2023 September Archive - People's Balita

Archive for September, 2023

Itatagal volcanic smog mula sa Bulkang Taal, hindi pa matukoy – PHIVOLCS

Posted on: September 23rd, 2023 by @peoplesbalita No Comments

HINDI pa matukoy sa ngayon ng Philippine Institute of Volcanology and Seismology kung hanggang kailan magtatagal ang nararanasan volcanic smog mula sa Bulkang Taal.

Ayon sa PHIVOLCS, hangga’t nagpapatuloy ang pagbubuga ng sulfur dioxide ng Bulkang Taal ay magtutuluy-tuloy din ang nararanasang vog sa ilang bahagi ng Luzon.

Ayon sa ahensya, batay sa kanilang monitoring ay patungong kanluran ang direksyon ng mga ibinubugang sulfur dioxise ng nasabing bulkan na nakakaapekto sa mga bayan ng Tuy, Calaca, Balayan, at Nasugbu sa Batangas.

Kaugnay nito ay mayroong discretion ang mga lokal na pamahalaan na magpatupad ng evacuation sa mga residente kung kinakailangan.

Batay sa bulletin ng PHIVOLCS, limang volcanic tremors lamang na tumagal ng hanggang 575 mins. ang kanilang naitala mula alas-5 ng umaga kahapon, hanggang alas-5 ng umaga kanina.

Habang ang sulfur dioxide emission naman ay tumaas mula 4,322 tonelada noong Martes hanggang 4,569 tonelada noong Huwebes. (Daris Jose)

Phivolcs, pinagsusuot ng N95 mask ang publiko vs Taal volcanic smog

Posted on: September 23rd, 2023 by @peoplesbalita No Comments

NAGLABAS ng babala ang Philippine Institute of Volcanology and Seismology (Phivolcs) nitong Biyernes ukol sa volcanic smog o vog na mula sa Bulkang Taal, bagay na nakataas sa Alert Level 1.

Ayon sa state volcanologists, ang “vog” ay uri ng gas na acidic at nagdudulot ng irritation sa mata, lalamunan, at sa respiratory tract depende sa kung gaano kadaming gas ang malalanghap at haba ng exposure dito.

“Vog has been affecting the Taal Region since the first week of September 2023 as an average of 3,402 tonnes/day SO2 has been degassed from Taal Volcano for the month,” sabi ng Philvolcs sa isang abiso sa kanilang Facebook page.

Naglabas ang Bulkang Taal ng higit 4,569 tonelada ng sulfur dioxide (SO2) sa nagdaang araw habang may isang malaking ulap nito ang namataan sa bandang kanluran ng bulkan nitong Huwebes.

Nagbabala rin ang ahensya na maaaring malaki ang maging epekto nito sa mga taong mayroong asthma, lung at heart disease, sa mga nakatatanda, mga buntis, at mga bata.

Pinagbabawalan pa rin ang mga sumusunod kaugnay ng bulkan:

Pagpasok sa Taal Volcano Island o TVI, lalo na sa Main Crater at Daang Kastila fissures, at pamamalagi sa lawa ng Taal

Paglipad ng anumang aircraft malapit sa tuktok ng bulkan

Bukod pa riyan, maaari pa rin daw asahan ang mga sumusunod:

biglaang pagputok ng steam o phreatic explosions

volcanic earthquakes

manipis na ashfall

pag-ipon o pagbuga ng mga nakalalasong gas

Inabisuhan ng Philvolcs ang mga lugar na apektado ng vog na:

Limitahan ang exposure dito sa pamamagitan ng pag-iwas sa outdoor activities, pananatili sa loob ng bahay, at pagsara ng mga bintana at pinto upang maiwasan ang vog

Protektahan ang sarili sa pamamagitan ng facemask, partikular na ang N95 facemask.

Pag-inom ng tubig upang maiwasan ang irritation sa lalamunan at paghingi ng tulong sa mga doktor o lokal na health unit kapag naapektuhan nito.

Kaugnay nito, sinuspinde ang klase sa ilang mga lugar sa Metro Manila, Cavite, Batangas, at Laguna dahil sa panganib sa kalusugan na dulot ng vog.

Ipinaalala rin ng DOST-Phivolcs na nananatiling “abnormal” ang kondisyon ng Taal Volcano ngayong nakataas ang Alert Level 1, at hindi raw maaaring tignan bilang pagtatapos ng eruptive activity.

Maaari raw itong itaas pabalik ng Alert Level 2 kung sakaling magkaroon ng uptrend o pronounced change sa mga binabantayang parameters. (Daris Jose)

Mula sa nakatatakot na si Padre Salvi: JUANCHO, level-up ang pagiging kontrabida sa ‘Maging Sino Ka Man’

Posted on: September 23rd, 2023 by @peoplesbalita No Comments

MULA sa nakatatakot na pagganap bilang si Padre Salvi sa ‘Maria Clara At Ibarra’, muling katatakutan si Juancho Triviño sa bagong role niya as Gilbert sa Kapuso special series na ‘Maging Sino Ka Man.’

Sey ni Juancho ay mag-level up pa ang inis ng mga tao sa bagong kontrabida character niya dahil gusto niyang ipaligpit si Monique na ginagampanan ni Barbie Forteza.

Nakakikilabot nga ang dialogue ni Juancho na: “Find her now and finish her!”

Pinost ni Juancho sa Instagram ang kanyang bagong Villain Squad na kinabibilangan nina Jeric Raval, Antonio Aquitania at Juan Rodrigo.

“My villain era diary… Na eenjoy ko itong kontrabida roles ah, to be honest. Im sure iba ang experience nyo pag napapanood ako, pero IRL bati tayo ah? Sports lang,” caption pa ni Juancho.

***

IPINAKILALA na ang star-studded cast ng upcoming Philippine adaptation ng hit K-drama series na Shining Inheritance sa naganap na story conference kamakailan.

Ang Shining Inheritance ay kilala rin bilang Brilliant Legacy na napanood sa Kapuso network noong 2009.

Isa sa lead stars ng upcoming series ay ang Sparkle actress na si Kate Valdez.

Ibinahagi ni Kate na palaban ang kanyang gagampanang karakter sa Philippine adaptation ng Shining Inheritance.

“Palaban po ‘yung character ko rito pero hindi pa-kontrabidang palaban. Palaban siya because of survival instincts,” pagbabahagi niya.

Masaya si Kate na mapabilang sa cast ng Shining Inheritance at excited na siyang makatrabaho ang kanyang co-stars.

“Excited ako and I feel so blessed and happy na isa po ako sa napili na mag-portray ng isang role dito sa Shining Inheritance. Excited ako sobra na makatrabaho ‘yung mga actors na hindi ko pa nakakatrabaho.

“Mostly dito, si Kyline and si Paul pa lang ‘yung nakaka-work ko and the rest hindi pa. So I’m very excited and happy and blessed.”

Ayon pa kay Kate, kabilang sa kanyang gagawin na paghahanda para sa role niya sa serye ay ang pagsailalim sa acting workshop.

“Memorizing the script, familiarization, workshop, and relationship workshop with the other actors din,” sey ng Kapuso star.

Ang Shining Inheritance ay pagbibidahan nina Kate Valdez, Kyline Alcantara, Michael Sager, , Paul Salas, at Ms. Coney Reyes.

Makakasama rin sina Glydel Mercado, Wendell Ramos, Aubrey Miles, Roxie Smith, Seth Dela Cruz, at Charlize Ruth Reyes.

***

MABILIS na sinagot ni Joe Jonas ang pagsampa ng kaso ng kanyang estranged wife na si Sophie Turner tungkol sa pagkuha nito sa kanilang dalawang anak.

Ang hiling ni Sophie ay ang “immediate return of children wrongfully removed or wrongfully retained.” Inakusahan pa niya si Joe na tinatago nito ang passports ng dalawang bata.

Heto ang sagot ng legal team ni Jonas:

“This is an unfortunate legal disagreement about a marriage that is sadly ending. When language like ‘abduction’ is used, it is misleading at best, and a serious abuse of the legal system at worst.

“The children were not abducted. After being in Joe’s care for the past three months at the agreement of both parties, the children are currently with their mother. Sophie is making this claim only to move the divorce proceedings to the UK and to remove the children from the U.S. permanently

“Joe has already disavowed any and all statements purportedly made on his behalf that were disparaging of Sophie. They were made without his approval and are not consistent with his views. His wish is that Sophie reconsider her harsh legal position and move forward in a more constructive and private manner. His only concern is the well-being of his children.”

(RUEL J. MENDOZA)

First time na magkasama sa isang project: DONNY, naging dahilan para pumayag bumalik sa pelikula si MARICEL

Posted on: September 23rd, 2023 by @peoplesbalita No Comments

MAGKASAMA sa unang pagkakataon sa isang proyekto ang mag-ina na sina Maricel Laxa at Donny Pangilinan.

Sa pelikulang ‘GG’ (Good Game) ng Mediaworks Inc., Cignal Entertainment at Create Cinema.

Piling-pili lang ang mga proyektong tinatanggap at ginagawa ni Maricel. At nang matanong nga ito sa naging mediacon ng GG, ang mga anak ang itinurong dahilan kung bakit siya napapayag itong gawin.

“I think, this is product of obeying your children,” natatawang sabi ni Maricel.

“Kasi, sila naman ang nagpilit sa akin na bumalik sa pelikula. Akala ko, wala na talaga sa sistema ko ang showbiz.

“Pero, once an actor will always be an actor, I guess. It was very special in my heart, so, here I am,” nakangiti pa rin niyang turan.

Bukod kay Donny na siyang bida ng pelikula, ang anak na si Hannah Pangilinan naman ang Executive Creative.

Natawa si Donny sa sagot ng ina nang tanungin ito kung kumusta ang naging working relationship nila.

Sabi kasi ni Maricel, “Well, basta lang sumusunod ako kanila, walang problema.

“Ibig sabihin kasi, maayos ko naman siguro silang pinalaki. And they’re experts on their field. So, respeto na lang ang maibibigay ko.”

Ayon pa kay Maricel pagdating sa kanilang mga ginagampanang karakter, “Magkaibang-magkaiba sa totoong buhay. So, makikita niyo ang mga bagay na kailangan naming mag-adjust. We’re not portraying ourselves.

“Bagamat mag-nanay, hindi kami ‘yon.”

Ipinagmamalaki naman ni Maricel kung gaano kalaki ang paniniwala ng anak sa pelikulang GG. Malaki rin daw ang naging investment nito.

“Donny believes in this movie so much that he’s a major investor and stakeholder of this film. He has been part of it from beginning to end and it continues to be part of it whether it is behind-the-scenes or with the cast, crew, every single detail, he’s part of.

“And I’m very proud to be part of this film because his whole heart and soul in it.”

Ang GG ay isang barkada sport drama movie na ang goal ay maipakita ang landscape ng Filipino esports. Maipakita rin na kahit madalas, may negatibong konotasyon ang larong ito, ang gaming ay pwedeng maging daan din para mas maging malalim at matatag pa ang relasyon ng isang pamilya at friendly competition din.

***

TINANONG namin si Andrea Torres kung ano ang ‘what if’ niya sa mga naging relasyon.

Pero sabi niya, “Wala akong what if… kasi, feeling ko lahat may reason talaga,” nakangiting sabi niya.

“Light lang ako magdala ng mga nangyayari sa buhay ko. Hindi ko iniisip masyado yung mga gano’ng bagay. Basta go with the flow lang ako.

“Happy lang always.”

Si Andrea ang tila ‘kontrabida’ sa ‘Love Before Sunrise,’ ang bagong GMA primetime series na pagtatambalan nina Bea at Dennis Trillo at mapapanood na simula ngayong Lunes sa GMA Primetime. At aminado itong kinabahan siya.

“For me, special ‘to, kasi unang-una—kanina nga, nagko-compare notes na kami ni Sid (Lucero) habang ini-interview si Bea at saka si Dennis. Kasi, si Dennis, Sid at ako, kami ‘yong tatlong kabang-kaba na pumunta sa set.

“Pressured na pressured kami kay Bea,” natawang pag-amin ni Andrea sa ginanap na mediacon ng ‘Love Before Sunrise’ sa SM Megamall Cinema 2.

Nang malaman pa lang daw niya na Kapuso na si Bea, talagang pinangarap na niya na makasama niya ito sa isang proyekto.

Sabi pa ni Andrea, “Talagang noong lumipat siya sa GMA, talagang winish ko na maka-work siya. Si Dennis, sa mga interview ko before, talagang palagi ko naman siyang binabanggit na gusto ko siyang maka-trabaho. So, third time na namin.

“Itong si Sid, nagbabalik after ‘Millionaire’s Wife’ so, grabe talaga. Grabe silang maka-trabaho. Kita mo yung dedication and ang ganda na dini-discuss yung scene bago i-atake, also with Direk.”

Ang director ng Love Before Sunrise ay si Mark Sicat Dela Cruz.

(ROSE GARCIA)

Ads September 23, 2023

Posted on: September 23rd, 2023 by @peoplesbalita No Comments

92 milyong balota para sa BSKE, tapos na

Posted on: September 23rd, 2023 by @peoplesbalita No Comments

NATAPOS nang iimprenta ng National Printing Office (NPO) ang higit sa 92 milyong balota na gagamitin sa darating na Barangay at Sangguniang Kabataan Elections (BSKE).

Sinabi ng Commission on Elections (Comelec) na nasa kabuuang 92,054,974 opisyal na balota ang gagamitin sa halalan.

Itinurn-over na ng NPO sa Comelec nitong Huwebes ang certification of completion para sa pag-imprenta ng mga naturang balota, gayundin ang iba pang accountable forms para sa halalan.

Marso pa natapos ng NPO ang pag-imprenta ng higit sa 90 milyong balota. Nadagdag ngayon ang higit sa 1.6 milyon na balota dahil sa mga bagong rehistradong botante noong Disyembre 12, 2022 hanggang Enero 31, 2023.

Bukod dito, nakapag-imprenta na rin ang NPO ng 2,092,147 official ballots para sa plebisito upang ratipikahan ang conversion ng City of San Jose Del Monte, Bulacan bilang isang highly-urbanized city (HUC).

Magkasabay na isasagawa ang BSKE at plebesito sa San Jose Del Monte City sa Oktubre 30.

71% ng Metro Manila commuters tutol sa taas pasahe

Posted on: September 23rd, 2023 by @peoplesbalita No Comments

MADAMI ang tutol na mga pasahero na nakatira sa Metro Manila ang tutol sa gagawing pagtataas ng pasahe ng mga pampublikong jeepneys (PUJs) na tinatayang may 70 porsiento ng kabuohang bilang ng mga pasahero.

Ito ay ayon sa ginawang survey na ginawa ng transport advocacy na The Passenger Forum (TPF) mula Sept. 16 hanggang Sept. 17.

“There is no doubt that regular commuters simply do not have the budget space to allow any fare hikes. This confirms what we have been asserting that the government should look for other solutions such continuous and effective fuel subsidy for PUJs rather than simply giving the go signal for a fare increase,” wika ni TPF convenor Primo Morillo.

Karamihan sa 100 respondents ay galing sa lungsod ng Quezon na may naitalang 20%, Manila 14% at Caloocan na may 9%.

Tinatayang may 29 % ng mga sumali sa survey ay sumasakay ng PUJs ng 10 hanggang 14 na beses kada linggo habang ang 20% naman ay sumasakay ng mas madaming beses pa.

Mas mataas pa sa 72% sa kinuhang sample ng populasyon ang nagsabing dapat ang pamahalaan ay limitahan ang hinihinging fare increase sa P1 lamang na may naitalang 43% o dapat ay mas kaunti pa sa P1 na may bilang na 29%.

Samantala, sa ngayon ang Land Transportation Franchising and Regulatory Board (LTFRB) ay nahaharap sa petisyon ng transport group na humihing ng P5 sa pagtaas ng minimum na pasahe ng jeepneys at provisional hike na P1. Ito ay magkaibang petisyon pa na humihinging P2 na increase.

Ayon kay LTFRB chairman Teofilo Guadiz III na maaaring mangyari ang pagtataas bago matapos ang taon. Humihingi ang mga grupo sa transportasyon na tumaas ang pasahe dahil sa patuloy na pagtaas ng presyo ng krudo.

Diniin naman ni Morillo na dapat ang LTFRB ay nagbibigay sa publiko ng liquidation ng P3 billion na fuel subsidy na sa ngayon ay pinamimigay sa mga drivers at operators ng mga sasakyan ng pampublikong transportasyon tulad ng jeepney, buses, TNVS, at iba pa.

“As the main rationale for the fuel subsidies is to cushion the effects of oil price hikes to the transport sector, it should also eliminate, or at least minimize, the need for fare hikes. We just cannot understand how LTFRB chief Guadiz media statement after distributing 3 billion pesos is to announce that they will soon approve a fare hike. In fact, they should explain first how the P3 billion was spent,” dagdag ni Morillo.

Ayon kay Morillo na malaking halaga ang P3 billion kung kayat dapat ipaliwanag ng muna ng LTFRB ang tungkol dito. LASACMAR

DOT, naabot na ang 80% ng kabuuang target na tourist arrivals sa 2023

Posted on: September 22nd, 2023 by @peoplesbalita No Comments

NAABOT na ng Kagawaran ng Turismo ang kabuuang 80% ng target nitong 4.8million na turistang papasok sa Pilipinas para sa kabuuan ng taong 2023.

Ito ay matapos maitala ang hanggang 3.8 million na tourist arrivals sa bansa, mula Enero hanggang Setyembre-19, 2023.

Ayon kay Secretary Christina Frasco, ang halos 4 na milyong turista na naitala ng Pilipinas ay tinatayang nakapag-ambag ng hanggang P316.9billion na revenue sa bansa.

Paliwanag ng kalihim, ang pag-angat ng turismo sa buong bansa matapos ang pandemiya, ay nagsimula pa noong 2022.

Sa naturang taon kasi aniya, nakapagtala ang Pilipinas ng hanggang 2.65million na international visitors.

Ito ay 66% na recovery rate at malayong mas mataas kumpara sa international rate na hanggang 54% lamang.

PBBM admin, pinag-aaralang maglaan ng mahigit sa P38B para sa digitalization efforts sa 2024

Posted on: September 22nd, 2023 by @peoplesbalita No Comments

TINITINGNAN ng administrasyong Marcos na maglaan ng P38.75 billion para sa digitalization efforts nito sa 2024.

“The proposed budget for the digitalization of government processes marks a 60.6 percent increase from the PHP24.93 billion funding in 2023,” ayon kay Department of Budget and Management (DBM) Secretary Amenah Pangandaman.

Binigyang- diin nito ang pangangailangan na palakasin ang public service.

“Technological advancement has given rise to a growing digital economy which continues to create new forms of work, transforming the employment landscape. Hence, investing in the digitalization of the bureaucracy is crucial not only in enhancing its efficiency but also in generating quality jobs for Filipinos,” ayon kay Pangandaman.

Tinuran pa nito na ang bulto ng panukalang budget ay hinati sa 10 ahensiya ng pamahalaan.

Kabilang dito ang Department of Education (P9.43 billion); Department of Justice (P5.55 billion); Department of Information and Communications Technology (DICT) (P5.34 billion); Department of Finance (P3.15 billion); Department of the Interior and Local Government (P2.60 billion); National Economic and Development Authority (P2.08 billion); Judiciary (P1.44 billion); Department of National Defense (P1.12 billion); Department of Environment and Natural Resources (P913 million) at iba pang Executive Offices (P890 million).

Sinabi ng Kalihim na ang kabuuang P990.631 million ay ilalaan sa information and communications technology (ICT) Systems and Infostructure Development, Management, at Advisory Program ng DICT.

Sinasabi pa na ang National Government Data Center Infrastructure (NGDCI) Program, ay makakakuha ng P1.67 billion, naglalayon na bawasan ang government spending sa pamamagitan ng pagbibigay ng resources sa government agencies sa pamamagitan ng “colocation o cloud services”.

Tinuran pa ni Pangandaman na ang National Government Portal (NGP) ng DICT ay makatatanggap ng alokasyon na P302.86 million para i-streamline ang public service sa pamamagitan ng pagkonekta sa lahat ng departamento ng pamahalaan sa isang “single website.”

“Another DICT program, the National Broadband Plan (NBP), will get a budget of PHP1.50 billion to improve internet speed and allow affordability across the country, ayon sa DBM.

Isang hiwalay na P2.5 billion naman ang gagamitin para pondohan ang Free WiFi Connectivity in Public Places and State Universities and Colleges Program, na may target na 50 broadband sites sa 82 lalawigan.

Winika ni Pangandaman, ang manatiling updated sa teknolohiya at palawakin ang paggamit nito na nakaayon sa whole-of-government approach ng administrasyong Marcos ay naglalayon na ‘digitally connect the entire bureaucracy.”

Ang inisyatiba ayon kay Pangandaman ay hindi lamang para bawasan ang red tape kundi makalikha ng hanapbuhay sa pinalawig na digital economy. (Daris Jose)

Speaker Romualdez pinakakasuhan na sa BOC ang mga smuggler

Posted on: September 22nd, 2023 by @peoplesbalita No Comments

PINAKAKASUHAN ni Speaker Ferdinand Martin G. Romualdez sa Bureau of Customs (BoC) ang mga rice smuggler, kasama ang kanilang mga kasabwat sa pagpuslit ng libu-libong sako ng bigas na iligal na ipinasok sa mga pantalan sa Mindanao.

Ginawa ni Speaker Romualdez ang apela kasabay ng paghahayag ito ng suporta sa naging desisyon ni Pangulong Ferdinand R. Marcos Jr. na ipamigay ang mga nasabat na smuggled na bigas sa libong residente ng Zamboanga peninsula.

Pinangunahan ni Pangulong Marcos kasama ang ilan pang opisyal ng gobyerno sa pamimigay ng bigas noong Martes.

Ipinunto ni Speaker Romualdez na hangga’t hindi naparurusahan o nakukulong ang mga nasa likod ng smuggling ay magpapatuloy ang iligal na gawain ng mga ito kahit pa nakumpiska ng gobyerno ang kanilang mga naipuslit.

Bilang kinatawan ng publiko, sinabi ni Speaker Romualdez na trabaho ng mga mambabatas na tiyakin na mayroong sapat na suplay ng kanilang pangunahing pangangailangan na abot-kaya ang halaga. (Ara Romero)