PATULOY na namamayagpag sa Netflix ang Filipino movie na Lolo and the Kid.

Kaugnay nito, patuloy din itong umaani ng papuri at iba’t ibang reaksyon mula sa viewers.

Sa social media, mababasa at mapapanood ang ilang review at komento ng mga Pinoy tungkol sa palabas.

Ngunit bukod sa mga Pinoy, tila hook na hook rin ang ilang international viewers sa heart melting story ng Lolo and the Kid.

Ilan sa kanila ay nag-upload ng videos sa TikTok, kung saan mapapanood ang kanilang crying moments habang pinapanood ang Filipino film.

Ang Pinoy na si @neymarchael, ipinakitang naiyak ang kaniyang girlfriend na isang Korean nang mapanood nito ang pelikula.

Sulat niya sa caption ng kaniyang post sa Tiktok, “I didn’t expect her reaction about the movie.”

Ang netizen naman na si @Ashley, mapapanood na may kasamang umiiyak habang pinapanood ang last part ng pelikula.

Sulat niya, “POV: You’re watching another Filipino drama film with us and feel all the feels by allowing yourself to ugly cry during the last [five] minutes of the movie.”

Ang Lolo and the Kid ay pinagbidahan ng award-winning Filipino actors na sina Joel Torre at Euwenn Mikaell.

Tampok din dito ang singer-actor na si JK Labajo na gumanap bilang binatang version ng karakter ni Euwenn.

(RUEL J. MENDOZA)

MAGTO-TWO years na palang annulled sina Harlene Bautista at Romnick Sarmenta.

Nauna kasi yung church annulment, and then at sumunod naman yung civil.

Kaya naman sa tanong kung napag-uusapan na nina Harlene at kasintahan niyang si Federico Moreno ang tungkol sa kasal, ang sagot ni Harlene ay, “Oo. Pinag-uusapan lang, masarap naman pag-uusapan.

Dagdag pa niya, “Actually, pinag-uusapan na, tapos kung ano yung mga plano. Exciting naman. Siyempre, malalaman niyo.”

Ano nga ba ang dream wedding niya?

“Ang dream wedding ko matuloy,” at tumawa si Harlene.

“Dream kong matuloy ang wedding.”

Samantala, sa unang pagkakataon ay nag-collaborate bilang mga producer ang Heaven’s Best Entertainment ni Harlene at BenTria Productions ni Engineer Benjie Austria ng bagong pelikulang Fatherland kung saan gaganap na mag-ama sina Allen Dizon at Inigo Pascual, sa direksyon ni Joel Lamangan.

Nasa pelikula rin ang anak nina Harlene at Romnick na si Bo Bautista.

“Si Bo kasi bale, nakasama na siya ni direk Joel before, so pangalawa na niya ‘to”

Ang una ay ang pelikula noong 2021 na ‘Ang Huling Baklang Birhen Sa Balat-Lupa& na ang Heaven’s Best rin ang producer.

Sa ‘Fatherland’ ay gaganap si Bo bilang half-sister ni Inigo Pascual, at anak nina Allen Dizon at Angel Aquino.

Nasa cast rin ng movie sina Cherrie Pie Picache, Richard Yap, Ara Mina, Mercedes Cabral, Jeric Gonzales, Yasser Marta, Abed Green, Max Eigenmann, Ara Davao, Rico Barrera, Jim Pebanco at Angel Aquino, sa panulat ni Roy Iglesias.agulo at masalimuot ang takbo ng buhay sa showbiz, lalo na para sa mga kabataang artista na tulad ni Bo na babae pa; ano ang ina-advise ni Harlene kay Bo?

“Lumaban ka at parang alam ko kung ano yung pinatutungkulan mo.

“Actually, kahit saan naman, marami namang… ano nga, parang jungle nga everywhere. Kung saan mang industriya, may ganyan talaga.

“Well, ang ano naman is, I trust her, and sa tingin ko, nagmana naman sa akin yan, matapang, masungit, mataray.

“Parang siguro matatakot naman yung kung sino man yung magloloko”.

Mainit na isyu ngayon sa showbiz ang tungkol sa harassment.

“Hindi, at tsaka ano, parang yun nga, sinasabihan naman namin siya na kapag may pakiramdam kang mali, mali talaga.

“So, huwag masyado mong magtiwala. Huwag chummy-chummy, huwag masyado magtiwala. I mean, huwag naman dumating sa point na lahat na lang pinagdududahan mo, di ba?

“Dapat marunong ng discernment. Iyon talaga.

“And paano ka magkakaroon ng discernment is through…hinihingi yun sa Diyos e, pinag-pe-pray yun, na magkaroon ka ng discernment,” seryosong pahayag pa ni Harlene.

(ROMMEL L. GONZALES)

ISANG mahalagang katungkulan ang gagampanan ng aktres na si Gladys Reyes.

Sumumpa kamakailan si Gladys bilang miyembro ng Appeals Committee ng Movie and Television Review and Classification Board o MTRCB.

Sa kanyang Instagram account, ibinahagi ng aktres ang video at ilang litrato ng kanyang panunumpa sa tanggapan ni Executive Secretary of the Philippines Lucas Bersamin.

“It’s an honor to be appointed by the Office of the President as Member of the Appeals Committee of MTRCB, representing TV industry,” sulat niya sa caption ng kanyang post.

Ang MTRCB Appeals Committee ay binubuo ng limang miyembro na itinatalaga ng pangulo ng Pilipinas.

Kabilang dito ang Representative of the President na nagsisilbing Chairman ng kumite, Representative of the Press Secretary na siya namang vice chairman, at tatlo pang miyembro na Representative of the Presidential Council for Youth Affairs, Representative of the Movie Industry, at Representative of the Television Industry.

Si Gladys ang itinalaga bilang Representative of the Television Industry.

Ang MTRCB Appeals Committee ang nagre-review ng mga apela matapos ang pangalawang desisyon ng MTRCB.

Ipinaliwanag din ni Gladys kung bakit hindi niya kasama ang mister na si Christopher Roxas at kanilang mga anak.

“Sayang at wala pa ang asawa @christopherroxas at mga anak ko na nasa Australia,” saad niya.

Humingi rin siya ng gabay sa Diyos para sa bagong katungkulan niyang ito.

Kasalukuyang napapanood si Gladys Reyes sa hit GMA Afternoon Prime series na ‘Abot-Kamay na Pangarap.’

***

SIGURADONG hindi puwedeng pagpantasyahan ni David Licauco ang former Japanese adult film star na si Maria Ozawa dahil gumaganap itong nanay niya sa ‘Pulang Araw’ ng GMA Prime.

Unang eksena raw ni David with Maria ay nung sinalubong siya pagdating niya sa bahay pagkatapos ng ilang taong pamamalagi sa Japan. Aminado ang Kapuso actor na na-starstruck siya sa Japanese actress.

Nag-viral noon si David sa kanyang guesting sa ‘Family Feud’ noong January nang banggitin ng aktor ang “Ozawa,” nang hingan siya ng mga pangalang nagsisimula sa “Maria.”

Nagkomento naman si Maria sa naturang viral clip ni David at tinawag niya ito na “cute.”

Taong 2005 nung gumawa ng adult videos sa Japan si Maria gamit ang screen name na Miyabi. After five years ay nag-quit na siya sa paggawa ng adult films para maging seryosong aktres at businesswoman.

In 2015, ginawa ni Maria ang pelikulang ‘Nilalang’ with Cesar Montano. Naging boyfriend naman niya ang celebrity chef na si Jose Sarasola. Nag-break sila nung 2021.

***

SA pagbukas ulit ng kaso sa pagkamatay ng ‘Friends’ star na si Matthew Perry noong October 2023, limang tao ang inaresto na may kinalaman sa pagpanaw ng aktor dahil sa ketamine overdose.

Ang mga inaresto ay sina Dr. Salvador Plasencia and Dr. Mark Chavez, Perry’s live-in assistant Kenneth Iwamasa, drug dealer Eric Fleming and so-called “Ketamine Queen” Jasveen Sangha.

Ayon sa report ng Extra: “Sangha and Plasencia are charged with one count of conspiracy to distribute ketamine. Sangha also is charged with one count of maintaining a drug-involved premises, one count of possession with intent to distribute methamphetamine, one count of possession with intent to distribute ketamine, and five counts of distribution of ketamine. Estrada stated that Plasencia charged Perry $55,000 in cash for the ketamine.”

Plasencia faces 120 years in prison, and Sangha faces life.

Natagpuang wala ng buhay si Perry sa kanyang bahau y sa Pacific Palisades. He was floating face down sa kanyang jacuzzi. Cause of death was “acute effects of ketamine and subsequent drowning.”

(RUEL J. MENDOZA)

DAHIL sa sunod-sunod na pangagamit o mga pekeng audition ay naglabas ng press statement ang Star Magic, ang talent center ng ABS-CBN.

Tuloy-tuloy pa rin kasi ang tinatawag nating scammers sa showbiz.

Kami naman ay naniniwala na matitigil din ang mga ito kagaya ng kontrobersiyal na “pogo” na kung saan sinasabing nagpalayas kay Bamban Mayor na si Alice Guo.

Ang latest nga na raket nitong mga showbiz scammer ay isang fake audition para sa raw sa gagawing sexy film kung saan ginagamit pa ang pangalan ng head ng Star Magic at ABS-CBN TV Productions na si Direk Laurenti Dyogi.

Siyempre dahil ang masamang intensiyon ay ang makapangloko, bago raw isalang for audition ay hihingian na sila agad ng audition fee.

Dahil dito at para maiwasang dadami pa ang mabiktima kaya minabuti ng management na naglabas ng opisyal na pahayag.

Sa pahayag na nilabas ay winarningan nila ang publiko na mag-ingat sa mga ganitong klaseng pangloloko at sa mga nagpapakilalang sila si Direk Lauren.

Narito ang official statement ng Star Magic:

“We have been made aware of an ongoing scam targeting artists and colleagues in the entertainment industry, wherein the name of Star Magic head Laurenti Dyogi is being falsely used to solicit auditions for a non-existent daring or sexy film project.

“We want to stress that there is no such project and Star Magic does not conduct auditions that require anyone to engage in compromising acts.

“Any communication or message suggesting otherwise is a scam. The phone numbers provided in these messages do not belong to Direk Lauren. Please do not respond or send any personal information.

“Thank you, Kapamilya!”

***

KUNG si Julia Barretto ay may matagumpay na pelikulang ‘Un/Happy For You’, si Gerald Anderson ay bibida naman sa upcoming Kapamilya project na ‘Nobody.’

Nakaplantsa na ito and anytime soon ay magiging busy na si Gerald sa promo ng nasabing proyekto.

Sa mga nagtatanong kung sino ang magiging kapareha ni Gerald dito, siyempre hindi si Julia.

Eh, sino naman ang makakasama ni Gerald sa project na ito?

Well, walang iba lang naman kundi ang magbabalik-showbiz na si Jessy Mendiola.

Pero may chemistry ba raw ang boyfriend ni Julia at asawa ni Luis Manzano?

Well, tingnan natin, huh!

(JIMI C. ESCALA)

USAP-USAPAN at nag-viral nga ang Instagram story ni Heart Evangelista na kung saan ipinasuot niya sa alagang aso na si Panda Ongpauco Escudero ang Serpenti Viper necklace in 18k white gold, na set with full pavé diamonds na ang estimated cost daw nito ay P11 million.

Same necklace ito na suot ni Pia Wurtzbach sa kanyang post bilang newest ambassador ng Bulgari. Kaya marami ang nag-react na ang alagang aso ni Heart ang nagsusuot ng kanyang ini-endorse.

At ito pa nag-trending ang pagsusuot ng expensive necklace sa mga alagang aso, pati na rin pusa, ng followers ni Heart, na kung saan maraming nag-tag sa kanya sa Instagram.

Nakakaloka naman kasing makita na bini-baby ng marami ang mga alaga nilang aso at pusa na namamasyal na naka-stroller na aakalain mo talaga baby pero pagtingin ay mga alaga pala. And infairness, may ini-endorse si Heart na pet stroller, na hindi basta-basta lang ang presyo.

Naging palaban nga ang sagot ni Heart tungkol sa controversial necklace, nang mag-viral ito dahil sa reaction ng netizens.

“I own the necklace, you know. I can do whatever I want and pull it out. Basically, Panda owns the necklace. So, ‘di siya loan, she can do whatever she wants,” pahayag niya sa kanyang TikTok Live.

Matatandaang nagsimula ang hidwaan sa pagitan nina Heart at Pia nang kunin ng beauty queen ang serbisyo ng dating glam team ng asawa ni Senate President Chiz Escudero.

Doon nagsimula na palagi nang pinagtatapat ang dalawa lalo nga’t pareho silang active na active sa fashion world at parehong nag-i-endorse ng iba’t ibang luxury brands.

(ROHN ROMULO)