SA latest Instagram post ni Kris Aquino, na birthday pa rin niya, oras sa Amerika, ay nag-sorry siya sa kanyang inaanak sa kasal na si Dingdong Dantes, na dumalaw sa kanya sa Los Angeles, apat na oras daw silang nagkuwentuhan.

Sa halip kasi na Dingdong Dantes ay “Dingdong Avanzado” ang nabanggit ni Kris sa live interview via Zoom ng ‘Fast Talk With Boy Abunda’ noong February 14, oras sa Pilipinas.

Hindi na nga nagkaroon ng pagkakataon si Queen of All Media na itama ang kanyang pagkakamali sa talk show ni Boy Abunda.

Panimula ng kanyang IG post, “Boy & @gmanetwork THANK YOU for allowing me to spend my birthday with you & the🇵🇭.”

Kasunod nito, ang paghingi niya ng paumanhin kay Kapuso Primetime King.

“My BP was going haywire before I went live, that’s why I said Avanzado instead of DANTES – I’m sorry @dongdantes.”

Dagdag paliwanag pa ni Kris, “Yes, because of Churg Strauss I now have cardiomyopathy. This means my heart muscles are having trouble pumping blood due to inflammation, and because of that inflammation, it’s exhausting my heart and causing it to begin to fail and ultimately, please pray with me- sana hindi tuluyang sumuko or mag CARDIAC ARREST.

“Please help me pray for my doctors and my nurses so that God will continue to guide them as they try to heal me. I have always believed in sharing the TRUTH no matter how painful with all of you. Why? “Because sinamahan nyo ako sa laban. Sana wag tayong sumuko sa ating pananampalataya na nakikinig ang Diyos sa mga Dasal ng buo ang tiwala sa Kanya.”

Ramdam na ramdam naman ang sumunod niyang mensahe para sa kanyang mga anak, kapatid, kamag-anak at kaibigan.

“Just in case this is the last birthday I get to celebrate here on earth, THANK YOU kuya & bimb for the most precious privilege of being chosen to be your mom.

“THANK YOU to my sisters for their love & generosity. THANK YOU to my small but very close circle of cousins & friends who have shared my life and their lives with me. THANK YOU to all of you for making all my childhood dreams come true.

“Pa birthday n’yo na please- i have a few loved ones and dear friends battling very difficult illnesses as well. PLEASE PRAY FOR THEM, too.”

Panghuli ng kanyang post ay ang kagustuhan niyang mabuhay pa ng mas matagal.

“I still want to live, I know the odds are against me- dahil ang puso hindi pwedeng diktahan pero sana sa tulong ng dasal nyo mabigyan pa ko ng konting extension. YOU HAVE MY LOVE & ETERNAL GRATITUDE.

“Happy Valentine’s Day. [four different colors of heart] (year of the pig’s lucky & healing colors for 2024).”

Nag-comment naman si Dingdong sa post ni Kris ng, “Ninang, please know that we are here for you. On your special day, we thank God for giving you to us, as you are truly a blessing to many!”

Ilan pa sa bumati sa kanyang kaarawan ay si Jinkee Pacqiuao, “Happiest birthday Mare! God is merciful. He is our ultimate healer. Be strong in the Lord and in His mighty power.

“By His stripes you will be healed” In Jesus Name!”

Comment naman ni Darla Sauler, “Walang last birthday. More birthdays to come! Nanalig ako ng buo you’ll get better.”

Bumati rin na may kasamang dasal sina Aga Muhlach, Lorna Tolentino, Darren Espanto, Vina Morales, Chesca Garcia Kramer at marami pang iba.

Samantala, sa naging interview ni Kris, ganun-ganun na lang ang pasasalamat niya kay Boy. At sinabi nitong kailangan nang umuwi nina Bimby at Joshua, at inihabilin na rin ang mga ito kay King of Talk, na itinuturing na niyang kapatid.

“I want to take this opportunity Boy, na magpasalamat sa ‘yo. Because nangako ka sa akin, at ‘yun ilan sa malapit na kaibigan ko at mga kapatid kong babae, na kung ano man ang mangyari sa akin, may dalawa akong kaibigan na lilipad dito, para samahan ang two boys.

“And you also promised me, sorry dun sa show mo, pag may nabalitaan ka at tawagan ka ni Alvin (Gagui), sasakay ka agad ng eroplano to be here with me.

“I love you so much and I’m entrusting Bimb with you. Because the two will actually be going home, in two weeks.

“Why, did I decided this? Because naaawa ako doon sa dalawang bata. Kasi ako, makukulong na ako sa bahay. Pupunta na lang at lalabas ako para makita ang doktor.”

Patuloy at walang ngang humpay ang pagdarasal ng mga kaibigan at netizens na sana’y gumaling si Kris at humaba pa ang kanyang buhay para sa kanyang dalawang anak.

In Jesus name, Amen!

(ROHN ROMULO)

MUNTIK maging biktima ng panggagahasa ang Vivamax actress na si Aiko Garcia.

Lahad ni Aiko, “Muntikan, muntikan! Mga ten years ago. Nasa grade school ako. Nagkataon lang na mag-isa ako sa house and good thing naman alert ako that time.”

Kilala ni Aiko ang kapitbahay nila na nagtangka siyang halayin.

“Sinadya niya, I mean motive niya iyon, knowing na mag-isa ako that time,” pagpapatuloy na kuwento ni Aiko.

“Good thing, siguro by ano na rin, by God’s protection. Hindi ako natulog ng maaga that time, I stayed up late tapos nagtaka ako na bakit parang may tao na palakad-lakad sa labas ng bahay.

“So naging alerto ako that time. So pinapakinggan ko lang and then nagkaroon talaga siya ng chance na makapasok. So nung time na yun nakatakbo na ako sa labas.

“Sinandalan ko lang muna yung door, inantay ko, pinapakinggan ko yung lakad niya, ganyan, so nung nakapasok na siya tumakbo na ako palabas ng bahay kasi kapitbahay ko rin naman yung tita ko.”

Hindi na raw nagreklamo si Aiko.

“Kasi takot ako sa gulo, something like that. Ayoko ng eskandalo whatsoever kasi baka mamaya… uso din yung victim-blaming, iyon din yung ikinakatakot ko so wala.

“Ang ipinagpapasalamat e hindi nangyari.”

Mag-isa lamang siya that time sa bahay nila dahil nagtatrabaho pareho ang parents niya.

Nasa edad dose-trese raw siya noong nangyari iyon.

May rape scene si Aiko (bilang si Amy) sa pelikulang ‘Palipat-Lipat Papalit-Palit’ sa direksyon ni Roman Perez, Jr. at kasalukuyan na ang streaming sa Vivamax, nasa pelikula rin sina Denise Esteban (bilang si Edna) at Victor Relosa (bilang si Larry), ang mag-asawang magugulo ang pagsasama sa pagdating ng misteryosang babaeng si Amy.

***

NAGULAT kami sa rebelasyon ni Geneva Cruz na minsan isang panahon ay tumira siya sa bahay nina Kris Lawrence at Jay-R na parehong RnB singers.

Nangyari iyon noong naghiwalay sila ng dati niyang karelasyon na si KC Montero matapos ang sampung taon nilang samahan.

“You know, Kris and I had lived together,” umpisang kuwento ni Geneva.

“Pangit pakinggan, ‘no? But we did kina Jay-R before noong nag-separate kami ni KC.

“I stayed with them… mga one year din yun.”

Iisa ang manager nina Geneva, Kris at Jay-R, si Arnold Vegafria o ALV. Nagkataon rin na magkakabigan sina Kris, Jay-R at KC kaya sa mga ito nakituloy si Geneva after theor breakup.

“Mas gusto na ni KC noon na sa kanila ako dahil kilala niya rin sila,” wika pa ni Geneva.

Pero matapos ang ilang panahon ay umalis na rin si Geneva sa poder nina Kris at Jay-R, hindi naman rin daw maaaring habambuhay na siyang doon manirahan.

Nananatili ang friendship nina Geneva at Kris; sa katunayan may tatlong gabing Valentine show na ‘King and Queen of Hearts’ sa The Palace, Olongapo City last February 13, 14 and 15.

Ang The Palace ay bagong bukas na premiere entertainment manor sa Olongapo City na pag-aari ni ALV.

(ROMMEL L. GONZALES)

NAG-OPEN up ang mga bida ng pelikulang ‘I Am Not Big Bird’ na sina Enrique Gil, Nikko Natividad, Red Ollero at Pepe Herrera tungkol sa body insecurities.

Inamin ni Gil na pawisin ang kanyang mga palad.

“Pasmado po kasi ako, so sweaty hands. So alam niyo na kapag may ka-holding hands, oh my gosh, basa! Sorry pasensiya na, pasmado ako.”

Si Nikko naman ay problema ang pimples.

“Sa akin po tagyawat sa mukha. Minsan may season kasi na may tagyawat ka, tapos napagkakamalan ka ng tao hindi ka nagpapalit ng punda!”

Si Red naman ay ang kanyang pagiging mataba.

“Siyempre lahat naman tayo may body insecurities and body type and everything. Ako naman nakaka-cope. Pero siyemore every now and then titingnan mo ang sarili mo, ‘ang taba mo.’”

Si Pepe naman ay may kinalaman sa buhok sa ilong.

“Di ba minsan kapag gumaganyan ka, lumalabas ang buhok mo sa ilong. Ito naman insecurity ko growing up, pero ngayon I am starting to outgrow it lalo na nasa industriya tayo ng pagpapatawa.”

***

NAGLABAS ng pahayag ang GMA Network para bigyan ng babala ang publiko laban sa mga scammer na ginagamit ang upcoming Kapuso series na ‘Encantadia Chronicles Sang’gre’, at kunwaring may audition.

“GMA Entertainment Group is again warning the public against online scammers posting about fake auditions for “Encantadia Chronicles: Sang’gre. The perpetrators are wrongfully using the name of GMA Network to ask for money and/or solicit private photos and information. Victims of these fake auditions are encouraged to report to the authorities,” ayon sa pahayag.

Ayon sa GMA Entertainment Group, walang ongoing audition para sa naturang proyekto sa ngayon.

“All official announcements are posted on GMA’s official social media accounts.”

Sa direksyon ni Mark Reyes, ang Encantadia Chronicles: Sang’gre ay pagbibidahan nina Bianca Umali, Faith Da Silva, Kelvin Miranda at Angel Guardian.

Kasama rin sina Rhian Ramos, Glaiza de Castro, Sanya Lopez, Rocco Nacino, at Solenn Heussaff.

***

PUMANAW na sa edad na 88 ang veteran broadcaster at dating anchor ng GMA Balita na si Mike Lacanilao.

Ang malungkot na balita ay kinumpirma ng asawa ni Mike na si Anna Francisca Castañeda-Lacanilao, ayon sa ulat ng GMA News “24 Oras” nitong Lunes.

Naging co-anchor noon si Mike ng GMA Balita, na isa sa mga news and public affairs shows ng Kapuso network noong 1990s.

Siya rin ang presidente ng Febias College of Bible mula 1976 hanggang 1982.

Nagkaroon ng joint memorial service para kay Mike na ginawa sa Greenhills Christian Fellowship sa Ortigas noong Martes, Feb. 13.

Bubuksan naman sa publiko ang kaniyang burol sa Huwebes, sa Sucat, Parañaque bago siya ihatid sa huling hantungan.

(RUEL J. MENDOZA)