SI Johnny Manahan o si Mr. M ay isang consultant sa GMA Sparkle Artist Center, at director din ng ongoing singing contest na “The Voice Generations” hosted by Dingdong Dantes. 

At si Julie Anne San Jose naman ang isa sa apat na coaches na kinabibilangan din nina Chito Miranda, Billy Crawford at Stell Ajero ng SB19.

Sa isang virtual conference, para sa Sparkle Artist Center, natanong siya kung sino among the GMA Artists ang gusto niyang i-collaborate for the first time, or in the future,

Tatlong pangalan lamang ang binanggit niya, sina Barbie Forteza, Dingdong at si Julie Anne.  Bakit sila ang napili ni Mr. ?

Iba raw kasi ang screen presence ni Barbie on screen.

Sabi niya “There’s Miss Klay.  Tuwang-tuwa ako habang pinapanood ko siya sa ‘Maria Clara at Ibarra.’  She’s small, pero ang acting niya, parang she’s 10-feet tall.  Isa siya sa gusto kong makatrabaho.”

Kahit nga raw dinidirek ni Mr. M sina Dingdong at Julie Anne sa “The Voice Generations” ngayon, gusto pa rin niyang makatrabaho sila muli sa iba namang proyekto.

“Naidirek ko na noon si Dong for a small section ng isang clothing brand’s annual event, matagal na. He’s a fine actor,  nasundan ko ang mga work niya at napatunayan kong mahusay siya talaga.

“Bilang host, hindi ko pa siya nasundan, pero ngayon, nasorpresa ako, isa pala siya sa mga finest hosts na mapapanood mo ngayon, dama mo ang presence niya sa buong studio.  Pero gusto ko siyang makatrabaho sa ibang proyekto naman in the future.

“With Julie Anne, gusto ko naman siyang makatrabaho sa isang music-related, pero iba naman sa kanyang special musical trilogy na “Limitless.”  Gusto kong gumawa ng ibang kalokohan,” natatawang wika ni Mr. M.

***

MARAMING nalungkot sa magkasunod na pagpanaw ng parents ni Erik Santos.

Ulilang lubos na nga si Erik, kaya ang mga friends and fans naman niya, ang sinasabi ay time na raw siguro niyang humanap ng makakasama niya sa buhay.

“Mahirap ang mag-isa sa buhay, at nagdadasal ako na magkaroon na rin ng sariling pamilya,” pahayag ni Erik.  “I hope na makilala ko na ang the one.”

Alam daw ni Erik na hindi rin magandang mag-isa lamang sa buhay, kaya nga raw lamang, sa ngayon ay hindi pa siya ready dahil kasalukuyan pa rin siyang  nagri-recover sa pagkawala ng mga magulang niya.

Soon, tiyak daw naman niyang mararamdaman na niya na ready na siyang magkaroon ng sariling pamilya.

Sa tanong sa kanya kung ano ang hinahanap niyang mapangasawa, siyempre raw ay gusto niya ay maganda at biro pa niya, “masarap gumising na maganda ang katabi ko.

“Gusto ko rin na mauunawaan niya ang trabaho ko at makakasundo niya ang personalidad ko, iyong makaka-adjust siya sa akin at makaka-adjust din ako sa kanya.

“Hindi na ako mamimili, Choosy pa ba ako, basta maganda siya at maganda rin ang kanyang kalooban, okey na sa akin iyon.”

(NORA V. CALDERON)

MAY bagong collaboration si Heart Evangelista at ito ay ang Italian luxury brand na Fornasetti.

Sa pinost na video ni Heart on Instagram, makikita siya sa Casa Fornasetti at nilagyan niya ito ng caption na: “A magical place where imagination meets design and an alluring world full of art and decor.”

Fornasetti is the artistic design company founded in 1940 by Piero Fornasetti at nakilala ito dahil sa luxury porcelain and handmade decorative objects for the home.

Dahil sa taglay na class at sophistication ni Heart, kinuha siya ng Fornasetti para sa mga bagong home decor na pagtutulungan nilang i-create for 2024 collection.

***

AFTER ten years ay muling nakatrabaho ni Rodjun Cruz si Dennis Trillo sa teleserye na ‘Love Before Sunrise.’

Sa 2013 teleserye na ‘My Husband’s Lover’ huling nakasama si Rodjun si Dennis kunsaan gumanap silang gay lovers.

“Ten years ako, magka-holding hands kami ni Dennis. Ngayon, magsusuntukan na kami!” tawa pa ni Rodjun na gaganap na kapatid ni Bea Alonzo sa LBS.

Matagal na raw gusto ulit makatrabaho ni Rodjun sina Dennis at Bea, kaya tama lang daw ang pagdating ng magandang project na ito.

“Si Bea kasi, nakakasama ko siya noon kapag may production number ang group namin na Anime sa ASAP. This time, magdadramahan kami. And it’s an honor to be in a scene with her.

“Si Dennis naman, grabe, ang husay na artista. Marami akong natutunan sa kanya ten years ago at naa-apply ko yun sa characters ko sa iba’t ibang teleserye.”

***

INAMIN ng Scandal star na si Kerry Washington na nagkaroon siya ng eating disorder at suicide thoughts noon at ni-reveal niya ito sa kanyang tell-all memoir na Thicker Than Water.

“The food took me out. Like, the body dysmorphia, the body hatred, it was beyond my control and really led me to feeling like, ‘I need help from somebody and something bigger than me or I am in trouble, because I don’t know how to live with this.

“I could feel how the abuse was a way to really hurt myself, as if I didn’t want to be here. Like, it scared me, that I could want to not be here because I was in so much pain. The behavior was tiny, little acts of trying to destroy myself.”

“Keeping my behavior a secret was painful and isolating. There was a lot of guilt and a lot of shame.”

(RUEL J. MENDOZA)