EMOSYONAL na ibinahagi ni Boy Abunda ang ilan sa mga naging huling pag-uusap nila ng yumaong kaibigan na si Mike Enriquez sa isang espesyal na episode ng ‘Fast Talk with Boy Abunda’.

Sa nasabing episode, madamdaming ikinuwento ng host ng programa ang huling pag-uusap nila ng batikang broadcaster noon bago siya magbalik sa GMA Network.

Ayon kay Boy, magkasama sila noon ni Mike sa GMA at hindi lang bilang magkatrabaho kundi bilang magkaibigan.

Kuwento ni Boy, “Nagkasama po kami ni Mike noong early ’90s dito sa GMA-7. Kami’y magkaibigan at nanatiling magkaibigan nang maraming maraming taon.”

Paglalahad pa ng batikang TV host, tinawagan niya si Mike noon bago siya bumalik sa GMA nito lamang Enero 2023.

Aniya, “Naalala ko po noong ako’y babalik na dito sa GMA-7, I remember calling Mike and I said, ‘I have to tell you that I’m coming back to GMA-7, and what a shame it would be if I don’t let you know.’

“Sabi po sa akin ni Mike, ‘I would not have forgiven you, had you not called me.’”

Pagbabahagi pa ni Boy, hindi rin tumanggi si Mike nang alukin niya ito noon na maging guest sa kanyang talk show.

“Sabi ko, ‘Mike, sana kapag nagsimula na ang Fast Talk, makabisita ka sa amin.’

“It was a dream to interview Mike Enriquez. Alam ko hindi natuloy, but he said, ‘Yes,’” ani Boy.

Dagdag pa ni Boy, “He said, ‘Yes,’ he would come to the show. Pero alam ko po na hindi na matutuloy but he will always be in my heart and he will always be my Mike.”

Bukod dito, inalala rin ni Boy si Mike bilang isang mabuting tao at kaibigan.

“He was a lovely man. He was a wonderful wonderful friend,” paglalarawan ni Boy kay Mike.

“Salamat at paalam, Mike Enriquez,” huling sinabi ni Boy.

****

ITINUTURING na Bad Boy ng Dancefloor si Mark Herras kaya naman marami ang umiidolo sa kanya pagdating sa sayawan.

Isa na rito ang dating miyembro ng boy group na Hashtags na si Bugoy Carino.

At kamakailan ay natupad na ang pangarap ni Bugoy na makasayaw at makatrabaho ang kaniyang idolong si Mark.

Sa kanyang Tiktok, ay pinost ni Bugoy ang dance challenge nila ni Mark kasama ang iba pang celebrities na sina Zeus Collins at Kid Yambao na mga kasamahan rin ni Bugoy sa Hashtags.

Bukod dito, isa pang pangarap ni Bugoy ang natupad at ito ay ang makasama niya si Mark sa pag-arte dahil kasama sila ni Mark sa pagbibidahang pelikula ni Bugoy na “Huling Sayaw.”

“Hindi ko nga po akalain na makakasama ko si Kuya Mark kasi dati sobrang idol ko siya.

“Isa sa mga idol ko nakasama ko sa movie tsaka nakasama ko pang sumayaw, so sobrang, grabe, wala akong masabi,” sabi ni Bugoy.

Mula sa Camerrol Entertainment Productions, ang “Huling Sayaw” ay sa direksyon ni Errol Ropero (na isa rin sa mga producer) at mula sa mga executive producers na sina Ronald Allan Guinto, Michael Endaya, Hon. Melvin Vergara Vidal, at Hon. Amado Carlos Bolilia IV.

Ipapalabas sa September 13, kasama nina Bugoy, Zeus at Mark sa movie sina Ramon Christopher, Christian Vasquez, Emilio Garcia, Jeffrey Santos, Jao Mapa, Rob Sy, at Mickey Ferriols.

(ROMMEL L. GONZALES)

NAG-TRENDING ang new hairstyle ni Maine Mendoza.

Sinamahan pa siya ng kanyang hubby na si Cong. Arjo Atayde na magpagupit kay Celeste Tuviera, na kung saan may pinost siyang video.

Sumunod na IG post ni Maine kasama ang ilang photos, “hey shortyyyy
#Celestified.”

Ikinatuwa nga ito ng kanyang mga followers at celebrity friends at karamihan ay nagsasabi na blooming na blooming si Mrs. Atayde, na kaka-celebrate lang ng kanilang first month bilang mag-asawa noong August 28.

Say naman ng mga netizens na karamihan ay nagandahan sa kanyang short hair…

“Bagay sa kanya, in fairness! Gumanda sya lalo.”

“Kahawig nya si Pops Fernandez.”

“Wala namang nabago. Sakto lang.”

“Keri naman. Blooming si misis. Ganda nya sa 1st pic.”

“Iba lang anggulo sa first pic. Parang di siya. Pero ganda din. Blooming ang newlywed.”

“Love the hair and the outfit!”

“Ang ganda ng balikat nya.”

“She needs a new team glam team.”

“She’s indeed blooming! Lalong gumaganda nitong wife era niya…”

Kaya sa maging sa “E.A.T.” kitang-kita rin ang pagiging blooming ni Maine, na sa tingin ng marami ay mas bumata at gumanda pa.

Isang indikasyon lang ito na sobrang happy and contented siya sa buhay may-asawa.

***

ANG pinakaaabangang ‘Asia Artist Awards’ (AAA), na taunang seremonya na nagdiriwang ng pinakamahuhusay sa K-pop at K-drama, ay gaganapin sa Pilipinas ngayong Disyembre, ayon ito sa ulat ng Korean media outlet na Star News.

Magaganap sa Disyembre 14, ang 2023 AAA sa Philippine Arena sa Bulacan. Ang pinakamalaking indoor arena sa buong mundo na kinikilala ng Guinness Book of World Records, ang Philippine Arena ay may capacity ng higit sa 50,000 katao. Ito rin ang magiging venue ng mga K-Pop acts tulad ng Blackpink, Seventeen, Tomorrow X Together (TXT) at Twice mula Setyembre 30 hanggang Oktubre 1.

Hindi pa naman inihayag ang lineup ng mga artist na dadalo sa AAA, na kung saan nagtitipon ng mga kilalang tao mula sa buong Asian entertainment scene. Ang okasyon ay ipi-present bilang “a festival of a different class.”

Dahil sa premiere noong 2016, ang AAA ay nagbibigay ng mga papuri sa mga pambihirang tagumpay sa larangan ng musika, telebisyon, at pelikula.

“The 2023 AAA is heralding a bigger-scale festival this year,” ayon sa nilabas ng Star News sa kanilang website.

Ang seremonya ng paggawad noong nakaraang taon ay ginanap sa Nippon Gaishi Hall sa Nagoya, Japan at dinaluhan ng mga artist tulad ng The Boyz, Stray Kids, Itzy, Treasure, IVE, Kep1er, Le Sserafim, NewJeans at NMIXX, at marami pang iba. Nagsilbing host sina Leeteuk ng Super Junior at Wonyoung ng IVE.

Inihahandog ito ng Star News at co-host ng Asia Artist Awards Organizing Committee, TONZ Entertainment, at PULP Live World.

(ROHN ROMULO)

MABILIS na kumalat iyong JRU (Jak Roberto University) ‘Anti-Silos Class’ ni Jak Roberto, ngayon naman ay may DLSU na si David Licauco na pantapat niya sa “viral course” ng boyfriend ng kanyang ka-love team na si Barbie Forteza.  

Nang mag-guest si David sa “Fast Talk with Boy Abunda,” last August 29, doon naman sinabi ni David na ang meaning ng DLSU niya ay “David  Licauco Seloso University.”

Inamin ni David na seloso siya sa tunay na buhay, pero nasa lugar.

“Depende sa sitwasyon, kung lalabas naman talaga yung girlfriend mo with her friends, need mong intindihin iyon, kaya lang, minsan may mga guys na iba yung pakay,” paliwanag ni David.

“As a guy, alam ko kung ano yung lalakeng pwede mong pagkatiwalaan. Yes, seloso ako in a way, pero I don’t really say it sa public, hindi naman maganda iyon dahil may sarili din siayng buhay, meron din akong sariling buhay.  Kaya sinasarili ko lang, I just keep it to myself.”

As a loveteam lamang sina Barbie at David, pero best friends silang dalawa.  Ikinuwento ni David na friends din sila ni Jak at napag-uusapan nila ni Barbie ang boyfriend nito sa set ng “Maging Sino Ka Man,” a special limited series ng GMA-7 na movie noon na pinagtambalan nina Megastar Sharon Cuneta at Robin Padilla.

“Pinag-usapan namin ni Barbie yung anti-silos ni Jak, kung magri-react ba ako o si Jak, pero tinawanan na lamang naming kasi, at the end of the day, entertainers kami.  We’re so happy to entertain.

“At sa mga fans naman namin ni Barbie na umaasang magkakatuluyan kami sa tunay na buhay, personally, I think kailangan kong intindihin iyon on a fans perspective kasi humahanga sila sa amin, pero iyong may mga hate, we try our best to understand that kasi meron din silang feelings.”

Ang “Maging Sino Ka Man” ay magkakaroon na ng world premiere on September 11, papalitan nila ang “Voltes V: Legacy” na finale episode na on September 8, 8 p.m. sa GMA-7.

                                                            ***

BUKOD pala sa pagiging busy ni Eric Quizon sa mga inaalagaan niyang bagong talents ng Net25 under his Star Center, meron pala siyang nilulutong isa pang show para sa said network.

This time, isang sitcom ang gagawin niya kasama si Diamond Star Maricel Soriano.

“I’m gonna work to another show, a sitcom with Maria,” kuwento ni Direk Eric.

Si Maricel ba ang magiging next big star ni Direk Eric?

“Hindi siya makahindi sa akin,” natatawang sagot ni Direk.

“Dapat nga pag-uusapan na namin ang tungkol dito noong isang araw, pero may trabaho siya.”

Ayaw munang magkuwento ni Direk Eric, kahit ang title man lamang ng sitcom na pagsasamahan nila ni Maria.  Pero siya ang magdidirek at makakasama nila ang iba pang Quizon brothers,

Soon ay ia-announce na nilang madadagdag si Maricel Soriano sa Net 25.  At very soon ay ia-announce na rin nila ang gagawing show ng mga bagong talents ng Star Center, at ang iba pa nilang plano sa naturang TV network.

                                                            ***

ISA nang ganap na ina si Kapuso actress Kris Bernal matapos niyang isilang ang first baby nila ng husband niyang si Perry Choi.

Ibinahagi ni Kris sa kanyang Instagram post ang isang video na ibinida niya ang kanilang moments kasama ang kanilang little sunshine.

“15 days with our #LittleSunshine @haileelucca! And it has been the most magical days of our lives.  After the longest pregnancy and hardest labor, I would do it over so many times to meet my #LittleSunshine. The bond between a mother and child is one of the strongest in existence, I’m so in love!”

Dagdag pa ni Kris sa naramdaman sa kanyang pagbubuntis, “ay isang klase ng pagmamahal na never understood until it happens to you.”

(NORA V. CALDERON)

ALAM daw ni Gabby Concepcion ang dahilan ng anak niyang si KC Concepcion kung bakit nito in-unfollow ang stepdad niyang si Kiko Pangilinan at stepsister na si Frankie.  

Ayon ito sa columnist/host na si Cristy Fermin, na alam nga raw ni Gabby ang nangyayari, pero siguradong pipiliin daw nitong huwag panghimasukan ang tampuhan ng anak sa kanyang pamilya sa side ng mommy nitong si Megastar Sharon Cuneta.

Usap-usapan na kasi sa social media na mukhang hindi na naman maayos ang relasyon nila na napansin ng mga netizens, kaya nag-unfollow si KC.

Sabi pa rin ni Cristy, si Gabby raw kasi ay parang si KC din, bihira lamang magsalita at hindi nagpo-post ng malalalim na bagay tungkol sa mga tao na malalapit sa kanya.

May mga nanghihinayang naman sa bagong development na ito, dahil katatapos lamang magsalita si KC kung gaano siya natuwa nang malaman niyang magsasama sa isang concert ang mga magulang niya, ang “Dear Heart,” na magaganap sa October 27, sa SM Mall of Asia Arena.

Iba raw kasi ang nararamdaman niya dahil siya lamang ang anak nina Gabby at Sharon, at pangarap niyang makita silang “masayang nag-uusap, nagtatawanan, magkasundo at magkaibigan.”

(NORA V. CALDERON)