2023 September Archive - People's Balita

Archive for September, 2023

ASEAN leaders, opisyal na sinimulan ang 43rd summit sa Indonesia

Posted on: September 6th, 2023 by @peoplesbalita No Comments

OPISYAL na sinimulan ng mga top leaders ng ASEAN member-states, araw ng Martes ang 43rd ASEAN Summit sa Jakarta Convention Center sa Indonesia.

Dumalo si Pangulong Ferdinand Marcos Jr. sa opening ceremony kasama sina ASEAN Summit Chair at Indonesian President Joko Widodo, Brunei’s Sultan Hassanal Bolkiah, Cambodia Prime Minister Hun Manet, Lao PDR Prime Minister Sonexay Siphandone, Malaysia Prime Minister Anwar Ibrahim, Singapore Prime Minister Lee Hsien Loong, Vietnam Prime Minister Pham Minh Chinh, Mark Brown, Prime Minister of Cook Islands, Bangladesh President Mohammed Shahabuddin at Timor-Leste Prime Minister Xanana Gusmaño.

Tumayo namang kinatawan ng Thailand ang permanent Secretary for Foreign Affairs na si Sarun Charoensuwan.

Kasama ni Pangulong Marcos ang kanyang asawang si Unang Ginang Liza Araneta-Marcos.

Ginawa naman ng mga lider ng ASEAN member-states ang traditional handshake sa nasabing seremonya.

Si Pangulong Marcos ay mananatili sa Indonesia hanggang Huwebes, Setyembre 7 para dumalo sa ASEAN main events at maging sa iba pang summits.

Dumating ang Pangulo sa Jakarta, Lunes ng gabi.

Magtatapos ang 43rd ASEAN Summit sa Setyembre 7 na may handover ceremony ng ASEAN chairmanship mula Indonesia tungo sa Laos.

Nauna rito, sinabi ng Malakanyang na may 13 leader-level engagements ang dadaluhan ni Pangulong Ferdinand Marcos Jr., sa 43rd Association of Southeast Asian Nation (ASEAN) Summit sa Jakarta Indonesia.

Kabilang sa mga dadaluhan ng pangulo ang ASEAN Summit Plenary Session, opening ceremony ng ASEAN Indo-Pacific Forum, at 43rd ASEAN Summit Retreat Session.

Dadalo rin ang pangulo sa 26th ASEAN-China Summit, 24th ASEAN-Republic of Korea Summit, 26th ASEAN-Japan Summit, 26th ASEAN Plus Three Summit, ASEAN-US Summit, at ASEAN-Canada Summit.

Dadalo rin si Pangulong Marcos sa 20th ASEAN-India Summit, 18th East Asia Summit, 3rd ASEAN-Australia Summit, at 30th ASEAN-UN Summit.

Una rito, sinabi ni Pangulong Marcos na tatalakayin niya sa ASEAN ang usapin sa West Philippine Sea.

May bilateral meetings din si Pangulong Marcos sa ilang kapwa ASEAN leaders. (Daris Jose)

NPC graduates tumanggap ng tig-P1,500 cash incentives

Posted on: September 6th, 2023 by @peoplesbalita No Comments

NAKATANGGAP ng cash incentives mula sa Pamahalaang Lungsod ng Navotas ang aabot sa 911 na mga nagtapos sa Navotas Polytechnic College (NPC) para sa academic year 2022-2023.

Mismong si Mayor John Rey Tiangco ang nanguna sa pamamahagi ng P1,500 cash incentive sa mga benepisyaryo na NPC graduates, kabilang si Nanay Adelaida Alfabete, 75-anyos.

Sa ginanap na graduation, dumalo sina Mayor Tiangco, Cong. Toby Tiangco at Vice President at DepEd Sercretry Inday Sara Duterte kung saan personal na binati ng mga ito ang NPC graduates.

“Napagtagumpayan ninyo ang lahat ng mga pagsubok sa loob ng ilang taon ninyo sa kolehiyo. Marami mang pagbabago ang inyong pinagdaanan at pagdadaanan pa, kakayanin n’yo ito sa inyong pagsisikap at sa tulong ng inyong mga mahal sa buhay at ng ating pamahalaan”, ani Tiangco brothers.

Nagpasalamat din ang magkapatid na Tiangco kay VP Sara Duterte sa kanyang pagdalo sa graduation ng NPC at pagbibigay ng inspirasyon sa mga nagtapos.

Noong nakaraang buwan, namahagi din ang Navotas ng cash incentives, na nagkakahalaga ng P500 at P1,000, sa mga public elementary at senior high school graduates. (Richard Mesa)

DENZEL WASHINGTON AND DIRECTOR ANTOINE FUQUA TEAM UP AGAIN IN “THE EQUALIZER 3”

Posted on: September 6th, 2023 by @peoplesbalita No Comments

DENZEL Washington and director Antoine Fuqua team up for the fifth time in “The Equalizer 3,” which ties Fuqua with the late Tony Scott as Washington’s most frequent director collaborator.

Washington says there are many reasons why he looks forward to reteaming with Fuqua: “His spiritual maturity, his collaboration, his humility, his eye,” says the actor.

“There was never a question about his talent, his experience. We’re brothers – I trust him completely, he trusts me, and I’m excited about our future together. The deeper he goes, the higher he’ll go, and I’m not talking about movies.”

Fuqua returns the compliment: “Denzel constantly surprises me because the environment changes. He’s like an athlete,” says Fuqua of Washington.

“If Michael Jordan is playing against the Celtics, it’s one game. If he’s playing against the Lakers, it’s another game. Each situation Denzel is in, he’s so much in the moment of the character, that there’s times I’m discovering constantly, ‘What’s he going to do?’”

Watching Washington be “in the moment” of his character, in Fuqua’s words, is a unique experience. “I’ll go to Denzel to give him a note about something he did, and he’ll literally ask, ‘What did I do? What did I say?’ He’s so in the moment,” shares Fuqua.

“So I tell other actors that they have to be in the moment with Denzel. Your instinct has to be heightened and you have to really listen. You can’t come in with preconceived ideas, because that won’t work. It’s just like a dance – Denzel will stick to the intention of the scene, but you must move with him.”

Watch the trailer: https://youtu.be/inN061MtPOg

While waiting for “The Equalizer 3” to open in cinemas on September 13, let’s take a look back at the previous films that the critics-favorite duo have worked on together:

TRAINING DAY (2001)

Also stars: Ethan Hawke, Eva Mendes

Fun fact: Washington’s portrayal of Alonzo earned him a Best Actor Oscar.

THE EQUALIZER (2014)

Also stars: Chloë Grace Moretz, David Harbour, Melissa Leo, Bill Pullman

THE MAGNIFICENT SEVEN (2016)

Also stars: Chris Pratt, Ethan Hawke

THE EQUALIZER 2 (2018)

Also stars: Pedro Pascal, Melissa Leo, Bill Pullman

And don’t forget:

THE EQUALIZER 3 (September 13, 2023)

Also stars: Dakota Fanning

Synopsis: Since giving up his life as a government assassin, Robert McCall (Denzel Washington) has struggled to reconcile the horrific things he’s done in the past and finds a strange solace in serving justice on behalf of the oppressed. Finding himself surprisingly at home in Southern Italy, he discovers his new friends are under the control of local crime bosses. As events turn deadly, McCall knows what he has to do: become his friends’ protector by taking on the mafia.

The Equalizer 3 opens in Philippine cinemas September 13.

**The interviews for this article were done before the SAG-AFTRA strike.**

Connect with the hashtag #TheEqualizer3

(ROHN ROMULO)

Dahil sa 12 days suspension ng ‘It’s Showtime’: Chair LALA, natulog at nagising sa mga mura at sumpa ng netizens

Posted on: September 6th, 2023 by @peoplesbalita No Comments

NAKU, ‘under fire’ ang MTRCB ngayon dahil sa ipinatang nilang 12 airing days suspension sa ‘It’s Showtime.’

Hindi ito pumabor sa netizens, lalo na siyempre sa mga madlang people. Mas marami ang naniniwala na hindi raw makatarungan ang ginawang suspension sa ‘It’s Showtime’, kahit pa isinama na rin ang diumano’y iba pang offense o reklamo sa show sa mga nagdaang episodes.

Ang nakikita namin dito, ang pinupuntirya talaga ng mga tao ay si Chairwoman Lala Sotto. Ang pagiging anak niya si former Senator Tito Sotto at pamangkin ni Vic Sotto kaya diuamano’y pasa-todo lang dito kapag ang ‘E.A.T.’ ang may offense gaya raw ng pagsasabi ng bad words, bakit hindi ito nasu-suspend?

Grabe, mukhang natulog at nagising ang kapatid ni Ciara Sotto ng mga mura at sumpa mula sa mga netizens noong Lunes ng gabi, huh!

Sa isang banda, live pa rin ang ‘It’s Showtime’ noong Martes at maaaring sa mga susunod pang araw. Binasa ni Jhong Hilario ang official statement ng ABS-CBN tungkol sa suspension at nagpahayag sila na aapela sila at naniniwala silang wala silang nilabag na ano man.

Si Vice Ganda naman, mula sa kanyang tweet pagkatapos na lumabas ang suspension sa ‘It’s Showtime’, nag-post ito na, “In the middle of every difficulty lies opportunity.”

At sa live ng noontime show, naka-all pink outfit si Vice at may hirit na, “Ganyan talaga kapag marami kang blessing. Para kang namumukadkad na isang rosas.”

May mga hirit naman sa audience at mga sumisigaw na, ‘wala akong pake.’ Natatawang sabi ni Vice sa mga ito, “Hindi po ‘yon ang opinyon ko. Wala akong pake! Ay, ang ganda ng song na ‘yon. Very timely.”

***

EVER since, si Andrei Yllana ang vocal sa pagsasabi na botong-boto siya sa kanyang Tita Abby Viduya para sa ama na si Jomari Yllana.

Kaya naman masaya raw siya na ikakasal na ang dalawa sa November ng taong ito.

At bago raw mag-propose ang ama, nagkausap muna raw sila at sabi niya raw dito, “Ako po, simple lang po talaga ang sabi ko kay Daddy. Sabi ko, ‘Dad, kung saan ka sasaya, do’n ako, suporta ako.’ Eh, ‘yun ang magpapasaya sa kanya kaya full support ako.”

At humingi pa raw ng tips sa kanya si Jomari kung paano ang dapat na pagpo-propose.

“Tinanong niya ko, sabi niya, paano ba dapat, ganito, ganyan? Tapos sabi niya, okay lang ba sa ‘yo, Andrei? Tanggap mo ba? Sabi ko, ‘oo naman Dad, kung saan ka masaya.”

Isa raw sa dahilan kung bakit gustong/gusto niya si Abby para sa ama, dahil daw ibang-iba ito sa lahat ng mga naging girlfriend ni Jomari.

Malaking bagay rin daw na artista rin ito at nakakapag-usap sila. Sey pa niya, “Very ano siya, e, I would say a mom in her and a friend in her.”

Sinigurado rin ni Andrei na present siya sa Las Vegas wedding ng Daddy niya at ni Abby. Lagot daw sa kanya ang mga ito kung sakali at wala siya.

Kung ang mommy naman niya na si Aiko Melendez ang magpapakasal sa longtime boyfriend nito na si Vice Governor Jay Khonghun ang magsasabi sa kanya, papayag din kaya siya?

Mabilis na “oo naman” ang sagot niya at saka sinabi pa na, “Tito Jay, baka naman?”

In fairness kay Andrei na anak, huh!

Sa ngayon, magsisimula na muli si Andrei ng taping para sa bagong series na ‘Safe Skies, Archer.’ Bahagi pa rin ito ng hit Wattpad University series na sinimulan nga ng ‘The Rain in España’ at napapanood sa VIVA One.

(ROSE GARCIA)

No. 5 most wanted person ng Valenzuela, nalambat sa Laguna

Posted on: September 6th, 2023 by @peoplesbalita No Comments

HINDI na nagtagal sa pagtatago ang isang binata na nakatala bilang No. 5 most wanted sa Valenzuela City matapos matimbog ng pulisya sa isinagawang manhunt operation sa Cabuyao, Laguna, kamakalawa ng hapon.

Kinilala ni Valenzuela police chief P/Col. Salvador Destura Jr, ang naarestong akusado bilang si Chirre Gard David alyas Jay R Roxas David, 20 ng No. 18 216 Phase 7 NHV, Barangay Tigbe, Norzagaray, Bulacan.

Sa kanyang report kay Northern Police District (NPD) P/BGen. Rizalito Gapas, sinabi ni Col. Destura na nakatanggap ng impormasyon ang mga operatiba ng Warrant and Subpoena Section (WSS) ng Valenzuela police na naispatan ang presensiya ng akusado sa Cabuyao, Laguna.

Kaagad bumuo ng team ang WSS sa pangunguna ni P/Lt Ronald Sanchez saka nagsagawa ng manhunt operation na nagresulta sa pagkakadakip sa akusado dakong ala-1:20 ng hapon sa kahabaan ng Pulo Diezmo Road, Cabuyao, Laguna.

Ani Lt. Bautista, ang akusado na nakatala naman bilang No. 10 MWP ng NPD ay pinosasan nila sa bisa ng warrant of arrest na inisyu ni Presiding Judge Mateo B. Altarejos ng Family Court, Branch 16, Valenzuela City noong August 17, 2023, para sa kasong Statutory Rape.

Ang akusado ay pansamantalang nakapiit sa Costudial Facility Unit ng Valenzuela police habang hinihintay ang pagpapalabas ng commitment order ng korte.

Pinuri naman ni BGen. Gapas ang Valenzuela police sa kanilang pagsisikap para tugisin ang mga taong wanted na pinaghahanap ng batas na nagresulta sa pagkakadakip sa akusado. (Richard Mesa)

SIKLISTANG TINUTUKAN NG BARIL, HINIKAYAT NI BELMONTE NA LUMUTANG AT MAGSAMPA NG KASO

Posted on: September 6th, 2023 by @peoplesbalita No Comments

NANANAWAGAN si Quezon City Mayor Joy Belmonte sa siklista na lumutang at magsampa ng kaso sa ginawang pagkasa at panunutok ng baril ng isang retiradong pulis na si Wilfredo Gonzales sa area ng Welcome Rotonda, Quezon City.

Kaugnay nito ay inatasan ni Belmonte ang People’s Law Enforcement Board o QC-PLEB na imbestigahan kung papaano hinandle ng QUEZON CITY POLICE DEPARTMENT o QCPD dahil na rin sa pagkakadismaya ni Belmonte sa Galas Police Station o Station 11 kung saan ay agad na humantong sa amicable settlement ang dalawang partido at pinagbayad pa ang siklista para sa gasgas sa kotse ni Gonzales.

Dagdag pa ng alkalde, titiyakin ng lokal na pamahalaan ang seguridad ng biktima maging ng kanyang pamilya. Maaaring natatakot ang biktima na humarap dahil ang nakatapat niya ay retiradong pulis. Nais nating bigyang-diin na walang puwang ang karahasan sa lungsod ng Quezon.

Sakaling magdesisyon ang biktima na lumapit sa QC LGU, maaring masampahan si Gonzales ng mga sumusumod na kaso Grave Threat, Slander by Deed, Reckless Imprudence, Physical Injuries, Violations of RA 10591 or absence of a License to Own and Possess a Firearm, absence of Permit to Carry.

Binigyang-diin ng city government na sa ilalim ng City Ordinance SP-2988 S-2020 o Ordinance promoting Safe Cycling and Active Transport ay maaring maparusahan ang mga motoristang haharang sa cycling lanes o walking paths.

Dagdag pa rito ang Section 8.2.2 of City Ordinance SP-2636 S-2017 or QC Road Safety Code na nagsasaad na hindi dapat iharang ang anumang sasakyan sa bike lane.

“This culture of impunity is not acceptable in QC and I have a duty and responsibility to maintain peace and order in our city and to send a strong message that acts such as those committed shall not be tolerated and that he must be held accountable,” Belmonte added.

Paliwanag pa ni Belmonte, tinitiyak nya sa cycling community at sa mga mamamayan na nakahanda ang QC LGU na itaguyod at protektahan ang mga ligtas na bike lane. (PAUL JOHN REYES)

Ayon sa paniniwala nina ER at Jeric: DAVID, puwede na maging next big action star

Posted on: September 6th, 2023 by @peoplesbalita No Comments

SIGURADONG ang mga BarDa fans nina Barbie Forteza at David Licauco, ay napanood na ang full trailer ng “Maging Sino Ka Man,” ang iconic adaptation sa GMA-7 ng pelikula noon nina Megastar Sharon Cuneta at Robin Padilla.

Sa trailer, makikita mo ang husay sa mga action scenes niya si David, na ayon sa kanya, hanggang maaari ay siya ang gumagawa ng mga stunts. Kaya naman noong mediacon ng action serye, nahingan ng comments ang mga kasama ni David na mga action stars na sina Jeric Raval at ER Ejercito.

Ayon kay former Laguna Mayor ER, sinusuportahan at gina-guide niya si David sa mga action scnes nito.

“Naniniwala akong si David, bilang isang action star ay pwedeng maging next Ace Vergel or next Rudy Fernandez.”

Naniniwala naman si Jeric na marami pang susunod na action projects si David.

“Nakikita ko sa trailer pa lamang na malayo ang mararating niya bilang isang action star.”

Tulad nang sabi ni Gov. ER, nakikita rin daw niya kay David ang mga mahuhusay na action stars na sina Rudy at Ace.

Sa September 11 na mapapanood ang world premiere ng “Maging Sino Ka Man” na makakasama rin nina Barbie at David, sina Jean Garcia, Faith da Silva. Jean Saburit, Juancho Trvino, Rain Matienzo at marami pang iba.

Papalitan nila ang “Voltes V: Legacy” na finale episode na sa September 8 sa GMA-7, 8pm.

***

IKINALUNGKOT pala ng tinaguriang “The Father of Philippine Christmas Music” na si Jose Mari Chan, nang malaman niyang wala o bibihira na ang bumibili ng CDs at cassettes sa panahon natin ngayon na may makabago nang technology.

Kaya nang mag-guest siya sa “Fast Talk with Boy Abunda” last September 1, nalungkot siyang malaman na hindi na rin gaanong kumikita ang mga artists natin. At iyon nga nasabi ni Jose Mari kay Boy, na wala na raw bumibili ng records, ng CDs at cassettes.

“Sa Spotify na lamang kumikita ang ating mga artists pero konti na lamang maliban kung may mga endorsements sila at may mga shows sila,” sabi ni Jose Mari.

“Hindi madali ang buhay ng pagiging isang singer at kompositor. Kaya may payo ako sa mga new compositors and singers, gamitin nila ito as a hobby or on the side. Kumuha sila ng ibang career, mag-aral sila ng law or accounting, or medicine.

“Huwag nilang ihinto ang paggawa ng music, kasi God’s given gift sa kanila ang kanilang boses at kaalaman para maging kompositor.”

That day, September 1, sinimulan ni Jose Mari Chan ang araw nang mag-guest siya sa “Unang Hirit”| ng GMA-7 at inawit niya ang pamoso niyang Christmas song na “Christmas in Our Hearts.”

***

NAGPASALAMAT ang mga Vilmanians kay Vilma Santos nang ipakita niya ang movie poster ng upcoming movie niya with favorite leading man, Christopher de Leon, ang “When I Met You in Tokyo” na backdrop nila ang Japan’s sakura at caption na “Ready to fall in love? Soon…”

Ang “When I Met You in Tokyo” ay isang romantic drama na shot in Japan. Makakasama nila sa movie sina Cassy Legaspi at Darren Espanto. Thankful si Vilma sa bagong movie na na-miss niya ang paggawa sa nakalipas na six years.

Kaya raw nang i-offer sa kanya, tinanong lamang niya ay ang synopsis ng story at kung sino ang makakasama niya, Oo agad ang sagot niya nang malamang si Christopher de Leon ang makakatambal niya.

May guest role din sa movie ang best friend nilang si Tirso Cruz III na nag-shoot din sa Japan.

Tuloy kayang isama sa coming Metro Manila Film Festival 2023 ang “When I Met You in Tokyo?”

(NORA V. CALDERON)

Matagal na pinaghahandaan ang bawat role: CARLA, pinuri sa istilo sa pagmi-memorize ng mga linya

Posted on: September 6th, 2023 by @peoplesbalita No Comments

PINURI at kinagliwan ng netizens si Carla Abellana dahil sa kanyang Instagram post na kung saan pinakita niya kung paano pinaghahandaan ang isang role sa movie man o sa teleserye.

Makikita nga sa photo na ibinahagi ng Kapuso actress ang pagsusulat niya sa mga Manila papers na nasa floor at meron din nakadikit sa wall. Ayon kay Carla, ito raw ang isa sa effective methods niya para madaling ma-memorize ang kanyang mga linya.

Sa caption niya, “minsan, ganito talaga ako maghanda para sa mga eksena ko sa trabaho. Lalong-lalo na kapag mahaba, mahirap at marami ang mga linya ko. Na lagi naman, kung tutuusin.

“Madalas, akala ng karamihan na nakakatrabaho ko sa industriya na mabilis at mahusay ako mag memorya. Hindi nila alam na ilang beses sa loob ng ilang araw ko munang pinag-aaralan ang mga eksena at mga linya ko.”

Dagdag pa ng mahusay na aktres, “kaming mga Artista, hindi kami basta-basta darating sa set para umarte sa harap ng mga camera. Kadalasan, hindi lang isang araw, dalawang linggo o tatlong buwan namin kung paghandaan ang mga gagampanan namin.

“Pero dahil mahal na mahal ko ang trabaho ko at ayaw kong mabigo ang network, mga producers, mga manunulat, mga direktor at mga kapwa ko Artista na nagtitiwala at umaasa din sa akin, gagawin ko ang lahat para maghanda ng mabuti.

“Ganito ako bilang isang Artista. 🩶”

Kaya naman pinusuan ng marami ang kanyang IG post at marami talaga ang pinahanga sa kanyang dedikasyon sa trabaho.

Kaya komento ng mga netizen…
“Hindi lang magaling na actress , napakaprofessional pa, kaya ka hinangaan ng karamihan dhil sa dedication mo sa work . kaya forever ka namin susuportahan, Mahal ka namin Ms @carlaangeline”

“Akala ko nung hindi ko pa binabasa ung caption, akala q nagtuturo ka na rin po Ma’am Carla, o nagpprepare for Psychometrician Board Exam since Psychology 🔱 graduate ka rin po. Nakaka proud ka po ung dedication mo s trabaho nyo po ay tlga nmn nakaka hanga. Sana tularan din po kayo ng mga bagong mga artista.”

“Isa sa mga dahilan kung bakit ka namin minahal Ms. @carlaangeline kung paano ka po mag trabaho. Sa bawat pagbigkas ng mga linya kitang kita po ang galing at emosyon na ibinibigay mo. 😊 Sobrang proud po kami sayo. Palagi. ❤️”

“Wow, sobrang dedikasyon! Kaya napakahusay at inspirasyon ka talaga ng mga fans mo. So proud of you!!! @carlaangeline 👏👏👏👏
galing nman ng Queen nmin, so proud of you forever💯 kya lalo k nming hinangaan hndi lng bilang isang artista kundi bilang isang tao, mahal ka nmin @carlaangeline 😘😍❤️”

“And then you shoot a scene with a newbie who didn’t even bother to memorize lines properly. ”

Sana nga ay may matutunan dito ang ibang artista, lalo na ang mga baguhan na hirap na hirap mag-memorize na kanilang lines at gampanan ang kani-kanilang roles.

***

Ang Japanese trio na SKYGARDEN, na binubuo nina Ryoichi “Ryo” Rivera Nagtsuka, Hiro Ozaki, at Iwaki “Iwa” Maegawa, ay opisyal ng kasama sa dynamic na sub-label ng GMA Music na AltG Records.

Naganap ang contract signing noong July 28 kasama si GMA Music Managing Director Rene Salta, Artist and Repertoire Manager at in-house producer na si Kedy Sanchez, at SKYGARDEN manager na si Ruby Cuevas.

Mula noong kanilang debut noong 2022, ang SKYGARDEN trio nina Ryo, Hiro, at Iwa ay nanalo sa puso ng mga Pilipino sa kanilang nakakahawang enerhiya, malikhaing ideya, at nakakaakit na nilalamang video. Mabilis na naging viral ang kanilang mga video sa mga platform ng social media, na nakakuha ng kahanga-hangang manonood sa Facebook, Tiktok, at YouTube. Nakuha nito ang atensyon ng Kapuso Network at naging dahilan upang maging contestant sila sa top-rating game show ng GMA na ‘Family Feud.’

Malapit nang marinig ang kakaibang timpla ng mga talento at kultural na impluwensya ng trio. Gumagawa sila ng mga covers ng mga sikat na OPM song, idinagdag ang kanilang kakaibang spin at Japanese touch. Ang kanilang inaabangan na debut single na “KOKOA” ay available na ngayon sa mga digital platform sa buong mundo.
Isinulat ni Hiro, ang kanta ay nagdadala ng malalim na mensahe ng pagmamahal at pagmamahal. Ang pamagat ay nagmula sa Japanese na pariralang “Kokoro kara Aishiteru” na isinalin sa “Mahal kita mula sa kaibuturan ng aking puso.”

Ito ay hango sa karanasan ni Iwa sa pag-ibig at pinaghalo ang Japanese anime rock na may Tagalog na lyrics.

(ROHN ROMULO)

Influencers hinikayat: ‘Wag i-endorso iligal na online gambling sites

Posted on: September 6th, 2023 by @peoplesbalita No Comments

PANAWAGAN ng isang grupo na itigil ng mga online influencers ang kanilang pag-endorso sa mga iligal na online gambling sites.

Binanggit ng Digital Pinoys, isang grupo ng mga digital advocates, na dapat mas isipin ng mga online influencers ang mapahamak na epekto ng unregulated gambling operators sa mga nagiging biktima nito.

“Social media influencers should stop engaging with unregistered online gambling sites as their endorsement creates more victims,” sabi ni Ronald Gustilo, national campaigner ng Digital Pinoys.

“They should be aware that it is their endorsement that helps create the situation for people to be duped by these illegal sites.”

Binanggit din ni Gustilo na makakatulong ang mga influencers kung kanilang ire-report sa gobyerno ang kanilang mga contacts sa mga naturang gambling sites.

“By disclosing their contacts working with illegal gambling sites, social media influencers will be giving the campaign against the illegal activities of online gambling site operators a big boost,” sabi ni Gustilo.

Liban sa pagpapatakbo nang walang permit, sinasabing may kaugnay ang mga ilegal gambling sites na ito sa mga ilang insidente ng mga kahina-hinalang transaksyon sa mga e-wallet at online banking accounts.

Tinukoy ng Digital Pinoys ang mga influencers at Facebook pages na nag-eendorso ng mga nasabing pasugalan:

Sierra shots

Choco Moto

Chief Kratos

Ginebra Ars

Team Bulugoy TV

Papa Ace Cebu

John Vincent Official

Tanleytv

Bitoy TV

Soriaga9272

Ginebra Ako memes

UAAP – NCAA memes

CLX basketball PH

Nasaktan basketball association

Basketball nation

Kaugnay ng kanilang panawagan sa National Telecommunications Commission na i-block ang mga gabling sites na ito sa bansa, ipinanawagan din ng grupo sa gobyerno na makipagtulungan sa mga networks kung saan matatagpuan ang naturang mga website.

“More than 90% of blocked illegal gambling websites were hosted by Cloudflare, Amazon and Microsoft,” sabi ni Gustilo.

“If the government will be able to make these hosting providers cooperate, the campaign against illegal gambling sites will be given a huge boost.”

Disyembre 2022 lang nang magbabala ang PAGCOR sa mga illegal gambling sites at mga parokyano nito. Aniya, krimen ang pagtaya sa ganitong sites at siyang nagkakait ng bilyun-bilyong pondo sa mga priority programs ng gobyerno.

Paliwanag nila, meron namang mga website ng online-based gaming gaya ngElectronic games (E-Games) at Electronic bingo games (E-Bingo) na mayroong permit mula sa PAGCOR ay makikita ang listahan ng mga ito sa kanilang opisyal na website.

Dagdag pa nila, matitiyak na kasiya-siya at ligtas ang paglalaro sa mga lisensyadong pasugalan. Maiiwasan daw dito ang mga modus gaya ng identify theft at credit card fraud.

Pinsala sa agrikultura dahil kay Goring, umakyat sa P504.4M

Posted on: September 5th, 2023 by @peoplesbalita No Comments

UMAKYAT na sa mahigit kalahating milyong piso ang pinsala at pagkalugi ng agriculture sector kasunod ng matinding pananalasa ng bagyong Goring.

Base sa pinakabagong bulletin na ipinalabas ng Department of Agriculture (DA) Disaster Risk Reduction and Management Operations Center, ang pinsala sa farm sector dahil sa bagyo ay umabot sa halagang P504.4 million.

Mas mataas ito kumpara sa P375 million na naiulat noong Agosto 31.

Naapektuhan ng masungit at masamang panahon ang 11,965 magsasaka sa 19,658 ektarya ng agricultural areas sa Cagayan Valley, Central Luzon, Calabarzon, at Western Visayas.

Pagdating naman sa volume, “production losses stood at 21,134 metric tons”, ayon sa DA.

Affected commodities include rice, corn, high-value crops, and livestock,” dagdag na pahayag ng departamento.

Ang bigas ang pinaka- mas apektado sa mga produkto, may total value loss na P362.2 million, katumbas sa 16,488 MT ng mga pananim na nasira sa 13,967 ektarya ng lupang sakahan.

Sumunod naman ang mais na may P139.1 milyong halaga ng pinsala at volume loss na 4,590 MT sa 5,682 ektarya ng lugar ang nasira.

Para naman sa mga high-value crops, ang halaga ng value loss ay umabot sa P2.7 million, habang ang volume loss ay pumalo naman sa 56 MT sa siyam na ektarya ng lupain.

“The livestock and poultry sub-sector incurred P487,600 worth of losses, accounting for 23 heads of cattle, carabao, and goats,” ayon sa DA sabay sabing “The DA, through its RFOs (regional field offices), is conducting assessments of damage and losses brought by ‘Goring’ in the agriculture and fishery sectors.”

Samantala, sinabi pa rin ng departamento na “The DA-DRRM Operations Center will continuously provide updates regarding Goring.” (Daris Jose)