2023 September Archive - People's Balita

Archive for September, 2023

DBM naglabas na ng P3 bilyong pondo para sa fuel subsidy sa sektor ng transportasyon

Posted on: September 9th, 2023 by @peoplesbalita No Comments

INAPRUBAHAN na ni Department of Budget and Management (DBM) Secretary Amenah F. Pangandaman ang paglabas ng P3 bilyong pondo para sa implementasyon ng Fuel Subsidy to the Transport Sector Affected by Increasing Fuel Prices o ang Fuel Subsidy Program (FSP)], na layong bigyan ng ayuda ang mahigit 1.36 milyong drayber at operator na apektado ng serye ng oil price hike.

“Transportation is the lifeblood of our economy. Bilin po sa amin ni President Bongbong Marcos na tulungan at huwag pabayaan ang ating mga manggagawa sa transport sector. Kaya naman po sisiguruhin namin na mabibigyan sila ng nararapat na tulong mula sa gobyerno,” pahayag ni Amenah Pangandaman.

Ang paglalabas ng pondong P3 bilyon ay kasunod na rin ng kahilingan ng Department of Transportation (DOTr), at alinsunod sa Special Provision (SP) No. 7 ng DOTr-OSEC agency-specific budget sa ilalim ng Republic Act (RA) No. 11936 o ang Fiscal Year (FY) 2023 General Appropriations Act (GAA).

Nauna nang nagsumite ng pormal na kahilingan ang DOTr nuong Agosto 9, 2023 ngunit ibinalik ng DBM nuong Agosto 17 dahil sa mga natukoy na ilang tinatawag na deficiencies at inconsistencies sa mga dokumento, kabilang ang hindi pagsusumite ng kaukulang guidelines mula sa DOTr, Department of Energy (DOE), at DBM, na requirement sa ilalim ng SP No. 7 ng FY 2023 DOTr-Office of the Secretary (DOTr-OSEC) Budget.

Noong Setyembre 4, muling natanggap ng DBM ang opisyal na kahilingan ng DOTr kalakip ang mga kinakailangang dokumento kabilang ang kopya ng FSP guidelines na may petsang Agostong 31, 2023 at pirmado ng mga pinuno ng DOTr, DBM, DOE, Land Transportation Franchising and Regulatory Board (LTFRB), at Landbank of the Philippines (LBP).

Matapos ang validation ng LTFRB, sa pakikipag-ugnayan sa DILG, Department of Information and Communications Technology (DICT), at Department of Trade and Industry (DTI), ang natukoy na 1.36 milyong target beneficiaries ay makatatanggap ng one-time fuel subsidy, depende sa uri ng kanilang pinapasadang sasakyan:

-Modernized Public Utility Jeepney (MPUJ): P10,000

-Modernized Utility Vehicle Express (MUVE): P10,000

-Traditional PUJ: P6,500

-Traditional UVE: P6,500

-Public Utility Buses (PUB): P6,500

-Minibuses: P6,500

-Taxis: P6,500

-Shuttle Services Taxis: P6,500

-Transport Network Vehicle Services: P6,500

-Tourist Transport Services: P6,500

-School Transport Services: P6,500

-Filcabs: P6,500

-Tricycles: P1,000

-Delivery Services: P1,200

Batay na rin sa balangkas ng Memorandum of Agreement (MOA na isinumite ng DOTr, ang pondo ng subsidiya ay ibibigay sa DOTr-OSEC na siyang magbababa sa LTFRB, bilang implementing agency.

Ibabase naman ng LBP sa master list ng eligible beneficiaries na sertipikado ng LTFRB, DICT, DTI, at DILG, ang distribusyon ng subsidiya sa pamamagitan ng modes of payment, proseso at schedule na aprubado ng LTFRB.

Pinagsusumite rin ang LBP sa DOTr at LTFRB ng regular na kinakailangang ulat hinggil sa naging distribusyon ng subsidiya sa mga benepisyaryo bilang bahagi ng monitoring ng programa. (Daris Jose)

Presyo ng bigas sa world market apektado sa price cap ni Marcos

Posted on: September 9th, 2023 by @peoplesbalita No Comments

TAHASANG sinabi ni House Speaker Ferdinand Romualdez na bahagyang naapektuhan ang presyo ng bigas sa world market matapos pirmahan noong biyernes ni pangulong Marcos ang Executive Order 39 na nagtatakda sa presyo ng bigas sa bansa.

Batay sa US-based company na Markets Insider, bumaba ng 21% ang presyo ng bigas sa pandaigdigang kalakalan mula $384 per metric ton noong Hulyo at ngayon ay nasa $332.4 sa bawat metrikong tonelada na lang.

Ayon kay Romualdez, “timing at effective” ang EO ni Pangulong Marcos dahil nakaapekto ito sa mataas na presyo ng bigas ngayon sa world market.

Ani Romualdez, posibleng kinansela ng mga Filipino importers at traders ang pag-angkat ng bigas mula sa ibang bansa dahil nagmura na ang presyo nito sa lokal na merkado.

“Siguro nung kinansel na nila (mga importers at traders) ang mga orders, biglang dumami tuloy ang stock sa abroad ng bigas”, ani Romualdez.

Sinabi pa ni Romualdez na halata na artificial ang pagsirit ng presyo ng bigas sa mga palengke dahil sa pagtatago ng mga bigas sa bodega nang isagawa ang inspeksiyon.

Dagdag pa ng mambabatas mula Leyte na ang rice price cap ang tanging susi pala para pigilan ang price manipulation at hoarding ng bigas sa bansa na naging senyales naman sa world market.

PBBM, Kamala Harris pinag-usapan ang South China Sea sa Jakarta

Posted on: September 9th, 2023 by @peoplesbalita No Comments

NAGKITA sina Pangulong Ferdinand Marcos Jr. at US Vice President Kamala Harris para sa bilateral talks sa sidelines sa ASEAN Summit sa Jakarta, Indonesia.

“The two leaders discussed the maritime security environment in the South China Sea, and reviewed opportunities to enhance bilateral maritime cooperation, including alongside likeminded partners,” ayon sa ipinalabas na kalatas ng White House.

Kapwa naman winelcome nina Pangulong Marcos at Harris ang identification o pagkilala sa apat na karagdagang sites sa Pilipinas kung saan may access ang US forces sa ilalim ng Enhanced Defense Cooperation Agreement (EDCA).

“President Marcos and the Vice President also discussed opportunities to bolster bilateral economic cooperation and enhance economic resilience,” ayon sa kalatas.

Sa Twitter, ibinahagi ni Speaker Ferdinand Martin Romualdez ang mga larawan nina Pangulong Marcos at Harris na nag-uusap.

Makikita rin sa larawan si Romualdez at ang anak ng Pangulo na si Ilocos Norte Rep. Sandro Marcos, senior deputy majority leader sa Mababang Kapulungan ng Kongreso.

Sina Pangulong Marcos at Harris ay kapwa na sa ASEAN-US Summit sa Jakarta Convention Center, araw ng Miyerkules.

Winika naman ni Philippine Ambassador to Washington DC Jose Manuel “Babes” Romualdez na nais ng Estados Unidos at Japan na magkaroon ng trilateral meeting kasama si Pangulong Marcos sa sidelines ng summit.

Nakatakda namang lisanin nina Marcos at Harris ang Indonesia , ngayong araw ng Huwebes.

Sa kabilang dako, sinabi ni Pangulong Marcos sa ASEAN-US Summit na ang Estados Unidos ay isang “indispensable partner” ng ASEAN. Umaasa siya na ang malalim na ugnayan sa ‘superpower’ ay makatutulong sa hangarin ng Southeast Asian bloc na pangmatagalang kapayapaan.

“The US has always been an ally and an indispensable partner of ASEAN,” ang pahayag ni Pangulong Marcos sa kanyang intervention sa 11th ASEAN-US Summit.

“As we forge closer and deeper relationships in the coming years, we hope to continue working together towards a region that enjoys lasting peace, security, stability, and resilience,” dagdag na wika nito.

Para sa Punong Ehekutibo, ang Estados Unidos ay “more than just a longstanding, close, and reliable friend and ally of the Philippines.”

Ang Estados Unidos aniya ay ”undeniably ASEAN’s partner in achieving our collective goals and aspirations as nations, both on the domestic and international fronts.”

Sa kabilang dako, welcome naman kay Pangulong Marcos ang suporta ng Estados Unidos para sa ASEAN centrality at ang prinsipyo ng ASEAN Outlook on the Indo-Pacific (AOIP).

Aniya, “this envisioned a free and open Indo-Pacific that is more connected, prosperous, secure, and resilient.”

Pinuri naman ni Pangulong Marcos ang liderato ng Estados Unidos para sa kanilang pagsisikap na lumikha ng joint statement kasama ang Japan at South Korea, tinawag itong ”The Spirit of Camp David.”

“The Statement cemented a common security agenda among the United States, Japan, and South Korea on arguably the most problematic issues in the region—issues that undermine regional peace and prosperity, including but not limited to supporting the free and open international order based on the rule of law,” ayon sa Pangulo.

Kinontra kasi ng joint statement ang unilateral attempts na palitan ang status quo sa katubigan sa Indo-Pacific at ang militarisasyon ng ‘reclaimed features’ sa South China Sea.

Ipinahayag din ng joint statement ang alalahanin para sa nagpapatuloy na ‘illegal, unreported, and unregulated (IUU) fishing” na labis na nakaapekto sa mga mangingisda.

Binanggit din nito ang trilateral maritime exercise na isinagawa ng Coast Guards of the Philippines, Japan, at EStados Unidos na ayon sa Pangulo ay “aimed at strengthening humanitarian assistance and disaster relief cooperation.”

Nanawagan naman ang Pangulo sa ASEAN member-states na patuloy lamang na palakasin ang “connectivity at supply chains” sa RStados Unidos “to further expand mutual trade” sabay sabing “the US economic might in the region has been a positive force.”

Ipinagmalaki naman ng Pangulo na ang Estados Unidos ang “biggest source” foreign direct investment, na may market share na 22.5% noong 2022.

“We look forward to more investment inflows as well as a higher turnover of goods and services through the implementation of the ASEAN-US Trade and Investment Framework Arrangement and the Expanded Economic Engagement Work,” ang pahayag ng Pangulo.

Pinuri naman ng Pangulo ang Estados Unidos sa pagdating kasabay ng sabihan nito ang China na patuloy na igigiit ng Pilipinas ang 1982 UN Convention on the Law of the Sea (UNCLOS) at ang rule of law sa pagsasaayos sa maritime disputes.

Sa kanyang talumpati naman sa 43rd ASEAN Summit Retreat Session, nanawagan ang Pangulo sa ASEAN na huwag payagan ang international order na maging hamon ng anumang “hegemonic ambition” sa South China Sea (SCS).

Ang panawagan ng Pangulo ay matapos na tawagin nitong “misleading narratives that frame the disputes in the SCS solely [through] the lens of strategic competition between two powerful countries.”

Bagama’t hindi naman pinangalanan ng Pangulo ang bansa na tinutukoy nito, hindi naman lingid sa kaalaman ng lahat na ang Estados Unidos ay isa sa “staunchest and most vocal allies” ng Pilipinas sa territorial dispute nito sa China, kinasasangkutan ng bahagi ng South China Sea na tinawag naman ng Maynila na West Philippine Sea. (Daris Jose)

Dahil sa matitinding pinagdaanan sa buhay: LANI, nasubukan ang tatag, pananampalataya at relasyon sa asawa

Posted on: September 9th, 2023 by @peoplesbalita No Comments

MAGKASAMA sina Jean Garcia (as Belinda) at Barbie Forteza (as Monique/Dino) sa Maging Sino Ka Man, at very vocal si Jean sa pagkilala kay Barbie bilang isang mahusay na aktres.

“Bata pa lang mahusay na siya, magaling talaga si Barbie, e!

“Kasi nanggagaling sa heart, hindi siya umaarte, kumbaga yung character pinag-aaralan niyang mabuti, alam niya.

“Alam niya na siya si Monique, alam niya na nanay niya ako, masama ang loob niya, makikita mo kasi ramdam niya talaga, natural na lumalabas sa isang Barbie Forteza.

“Pero hindi Barbie yung lumalabas, yung character na minahal niya, kung ano man yung show na ginagawa niya, kaya magaling na artista talaga si Barbie,” pahayag ni Jean.

Bata pa lamang si Barbie ay nakasama na ito ni Jean sa ‘Stairway To Heaven’ at noong nagdalaga naman si Barbie ay sa ‘The Half Sisters’ sila nagkatrabaho.

Ipapalabas na simula sa Lunes, September 11, 8 p.m. sa GMA Telebabad at 9:40 p.m. sa GTV ang Maging Sino Ka Man kung saan si David Licauco ang leading man ni Barbie, sa direksyon ni Enzo Willimas.

***

SCAMMER si Joross Gamboa sa ‘The Missing Husband’ at bilang si Brendan ay mahusay na naitawid ni Joross ang kanyang karakter sa nabanggit na GMA Afternoon Prime series.

Sa tunay na buhay ba ay naranasan ni Joross na ma-scam?

“Meron na akong experience na na-scam and actually even my parents. Marami, mga kakilala, marami akong ano, so yung mga kumbaga nakita ko dun na-apply ko dito sa show na ‘to.

Ang mga in-scam ni Joross sa ‘The Missing Husband’ ay sina Yasmien Kurdi (bilang Millie) at Rocco Nacino bilang si Anton.

“Yung character kasi with the help of siyempre si direk, visually pini-feed niya e, yung situation, yung mga eksena.

“Ang mga scammer kasi, iyon nga yung pinag-uusapan namin, mga flashy sila sa mga suot nila, sa mga gamit nila. Lagi rin silang, ito pa yung mahirap ha, yung minsan yung mga una nilang mga clients or mga nakukuha, hindi nila ini-scam, e.

“Sila yung parang resibo nung scammer na, ‘O, kita mo?’

“Hindi nila ini-scam lagi yung una nilang ano, o-offer-an nito. “Yung mga susunod. Or later on, after mong kumita sa kanila papa-invest-in ka nila ng mas malaki!

“So sina-size up so yung mga scammer iyon yung, marami, building up relationship, iyon yung pinag-uusapan namin, so mahirap, mahirap.

“Kaya kailangan, katulad nga ng sinasabi ko sa kanila na kapag it’s too good to be true or kapag medyo masyadong maboka yung nag-o-offer sa ‘yo medyo step back ka muna, magtanung-tanong ka.”

***

ISANG celebrity life story ang tampok sa brand new episode ng real life drama anthology na ‘#MPK’ o ‘Magpakailanman’.

Matutunghayan ngayong Sabado ang kuwento ng buhay ni Asia’s Nightingale Lani Misalucha.
Mula sa bacterial meningitis na nakapinsala ng kanyang pandinig, hanggang sa pagkakasangkot sa isang pyramid scam na umubos sa savings ni Lani, masusubukan ang kanyang tatag, pananampalataya pati na ang pagsasama nila ng kanyang asawang si Noli.

Paano nalampasan ni Lani at lahat ng ito? Saan siya humuhugot ng lakas para ipagpatuloy ang kanyang pag-awit?
Abangan ‘yan sa brand new episode na “Voice of Love: The Lani and Noli Misalucha Love Story” September 9, 8:15 p.m. sa ‘#MPK.’

Naka-livestream din nang sabay ang episode sa GMANetwork.com, sa YouTube account ng GMA Network at sa Facebook at TikTok accounts ng ‘#MPK.’

(ROMMEL L. GONZALES)

US Box Office Hit ‘Sound of Freedom’ and South Korean Dark-Comedy ‘Cobweb’ Set to Premiere in PH Cinemas

Posted on: September 9th, 2023 by @peoplesbalita No Comments

TBA Studios is excited to announce its upcoming line-up of films for the rest of the year.

Among the highly anticipated titles are set to premiere in Philippine cinemas, the surprise US box office hit Sound of Freedom in September 20 and the Korean dark comedy Cobweb on October 4.

“We are thrilled to bring these two amazing films to our Filipino audiences this year,” said TBA Studios CEO E.A. Rocha. “These films are sure to entertain and engage viewers with their compelling storylines and unique cinematic styles.”

Sound of Freedom is a crime drama that follows the story of former U.S. government agent Tim Ballard as he rescues kidnapped and enslaved children from sex traffickers in Colombia. The film features a stellar cast led by Jim Caviezel and Mira Sorvino, as well as Bill Camp, John Rhys-Davies, and Michael Roark.

The film was written and directed by Alejandro Monteverde. Since its release in the US on Independence Day weekend this year, Sound of Freedom has been a surprise commercial success, grossing $181.9 million in the US alone and becoming the highest-grossing independent film of the year.

Premiering at this year’s Cannes Film Festival, Cobweb is a dark yet hilarious tale of a director in the 1970s haunted by the desire to reshoot the ending of his latest film. Chaos ensues when a web of complications starts to rise on the film set. It stars Song Kang-ho, best known for his award-winning and critically acclaimed performance in 2019’s Parasite.

The supporting cast features some of the most recognizable faces in South Korean entertainment, including Lim Soo-jung (A Tale Of Two Sisters), Oh Jung-se (It’s Okay Not To Be Okay), Jeon Yeo-been (Vincenzo), Jang Young-nam (It’s Okay Not To Be Okay), and Krystal Jung (famously of the K-pop girl group f(x) and romcom movie Sweet & Sour). The film was written and directed by Kim Jee-woon, whose previous works include A Tale Of Two Sisters (2003), A Bittersweet Life (2005), and The Good, The Bad, The Weird (2008). Barunson E&A, the same studio behind Parasite, is the producer and the global distributor of the film.

Both films will be exclusively distributed locally through TBA Studios. Sound of Freedom will be released in partnership with Axinite on September 20 and Cobweb on October 4.

(ROHN ROMULO)

MINIMUM WAGE SA CALABARZON

Posted on: September 9th, 2023 by @peoplesbalita No Comments

ITINAAS na ng Regional Tripartite Wages and Productivity Board (RTWPB) sa Calabarzon ang sahod ng mga manggagawa sa pribadong sektor mula P35 hanggang P50, inihayag ng Department of Labor and Employment (DOLE) nitong Huwebes.

Sa board Wage Order No. IVA-20 na may petsang Sept. 1 , ang daily minimum wages sa sumusunod na lugar sa rehiyon — mula P470 hanggang P520 para sa non-agriculture sector; mula P429 hanggang P479 para sa agriculture sector; at mula P350 Hanggang P385 para sa retail at service establishments na naka-empleyo ng hindi lagpas sa 10 manggagawa .

Sinabi ng DOLE na ang wage order ay inaasahan na magbebenepisyo ang 719,704 minimum wage earners sa rehiyon.

Pinagtibay ng National Wages and Productivity Commission (NWPC) ang wage order noong Setyembre 5. Ito ay ilalathala sa Biyernes at magkakabisa sa Setyembre 24 o 15 araw mula sa pagkakalathala nito.

Samantala, sinabi ng DOLE na ang mga manggagawa sa agriculture sector sa lungsod ng Calaca sa Batangas at Carnona sa Cavite ay dapat makatanggap ng dagdag na P89 dahil sa kanilang reclassification mula sa first class municipalities component cities sa bisa ng Republic Act 11544 at 11938.

Ang board ay binubuo ng mga kinatawan mula sa gobyerno ,management at labor sectors , na nagsagawa ng serye ng public hearings noong Agosto 7 sa Batangas , Agosto 9 sa Cavite at Agosto 11 sa Laguna, at wage deliberation noong Agosto 16,18,23 at Sept.1,2023.

Hindi naman saklaw ng minimum wage law ayon sa Republic Act No.9178 [2022] ang Barangay Micro Business Enterprises (BMBEs) .

Para sa mga aplikasyon ng exemption at karagdagang paglilinaw sa wage order, maaari ding maabot ang RTWPB sa pamamagitan ng email address nito na rb4a@produktiboatsahod.onmicrosoft.com

Ang huling wage order para sa mga manggagawa sa mga pribadong establisyimento sa rehiyon ay inilabas noong Mayo 30, 2022 at nagkabisa noong Hunyo 30, 2022.

Nakatakda ring magsagawa ng pampublikong pagdinig ang RTWPB-Region V sa Legazpi City sa unang bahagi ng susunod na buwan para sa panukalang pagsasaayos ng suweldo sa rehiyon.

Isinasagawa ang pagdinig upang payagan ang lahat ng stakeholder na maaapektuhan ng pagsasaayos ng sahod na makilahok.

Bago ang public hearing, sinabi ng RTWPB – Region V na magsasagawa rin ito ng ilang wage consultations sa iba’t ibang bahagi ng Bicol.

Kabilang rito ang Villa Isabel Hotel, Sorsogon City (Sept. 11), Freshco Beach Resort, Masbate City (Sept. 22), Lotus Blu Hotel, Naga City, Camarines Sur (Sept. 26), at Wiltan Hotel, Daet, Camarines Norte (Sept. 27).

Ang huling wage order na inilabas ng Bicol wage board, na nagbigay ng P33 salary increase, ay nagkabisa noong Hunyo 2022.

Ang Wage Order No. V-20 ay nagdala ng pang-araw-araw na minimum wage rate sa Bicol Region sa P365.GENE ADSUARA

‘Wag magpaloko, maging scam alerto!

Posted on: September 9th, 2023 by @peoplesbalita No Comments

SA PANAHONG todo-kayod ang mga Pilipino, todo-kayod din ang mga scammers na naghahanap ng mabibiktima ng isa sa mga pinakausong cybercrime ngayon—ang phishing.

Ang phishing ay isang uri ng scam kung saan kinukuha ng mga scammer ang mga personal na impormasyon gaya ng Mobile Personal Identification Number (MPIN) at One-Time Password (OTP) upang ma-access ang account ng mga biktima at tangayin ang laman nito.

Maraming mga paraan sa pagsasagawa ng phishing, gaya na lang ng paggamit ng pekeng website (online gambling scam), kahina-hinalang mga premyo at rewards (fake promo) at mga nagpapanggap na mga official representatives.

Upang hindi mapasubo sa panloloko ng mga scammer, sundin lamang ang mga tips na ito:

*I-activate ang multi-factor authentication

Maliban sa MPIN o password, gumamit ng karagdagang seguridad gaya ng OTP. Ang GCash ay may DoubleSafe Face ID kung saan kakailanganin muna ng selfie scan para maglog-in sa panibagong device para sigurado na tanging Verified Account Owner lang ang may access sa account.

*Wag basta-basta mag-click ng link

Kapag nakatanggap ng mensaheng nagsasabing nanalo ka sa lotto o papremyo mula sa hindi kilalang numero, ‘wag agad paniwalaan. Sumali ka nga ba sa raffle? Saan ka nanalo? Paano nila nakuha ang numero mo?

Tandaan na hindi kailanman magpapadala ang GCash ng links via SMS, email, Messenger o kung ano pang messaging app, kaya huwag mag-click ng kahit anong link na nagkukunwaring galing sa GCash.

*Tingnan nang maigi ang mensahe ng OTP request

Sa mga lehitimong transaksyon, madalas hingin ang OTP bilang karagdagang seguridad. Kapag nakatanggap ng OTP sa pamamagitan ng text message, ugaliin na basahin ang kabuuan nito upang masigurado na tugma ito sa transaksyon na nais mong gawin.

Kung hindi ka nag request ng OTP o kung magkaiba ang laman ng mensahe sa nais mong transaksyon, huwag ilalagay ang OTP sa site o ibigay ito kanino man, para maiwasan na ma-link ang iyong account sa ibang device.

*‘Wag magpapadala kapag minamadali ng iba

Kapag nakatanggap ng advisory na minamadali ang paghingi ng personal information, kadalasang senyales ito ng phishing scam. Kapag may totoong problema sa isang kumpanya, palagi kayong mabibigyan ng tamang oras upang maresolba ang isyu at hindi ito kailanman mangangailangan ng MPIN o OTP.

Kapag nakatanggap ng message o tawag na nagsasabing on-hold ang inyong GCash account, tignan muna kung totoo at buksan ang inyong app. Gawin lamang sa opisyal na GCash app ang lahat ng transaksyon, at hindi sa pamamagitan ng tawag o messaging apps.

Alalahanin na hindi kailanman nagreresponde ang GCash sa mga katanungan sa pamamagitan ng messaging apps.

*Huwag i-share ang MPIN at OTP

Ang mga phishing scam ay natutuloy kapag nakuha na ng kriminal ang impormasyon tulad ng MPIN at OTP. Ang pinakamadaling paraan para maiwasang maging biktima ay huwag kailanman ibigay ang MPIN at OTP kahit kanino. Tandaan na hindi kailanman hihingiin ng GCash ang inyong MPIN at OTP.

I-report lang sa GCash Help Center ang mga kahina-hinalang aktibidad ukol sa iyong GCash account, o i-message si Gigi sa website gamit ang, “I want to report a scam.”

Laguna trips ng PNR suspendido; DOTr baka kanselahin ang loan agreement sa China

Posted on: September 9th, 2023 by @peoplesbalita No Comments

SINUSPINDE ng Philippine National Railways (PNR) ang operasyon nito sa Laguna simula noong nakaraang Huwebes habang ang mga bagon ay sasailalim sa maintenance works.

Ginagawa ang maintenance upang masiguro ang kaligtasan ng mga pasahero ayon sa Department of Transportation (DOTr).

Ayon sa DOTr ang train na umaalis ng 6:30 ng umaga mula Calamba papuntang San Pablo at ang 6:25 ng umaga mula San Pablo papuntang Calamba ay hinto muna ang operasyon simula noong Biyernes hanggang wala pang anunsyo kung kailan muling bubuksan ang operasyon.

Samantala, sa sektor pa rin ng railways sinabi ng DOTr na baka mag desisyon sila na hindi na ipagpatuloy ang multi-billion-peso loan reapplication sa China para sa Philippine National Railways Bicol na proyekto hanggang December habang ang China ay walang pa rin sagot.

“China has not yet confirmed as to whether the P142 billion loan agreement for the Philippine National Railways (PNR) South Long-Haul Project will continue. Therefore, after a year and two months before this Committee hearing, the secretary had advised the team to meet with the China Eximbank, to ask them, do you really want us to give us a loan of P142 billion? Otherwise, without it, there is no civil works contract” wika ni DOTr undersecretary Cesar Chavez.

Dahil dito, inulit ng DOTr na sa December pa sila magkakaron ng desisyon kung kanilang hindi na itutuloy ang consultancy contract ng nasabing railway line.

“By the end of December, the DOTr will have to go back to NEDA to ask for guidance whether to still request funding from the China Eximbank or to terminate the project management consultancy, and also to withdraw the application, the reapplication for the China Eximbank,” dagdag ni Chavez.

Noong nakaraan taon ay nagbigay ng utos si President Ferdinand Marcos, Jr. sa DOTr na makipag renegotiate sa China para sa loan agreements ng mga proyekto sa railways matapos na kanselahin ng dating admistrasyon ang loan application.

Ang mga nasabing proyekto sa railways na nakahanay ay ang Subic-Clark Railway na may halagang P142 billion, Philippine National Railways South Long-Haul na may halagang P51 billion, at ang Mindanao Railway-Digos segment na may halagang P83 billion.

Dagdag pa ni Chavez na ang pamahalaan ay maaari pa rin na ipagpatuloy ang proyekto ng PNR South Long-Haul sa pamamagitan ng pagutang sa ibang bansa o di kaya ay mga financial institutions. Puwede rin na magawa ito sa pamamagitan ng public-private partnership.

“We may go to JICA, we may go to Asian Development Bank, we may go to foreign partners for the electromechanical and the government will still be in charge of the right of way of Civil Works with a private contractor,” saad ni Chavez. LASACMAR

COA, pinuna ang DOH sa ₱3B na hindi nagamit na COVID-19 response funds

Posted on: September 9th, 2023 by @peoplesbalita No Comments

PINUNA ng Commission on Audit (COA) ang Department of Health (DOH) dahil sa hindi nagamit na ₱3-billion unobligated funds para sa pangagasiwa sana at pagtugon sa COVID-19 pandemic noong 2022.

“Of the ₱3.055-billion unobligated funds, ₱2.414 billion lapsed and was reverted to the Bureau of Treasury,” ayon sa komisyon.

Ang lapsed amount o napaso na halaga ay para sana sa kompensasyon at benepisyo ng mga healthcare workers, Health System Enhancement to Address and Limit COVID-19 (HEAL) Program, at Philippines COVID-19 Emergency Response Project (PCERP).

“The lapsed unutilized allotments were counter-beneficial to the continuing efforts towards ensuring access to basic public health services of all Filipinos and more importantly controlling the spread of COVID-19 through provision of quality health services,” ang nakasaad sa annual audit report ng COA ukol sa DoH.

Sinabi ng Komisyon na pumasok ang national government sa walong loan agreements kasama ang Asian Development Bank at World Bank noong nakaraang taon.

Sa $2.225-billion programmed loans, tanging $1.319 billion o ₱66.051 billion ang napakinabangan.

Maliban pa rito, nagkaroon pa ng karagdagang obligasyon ang gobyerno na nagkakahalaga ng $1.534 million, o ₱81.3 million, ‘commitment charges’ para sa ‘unwithdrawn HEAL at PCERP loan’ na halaga “as of Dec. 31.”

“This additional obligation became part of the overall national government debt, which imposes a burden on the public. Furthermore, it deprived the public of the benefits that could have been derived from the projects,” ayon sa COA. (Daris Jose)

Price ceilings sa bigas, ipinatupad sa Valenzuela at Navotas

Posted on: September 8th, 2023 by @peoplesbalita No Comments

IPINATUPAD na ng Pamahalaang Lungsod ng Valenzuela at Navotas ang Executive Order No. 39 na inisyu ng Malacañang o ang Pagpapataw ng Mandated Price Ceilings sa Bigas sa lahat ng pampubliko at pribadong pamilihan at mga supermarket sa parehong lungsod.

Sa Valenzuela, bumuo ng Task Force si Mayor Wes Gatchalian upang tutukan ang pagpapatupad ng price ceiling sa bigas sa lungsod.

Ito’y kasunod ng isinagawang pulong ng alkalde sa mga market masters at business owners upang makuha ang kanilang pananaw sa nasabing pagtatakda ng presyo sa bigas.

Ipinaliwanag din sa kanila ang mga alituntunin para sa pagpapatupad ng direktiba na sinimulan nitong Martes, September 5.

Ayon kay Gatchalian, ang naturang task force ang iikot sa lungsod at magmo-monitor kung naisasagawa ba ng mga retailers ang price ceiling na P41 hanggang P45 sa regular at well-milled rice.

Sinabi pa ni Mayor Wes na buo ang kanyang suporta suporta at kooperasyon sa pambansang direktiba na naglalayong protektahan ang mga small-time traders at retailers pati na rin ang mga consumer mula sa malawakang pagsasagawa ng umano’y ilegal na manipulasyon at pag-iimbak ng presyo.

Samantala, tinututukan din ng Navotas City Agriculture Office at Business Permits and Licensing Office ang pagpatutupad ng EO No. 39 sa lahat ng mga pamilihan sa lungsod.

Layon nito na imonitor at matiyak na sinusunod ng mga tindahan ng bigas sa Navotas City ang itinakdang price cap.

Nauna rito, pinulong ni Mayor John Rey Tiangco, kasama ang Local Price Coordinating Council sa mga rice retailers para mapag-usapan ang EO, malaman ang kanilang opinyon, at maiparating sa kaukulang ahensya ng pamahalaan ang kanilang mga hinaing at suhestiyon.

Noong Agosto 31, pinirmahan at inaprubahan ni Pangulong Ferdinand Marcos Jr. sa pamamagitan ng EO No. 39 ang rekomendasyon ng Department of Agriculture (DA) at Department of Trade and Industry (DTI) na magtakda ng price ceiling sa bigas sa bansa. (Richard Mesa)