NAGING open si Ogie Alcasid sa naging sama ng loob nito sa kanyang panganay na si Leila Alcasid nung makipag-live in ito kasama ang boyfriend na si Mito Fabie.

Si Leila ay anak ni Ogie sa ex-wife na si Miss Australia 1994 Michelle Van Eimeren.

“Ito naman ay open naman ito, ‘yung panganay ko actually bumukod, na ikinasama ng loob ko at sinabi ko sa kanilang dalawa ng boyfriend niya, ‘Bakit hindi kayo nagsabi sa akin?’ E alam mo naman ang kabataan, hindi magsasabi ‘yan e at lalo mong pipigilin, gagawin pa rin nila.

“Hanggang sa sinabi ko, ‘Alam n’yo, masama ang loob ko sa inyo na nagawa n’yo yan. Pero gayunpaman, kayo ay nag-a-adulting na, gawin n’yo ‘yan, bahala na kayo sa buhay n’yo.’” sey ni Ogie.
Gusto lang daw ni Ogie na magampanan ang papel niya bilang magulang sa kanyang mga anak.

“Kami bilang magulang, nandiyan lang kami, naghihintay lagi kung kailan n’yo gusto bumalik. Halimbawa lang, may nangyari sa kanila na hindi sila magkatuluyan, nandoon ka pa rin mag-aabang, gano’n ang role namin.

***

BACK-TO-SCHOOL din ang singer-actress na si Geneva Cruz.

Sa kanyang Instagram, pinost ni Gen ang photo niya bilang student with matching school ID sa Philippine Christian University sa Manila.

Business Administration ang kurso ni Gen sa PCU. Nasubukan daw niyang maging college student noon sa UST, pero kailangan niyang mag-drop sa kurso niyang AB Literature dahil nabuntis siya noon kay Heaven.

Noong magkaroon siya ng second child, pinlano na ni Gen ang pagbalik niya sa college para magkamit ng diploma.

“I needed to prioritize finishing a degree. I strongly believe in setting a positive example for my children, which drives me to dedicate time to pursuing my educational goals. It took me a long time to finally return to school and strive to complete college,” sey ni Gen na na-inspire rin sa singer na si Ronnie Liang na nakapagtapos ng ilang kurso sa kolehiyo.

***

SI Katy Perry ang tatanggap ng Video Vanguard Award sa MTV Video Music Awards on September 11.

Kasabay din nito ang pag-perform ni Katy ng new single niya na “Lifetime”.

Ang mga naging receipients ng award ay sina Shakira, Beyoncé, Nicki Minaj, Madonna, Rihanna, Janet Jackson, LL Cool J, Jennifer Lopez, Justin Timberlake, Missy Elliott and Michael Jackson.

This year’s VMAs, si Taylor Swift ang nanguna with 10 nominations. 9 naman ang natanggap ni Post Malone; 6 for Ariana Grande, Eminem and Sabrina Carpenter; 5 for Megan Thee Stallion and SZA; and 4 for Olivia Rodrigo, Lisa and Teddy Swims.

(RUEL J. MENDDOZA)

BIKTIMA ng isang scammer ang GMA actress na si Sanya Lopez.

May gumagamit pala kasi ng fake account ni Sanya para makapambudol ng pera sa mga netizens na gamit ang pangalan at photo ng aktres.

Kaya nanawagan ang ‘Pulang Araw’ female star na huwag agad-agad magtitiwala sa mga nakakausap sa social media.

Upang makapagbigay babala ay nag-post si Sanya sa kanyang Instagram Story ng screenshot pag-uusap ng pekeng Sanya at ng isang biktima na hinihingan ng perang donasyon para sa mga Aeta sa Zambales pati na rin ang screenshot ng profile ng user na nagkukunwaring si Sanya.

May caption na “Scam Alert”, nagbabala si Sanya na huwag maniniwala sa mga ganitong modus.

Lahad ng Kapuso actress, “Sa lahat po ng mga chinat nu’ng scammer, hindi po ako yun. Okay? Malinaw, hindi po ako yun. Wag po kayo magbigay agad-agad ng tulong, my goodness
“Tawagan niyo, i-video call niyo, kailangan mukhang-mukha ko.”

May netizen pa na nag-reach out kay Sanya at sinabing siya man ay sinubukang biktimahin ng naturang scammer at pinadalhan ng mensahe ng panghihingi ng pera.

***

NAG-VIRAL noon ang sagot ni David Licauco sa “Family Feud” na dugtungan ang “Maria” na ang isinagot ni David ay “Ozawa”, na sinundan ng tawanan ng mga kagrupo niyang mga lalaki sa show ni Dingdong Dantes.

Alam naman nating lahat na isang sikat na adult female star si Maria Ozawa sa Japan kaya naman walang humpay na panunukso ang inabot ni David.

Kaya hindi akalain ng binata na darating ang araw na makakatrabaho siya ang Japanese actress at gaganap pa na ina niya; ito ay sa “Pulang Araw” ng GMA.

At hindi siyempre naiwasan na na-starstruck siya nang una niyang makita ang Japanese star.

Sa Chika Minute report ni Nelson Canlas sa GMA News “24 Oras Weekend”, ikinuwento ni David na nakita na niya si Maria sa taping ng kanilang serye kung saan gumaganap si David bilang si Hiroshi Tanaka.

“Actually paakyat dito nakita ko si Maria Ozawa,” kuwento ni David.

“Nagulat ako na nandiyan siya saka ang ganda niya.”

(ROMMEL L. GONZALES)

ANG makipag-ayos sa kanyang pamilya ang pakiusap ni former Ilocos Sur Governor Luis ‘Chavit’ Singson kay 2-time Olympic gold medalist na si Carlos Yulo.

Ito ang kanyang kundisyon bago niya ibigay ang P5 million reward sa kinikilala nang Pinoy champ.

Ayon pa sa dating gobernador nang makausap namin sa grand opening ng BB.Q Chicken sa Festival Mall, Alabang, umaasa si Manong Chavit na si Caloy na raw ang gumawa ng paraan para magkabati sila ng inang si Angelica Yulo at makipag-ayos na rin ang girlfriend na si Chloe San Jose.

Pero wala pa raw siyang natatanggap na mensahe mula sa kampo ni Carlos.

“Wala. Walang maka-contact sa kanya, eh. Pero kinu-contact ko na siya lang kaya nakikiusap ako kay Caloy na ipakita niya na ngayon champion siya.

“Naka-gold siya, ipakita niya na siya ang ano, role model of the family. Eh, ‘di maganda ‘yung pinapakita niya kung hindi siya makipag-reconcile sa pamilya.

“Pero as of last night, wala pa. So, magdadagdag ako ng premyo niya, limang milyon, kung buong pamilya mapagsama niya dahil dapat siya ang role model, eh,” kwento pa ni Manong Chavit.

Pag-amin pa ng former governor, “‘yun family niya, nakausap ko na, lahat sila, nanay, tatay, pati mga kapatıd niya, pero hindi raw nila makontak.

“So, nakikiusap ako kay Caloy, kung marinig man niya, pamilya mo muna dahil wala ka naman diyan kung hindi sa kanila.

“Yung ibibigay ko na limang milyon dagdag lang yun sa pamilya n’yo. Gusto ko talaga na magkabati silang pamilya.”

Nagbigay din ng advice si Manong Chavit kay Caloy, “Well, ngayon sikat siya, ‘wag siyang magbago. Dapat siyang role model at number one, pamilya. Kung anuman ang nangyari sa kanila, kalimutan na niya. Nasa sampung bilin ‘yun ng Diyos, respect your father and your mother, simple lang.

“Caloy, kung nakikinig ka man, nakikiusap ako, kausapin mo pamilya mo, ’wag mo na sila pahirapan dahil ‘yang gold na nakuha mo, hindi lang para sa ‘yo kundi para sa lahat, specially your family.

“Wala kang pinanggalingan kung hindi sa family mo. Kung ano ang mga nangyari, patawarin mo na sila. Bilin din ng Diyos ’yan, at kung magbati lang sila, okay na, bigay ko sa kanya P5 million.”

Nagbigay din ng update si Manong Chavit sa ‘Vagabond Season 2’ ni Lee Seung Gi, tuloy pa rin daw ito, may tinatapos lang daw sa story, para tuloy-tuloy at ang maganda dito pa rin ang shooting.

May isa pang sikat na Korean actor na si Ma Dong-seok na kausap niya at isang Hollywood movie, na parehong magso-shoot sa ‘Pinas.

Samantala, pang-11 branch na ng BB.Q Chicken sa Festival Mall at ayon sa dating gobernador, target ng company nila na makapagtayo ng 300 branches sa buong bansa. Mina-manage ito ng mga anak niya na sina Michelle at Carlene.

Natikman na namin ang iba’t-ibang flavors ng Korean chicken na pawang masasarap, pati na rin ang mga pasta, drinks and cocktails, na bagay talagang i-partner. Pati na rin ang kakaibang desserts tulad ng Yakult vanilla float.

At ilan nga sa popular sa branches sa Metro ay matatagpuan sa BGC, The Shops, Magnolia, Evia at Megamall.

(ROHN ROMULO)

TULUY-TULOY ang showbiz career dito sa Pilipinas ng sikat na Korean actor na si Kim Ji Soo!

Matapos kasi ang guesting niya sa ‘Black Rider’ bilang assassin na si Adrian Park ay mapapanood naman siya ngayon sa ‘Abot Kamay na Pangarap’ bilang isang doktor.

Una naming napanood si Kim Ji Soo noong 2017 sa sikat na K-drama series na ‘Strong Woman Do Bong-soon’ kung saan gumanap siya bilang isang guwapong pulis.

At ngayon naman fast forward sa 2024 ay siya naman si Dr. Kim Young isang child psychiatrist na bibisita sa APEX Medical Hospital at magku-krus ang landas nila ni Dra. Analyn Santos na ginagampanan ni Jillian Ward sa naturang top-rating GMA series.

***

NAGULAT kami sa rebelasyon ng sexy actor na si Kristof Garcia na siya ay naging tagalinis ng comfort room sa Dubai!

Lahad niya, “Nagkuskos ako ng banyo, nineteen pa lang ako noon.

“Butler ako sa hotel e, lahat gagawin mo talaga.”

Isang taong nagtrabaho si Kristof sa Dubai at iyon ay matapos niyang ma-realize na kulang ang kinikita niya sa pag-aartista niya dito sa Pilipinas.

Unang beses na gaganap na macho dancer si Kristof sa pelikulang ‘Wild Boys’, ano ang naging reaksyon niya nang malaman niya na iyon ang papel niya?

“Parang na-ano ako kasi alam naman natin yung tingin ng mga tao, di ba, pag macho dancer. Tapos baka isipin ng mga kamag-anak ko ganito, ganyan.

“Pero iyon nga yung reason kaya gagawin natin itong movie na ‘to, para magbigay ng awareness sa mga tao, na hindi ibig sabihin ganito ka, ganito na yung pagkatao mo.

“Parang, this is all about survival, e. Parang kung ano yung puwede mo pang gawin sa buhay kesa magnakaw ka, alam mo yun?

“Tsaka trabaho ko ‘to e, alam mo yun? Respect lang natin yung trabaho ng bawat isa, respect each other’s hustles ba, parang ganun.”

Nasa ‘Wild Boys’ rin bilang bida ang magkapatid na Vin at Aljur Abrenica, Rash Flores, Pedro Red, Nico Locco at ang komedyanteng si Inday Garutay.

Ito ay sa direksyon ng sexy actor-turned-director na si Carlos Morales at mula sa Bright Idea Production.

(ROMMEL L. GONZALES)

AMINADO naman si Jericho Rosales na noon pa raw niya pinapangarap na makasama sa isang proyekto si Janine Gutierrez.

Ngayon ay magkasama ang dalawa sa ‘Lavender Fields’ na kung saan kasama rin sina Jodi Sta. Maria, Jolina Magdangal, Edu Manzano, Albert Martinez at Maricel Soriano.

Matatandaang ding nabanggit ni Jericho kamakailan sa isang pahayag na hanga siya sa pagiging isang magaling na aktres ni Janine.

Hindi rin naman itinanggi ni Janine na talagang malaki rin ang paghanga niya kay Jericho bilang isang aktor.

“That’s sweet to hear and I am super excited to work with him. Siyempre lahat naman tayo hinahangaan natin siya bilang artista. So masaya ako na kasama ko siya dito as Tyrone and Iris,” saad pa ni Janine.

May isyu pang lumabas na si Janine na raw ang inspirasyon ngayon ni Jericho.

Naipakilala na rin ng dalaga sa pamilya ang aktor.

“He’s really nice and funny, and sobrang okay siyang kausap. Of course, everybody knows he’s such a good actor and na-enjoy ko din ‘yung mga ekena namin together which is funny ‘coz most of the scene nag-aaway kami.

“Masaya na off camera, it’s the opposite. I think he’s great. It’s been fun getting to know and hanging out with him outside of work. Masaya naman,” lahad pa ng aktres sa isang interview.

(JIMI C. ESCALA)

KUNG ilang beses nang naging usap-usapan ang sinasabing pagpapakasal diumano nina Gerald Anderson at Julia Barretto.

Sey pa ni Gerald ay hindi raw naman niya itinatago at lalong hindi niya dapat niya ililihim ang paglagay sa tahimik Nila ni Julia.

Dagdag pa ng Kapamilyang aktor na kung sakali mang mangyayari na ito ay handa raw siyang ipaalam sa lahat ang masasabi niyang pinaka-espesyal araw na yun para sa kanilang dalawa ni Julia
“Kapag nangyari man ‘iyon, it’s not something na itatago. I’ll be proud of that,” sey ni Gerald.

Pagbibida pa niya na may mga ginagawa pa raw naman silang dalawa ni Julia na kanya-kanyang proyekto.

Para sa aktor ay yun daw muna ang bibigyan ng prayoridad nila.

“Alam kong cliché pakinggan pero ang dami pang nakalinya, even her. I’m here as a silent supporter. Grabe, alam kong pinaghirapan niya iyan.

“That’s why it’s been like this kaya kami naging okay for so many years. Kasi sinusuportahan namin ang isa’t isa,” makahulugang paliwanag ng binata.

Patuloy pa ring pinipilahan sa mga sinehan ngayon ang pelikulang ‘Un/Happy For You’ na pinagbibidahan nina Julia at Joshua Garcia, na naabot na ang 100 million mark, first box-office movie ito ng 2024.

Siyempre very much happy naman daw si Gerald at alam daw niyang sinuportahan yun ng mga fans nila, lalo na raw ang mga supporters ng loveteam ni Julia at Joshua.

(JIMI C. ESCALA)