2024 July 10 Archive - People's Balita

Archive for July 10th, 2024

Temporary at improvised plates hindi na papayagan simula Aug. 1

Posted on: July 10th, 2024 by @peoplesbalita No Comments

NAGLABAS ang Land Transportation Office (LTO) ng Memorandum Circular No. VDM-2024-2721 para sa guidelines ng paggamit ng improvised at temporary plates.

Nakasaad dito na hindi na papayagan ang paggamit ng improvised at temporary plates simula sa darating na August 1.

“The absence of backlog in the production of motor vehicle plates vis-à-vis our continuous improvement and alignment of policies with current standards and practices, the use of all improvised and temporary plates is revoked, which will take effect on August 1,” ayon sa memo.

Subalit kung ang sasakyan ay may non-LTO issued plate, ang permit na binigay ng LTO district/extension office ay valid sa loob kung hanggang kailan ito pinapayagan ng LTO na gamitin habang ang may-ari ng sasakyan ay naghihintay pa ng replacement plate.

Ang temporary vintage plates naman ay kinailangan may nakalgay na “Vintage Vehicle” at ang model year sa sasakyan. Ang may-ari ng ganitong sasakyan ay hindi na kailangan ang permit upang gamitin ito subalit dapat ito ay kasya sa paglalagyan ng license plate.

Habang ang bago na four-wheeled na sasakyan ay pinapayagan lamang na gamitin ang dealer plates sa loob ng 15 araw mula sa issuance ng sales invoice. Kinakailangan din na may conduction sticker number ito upang hindi ito makaparehas ng ibang sasakyan. Kailangan din na ito ay color-coded katulad ng tamang plate.

Ang pribadong sasakyan ay dapat may puting background na may itim na characters. Habang ang electric at hybrid na sasakyan naman ay may puting background na may green na characters. Sa mga sasakyan naman ng pamahalaan, ito ay dapat may puting background na may pulang characters.

Sa mga motorcycles naman na bagong bili pa lamang, ito ay papayagan na gamitin ang temporary at improvised plate sa loob lamang ng 15 araw mula sa issuance ng invoice. Ang mga motorcycles na binili bago ang January 1, 2023 ay papayagan na gamitin ang temporary at improvised plates na may MV File Number na nakalagay hanggang ang actual plate ay di pa dumarating.

Nang mga nakaraan taon, ang license plates issuance ay naging problema ng LTO dahil sa backlog at dahil na rin sa nagkalat na vanity plates. LASACMAR

Mas mataas na bilang ng dadalo sa SONA, inaasahan

Posted on: July 10th, 2024 by @peoplesbalita No Comments

Tinataya ni House Secretary General Reginald Velasco, sa isinagawang press briefing nitong Martes, na ang attendance sa State of the Nation Address (SONA) ngayon taon ay pinakamalaki base sa ginawang kumpirmasyon na natanggap ng kanyang tanggapan mula sa ma imbitadong bisita.

“We may be opening some viewing rooms for the additional guests kasi overwhelming yung nag-confirm na pupunta sila dito (sa House) sa SONA. So far, we have received confirmation from over 2,000 guests, including House members and members of the Senate who will be joining the Joint Session to hear the SONA of the President,” ani Velasco.

Sinabi pa ng opisyal na may ilang miyembro ng kamara ang humiling na makapagsama ng 10 hanggang 20 bisita sa pagdalo nila sa sona na kinabibilangan ng mga mayors, vice mayors, kaanak at local leaders sa kanilang distrito o probinsiya.

“Ang rule kasi namin, House member plus one usually ung asawa nila except for some. Yung iba kasi may kasamang governor or relative na high-ranking official. We give them the courtesy,” paliwanag nito,

Sinabi pa ni Velasco na ang plenary hall ay may 1,312 upuan. Dala na rin sa dagdag na bisita ay maglalagay sila ng 502 monobloc chairs na inaasahan na magdadala sa total na bilang na 1,814 ang upuan sa plenary hall.

“We’re trying to have additional chairs doon kahit sa second and third galleries. Maglalagay kami ng additional monobloc doon just to accommodate these numerous requests coming from House members and other agencies,” pahayag ni Velasco.

Maglalaan din aniya sila ng karagdagang viewing rooms sa Batasan Complex kung hindi sila kayang maisama sa plenary hall.

Sinabi pa ni Velasco na inimpormahan naman sila nina dating Vice Presidents Leni Robredo at Jejomar Binay na hindi makakadalo sa SONA habang hinihintay pa ang kumpirmasyon mula naman kay Vice President Sara Duterte.

“We are inviting all these former Presidents, former Vice Presidents, former Senate Presidents, former Speakers. And so far, we have not received confirmation from former President Duterte. We have much leeway doon sa mga VIPs. They can confirm or cancel at the last minute. That’s the privilege of the VIP guests. We cannot impose any deadline on the VIPs,” ayon pa sa kanya.

Nasa 47 ambassadors ang nagkumpirma na dadalo kabilang na ang Tsina at United States. (Vina de Guzman)

Bigas, mas magiging mura ng P5 kada kilo na may tapyas sa taripa -Recto

Posted on: July 10th, 2024 by @peoplesbalita No Comments

IGINIIT ni Finance Secretary Ralph Recto na ang bagong polisiya ng gobyerno sa pagbabawas sa taripa sa imported rice ay maaaring makapagpababa sa retail price ng bigas ng P5 kada kilo.

“This, in turn, could ease inflation further,” ayon kay Recto.

Sa pagsasalita sa Economic Forum na inorganisa ng Economic Journalists Association of the Philippines at San Miguel Corp, sinabi ni Recto na layon ng Executive Order sa pagbabawas sa taripa imported rice ay tugunan ang kasalukuyang rice-driven inflation dahil sa tumataas na presyo sa global market.

“By slashing the tariff on imported rice from 35 percent to 15 percent, we anticipate an average of 10 percent reduction in retail prices for the rest of the year. This could lower the price of rice by at least P5 per kilo from an average of P54.40 per kilo last June, prices could go down to below P50 as early as August,” ang sinabi ni Recto.

Iniulat din nito na nito lamang nakaraang buwan ng Hunyo, “the rice accounted for 53.5 percent of the overall inflation for average consumers, while it is 79.6 percent for those in the bottom 30 percent of households.”

Gumaan naman ang Inflation noong Hunyo sa 3.7% sa loob ng 2 hanggang 4 na porsyentong target ng gobyerno.

Samantala, sinabi naman ni Bangko Sentral ng Pilipinas Governor Eli Remolona na ang presyo ng bigas ang dahilan ng inflation simula pa noong Agosto 2023.

Sinabi ni Remolona na noong 2022, ang pinakamalaking dahilan ng inflation ay enerhiya kabilang na ang ‘utilities and transport’ at matapos ang ilang buwan, ito naman ay dahil sa ‘food and non-alcoholic beverages hindi pa kasama ang bigas. Nang tumuntong na aniya ang buwan ng Agosto ng nakaraang taon, ang bigas na ang nag-take over’ sa dahilan ng inflation at sa kasalukuyan ay nananatiling nangunguna na dahilan ng inflation.

“The roles of the different components changed over time. That’s the nature of supply-driven inflation. This is why we think the non-monetary measures that the government has put in place are so helpful,” ayon kay Remolona.

Sa kabilang dako, Idinagdag naman ni Recto na ang bagong polisiya ay tugon ng pamahalaan sa tumataas na presyo ng bigas, naniniwala siya na walang TRO o temporary restraining order laban sa EO gaya ng nais ng ilang grupo.

“The EO will lead to revenue losses for the government amounting to P9.2 billion pesos for the rest of the year, but that the welfare of households is important,” ayon kay Recto.

“They have more to spend on other things. It’s like a wage increase, but not inflationary,” dagdag na wika ang Kalihim sa posibleng pagbabawas sa presyo ng bigas. (Daris Jose)

Binay inireklamo na sa Ethics si Cayetano

Posted on: July 10th, 2024 by @peoplesbalita No Comments

PORMAL nang naghain ng reklamo si Sen. Nancy Binay laban kay Sen. Alan Peter Cayetano nitong Lunes sa Senate Committee on Ethics and Privilege.

Partikular na inireklamo ni Binay ang pagtawag sa kanya ni Cayetano ng ‘marites’, isang popular na tawag ng mga Filipino sa mga tsismosa.

Binanggit din ni Binay ang akusasyon sa kanya ni Cayetano na nanggugulo sa pagdinig ng Senate committee on accounts tungkol sa mga isyu na may kinalaman sa New Senate Building.

Inilagay din ni Binay sa kanyang reklamo ang pagtawag sa kanya ni Cayetano ng “buang.”

“Paulit-ulit na tayo kanina pa na P21.7 billion. Nabuang ka na ‘day,” sinabi ni Cayetano kay Binay sa pagdinig.

Sinabi ni Binay na maliwanag sa Senate Rules na ituturing na “unparliamentary” ang paggamit ng mga nakakasakit na mga pananalita laban sa kapwa senador o anumang public institution.

Nilabag umano ni Cayetano ang Section 93 at 94 ng Rule 34 na nagbabawal sa paggamit ng unparliamentary act at languages sa pamamagitan ng kanyang mga statements sa public hearing noong Hulyo 3, 2024 at Republic Act No. 9710 o Magna Carta of Women.

Nauna rito, sinimulan ni Cayetano ang pag-iimbestiga sa New Senate Building matapos ipag-utos ni Senate President Francis “Chiz” Escudero ang pagrepaso sa halaga ng konstruksyon nito, na sinasabing aabot sa mahigit na P23 bilyon.

Sa panayam, sinabi ni Binay na hindi na niya papalampasin ang mga banat sa kanya ni Cayetano.

“Hindi lang ito tungkol sa akin. Nanay ako. May mga anak ako at alam ko ang mga pinagdaanan ng mga bata noong tinitira niya ‘yung pamilya ko noong 2015 and parang during this time, I cannot let it pass anymore,” ani Binay. (Daris Jose)

PSA magsisimulang mangolekta ng data sa Hulyo 15 para sa 2024 census

Posted on: July 10th, 2024 by @peoplesbalita No Comments

NAKATAKDANG mag-deploy ang Philippine Statistics Authority (PSA) ng 70,000 enumerators sa iba’t ibang bahagi ng bansa para mangolekta ng impormasyon kaugnay sa populasyon ng bansa at listahan ng mga benepisaryo ng ‘social protection initiatives.’

Sinabi ng PSA na ang enumeration period ay opisyal na magsisimula sa susunod na Lunes, Hulyo 15, 2024, matapos ipag-utos ni Pangulong Ferdinand Marcos Jr. ang census update sa listahan ng mga beneficiary ng social protection programs ng gobyerno.

Ang inisyatiba ay gagawin sa pamamagitan ng Community-Based Monitoring System (CBMS) ng PSA, na isasama sa Census of Population (POPCEN) bago pa ang original na iskedyul sa 2025.

“Data derived from this activity will serve as our nation’s driving force, fueling the government’s social and economic development plans, policies, and programs that would benefit every Filipino,” ayon kay national statistician Claire Dennis Mapa.

“It’s a cost-efficient strategy, and we, at the PSA, remain committed to our mission to deliver relevant and reliable statistics to stakeholders,” aniya pa rin.

Ayon sa PSA, ang data mula sa POPCEN-CBMS ay magsisilbi bilang basehan para sa target na buong pamilya sa pagpaplano, pagbalangkas at implementasyon ng mga programa at proyekto na naglalayong bawasan ang kahirapan sa bansa.

Noong nakaraang Nobyembre, si Pangulong Marcos, sa pamamagitan ni Executive Secretary Lucas Bersamin ay nagpalabas ng Memorandum Circular 40 kung saan inaprubahan ang Philippine Population and Development Plan of Action (PPD-POA) para sa 2023 hanggang 2028.

Nakasaad sa circular na ang PPD-POA ay magsisilbi bilang ‘overall blueprint’ para sa inter-agency collaboration sa pagsisikap na “to optimize demographic opportunities” at tugunan ang nananatiling mga hamon sa populasyon. (Daris Jose)

Young Guns dinepensahan si Rep. Migs Nograles laban sa paratang ng pamumulitika

Posted on: July 10th, 2024 by @peoplesbalita No Comments

NAGSAMA-SAMA ang mga kongresista na tinaguriang Young Guns ng Kamara sa pagtatanggol kay PBA Partylist Rep. Migs Nograles, na pinaratangan ng pamumulitika sa pamamahagi tulong ng Department of Social Welfare and Development (DSWD) ni Davao City Rep. Paolo Duterte.

“We, the Young Guns, stand united in our support for Rep. Migs Nograles. Her work in ensuring that the DSWD funds reach those most in need is beyond reproach. This unfounded criticism only serves to distract from the real issues at hand and undermines the efforts of those truly working for the welfare of our citizens,” ayon kay Rep. Jil Bongalon ng Ako Bicol Partylist.

“Rep. Migs Nograles has always been a paragon of dedication and integrity in her service to the people. It is disheartening to see her commitment questioned by those who, perhaps, should reflect on their own attendance and participation in House sessions,” ayon kay Bongalon.

Sinabi naman ni Rep. Cheeno Almario ng Davao Oriental: “It is clear that Rep. Nograles’s actions have been misrepresented. The notion that she is using these funds for political gain is not only false but an insult to her dedication to public service.”

“We urge Rep. Duterte to check his facts and perhaps attend more sessions to fully grasp the complexity of our roles and the stringent processes we adhere to,” ayon kay Almario.

Binigyan diin pa ni Almario, “Rep. Duterte’s claims are not supported by the facts. The DSWD’s records and the transparency of fund allocation speak for themselves. Rep. Nograles’s efforts should be commended, not condemned. Let us work together to ensure that aid reaches those who need it most, without the distraction of baseless accusations.”

“If Rep. Duterte attended more sessions and engaged with his colleagues, he would see the transparency and rigor with which we operate. Rep. Nograles has done nothing but uphold the highest standards of integrity in her work. We must not let baseless accusations distract us from our primary mission of serving the people,” ayon pa sa mambabatas mula sa Davao Oriental.

Paliwanag naman ni Rep. Zia Alonto Adiong, “The DSWD’s distribution of aid is based on need and urgency, not on political favoritism. Rep. Nograles has consistently demonstrated her commitment to this principle. We must focus on constructive dialogue and collaboration rather than unfounded accusations that serve no one but personal agendas.”

Nakikiisa rin si Adiong sa paninindigan ng kaniyang mga kasamahan sa pagtatanggol kay Nograles: “We, the Young Guns, know firsthand the tireless work that Rep. Nograles puts into her role. The accusations leveled against her are baseless and detract from the critical work being done to support our most vulnerable citizens. It is vital that we remain focused on our legislative duties and avoid the pitfalls of political maneuvering.”

Sa panig naman ni Rep. Rodge Gutierrez ng 1-Rider Partylist, “Rep. Migs Nograles has always placed the needs of her constituents above all else. Her dedication to ensuring that DSWD funds are allocated fairly and efficiently is a testament to her commitment to public service. These unfounded accusations from Rep. Duterte only serve to undermine the hard work of those truly dedicated to helping the poor and needy.”

Dagdag pa ni Gutierrez, “The attacks on Rep. Nograles are not only baseless but also counterproductive. Her efforts to secure and distribute DSWD funds are in line with her unwavering commitment to public service. Rep. Duterte should be more aware of the facts before making such serious accusations.”

Sinabi naman ni Rep. Paolo Ortega ng La Union, “Rep. Migs Nograles’s track record speaks for itself. Her integrity and dedication to public service are evident in every action she takes. It is disappointing to see her work questioned by those who may not fully understand the processes and challenges we face.”

Habang sa panig ni Rep. Jay Khonghun ng Zambales sinabi nito na “Our focus should be on cooperation and effective governance, not on political squabbles. Rep. Nograles’s dedication to her constituents and her transparent handling of funds are commendable. We, the Young Guns, stand with her and call for a return to constructive discourse.”

Giit pa ni Khonghun, na mas mauunawaan ni Duterte ang paglaaan at distribusyon ng pondo kung aktibo siya sa pagdalo sa mga talakayan sa Kamara.

“Had Rep. Duterte been more active in House sessions, he would have appreciated the complexities of fund allocation and distribution. Rep. Nograles has always been transparent and accountable in her actions. We must move past these baseless accusations and focus on serving our constituents effectively.” (Vina de Guzman)

Finnish envoy, pinasalamatan si PBBM sa muling pagbubukas ng PH embassy sa Helsinki

Posted on: July 10th, 2024 by @peoplesbalita No Comments

PINASALAMATAN ni Outgoing Finnish Ambassador Juha Markus Pyykkö si Pangulong Ferdinand R. Marcos Jr. para sa muling pagbubukas ng Philippine embassy sa Helsinki, Finland ngayong taon.

Sa kanyang farewell call kay Pangulong Marcos sa Palasyo ng Malakanyang, araw ng Lunes, nagpahayag ng matinding kagalakan si Pyykkö sa muling pagbubukas ng Philippine Embassy sa Finnish capital.

“I’m extremely happy that the Philippines is reopening in Helsinki. So, thank you for that. It’s very, very interesting,” ang sinabi ni Pyykkö kay Pangulong Marcos, ayon sa ipinalabas na news release ng Presidential Communications Office (PCO).

Para naman sa Pangulo, mahalaga na muling mabuksan ang Philippine Embassy sa Helsinki dahil mas mapalalakas nito ang relasyon sa pagitan ng Pilipinas at Finland, na itinatag noong Hulyo 14, 1955.

“It will be beneficial not only for the two countries but “for everyone else,” ayon sa Chief Executive.

“These relationships provide us a solid footing in terms of our relationships around them with not only amongst ourselves, but [also] with other countries,” ang winika ni Pangulong Marcos.

Sa ulat, isinara ang Philippine Embassy sa Helsinki noong Oktubre 2012.

Inaprubahan naman ng Senado ang muling pagbubukas nito sa isinagawang budget hearing noong Nobyembre 2022.

Bukod kay Pyykkö, nagkaroon din ng farewell call si Irish Ambassador William John Carlos kay Pangulong Marcos, araw ng Lunes sa Palasyo ng Malakanyang.

Sinabi ni Carlos na mahirap para sa kanya na iwan ang bansa lalo pa’t ‘attached’ na siya sa pagiging hospitable ng mga filipino at sa mayamang kultura ng bansa.

“[What] I like about here as well is the accessibility of the people. And the humor, it’s something that we connect with,” ayon kay Carlos.

“There’s a lot of connection between my country and your country. There’s a growing relationship between Ireland and the Philippines,” dagdag na pahayag ni Carlos.

Sinabi naman ni Pangulong Marcos na masaya siya na malaman na nagkaroon ng ‘wonderful stay’ si Carlos sa bansa at nagawa nitong bisitahin ang Ilang lugar sa Pilipinas.

Samantala, naitatag naman ang diplomatic relations ng Pilipinas at Ireland noong July 1984. (Daris Jose)