2023 September Archive - People's Balita

Archive for September, 2023

MAKIKINABANG ANG MARAMI SA CANNABIS INDUSTRY

Posted on: September 13th, 2023 by @peoplesbalita No Comments

MAKIKINABANG ang marami sa cannabis industry sakaling maaprubahan ang panukalang legalisasyon sa paggamit nito bilang gamot.

Ito ang pahayag ni Zara Uytingban Cruz, isang cannabis legalisasyon advocate sa isang forum sa Quezon City.

Ayon kay Cruz, isa sa unang makikinabang ay ang mga magsasaka o nagtatanim ng tobako sa Ilocos Region dahil ang lupang taniman ng tobako ay maaring magamit sa pagtatanim ng cannabis. Dagdag pa ang mga magsasaka sa Cordillera Administrative Region o CAR na may maganda at angkop na lupa at klima para sa cannabis farming.

Paliwanag pa ni Cruz, marami pang ibang oportunidad ang maibibigay ng industriyang ito para sa mga nagtatrabaho sa larangan ng konstruksyon, logistics, at iba pa.

Sa pagtatayo ng mga pasilidad para sa research and development hanggang sa manufacturing stage at distribution, tyak aniyang marami ang mabibigyan ng trabaho.

Sa huli, nagpaalala naman si Cruz na dapat ay maisabatas na ang legalisasyon ng paggamit ng medical cannabis para maisakatuparan ang lahat ng ito. (PAUL JOHN REYES)

Kung may nais na maulit sa kanyang buhay: KC, gustong maging best friends ulit sila ni SHARON

Posted on: September 13th, 2023 by @peoplesbalita No Comments

KUNG si KC Concepcion pala ang tatanungin kung ano ang part ng buhay niya na gusto niyang maulit, ano iyon?

Natuwa si KC nang itanong sa kanya iyon, nang minsan makausap siya, the other day sa “Updated with Nelson Canlas.”

Ang sagot ni KC: “wow, good question! Gusto kong maging best friends kami ulit ni Mommy.”

“I mean, of course, I really would like for my mom and I para maging best friends again.”

Inamin ni KC na maraming taon din na may mga destructions sila ng kanyang actress-singer mom, kaya wish niyang magkaroon sila muli ng special moments na mag-ina.

“Hindi mawawala ‘yung pagmamahal namin sa isa’t isa. Siguro one day,, ‘kapag ikinasal na ako and kapag nagka-anak na ako, I think that would bring my mom and I closer than ever. But I want her to know na mahal na mahal ko siya at loyal ako sa kanya. “Yun talaga, Nanay ko siya! Dugo niya, dugo ko.”

Papalapit na ang pinakahihintay na concert nina Sharon Cuneta at Gabby Concepcion, ang parents ni KC, na “Dear Heart: The Concert” sa October 27 na magaganap sa SM Mall of Asia Arena, at marami nang naghihintay kung magiging part daw ng concert si KC.

Balitang sold-out na ang tickets dahil matagal na raw itong hinihintay ng mga fans nina Sharon at Gabby.

***

SUSUNDAN kaya ng 21-year-old Filipino-Japanese ang yapak ng ina at kapatid?

Star material ang son ni Jean Garcia at kapatid na lalaki ni Jennica Garcia na si Kotaro Shimizu, na papasang Koreano, dahil sa kanyang physical appearance.

Napansin ang potensyal ni Kotaro na maging artista nang samahan niya ang mommy niyang si Jean sa pagdalo sa GMA Gala. Pagkatapos ng event, inamin ni Kotaro na may mga nagti-text na sa kanya at mini-mention na nila ang mga IG stories niya.

Nagsimula pala ang pangarap ni Kotaro na maging member ng isang K-pop group last year pa. Kaya ngayon ay nagti-training na siya ng singing at pag-aaral ng Korean language. Nanonood din daw siya ng K-pop concerts na dumarating dito, para mag-show sa bansa. Alin kaya ang pipiliin niya, umarte o kumanta?

“Pwede naman po akong umarte, pero ang main goal ko, K-pop. Gusto kong maging member ng international group,” sagot ni Kotaro.

“Feeling ko, papunta ako sa pag-arte pero mas gusto kong unahin ang music. Kaya this year po, bago matapos ang taon, pupunta na ako sa Korea, pero hindi ko alam kung gaano ako tatagal doon, depende sa Korean companies na contact ko.”

***

NAUNA nang nasulat na muling magtatambal sa isang project sina Jennylyn Mercado at Sam Milby sa pelikulang “All About My Wife.”

Hindi pa nagsisimula ang shooting, at finally, in-announce na rin ng The Creazion Studios na makakasama rin nina Jennylyn at Sam si Gerald Anderson. Second team-up na ito nina Jennylyn at Sam, at magiging pangatlo namang projects na magkasama sina Sam at Gerald. Nauna silang magkasama sa “A Family Affair” in 2022 at sa “Dyesebel” noong 2014.

Ang “All About My Wife” ay Philippine adaptation ng South Korean film with the same title, na hango naman sa Argentinian hit comedy film na “A Boyfriend for my Wife.”

(NORA V. CALDERON)

NEW LINE CINEMA’S HORROR THRILLER “THE NUN II” SCARES UP STRONG NUMBERS AT THE PHILIPPINE BOX OFFICE

Posted on: September 13th, 2023 by @peoplesbalita No Comments

[Manila, September 11] – New Line Cinema’s “THE NUN II” – the next chapter in the story of “The Nun,” the highest-grossing entry in the most successful horror franchise of all time, “The Conjuring” Universe – landed at the top of this weekend’s box office, coming in at #1 in its debut and taking in PHP 90 million in the Philippines. Directed by Michael Chaves and produced by Peter Safran and James Wan, “The Nun II” opened on September 6.

A WBD representative stated, “This weekend’s success is a testament to the high want-to-see factor of fans of “The Conjuring” Universe, the evergreen franchise that continues to frighten cinemagoers around the globe. New Line Cinema has become the ‘haunted’ home of horror, and ticket buyers were back for more of the iconic Demon Nun, continuing its evil trek across Europe. We are excited by these impressive opening numbers and anticipate that great word of mouth will continue to drive business in the coming weeks as we head into Halloween.”

About the Movie

1956 – France. A priest is murdered. An evil is spreading. The sequel to the worldwide smash hit follows Sister Irene as she once again comes face-to-face with Valak, the demon nun.

Taissa Farmiga (“The Nun,” “The Gilded Age”) returns as Sister Irene, joined again by Jonas Bloquet (“Tirailleurs,” “The Nun”) as Maurice, along with Storm Reid (“Missing,” “The Suicide Squad”) as Sister Debra, Anna Popplewell (“Reign,” “The Chronicles of Narnia” trilogy) as Kate and Bonnie Aarons (reprising her role from “The Nun”), surrounded by an ensemble cast of international talent—Katelyn Rose Downey (“The Princess”) as Sophie, Suzanne Bertish (“Dead Ringers”) as Madame Laurent, Léontine D’Oncieu (“Two Tickets to Greece”) as Simone, Anouk Darwin Homewood (“The Flood”) as Celeste and Gael Raës (“Simone: Woman of the Century”) as Cedric.

Michael Chaves (“The Conjuring: The Devil Made Me Do It”) directs, from a screenplay by Ian Goldberg & Richard Naing (“Eli,” “The Autopsy of Jane Doe”) and Akela Cooper (“M3GAN,” “Malignant”), with a story by Cooper, based on characters created by James Wan & Gary Dauberman.

The Safran Company’s Peter Safran and Atomic Monster’s James Wan produce, continuing their collaboration as filmmakers on all of the previous “Conjuring” films. “The Nun II” is executive produced by Richard Brener, Dave Neustadter, Victoria Palmeri, Gary Dauberman, Michael Clear, Judson Scott and Michael Polaire.

“The Conjuring” Universe is the highest grossing horror franchise in history with $2+ billion worldwide. Globally, four of “The Conjuring” Universe titles have earned more than $300 million worldwide each (“The Nun,” $366 million; “The Conjuring 2,” $322 million; “The Conjuring,” $320 million; “Annabelle: Creation,” $307 million), and all seven have each grossed more than $200 million. “The Nun” is the top-earning film in the franchise, with more than $366 million worldwide.

New Line Cinema presents an Atomic Monster / Safran Company production, “The Nun II,” distributed worldwide by Warner Bros. Pictures, now showing only in cinemas.

Join the conversation online and use the hashtag #TheNun2

(ROHN ROMULO)

‘Ngipin sa pagpatupad ng SIM registration law, susi vs online fraud’

Posted on: September 13th, 2023 by @peoplesbalita No Comments

ANG Subscriber Identity Module (SIM) registration ay nagtutukoy lamang ng pagkakakilanlan ng may-ari ng SIM cards upang matiyak ang pagtunton sa mga dapat papanagutin kapag ginamit ang mga ito sa paggawa ng cybercrimes.

“And it is only the first step towards an intricate and highly technical approaches which aimed at curbing online scams,” wika ni Atty. Froilan Castelo, ang general counsel ng Globe Group.

Gayunman ay naiuulat na ang talamak na pagsasagawa ng iba’t ibang panloloko at krimen sa online ay sa pamamagitan ng over-the-top (OTT) messaging at SIM cards na inisyu ng international telecom providers na ang operasyon ay hindi umano saklaw ng Republic Act 11934, o ang bagong batas sa SIM registration, at iba pang security protocols na ipinatupad ng mga lokal na telco.

Ang OTT messaging ay tumutukoy sa pagpapadala ng mga mensahe sa internet na hindi na dumaraan sa cellular network channels.

Sa messaging apps na tulad ng Viber, WhatsApp, Telegram, Signal at WeChat ay nakakapagpadala ang subscribers ng text messages, multi-media messages, videos, at photos, at nakakapagsagawa pa ng voice at video calls gamit ang Wifi o internet connection na hindi na kinakailangan ang cellular network.

Ang OTT apps ay nag-o-operate umano sa mas mababang halaga ngunit nananatiling epektibong communication tool, lalo na para sa international messaging at calls, at maaaring magamit kahit walang SIM card number tulad ng Facebook Messenger.

Upang matugunan ang mga salimuot na dulot ng OTT messaging na ginagamit bilang instrumento sa paggawa ng cybercrimes ay sinabi ni Castelo na nakahanda ang Globe na makipagtulungan sa pagsisikap ng pamahalaan na masugpo ang lahat ng uri ng online offenses.

“Criminals will always try to find a way to circumvent the law, the reason why we are in pursuit with other stakeholders to be a step ahead of their schemes,” pagbibigay-diin ni Castelo.

Kasabay ng babala sa publiko laban sa pagbebenta ng registered SIM cards sa ibang tao na isang paglabag sa batas, binigyang-diin ni Castelo ang pangangailangan para sa multi-stakeholder efforts at pinalakas na law enforcement campaign upang tugunan ang hamon na kinakaharap ng kampanya ng pamahalaan laban sa online scams na ang mga biktima ay kadalasan mga hard earner.

Aniya, “we will actively work with the law enforcers in verifying the data on pre-registered sim cards which were confiscated during their operations, and we will readily undertake proactive measures to prevent further commission of cybercrimes.”

Top 2 most wanted person ng Hernani MPS, timbog sa Caloocan

Posted on: September 13th, 2023 by @peoplesbalita No Comments

MAKALIPAS ang mahigit anim na taong pagtatago sa batas, naaresto na ng mga awtoridad sa ikinasang manhunt operation sa Caloocan City ang isang kelot na wanted sa kaso ng tangkang panggagahasa sa Eastern Samar.

Kinilala ni District Special Operation Unit (DSOU) chief P?lt. Col. Robert Sales ang naarestong akusado bilang si Nelson Alidon, 22, tubong Hernani, Eastern Samar at residente ng San Rafael, Guagua, Pampanga.

Sa kanyang report kay Northern Police District (NPD) Director P/BGen. Rizalito Gapas, sinabi ni Lt. Col. Sales na nakatanggap sila ng impormasyon na naispatan ang presensiya ng akusado sa Brgy, 8, Caloocan City.

Kaagad nakipag-ugnayan ang DSOU sa 2nd Coy ESPMFC, Hernani MPS Eastern Samar, PIU- ESPPO at DID- NPD saka nagsagawa ng joint manhunt operation sa pangunguna ni PLt. Armando Pandeagua Jr, kasama ang NDIT-RIU NCR na nagresulta sa pagkakaaresto sa akusado dakong alas-3:30 ng hapon sa Salmon St., Brgy. 8.

Ani Lt. Col. Sales, si Alidon na nasa top 2 most wanted ng Hernani Municipal Police Station (MPS) ay dinakip ng kanyang mga tauhan sa warrant of arrest was na inisyu ni Presiding Judge Nathaniel E. Baldono ng Regioanl Trial Court (RTC) Branch 2, Borongan City, Eastern Samar noong August 2, 2017, para sa kasong Attempted Rape.

Pinuri naman ni BGen. Gapas ang DSOU sa kanilang pagsisikap para tugisin ang mga taong wanted na pinaghahanap ng batas na nagresulta sa pagkakadakip sa akusado. (Richard Mesa)

Isa na naman sa dream niya ang natupad: KIM, ipinasilip na ang bonggang rest house sa Tagaytay

Posted on: September 13th, 2023 by @peoplesbalita No Comments

BILANG selebrasyon ng 3 million subscribers sa kanyang YouTube channel, masaya at proud na ibinahagi ni Kim Chiu ang house tour sa kanyang newly-renovated rest house sa Tagaytay.

Sa kanyang IG post kasama ang mga photos, may caption ito na, “Happy 3 million subscribers! Maraming maraming salamat po for all the love and time sa pagnood ng mga vlogs ko and now as promised I’ll give you a tour sa sa aking fruit of labor.

“Visit my channel KIM CHIU PH for full video.”

Mababasa naman sa kanyang YT channel ang kanyang pagwi-welcome back sa kanyang mga followers…

“Hello everybody!
“Welcome back to my channel! First of all, I want to thank my new subscribers for joining and watching my videos. Maraming salamat sa suporta na binibigay ninyo sa sakin. Sobrang pasasalamat dahil na-achieve na natin ang 3 MILLION subscribers! YEHEY!!!
“Kaya for today’s video, sobrang special talaga ang inihanda ko dahil finally, ipapakita ko na sa inyo ang aking fruit of labor! Yes! As promised, dadalhin ko kayo sa aking rest house kung saan dugo’t pawis talaga ang aking naging puhunan. Para talaga sa pangarap, kailangan nating magsikap. “Here it is! Welcome to my rest house, my home. Tuloy po kayo! “Love, Kim.”

Isa nga ito sa dream ni Kim na natupad kaya happy siyang na-eenjoy na niya ito ngayon kasama ng kanyang pamilya.

Ang rest house ni Kim ay overlooking ang Taal volcano, kaya ang ganda ng view, lalo na raw ang sunrise.

Sa naturang vlog episode ay pinasilip ni Kim ang exterior ng rest house kasama ang dalawang guest room sa baba, na makikita ang pagsikat ng araw. Isa raw sa kanyang niyayabang bukod sa receiving lounge ay ang fire pit na nagustuhan niya sa bahay nang bilhin niya ito, at hindi niya pinagalaw, dahil gamit na gamit nila ito at puwedeng tambayan sa malamig na lugar.

Marami ang natuwa at nag-congratulate sa achievement na ito ni Kim at part 1 pa lang ito ng house tour niya.

Ngayong Linggo, September 17 sa part 2, sabay-sabay naman nating silipin ang interior ng kanyang bonggang rest house sa Tagaytay.

***

SHOUT out sa lahat ng manonood ng pinakabagong kinababaliwan mula sa Puregold Channel: ‘My Plantito’!

Maghanda na sa isang hapon na puno ng kilig at pagkasabik–sa My Plantito Fan Meet, na gaganapin sa Setyembre 16, 4:00 p.m., sa Puregold QI Central Store.

Nangangakong maging pagdiriwang na talaga namang kakaiba, ang fan meet ay magbibigay-pagkakataon sa mga tagasunod ng ‘My Plantito’ na makilala at makasama ang mga artista ng palabas, makisali sa mga palaro, manalo ng eksklusibong mga premyo, at makatanggap ng mga freebie.

Isang linggo pa lamang ipinalalabas ang ‘My Plantito’ subalit nabingwit na nito ang puso ng mga netizen dahil sa kombinasyon ng romansa, komedya, at saya. Itinatampok ang kagiliw-giliw na si Kych Minemoto bilang Charlie at ang misteryosong si Michael Ver bilang ang Plantito na si Miko, naging sikat na sa Tiktok ang serye, at bawat episode ay nakalikom na ng higit sa milyong mga view.

Walang duda na gustong-gusto ng mga fan ang matatag na chemistry sa pagitan ng BL (Boy-Love) tambalan, na kinikilala pa lamang ang isa’t isa. Dahil namangha sa naratibo ng kuwento at ang pag-arte ng mga kalahok na bida, kinasasabikan na ng mga manonood ang kauna-unahang fan meet kung saan maaaring makasalamuha ang mga bidang sina Kych Minemoto at Michael Ver, at ang iba pang miyembro ng cast na sina Ghaello Salva, Elora Espano, Devi Descartin, at Derrick Lauchengco.

Sa gabay ng producer na si Chris Cahilig at direktor na si Lemuel Lorca, paniguradong marami pang nakatutuwang handog ang serye sa susunod nitong mga episode.

Habang nag-aabang, huwag palampasin ang pagkakataong makikonekta sa kapwa-fan at ipagdiwang ang maagang tagumpay ng ‘My Plantito.’ Makisaya sa hapon ng tawa at hindi malilimutang mga kaganapan.

(ROHN ROMULO)

Nakatanggap na naman ng pamba-bash: CARLO, no show sa third birthday party ng anak na si MITHI

Posted on: September 13th, 2023 by @peoplesbalita No Comments

NAG-POST ng 3rd birthday party pictures ni Mithi si Trina Candaza sa kanyang Instagram account.

Obviously, tulad ng mga nakaraang birthday party ni Mithi, halatang pinaghandaan at binonggahan pa rin ang 3rd birthday ng anak nila.

Iba’t-ibang pictures ang pinost ni Trina na kuha sa party. Meron din na kasama ang mga bisita, pero, sigurado naman na isa lang ang hinahanap ng mga nakakita ng post niya, kung present din ba sa birthday party ang Daddy ni Mithi na si Carlo Aquino.

Kung pagbabasehan ang mga larawan na nai-post, mukhang absent, wala o no show si Carlo. Kaya nakatatanggap na naman ito ng mga pamba-bash.

Naniniwala kaming may dahilan si Carlo kung wala man ito. Naniniwala rin kami na maraming nangyayari sa pagitan nila ng ina ng anak na hindi na talaga nilalabas sa publiko, lalo na ni Carlo na kilalang hindi mahilig sa publicity.

***

SI Aga Muhlach ang artista na napakatagal na inalagaan o hinawakan ni Manay Ethel Ramos bilang talent.

Sa pagpanaw ni Manay Ethel sa edad na 87, naglabas ng kanyang saloobin si Aga sa kanyang Instagram account.

Mararamdaman ang pangungulila, pagmamahal at pasasalamat ni Aga sa kanyang manager.

Ayon dito, “Rest and go in peace my dearest ‘te Ethel. Don’t even know where to begin… 30 years of love, laughter, arguments, tsismis, pangarap, hard work to name a few. We all shared together and we just loved and embraced each other. I will miss you. I am forever grateful to you and what you’ve done for me.

“We’ve talked about death so many times that we both know we are ready. Lahat naman tayo dadating diyan. So much more to say but I’ll just leave it at this. Mahal ka naming lahat na tinulungan at minahal mo. Habambuhay ka sa puso ko.

“Please pray for us na naiiwan pa dito. Rest in eternal peace dearest tita Ethel. I love you very much. Don’t worry about me, you’ve taught me so much in life. We’ll just be fine. Hurt, sad, but kaya ‘to. Again, rest in peace. You’re with our creator now. Your son, Aga.

“Ang dami ko pang gustong sabihin…’di ko na din alam… basta.”

Rest in peace, Manay Ethel. Salamat po.

(ROSE GARCIA)

China, palalakasin ang pagkilos sa South China Sea- eksperto

Posted on: September 13th, 2023 by @peoplesbalita No Comments

INAASAHAN na ng isang international security expert na hindi magtatagal ay mas lalong palalakasin at paiigtingin ng China ang pagkilos nito sa South China Sea.

Layon ng magiging pagkilos ng China ang makontrol ang malaking bahagi ng pinagtatalunang katubigan.

Matatandaang, kamakailan lamang ay naging matagumpay ang pinakahuling resupply mission ng Pilipinas sa Ayungin Shoal.

Ito na ang ikatlong resupply mission matapos ang insidente noong Agosto 5 kung saan binomba ng Chinese Coast Guard ang barko ng Pilipinas na magsasagawa ng kaparehong misyon.

Nakumpleto ang panibagong resupply mission noong Agosto 22.

Sa kabilang dako, sinabi ni international studies professor Renato de Castro na maituturing na “this will still be a long game.”

“It’s simply a matter of time when the Chinese would later escalate the game,” aniya pa rin sabay sabing malinaw ang layunin ng China na kontrolin ang mahigit sa 85% ng South China Sea.

Aniya, wala siyang ideya kung paano paiigtingin ng China ang pagkilos nito subalit ang kamakailan lamang na pagde-deploy ng mga barko ng CCG na may ‘gun turrets’ ay maaaring gamiting panakot sa Philippine vessels.

“The CCG previously fired a water cannon on PCG vessels during an Aug. 5 resupply mission to Ayungin in the West Philippine Sea — a part of the South China Sea that the Philippines claims. The action, together with CCG’s dangerous maneuvers, put the safety of Filipino personnel aboard at risk, ” ayon kay de Castro.

Tinuran pa ni De Castro na sinusubok din ng Tsina kung paano magre-react ang Estados Unidos sa situwasyon, “playing a game of chicken” laban sa long-time allies Manila at Washington.

Isang US Navy plane kasi ang namataan noong Sept. 8 resupply mission. Sinabi ni PCG spokesperson for the West Philippine Sea Jay Tarriela na walang anumang koordinasyon ang coast guard sa Washington ukol sa bagay na ito.

“Whether there was coordination or not, De Castro said this was the US’ way of testing and showing to China that “we don’t recognize your expansive claim in the South China Sea.” Washington may even consider sending a destroyer ship and say “it just happened to be there,” aniya pa rin.

Samantala, noong nakaraang buwan ay ipinalabas ng China ang updated standard map nito na nagpapakita ng 10 dashes na may pormang U shape, malinaw na makikita na malapit ng maangkin ng China ang buong South China Sea bilang bahagi ng kanilang teritoryo.

Ang nasabing lugar ay nag-overlap naman sa exclusive economic zones (EEZ) ng Pilipinas at maging ng bansang Malaysia, Brunei, Vietnam, at Indonesia.

Sinabi ni De Castro na ipinapakita lamang nito na ang “East Asian superpower’s ambition and determination to push through with its sweeping maritime claim, so more expansive and aggressive actions” ay dapat ng asahan. (Daris Jose)

PBBM, nagpaabot ng pakikidalamhati sa Morocco

Posted on: September 13th, 2023 by @peoplesbalita No Comments

NAGPAABOT ng kanyang pakikidalamhati si Pangulong Ferdinand R. Marcos para sa Morocco na matinding tinamaan ng 6.8-magnitude na lindol.

“The Filipino people are deeply saddened to learn of the devastating 6.8-magnitude earthquake that has tragically claimed over 2,000 lives in Morocco,” ayon kay Pangulong Marcos sa isang kalatas.

“We stand in grief and solidarity with you, and our prayers go to the families affected by this tragedy,” dagdag na pahayag ng Chief Executive.

Nakahanda aniya ang Pilipinas na magbigay ng tulong at suporta sa Morocco para sa agarang pagbangon nito mula sa trahedya.

“We have faith in the strength and resilience of the Moroccan people to unite and rebuild in the face of such adversity,” aniya pa rin.

Sa ulat, sinasabing maaari umanong masawi ang may 34,000 katao at 114,000 sugatan kung tatama sa Metro Manila ang lindol na nangyari sa Morocco noong Biyernes.

Ayon kay Phivolcs Director Teresito Bacolcol, ang West Valley Fault ay may kakayahang mag-generate ng lindol na may lakas na 7.2 magnitude batay sa pag-aaral noong 2004.

Sinabi ni Bacolcol na ang huling naitalang pagyanig ng naturang faultline ay taong 1658 kayat hinog na para sa pinangangambahang “Big One”.

Batay sa Earthquake Impact Reduction Study for Metro Manila na pinondohan ng Japan International Cooperation Agency para sa Metro Manila Development Authority at Phivolcs, ang masasawi sa malakas na lindol ay dulot ng 13 percent ng bahay ang guguho at ang mga masusugatan ay dahil sa pagguho ng mga gusali.

Sinabi ni Bacolcol na ang 7.2-magnitude quake ay maaari ring magdulot ng ground ruptures at mararamdaman ang intensity 8 na pagyanig.

Muling nagpayo si Bacolcol na magsagawa ng retrofitting sa mga gusali at mga bahay upang higit itong maging earthquake-resilient at mabawasan ang casualties kung may malakas na lindol.

Sinasabing huling naganap ang mapaminsalang lindol sa Morocco taong 1960. (Daris Jose)

Confidential Funds sa OVP, DepEd boluntaryong iatras

Posted on: September 12th, 2023 by @peoplesbalita No Comments

IGINIIT ni dating Congressman Atty. Barry Gutierrez kay Vice President Sara Duterte na boluntaryong bawiin ang request na Confidential Funds para sa Office of the Vice President (OVP) at sa Department of Education (DepEd) para sa fiscal year 2024.

Sinabi ni Atty. Gutierez na mas mainam kung ang naturang pondo ay ilaan na lamang sa mas higit na pangangailangan ng mamamayan.

“Dito sa Confidential fund hindi mo na kailangan hintayin na kongreso mismo ang kumilos. Mismong si VP Sara, nakikita naman niya na may mga kwestyon dito, nakikita naman niya na may mga pangangailangan ‘yung iba, pwedeng ‘yung OVP mismo ang mag-request na wini-withdraw nila ang kanilang paghingi at Congress na lang ang maglilipat,” sabi ni Gutierrez.

Ang pahayag ay ginawa ni Gutierez bilang reaksyon sa mga katanungan kung maaaring maisagawa ang “re-alignment” sa kasalukuyang budget ng gobyerno.

“Pwede kasi on going pa ang budget process. Isa sa mga function ng kongreso natin habang pinag-uusapan ang General Appropriations Act ay titignan kung ano ba ‘yung mga proposed budget items dito na hindi naman talaga kailangaan,” dagdag ni Gutierez.

Suportado rin si Gutierez para sa reallocating ng pondo para sa ibang sektor tulad sa agrikultura upang makatulong ang pondo na maibsan ang epekto ng price ceilings sa mga retailers.

Aniya, mas mainam na mismong si VP Sara na ang magsagawa ng inisyatibo na bawiin ang kanyang request para sa Confidential Funds habang patuloy na tinatalakay ng Kongreso ang usapin hinggil dito.