULO)
NAPAG-IWANAN na ng milya-milya ni Taylor Swift si Katy Perry dahil disappointing ang result ng comeback single nito na “Woman’s World.”
Pina-hype pa naman ni Katy ang pag-drop ng “Woman’s World” sa social media.
Nag-resign pa siya bilang judge sa “American Idol” para matutukan ang comeback album niya na 143. Last album niya ay ang Smile noong 2020.
Ayon sa Billboard: “Sadly, the dance-pop cut floundered upon its arrival, and the superstar is already moving on to the next.”
Kinumpara nga ito sa albums ni Taylor na ang lahat ng songs ay pasok sa Billboard charts.
Ang latest album ni Taylor na “The Tortured Poets Department” ay may hawak na record na 12 weeks at number one sa Billboard 200 chart.
***
KUNG may gagawin daw na spin-off seried mula sa characters ng ‘Black Rider’ ang direktor na si Rommel Penesa, gusto niyang ituloy ang loveteam nila Herlene Budol at Empoy.
Pumatok daw sa televiewers ang loveteam nila kaya nagkaroon sila ng sariling istorya sa Black Rider.
“Gusto kong ituloy ang love story nila. Nakakatuwa ang chemistry nila sa isa’t isa kaya kung magkaroon sila ng spin-off series, tiyak na magre-rate ito dahil may fans na sina Pretty at Oka,” sey ni Direk Rommel.
Inamin ni Herlene na naging mahirap makatrabaho si Empoy dahil natatawa siya sa hitsura nito.
“Sobrang hirap po kasi parang ‘yung itsura niya pa lang, hindi pa po nagsasalita, natatawa na po ako. Kahit heavy scene po kami na kailangan kong iiyak ako, ‘pag nakikita ko ‘yung mukha niya, nawawala po ako sa character ko kasi nagiging fangirl po niya ako,” kuwento ni Herlene.
Hindi rin daw inasahan ni Empoy na magiging maganda ang chemistry nila ni Herlene.
“At first, nagkakapaan pa kami ni Herlene. Medyo shy pa kami sa isa’t isa. Pero gusto naming mag-work yung mga eksena namin. Hanggang nahuli na namin yung kiliti ng isa’t isa. Kaya tuwing may scene kami, seryoso man o patawa, we make sure na nandun yung teamwork namin. Salamat sa mga sumubaybay sa love story nila Pretty at Oka.”
(RUEL J. MENDOZA)
PINAKITA ni Angelu de Leon ang kanyang husay sa pagiging kontrabida sa ‘Pulang Araw’.
Tinodo raw niya ang pag-arte dahil ang tagal din daw kasi niyang hindi tumanggap ng teleserye simula noong umupo siya bilang konsehal sa PasIg City. Last teleserye niya ay ‘Inagaw Na Bituin’ noong 2019 pa.
Di raw niya mapalagpas ang role na Carmela sa ‘Pulang Araw’ kaya nagpaalam siya kay Mayor Vico Sotto para gawin ang teleserye.
“Para mabalanse kasi siyempre may mga taping din na kailangan doon. Para rin in respect doon sa trabaho ko ngayon na bilang konsehal ng Pasig, kailangan magpaalam para hindi lagi siyang naghahap, “Nasa’n si Angelu? Bakit wala?” sey ng aktres.
Naungkat naman ang issue nila ni Claudine Barretto. Nagbitiw ng mga di magagandang salita si Claudine laban kay Angelu sa anniversary party nila Gladys Reyes at Christopher Roxas. Panahon pa lang nila sa ‘Ang TV’ noon ay may rivalry na ang dalawa.
Pero maayos na sinagot ni konsehala ang issue with Claudine na ‘di pa raw nakakausap: “Wala pang pagkakataon pero umaasa pa rin ako na darating ‘yung panahon na ‘yon.”
(RUEL J. MENDOZA)