2023 September Archive - People's Balita

Archive for September, 2023

Matapos ang matagumpay na grand launching, BPSF iikot na rin sa iba pang probinsya

Posted on: September 26th, 2023 by @peoplesbalita No Comments

IIKOT ang Bagong Pilipinas Serbisyo Fair – ang pinakamalaking service caravan sa bansa, sa lahat ng probinsya sa buong bansa upang makapaghatid ng serbisyo sa milyong Pilipino, kasunod ng matagumpay na grand launching ng programa sa apat na probinsya noong Sabado.

Ikinatuwa ni Speaker Ferdinand Martin Romualdez, isa sa pangunahing organizer ng service caravan na naglalayong ilapit sa mga Pilipino ang nasa 60 serbisyo ng pamahalaan, sa planong pagpunta ng BPSF sa lahat ng 82 probinsya.

“Ipinakita rin naman na ang gobyerno po ng ating mahal na Presidenteng PBBM ay nandito, very very active, very much present. Iyan ang sinasabi ng ating Bagong Pilipinas Serbisyo Fair,” sabi ni Speaker Romualdez sa isang panayam.

“Iyan ang napakagandang balita, lahat po ng mga beneficiary ay natutuwa. At nagpapasalamat tayo sa lahat ng ahensya at departamento na tumulong dito sa atin sa Tolosa. Napaka-successful. Maski mga lider natin dito sa lalawigan led by Governor [Jericho] Icot Petilla, Vice Governor [Leonardo] Sandy Javier [Jr.], Cong. [Lolita] Javier, Cong. Jude Acidre, [former] Cong. Ching Veloso, at lahat ng municipal mayors, kumpleto isinama rin nila ang kanilang constituents,” aniya.

Pinangunahan ni Pangulong Marcos ang grand launch ng BPSF sa Nabua, Camarines Sur na sabayan ding inilungsad sa Laoag, Ilocos Norte, bayan ng Tolosa Leyte sa Visayas, at ang Munisipalidad ng Monkayo, Davao de Oro sa Mindanao.

Inaasahan na mahigit 400,000 Pilipino ang maseserbisyuhan ng Serbisyo caravan na naghahatid ng 60 serbisyo mula sa iba’t ibang ahensya ng pamahalaan na mayroon ding P1 bilyong pondo para sa ipamimigay na ayuda.

Ang BPSF national secretariat ay binubuo ng Office of the President, Office of the Speaker, Presidential Communications Office (PCO), at Kamara.

Mula sa orihinal na dalawang araw, pinalawig ng mga organizer ang grand launch hanggang sa Biyernes dahil sa dami ng mga nais na kumuha ng serbisyo. Hanggang alas-10:30 ng linggo ay 322,689 na ang nagpatala sa portal para makakuha ng serbisyo.

Noong 11:19 ng umaga ng Sabado ay umabot na sa 293,046 ang mga Pilipino ang nagparehistro sa BPSF.

Noong nakaraang Agosto 26, higit 22,000 na indibidwal ang naserbisyuhan sa dalawang araw na dry run ng BPSF sa Biliran

Nagpapatuloy ang pagpaparehsitro sa programa at inaasahang lalagpas pa sa 400,000 ang makikibahagi sa mga susunod na araw.

Hanggang nitong Linggo ng umaga, nasa 87,158 indibidwal na ang naserbisyuham sa Laoag, Ilocos Norte; 103,647 sa Nabua, Camarines Sur; 57,345 sa Tolosa, Leyte; at 74,539 sa Monkayo, Davao de Oro. Hindi pa kasali rito ang 22,000 na naserbisyuhan sa Biliran.

Dahil sa Serbisyo caravan ay naging madali para sa mga benepisyaryo na makakuha ng social services, health at medical support, pangkabuhayan, regulatory function service at iba pang alok ng gobyerno.

“All the hard work preparing for the Grand Launch paid off: the physical and mental exhaustion of the organizers and frontline government workers were rewarded with the satisfaction of helping their fellow citizens gain access to a lot of government services that are mostly beyond their reach,” saad ng House Speaker.

Pinangunahan ni Speaker Romualdez ang event sa Leyte habang si House Senior Deputy Majority Leader at Ilocos Norte 1st District Rep. Ferdinand Alexander “Sandro” Araneta Marcos naman ang nanguna sa serbisyo caravan sa Ilocos Norte, at si Special Assistant to the President Anton Lagdameo naman sa Davao de Oro.

Ang mga ahensya na nakiisa sa pagbibigay ng social services na ay ang Department of Health (DoH), Department of Social Welfare and Development (DSWD), Department of Agriculture (DA), Department of Human Settlement and Urban Development (DHSUD), Department of Public Works and Highways (DPWH), Department of Interior and Local Government (DILG), Department of Environment and Natural Resources (DENR), Food and Drug Administration (FDA), Bureau of Fisheries and Aquatic Resources (BFAR), National Food Authority (NFA), Office of Civil Defense (OCD) at Philippine Coconut Authority (PCA).

Para sa livelihood at educational services naman ang makukuhanan ng tulong ay ang Department of Agrarian Reform (DAR), Commission on Higher Education (CHED), Department of Science and Technology (DOST), Department of Labor and Employment (DOLE), Technical Skills and Development Authority (TESDA), DENR, OCD, at FDA.

Nagbigay serbisyo rin ang mga ahensya na may regulatory function gaya ng Department of Foreign Affairs, Philippine National Police (PNP), Land Transportation Office (LTO), Land Transportation Franchising and Regulatory Bureau (LTFRB), Professional Regulations Commission (PRC), National Bureau of Investigation (NBI) at Philippine Statistics Authority (PSA).

Kasama rin sa mga nagbigay serbisyo ang Department of Information and Communication Technology (DICT), Government Service Insurance System (GSIS), Social Security System, PhilHealth, Pag-Ibig, Public Attorney’s Office (PAO), at ang Integrated Bar of the Philippines (IBP).

Kada probinsya ay mayroong piling serbisyo na ibinibigay batay sa pangangailangan ng mga residente.

Nagdaos din ng Libreng Pasasalamat Concerts noong Grand Launching.

Ilan lamang sa mga pangunahing serbiyong maaaring makuha sa BPSF ay ang mga sumusunod:

Enrollment sa TUPAD o GIP
Legal counseling
Farm inputs at makinarya
Tulong Dunong Program
TESDA scholarships at enrollment sa mga programa nito
Financial assistance programs
Kadiwa Stores
SB Corp. services para sa MSMEs
Educational assistance
LTO driver’s license renewal
DFA passport application
NBI clearance application
Police clearance application
LTOPF renewal/application
PSA birth certificate application
Pag-ibig membership at housing loan
SSS membership application
GSIS UMID application
Postal ID application
National ID application
PhilHealth consultation
Public service training
PRC renewal
PAO free legal services
PhilHealth registration.

(Ara Romero)

Uka-uka at napaikli ang bangs: MARIS, tinawanan ng netizens dahil sa video na iyak nang iyak

Posted on: September 26th, 2023 by @peoplesbalita No Comments

TINAWANAN ng mga netizens si Maris Racal na ibinidyo ang sarili na iyak nang iyak dahil sa kanyang bagong gupit na bangs.

Makikita na napaikli ang gupit ng kanyang bangs at uka-uka ito na talaga namang ang sagwang tingnan.

Super cry talaga si Maris na sa simula ay hindi mo maiisip na dahil sa kanyang buhok. Although kapansin-pansin na talaga ang hitsura ng kanyang bangs.

Walang dialogue si Maris sa video. Basta’t cry lang siya nang cry.

Hanggang sa hinawakan niya ang kanyang bangs na umiiyak pa rin. Du’n na mahuhulaan na ‘yun pala ang kanyang iniiyak.

Sa caption ay sinabi ni Maris na nagmukha siyang lapis.

“I look like a pencil. pero okay na ako ngayon medyo tumubo na siya,” sey niya.

Kaya naman sa comment section, pati mga kapwa-artista ay tawa nang tawa.

“HAHAHA sheetttt,” reaksyon ni Julie Anne San Jose.

Sey naman ni Sue Ramirez, “GAGOOOOOO

.”

Supero laugh si Chie Filomeno na, “HAHAHHAHAHAHAHAHHA ALAM KO.”

***

MARAMI ang matutuwa dahil sa pagbabalik muli ng pinaka-masayang game show sa telebisyon, ang ‘Family Feud’ sa October 2.

Kahit ang host nito na si Dingdong Dantes ay masaya na after nilang mag-season break, magbabalik na naman sila at may mga bago pa nga silang pakulo.

Isa na rito ang pagkakaroon ng mga batang contestants. Kaya tiyak, marami ang mag-aabang kung maglalaro ang anak niya na si Zia Dantes. Aminado naman si Dingdong na baka ang mangyari, mas kabado pa raw siya bilang tatay kapag ang anak na ang maglalaro.

Nang tanungin ito kung na-miss ba niya ang Family Feud, “Sobra, na-miss ko siya, pero parang hindi rin. Kasi, kahit saan ako pumunta, pinapaalala nila.

“Tinatanong nila kung kailan ba babalik? Kapag nakikipag-kuwentuhan ka na, ibinabalik nila ang mga questions ng Family Feud.

“Kaya it only means something na hinahanap talaga nila. At indicator ko, ‘yung mga magulang ko, ang mommy at daddy ko. Bihira lang silang mag-text sa akin, pero, dalawa lang ‘yan.

“Ang tanong nila sa akin, ‘Sino ang pumatay kay Gustavo?’ at saka, ‘Kailan babalik ang Family Feud?’ Hindi man lang, kamusta ka anak?,” natawang kuwento niya.

At dahil nga sobrang busy, aminado naman si Dingdong na maraming time niya ang hindi niya naibibigay sa dalawang anak na sina Zia at Sixto, pero, bumabawi naman daw siya rito lalo na tuwing Linggo at minsan, siya ang naghahatid sa school.

Kay Marian naman, may couple time pa rin sila at dahil nga raw magkasama sila sa shooting, time na rin nila ‘yon sa isa’t-isa ngayon.

(ROSE GARCIA)

‘Di lang eeksena bilang host ng ‘The 6th EDDYS’: PIOLO, gagawaran din ng Isah V. Red Award kasama sina HERBERT at COCO

Posted on: September 26th, 2023 by @peoplesbalita No Comments

SIGURADONG mas lalong magniningning ang Gabi ng Parangal para sa gaganaping 6th Entertainment Editors’ Choice o The EDDYS ngayong 2023. Dahil ang award-winning actor at tinaguriang Ultimate Leading Man na si Piolo Pascual ang magsisilbing host sa ika-anim na edisyon ng The EDDYS ng Society of Philippine Entertainment Editors (SPEEd). Hindi ito ang unang pagkakataon na magiging bahagi ng The EDDYS si Piolo dahil noong 2019, ang Kapamilya actor-TV host ang tumanggap ng Rising Producer Circle Award para sa Spring Films.

Ngayong taon, kabilang rin siya sa mga gagawaran ng Isah V. Red Award kasama sina Herbert Bautista at Coco Martin bilang pagkilala sa walang sawa nilang pagtulong at pagbibigay ng inspirasyon sa mga kababayan nating nangangailangan. Bukod dito, walong haligi ng entertainment industry ang bibigyan ng espesyal na pagkilala ng SPEEd para sa EDDYS Icons para sa hindi matatawarang kontribusyon nila sa industriya ng pelikulang Pilipino. Ang mga EDDYS Icon honorees sa taong ito ay sina Aga Muhlach, Richard Gomez, Gabby Concepcion, Niño Muhlach, Snooky Serna, Jaclyn Jose, Barbara Perez at Nova Villa. Igagawad naman sa The 6th EDDYS ang Joe Quirino Award sa veteran entertainment columnist, dating TV host at content creator na rin ngayon na si Aster Amoyo. Ang beteranong manunulat naman at dati ring entertainment editor na si Ed de Leon ang tatanggap ng Manny Pichel Award. Producer of the Year naman ang Viva Films habang ang Rising Producer of the Year ay igagawad sa MavX Productions. Magaganap ang 6th Entertainment Editors’ Choice sa Oktubre, 22, 2023 sa EVM Convention Center, 37 Central Avenue, Quezon City, mula sa direksyon ng award-winning actor at filmmaker na si Eric Quizon. Ihahatid ng Airtime Marketing Philippines na pag-aari ng event producer na si Tessie Celestino-Howard ang ika-anim na edisyon ng The EDDYS. Magkakaroon din ito ng delayed telecast sa NET 25 sa Oktubre 28. Ang annual event na ito na mula sa samahan ng mga entertainment editors sa Pilipinas ay nagbibigay ng pagkilala at pagpapahalaga sa mga pelikula at personalidad na itinuturing na “best of the best” sa Philippine Cinema. Mamimigay ng 14 acting at technical awards para sa The 6th EDDYS na pipiliin mula sa mga nominadong pelikula na ipinalabas sa mga sinehan at ilang digital platforms noong 2022. Ang SPEEd ay binubuo ng mga current at former entertainment editors ng mga leading newspaper at online site sa Pilipinas, sa pangunguna ng presidente nitong si Eugene Asis ng “People’s Journal”. Ayon kay Asis, asahan ang mas kapana-panabik at mas matinding labanan ng mga natatangi at de-kalidad na pelikula ngayong taon. Ang pagbibigay-parangal ng SPEEd ay isang paraan din para hikayatin, lalong pataasin ang morale at patuloy na magbigay-inspirasyon sa Filipino filmmakers, producers, writers, actors at iba pang kasama sa pagbuo ng isang matino at dekalibreng pelikula.

***

NAG-TRENDING na naman si MTRCB Chair Lala Sotto dahil sa ‘Gimme 5’ segment ng “E.A.T.” last Saturday, September 23, 2023.

Sa naturang segment, tinanong ang contestant ng mga bagay na sinasabit sa leeg at isa lang nasagot nito, ang ‘necklace’.

Sa pagtatapos ng 45 seconds, humirit si Joey de Leon ng, “lubid, lubid. Nakakalimutan n’yo.”

Bagay na ikinalarma ng mga netizen at mababasa sa twitter account ng @AltStarMagic…

“This is a trigger warning clip about suicide and Joey De Leon can’t shut his mouth. “Really? Mga bagay na sinasabit sa leeg ay lubid? REALLY JOEY DE LEON???? LALA SOTTO ANO NA????”

Komento naman ni @DocHappy95, “Hindi ito biro! Anuna, Lala Sotto?”

Kaya naman naglabas ng statement ang MTRCB para suriin ang mga reklamo ng netizens tungkol sa naging pahayag ni Joey sa ‘E.A.T.’:

“Taking cognizance of the complaints from the viewing public in relation to E.A.T. Gimme 5 segment aired last 23 September 2023, the Movie and Television Review and Classification Board (MTRCB) shall determine if the same are valid and presumably violative of Presidential Decree No. 1986 and/or its Implementing Rules and Regulations.”
Aabangan kung ano ang magiging hatol ng MTRCB sa bagong isyu na haharapin ng noontime show ng TV5.

(ROHN ROMULO)

Award-Winning ‘Blue Room’ premiered at 14th SOHO Filmfest, officially selected at 19th LA Femme Filmfest

Posted on: September 25th, 2023 by @peoplesbalita No Comments

SOHO International Film Festival in New York, founded by Justin Girard with Festival Director Sibyl Santiago was held this past week Sept. 14 – 21.

The Philippine entry, ‘Blue Room’ by Ma-an Asuncion-Dagñalan, had its North American / US Premiere last Sept. 20 as its Closing Film, attended by one of its lead actors, Harvey Bautista and producer Wilfredo Manalang of FUSEE.

‘Blue Room’ was also produced by Harlene Bautista of Heaven’s Best Entertainment, Ma-n L. Asuncion-Dagñalan of Eyepoppers, and Ferdy Lapuz.

The film garnered nominations for Best Performance World Showcase Feature (Soliman Cruz and Nour Hooshmand), Best Picture World Showcase Feature category at 14th SOHO International Film Festival. The film garnered the highest Audience Award World Showcase Feature.

Just recently, the film was officially selected at 19th LA Femme International Film Festival, to be screened on October 21, 2023 in Regal Cinemas LA LIVE, Los Angeles, California.

‘Blue Room’ stars award-winning actor Elijah Canlas and actor-singer-songwriter Juan Karlos together with Harvey Bautista, Nour Hooshmand, Keoni Jun, and a solid ensemble cast lead by international actor Soliman Cruz.

This controversial film about an indie rock band composed of privileged teenagers arrested for drug possession has stirred up discourse amongst critics and viewers, making the film the most watched box-office hit at the Cinemalaya 2022 festival.

The sensibilities and treatment of the movie has resonated to the millenial and Gen-Z audience, especially as the story progresses when the band are brought into the “blue room” where they must make the difficult choice between freedom or standing up for what they believe in.

It was inspired by true events, the film has won multiple-awards at the 18th Cinemalaya Film Festival, including Jury Prize and Best Director.

The film recently won 3 major awards at the 71st FAMAS Awards (Filipino Academy for Movie Arts and Sciences), one of the oldest award giving bodies in the Philippines, Best Director, Best Cinematography for Neil Daza, Best Musical Score for Jazz Nicolas & Mikey Amistoso.

‘Blue Room’ is now available on NETFLIX South East Asia countries.

(ROHN ROMULO)

Sa pabubukas ng bago nilang negosyo: YSABEL at ELLE, sinuportahan nina MIGUEL at DERRICK

Posted on: September 25th, 2023 by @peoplesbalita No Comments

PATULOY na umaalagwa ang career ni Paolo Contis lalo pa nga at nitong Biyernes, September 22 ay pumirma siya ng panibagong kontrata sa Sparkle ng GMA Network.

Sa interbyu kay Paolo ay itinanong dito kung ano ang sekreto ng kanyang pagiging versatile; kasi nga si Paolo ay mahusay sa drama, sa comedy, sa ‘Bubble Gang’, at mahusay na host ng ‘Eat Bulaga!’

“I love what I do and I’m very good at it.

“If you are good at something, you do it well, ‘di ba. Mahal ko po ‘yung ginagawa ko, I’m very fortunate sa GMA for giving me the break all the time.”

Labis ang pasasalamat ni Paolo sa kanyang mga GMA and Sparkle bosses.

“Dito ako sa GMA bumait, sumama. Tapos mabait uli, so maraming salamat, hindi niyo ako sinukuan.”

At balitang dahil naka-focus ngayon si Paolo sa ‘Eat Bulaga!’ ay baka hindi muna raw ito gumawa ng teleserye?

At sa isang panayam rin kay Paolo ay natanong dito kung ano ang reaksyon niya na malamang magbalik na sa telebisyon si Willie Revillame; umuugong ang balita na magkakaroon ng show si Willie sa PTV4

“Well that’s good… at least, mas madaming matutulungan na tao, di ba?

Dati ay naging co-host pansumandali ni Willie si Paolo sa ‘Wowowin’ sa GMA.

***

APPLAUDED ng marami si Julia Morley na head ng Miss World Organization.

Wala kasing plano si Julia na gayahin ang ibang beauty pageants na baguhin ang mga rules at requirements para sa mga nagnanais maging kandidata, partikular na sa Miss Universe kung saan puwede nang sumali ang mga babaeng may asawa, may anak, at maging ang mga transgender.

“I hear lots of things, removing here there and everywhere. “We’re staying as we are,” pahayag ni Julia.

“We have now 142 nations coming together and the reason is they know us.

“They know our rules, they know our regulations, and we make no pretense as to who we are, what we are.

“You know what we are, you know what it is,” patungkol niya sa Miss World beauty pageant.

Naroroon naman raw ang respeto niya sa desisyon ng ibang pageants.

At kung wala ng age limit ang Miss Universe, nananatili sa Miss World ang age requirements na 17 hanggang 27 years old, single.

“But don’t mess around with age here, age there, boy here, girl there.

“You’re all important. Allow each other to work together and learn from each other, not be deliberately trying to seek publicity.

“Leave us alone, let us be Miss world and be proud of it.”

***

KAHIT tapos na ang ‘Voltes V: Legacy’ ng GMA ay muling nag-volt in ang tatlo sa female cast ng naturang live action series na sina Ysabel Ortega, Sophia Senoron at Elle Villanueva.

Pinasok kasi ng tatlo ang pagnenegosyo sa pamamagitan ng pagkuha ng franchise ng Nailandia, ang sikat na nail salon and spa chain.

Sa isang prime location sa II Terrazo sa Tomas Morato matatagpuan ang bagong bukas na branch ng Nailandia na pag-aari nina Ysabel, Sophia at Elle.

Dumalo sa grand opening at ribbon-cutting ang mga may-ari ng Nailandia na sina Noreen Divina at mister niyang si Juncynth Divina.

Present rin siyempre ang special someone ni Ysabel na si Miguel Tanfelix at ang co-star nila sa Voltes V ang child actor na si Raphael Landicho at ang kasintahan ni Elle, ang Sparkle hunk na si Derrick Monasterio.

Malapit na rin nga palang simulan ang bagong serye nina Elle at Derrick na sa pagkakaalam namin ay ‘Makiling’ ang titulo.

(ROMMEL L. GONZALES)

Perfect couple at kita na ang pagkakahawig: IG post ni BEA na kasama si DOMINIC, pinupuri ng netizens

Posted on: September 25th, 2023 by @peoplesbalita No Comments

MAY possibility pala na mabawasan ang mga hosts ng noontime show na “Eat Bulaga” pero hindi naman ibig sabihin ay tatanggalin nila ang mga regular hosts na napapanood ngayon, kundi may mga soap o ibang projects silang gagawin.

Ibig sabihin, magkakaroon ng conflict sa schedule nila dahil may mga tinanggap o may ibinigay na bagong projects sa kanila,

Balita kasing magkakaroon na ng season 2 ang “Running Man” na muling kukunan sa South Korea. Kabilang sa participants nito sa first season sina Glaiza de Castro, Buboy Villar at si Kokoy de Santos. Sila pa rin kaya ang bubuo sa second season?

Heard na may bago ring teleserye na sisimulan si Glaiza sa GMA Network. Si Michael Sager ay may sisimulan ding soap sa GMA, ang “Shining Inheritance” na adaptation of a Korean drama na makakasama niya sina Kate Valdez at Kyline Alcantara.

Sa ngayon, si former Manila Mayor Isko Moreno ay nagti-taping din ng “Black Rider” with Ruru Madrid, pero nagkasundo na ang production at si Yorme na tatawagan na lamang siya for the taping, after ng “Eat Bulaga.”

Sila kasi ni Paolo Contis ang poste ng noontime show kaya kailangang present sila Lunes hanggang Sabado. Si Paolo ay payag ding mag-soap kung may offer na darating, pero mas priority niya ngayon ang “Eat Bulaga” dahil happy siya sa kanyang ginagawa.

Okey din naman sa kanya ang weekly taping like sa “BBLEGang” na napapanood every Sunday, sa GMA-7.

***

PINUPURI ng mga netizen ang Instagram post ni Bea Alonzo na magkasama sila ng boyfriend na si Dominic Roque na nag-attend ng isang event.

At sa caption ni Bea, “My date at the @iwanttosharefoundation Gala. It was a beautiful night for a cause!

Comment nina @marcelina.laxina, “Happy to see you together again esp in a charitable event. God bless your plans for the tying of the knot soon”, @mabb.28_ “Grabe yun resemblance nila kaya meant to be talaga”, @mhie_lyn89 “Perfect couple”, @shai_raketera Queeen!! “Bakit parang 20 yrs old ka lang?”

Samantala, ngayong gabi na (September 25) ang world premiere ng “Love Before Sunrise” pagkatapos ng “Maging Sino Ka”.

Nagbabalik ang two of the country’s biggest and brightest stars na sina Bea at Dennis Trillo sa pagganap sa isang extraordinary story tungkol sa lost love and missed chances.

Makakasama rin nila sina Sparkle leading lady Andrea Torres and award winning actor Sid Lucero.

Ang romantic drama series ay ang latest collaboration between GMA Network and leading pan-regional over-the-top (OTT) video streaming service Viu. The series is under the direction of Mark Sicat dela Cruz, together with Associate Director Carlo Cannu.

(NORA V. CALDERON)

Nag-viral ang kanilang ‘cake’ dance video: MARIAN, natupad agad ang wish na maka-collab si DINGDONG

Posted on: September 25th, 2023 by @peoplesbalita No Comments

NATULOY na nga ang inaabangang collab nina Kapuso Primetime Queen at kaniyang asawa na si Kapuso Primetime King Dingdong Dantes sa paghataw sa TikTok dance video na kinagigiliwan ng mga netizen.

Ito nga ang naging pasabog ng mag-asawa sa kanilang first day shooting para sa ‘Rewind’ na kasama sa 2023 MMFF.

Sa naturang Tiktok video, makikitang nakaupo si Marian na sumasayaw, habang napadaan si Dingdong at napahinto siya at sinabayan na niya ang paggalaw ng kaniyang asawa na tinatawag na ring ‘Tiktok Queen’ dahil sa milyung-milyong views.

Kuha nga ito sa set ng pelikula na kung saan kinunan ang wedding scene nila kaya makikitang pareho silang naka-puti.

Ibinahagi rin ni Dingdong sa TikTok, ang kanilang version “Cake” dance trend, at nilagyan niya ito ng caption na, “First shooting day namin at niyaya ako ng leading lady ko. Kaya ayun— napasayaw ako.”

Agad namang nag-viral ang newest Tiktok video ni Marian na kasama na si Dingdong. Infairness, natupad na agad ang kanyang wish at pinangako rin sa kanilang tuwang-tuwa na DongYan fans.

Samantala, pormal ng inilunsad ang mas pinalakas at mas pinabisang gamot laban sa ubong may plema, ang Carbocisteine + Zinc (Solmux Advance) Suspension.

Mula ito sa nangunguna at pinakapinagkakatiwalaang pharmaceutical at health care company sa bansa, ang Unilab, Inc. (Unilab).

Idinaos ang formal launch sa Solmux Advance Jam event na ginanap sa SM The Block last September 16 at nagsilbing hosts naman ang mga social media personalities na sina Mikey Bustos at Dr. Kilimanguru.

At syempre pa, inabangan ang pagdating ng brand ambassador ng Solmux na si Marian.

Hindi naman magkamayaw ang mga mallgoers sa pagdating ng brand ambassador ng Solmux Advance Suspension na nagbigay kasayahan sa audience sa pamamagitan ng kanyang galing sa pagsayaw.

Bilang health advocate, nagkuwento ang aktres kung paanong hindi siya nagko-kompromiso sa alam niyang dapat, tulad ng pagpili ng gamot sa ubo.

Ayon sa Kapuso aktres, “Ang ubo, parang apoy ‘yan, mabilis lumala. Kapag hindi naagapan baka maging flu, pneumonia o bronchitis. Kaya dapat agapan, dapat advance. Kaya naman, talagang kahit sa pamilya ko ay Solmux Advance ang laging naka-stock sa bahay.”

Sa isa namang pag-aaral, ang kombinasyon ng Carbocisteine at Zinc ay epektibo sa paggamot ng ubong may plema at nakakapagpabilis ng recovery period.

“Sa panahon ngayon at sa ating naranasan nitong mga nakaraang taon, kailangan natin ng advance mindset para sa ating kalusugan pati na rin ang kalusugan ng ating mga mahal sa buhay.

“Kaya naman tuloy tuloy kami sa pag-aaral at pagtuklas ng mga makabagong gamot para tumugon sa pangangailangan ng ating mga kababayan,” pahayag naman ni Leevan Fong, ang Brand Manager ng Solmux Advance Suspension.

***

SI Atasha Muhlach pala ang tinutukoy na younger sister ni Dabarkads Ellen from Hollywood, na ilang linggo nang pinag-uusapan sa ‘Gimme 5’ segment ng ‘”E.A.T.”

Kaya naman sa Saturday episode ng noontime show last September 23, pormal nang ipinakilala si Atasha sa mga host at legit Dabarkads ng ‘E.A.T’., na kung saan nagpamalas ng husay sa pagsasayaw ng 22-year old na dalaga nina Aga Muhlach at Charlene Gonzalez.

Pahayag ng bagong Dabarkads, “Maraming, maraming salamat po. Sobrang masaya ako to be here sa ‘E.A.T’ kasama ang legit Dabarkads!”

This week, tiyak na aabangan kung paano makikipagsabayan sa pagho-host si Atasha at makikipagtsikahan sa kanyang Ate Ellen at sa buong pamilya na nasa Hollywood.

(ROHN ROMULO)

Ads September 25, 2023

Posted on: September 25th, 2023 by @peoplesbalita No Comments

Jason Statham Thinks Sylvester Stallone Has A Great Hand On The ‘Expendables’ Team

Posted on: September 23rd, 2023 by @peoplesbalita No Comments

ACTOR Jason Statham, who has been playing Lee Christmas, the right-hand man on the ‘Expendables’ team, in the franchise since 2010, has said that the movies from the franchise are essentially escapism.

Talking about the success of the franchise, Statham said that he thinks Sylvester Stallone has a great hand in it.

Jason Statham said: “He has created these characters, and given us the identity within these characters. We are these guys that can’t navigate through life in general, and they are only good when they are together saving the world.”

Jason Statham thinks there is an appeal when it comes to the “dysfunctional guys with the same problems, as everyone else has in their life; they can’t hold a relationship down, one goes to therapy because he can’t think properly, the other one is just a bit of a whack job.

“Everyone has their cross to bear, and as long as you have these characters relatable, instead of them being these indestructible robots that don’t feel pain and never get hit. I think people can relate to that and these movies are essentially escapism.”

The actor also shared his opinion on the world of cinema and music being slightly related.

“Some people like rock and roll, some people like country music, people don’t always have the same taste. If you like action movies, you like the ‘Expendables’, because we try and interject into these franchises what the expectations are for action movie junkies.

“We try to give a bit of care and attention, not just the action, but to some of the lesser stuff that is relevant.”

‘Expend4bles’ now showing in PH cinemas nationwide. (source: koimoi.com)

(ROHN ROMULO)

Lorna at Ria, apektado rin dahil sa ‘Monster’: SYLVIA, nadurog ng todo ang puso bilang isang ina

Posted on: September 23rd, 2023 by @peoplesbalita No Comments

NAGSAMA-SAMA sina Sylvia Sanchez, Ria Atayde, at Lorna Tolentino sa kauna-unahang pagkakataon para sa nalalapit na showing sa Pilipinas ngayong ika-11 Oktubre ng internationally acclaimed Japanese drama na ‘Monster.’

Nagsimula ang partnership ng mag-inang Sylvia at Ria ng Nathan Studios at ni Lorna last summer nung sama-sama silang bumiyahe sa Cannes Film Festival sa France para sa espesyal na screening ng ‘Topakk’ na pinagbibidahan ni Arjo Atayde at dinirek ni Richard V. Somes.

Maliban sa screening ng ‘Topakk’ sa Cannes, dito rin nagsosyo ang Nathan Studios at si Lorna sa pagbili ng mga pelikulang kanilang ire-release for theatrical showing dito sa Pilipinas.

Sa ilalim ng direksyon ng nirerespeto at multi-awarded direktor na si Hirokazu Kore-eda, tampok sa ‘Monster’ ang mahuhusay na Japanese actors gaya nina Sakura Andō, Eita Nagayama, Sōya Kurokawa, Hinata Hiiragi, at Yūko Tanaka.

Umiikot ang istorya ng ‘Monster’ sa isang pamilya na humaharap sa pagsubok laban sa pambu’bully at sinusulong nito ang kahalagahan ng malusog na pag-iisip o ng mental health.

“Kakaiba itong pelikulang ito,” ayon kay Sylvia na kilala para sa kanyang powerful performances bilang isang ina sa pelikula at telebisyon.

“Mahilig akong manood ng pelikula at sa dinami-rami ng aking napanood, isa itong ‘Monster’ na talaga namang dumurog ng todo sa puso ko bilang isang ina.”

Ayon naman kay Ria, na tumatayo bilang President and CEO ng Nathan Studios, isa ang ‘Monster’ sa mga uri ng pelikula na angkop sa personalidad at mission-vision ng kanilang kumpanya.

“We are really aspiring and working very hard to offer cutting edge content that would challenge the minds and touch the hearts of viewers,” sabi ni Ria.

Karapat-dapat ding banggitin na ang Nathan Studios ang nasa liood ng mga delakidad na proyekto gaya ng ‘Cattleya Killer’ na mapapanood ngayon sa streaming platform na Amazon Prime Video; at ang ‘Topakk’ na isang action-thriller genre film na kasalukuyang umiikot sa mga iba’t-ibang prestihiyosong international film festivals sa iba’t-ibang panig ng mundo gaya sa Switzerland, Japan, at Amerika.

Katatapos lang ito mag-premiere sa Fantastic Fest sa Austin, Texas last September, na balitang nag-sold out kaya nag-add pa ng isang theater para ma-accomodate ang gustong makapanood.

Para kay Lorna naman, na tinaguriang Grand Slam Queen ng Pilipinas, mahalaga at napapanahon ang mensahe ng ‘Monster’, “Dapat talagang ma-address natin ang laban sa bullying at ang pagpapalaganap ng malusog na pag-iisip para sa lahat ng tao, bata man o matanda.”

Aminado ang tatlong premyadong aktres na malaki ang naging epekto sa kanila ng ‘Monster’ sapagkat talagang pinukaw at dinurog ng pelikulang ito ang kanilang mga puso.

“Isa na ito sa pinaka-magandang mga pelikula na napanood ko. Mapapa-isip ka talaga kung sino ba talaga ang Monster,” paglalarawan ni Sylvia sa movie na lumaban para sa Palm d’Or sa katatapos lamang na 76th Cannes Film Festival. Dito rin pinarangalan ang pelikula ng Best Screenplay award.

Bilang isang mga magulang at ina, nagkakaisa sina Sylvia at Lorna na karapat-dapat panoorin ng bawat Pilipino ang ‘Monster’ dahil sa mga aral ng buhay na kanilang matutunan dito gaya ng pagmamahal sa anak at pagpapahalaga sa pamilya.

Para naman kay Ria, may matinding kurot sa puso ang Monster para sa kanya bilang isang anak na may sariling mga pangarap at minimithi sa buhay.

“Iba ang pagmamahalan ng isang ina at ng kanyang anak. Malalim ito at napakasakit kung ito ay mawawasak,” paliwanag ni Ria.

Nagkakaisa rin ang tatlong aktres na major shocker ang ending ng pelikula matapos nitong yanigin ang buong mundo sa husay ng storytelling at acting na mapapanood dito.

Ipapalabas ang ‘Monster’ sa mga sinehan sa buong bansa sa darating na Oktubre 11 at kasalukuyang naghahanda ang Nathan Studios kasama ang isa pa nitong partner — ang 888 Films International — para sa isang red carpet special screening na dadaluhan ng mga bigating industry personalities gaya ng mga direktor, mga artista, press at online influencers, at mga kritiko ng pelikula.

Para sa karagdagang impormasyon at exciting news updates ukol sa Monster at sa ibang pang mga proyekto ng Nathan Studios, sundan ang @nathan.studios sa Instagram at i-like ang Nathan Studios Inc. sa Facebook.

(ROHN ROMULO)