2023 September Archive - People's Balita

Archive for September, 2023

Taun-taon: Australia, magbibigay ng ‘work, holiday’ visa sa 200 Pinoy

Posted on: September 14th, 2023 by @peoplesbalita No Comments

INANUNSYO ng Australian Embassy sa Maynila na magpapalabas ito ng “work and holiday” visas sa 200 Filipino na may edad na 18 hanggang 30, simula sa taong 2024.

Kasunod ito ng reciprocal visa arrangement sa pagitan ng Maynila at Canberra.

Sa isang kalatas, sinabi ng Embahada na ang Pilipinas ay magiging ‘eligible country’ para sa scheme sa susunod na taon kung saan hindi pa maianunsyo ang eksaktong petsa para rito.

“Prime Minister (Anthony) Albanese and President (Ferdinand R.) Marcos (Jr.) announced a new reciprocal Work and Holiday visa for Australians and Filipinos for up to 200 young people in each direction a year, supporting stronger economic, cultural and people-to-people links,” ayon sa kalatas ng Embahada.

“The date and details on how to apply will be announced in due course,” dagdag nito.

Papayagan ng nasabing visa ang mga taong may edad na 18 hanggang 30 na magkaroon ng isang ‘extended holiday’ sa Australia at trabaho para tulungan na pondohan ang kanilang biyahe.

Sa naturang visa, sinabi ng Australian Embassy na maaaring gawin ang “short-term work isa Australia para makatulong sa mga gastusin kapag nag-holiday, mag-aral ng hanggang apat na buwan, bumiyahe papunta at paalis ng Australia ng maraming beses ayon sa gusto ng isnag indibiduwal.”

Ang isa aniyang requirements ay sapat na pondo para suportahan ang sarili habang nasa Australia.

Sinabi naman ng Australian Department of Home Affairs na maaaring umabot ng 5,000 Australian dollars (P180,900) para sa paunang pananatili at karagdagang cash na sapat para bumili ng flight ticket para umalis sa Australia sa huling araw ng pananatili roon.

Ang ” work at holiday visa” ay nagkakahalaga ng 635 Australian dollars (P22,974) at bibigyan ang holder ng 12 buwan na pananatili sa Australia.

Sa kabilang dako, nilagdaan ng Pilipinas at Australia ang memorandum of understanding (MOU) sa pagtatatag ng “Work and Holiday” visa arrangement sa panahon ng official visit ni Australian Prime Minister Anthony Albanese sa Malakanyang noong Setyembre 8.

Sa ilalim ng MOU, “both countries will grant eligible participants from both countries “Work and Holiday” visa which will permit them to stay and work in the host country for a period of 12 months.”

“The participants mutually decide to establish a ‘Work and Holiday’ visa arrangement, to allow nationals of both Participants to stay in the territory of the other Participant for the primary purpose of a holiday, during which they may undertake work to supplement the cost of their stay,”ang nakasaad sa MOU.

Ang MOU ay magiging balido “for an indefinite period of time” maliban na lamang kung “terminated by written notice through diplomatic channels.” (Daris Jose)

Punong Barangay at Treasurer ng Kaligayahan QC sinampahan ng reklamo sa Ombudsman

Posted on: September 14th, 2023 by @peoplesbalita No Comments

SINAMPAHAN ng reklamong paglabag sa Anti-Graft and Corrupt Practices Act at Falsification of Public Document sa tanggapan ng Ombudsman sina Punong Barangay Alfredo ‘Freddy’ Roxas, kabilang ang isang Kagawad nasi Arnel Gabito at Barangay Treasurer Hesiree Santiago ng Barangay Kaligayahan sa Quezon City.

Ayon sa nagsampa ng reklamo na si Arjean Abe, nagtrabaho siya sa Brgy. Kaligayahan, bilang isang teacher aide sa day care center noong March 1, 2022, at kada buwan ay tumatanggap siya ng sahod na anim na libong piso (P6,000.00). Dahil noong mga panahon na yun ay kasagsagan ng Covid-19 sa bansa, pansamantala muna siyang itinalaga ni Kap. Roxas, bilang taga-isyu ng barangay clearance.

Ayon sa reklamong inihain ni Abe, ika-31 ng Enero ngayong taon nang magpaalam siya sa kanilang Punong Brgy. na si Roxas, na siya ay aalis na sa kanyang trabaho. Agad din daw siyang nagbigay ng kanyang resignation letter na tinanggap naman ni Barangay Treasurer Herisee Santiago. Matapos maghain ng kanyang resignation noong 31 January 2023 ay hindi na nagreport at pumasok sa trabaho si Abe sa kanilang barangay.

Dagdag pa ni Abe, nagulat na lamang siya nitong Mayo 2023 ng malaman sa isang kakilala na diumano’y patuloy paring kasama sa barangay payroll ang kanyang pangalan bilang empleyadong tumatanggap ng sweldo. Pirmado rin aniya ang payroll sheet ng barangay ang kanyang pangalan na katunayan na may tumatanggap ng kanyang sweldo.

Ang isa pa sa kanyang ipinagtataka ay sinertipikahan pa umano ng Chairman ng Committee on Appropriation na si Kgwd. Arnel Gabito, Kapitan Alfredo Roxas at Hesiree Santiago ang payroll, gayung alam naman nila na matagal na siyang hindi nagtatrabaho sa kanilang barangay. Nakasaad din umano sa sertipikasyon na nilagdaaan ng mga nasabing opisyal na tama ang lahat ng detalye na nakalagay sa barangay payroll. (PAUL JOHN REYES)

VP Sara, walang respeto kina Castro at Hontiveros: ‘I have no respect for them’

Posted on: September 14th, 2023 by @peoplesbalita No Comments

“I HAVE no respect for them.”

Ito ang matapang na sinabi ni Vice President at Education Secretary Sara Duterte nang tanungin kung bakit niya ‘singled out’ sina ACT Teachers Party-list Rep. France Castro at opposition Senator Risa Hontiveros nang magpalabas ito ng kalatas laban sa pagkuwestiyon sa paggamit ng kanyang tanggapan ng confidential funds noong 2022.

“Because I do not respect Ms. Castro and Ms. Hontiveros. I have no respect for them,” ayon kay VP Sara sa isang panayam sa Cleanergy Park sa Punta Dumalag, Davao City.

Isang kalatas mula kay VP Sara, araw ng Lunes, Setyembre 11, pinasalamatan nito si Pangulong Ferdinand Marcos Jr. at ilang opisyal ng kanyang administrasyon para sa pagpapakita ng kanilang suporta at pag-alalay sa P125-million confidential at intelligence funds (CIFs) para sa Office of the Vice President (OVP) na hiniling mula sa Office of the President (OP) noong Disyembre 2022 sa kabila ng kakulangan ng line item, sa ilalim ng 2022 General Appropriations Act (GAA) para sa OVP.

Kapwa naman inatake ni VP Sara sina Hontiveros at Castro, subalit hindi binanggit ang dalawang Senate presidents at legal luminaries—Franklin Drilon at Senator Koko Pimentel—na pinuna ang paglipat ng 2022 CIF sa kanyang tanggapan.

Sa kabilang dako, sa kanyang pagtugon sa tirada ni VP Sara, igiit ni Hontiveros na ang OVP ay hindi ‘special’ para sa budget nito para hindi dumaan sa ‘due process.’

Dahil dito, hinamon ng mambabatas si VP Sara na “If you’re so confident about those confidential funds, then defend them publicly.”

Ipinagkibit-balikat naman ni VP Sara ang akusasyon sa kanya ni Hontiveros na nais niya na makatanggap ang OVP ng special treatment.

“Hindi naman kami ever nagsabi na special ang Office of the Vice President ,” aniya pa rin.

“In fact, we respected the procees doon sa budget hearing ng House of Representatives and ng Senate,” ang pahayag ni VP Sara.

“The discretion, the decision whether to grant confidential funds is really up to Congress kasi sila ‘yung merong power of the purse,” dagdag na pahayag nito. (Daris Jose)

Napakahusay talagang magpakilig: STELL, single pero ‘forever boyfriend’ na ng mga A’TIN

Posted on: September 14th, 2023 by @peoplesbalita No Comments

NAPAKAHUSAY talagang magpakilig ni Stell Ajero ng SB19, no wonder andaming may crush at nagpapantasya sa kanya.

Sa pinaka-aabangang guesting niya kay King of Talk sa ‘Fast Talk With Boy Abunda’ ay naitanong rin sa wakas kay Stell ang million-dollar question na nais itanong sa kanya ng marami; ang tungkol sa kanyang lovelife.

Pigil-hininga ang marami sa isasagot ni Stell sa tanong ni Tito Boy kung single ba siya… oo raw single siya pero taken na!

“Pero taken ng A’TIN!”

A’TIN ang tawag sa lipon ng fans ng SB19.

Nabisto rin kung bakit si Stell ang itinuturing na “forever boyfriend” ng mga A’TIN na nag-umpisa raw sa isang inside joke.

“Merong one time na ini-interview kami. Tinanong ako kung meron akong girlfriend and sinabi ko, ‘Wala.’

“Tapos lahat sila nagtampo sa social media na parang, ‘Ah wala ka palang girlfriend, so ano kami?’

“So sabi ko, ‘Ah gusto niyo pala ng ganitong klaseng biruan, okay.’ So ever since po sabi ko, ‘Sige, dahil ganyan yung gusto niyo, ako na ‘yung forever boyfriend niyo.'”

Naging regular na ang “forever boyfriend” sa mga social media posts ni Stell, maging sa mga spiels niya sa kanilang mga concerts.

“Nakatutuwa kasi meron kaming ganu’ng interaction. Pero ano po yun, may boundaries pa rin like hindi talaga siya super sineseryoso ng A’TIN.

“Natutuwa ako na meron kaming ganung klaseng koneksyon,” sabi pa ni Coach Stell na madalas piliin ng mga contestants sa “The Voice Generations” over Billy Crawford, Chito Miranda at Julie Anne San Jose.

Napapanood ang “The Voice Generations” hosted by Dingdong Dantes tuwing Linggo, 7 pm sa GMA.

Ang iba pang members ng SB19 bukod kay Stell ay sina Pablo, Ken, Josh, at Justin.

Samantala, patuloy pa rin ahg dance cover ng mga sikat na Asian artists sa phenomenal song na “Gento” ng grupo.

***

MAY mga pagsubok na pinagdaanan ang tinaguriang The Soulful Balladeer na si Dindo Fernandez bago maabot ang pangarap niyang maging singer/songwriter.

“May mga tao tayo na nakasama na sabihin na nating hindi naging click yung samahan namin, and parang feeling mo na parang na-a-abuse ka rin, ganyan,” umpisang inihayag ni Dindo.

“Pero hindi naman nating hahayaang mangyari yun, so at the early stage pa lang pag na-identify ko na yun, medyo nag-gi-give way na din ako or gumagawa na ako ng paraan para umiwas.

“Siguro ano lang, hindi naman ganun kalala, but basically medyo magkaiba lang po ng direksiyon, parang kung itutuloy ko yun… being with that person in the singing, parang magiging torture po yung mangyayari, so hindi po lalabas yung creative juice ko.

“Kaya I decided to be on my own. So, at first po kasi may nag-ga-guide sa akin, so at first may tumutulong, ganyan, pero when I felt na, ‘Teka parang hindi kami swak!’

“I decided na sige ako na lang mag-isa, something like that po. Siyempre ang gusto po natin is masaya lang, happy lang kayo, magkasama kayo, you do music together, so iyon po yung… siyempre ang hahanapin po natin ay yung mga tao na magkasundo tayo.”

Dalawang awitin na isinulat ni Dindo, ang “Akala Ko” at “Makinig Ka” ay na-release noong 2022 sa Spotify, iTunes, Apple Music at iba pang music platforms.

Naging nominado siya sa Aliw Awards 2022 bilang Best Male Performance in a Concert at Best New Male Artist of the Year.

Regular performer si Dindo sa EF Café & Restaurant sa National Road, Madonna Subd. sa Alanginan sa Batangas City tuwing Sabado ng alas otso gabi.

(ROMMEL L. GONZALES)

Nangunguna pa rin sa local TV show noong Agosto: ‘KMJS’ ni JESSICA, nakakuha ng finalist spot sa 2023 Asia Contents Awards

Posted on: September 14th, 2023 by @peoplesbalita No Comments

HIGIT pa sa pangingibabaw sa on-air at online, ang multi-platform leader at multi-awarded GMA Public Affairs show na ‘Kapuso Mo, Jessica Soho (KMJS)’ ay patuloy na itinataas ang bandila ng Pilipinas, dahil nakakuha ito ng finalist spot sa 2023 Asia Contents Awards (ACA) at Global OTT Awards.

Karagdagan ito sa mahabang listahan ng mga international recognition ng naturang public affairs show.

Hino-host ito ni Jessica Soho, ang KMJS ay nominado sa ACA’s Best Reality and Variety category para sa kuwento nitong “Sugat ng Pangungulila (Wounds of Woes).” Ang KMJS ang nag-iisang nominado ng Pilipinas sa nasabing kategorya, kasama ang ‘Physical 100’ ng Netflix, ‘SNL Korea Seasons 3 & 4’, ‘Let’s Feast Vietnam’, ‘Our Game: LG Twins’, TVING’s ‘Food Chronicle’, at Content Wavve’s ‘Bloody Game 2’.

Itinampok sa “Sugat ng Pangungulila (Wounds of Woes)” ang kuwento ni Daxen – isang anak ng isang OFW na dumanas ng hindi pa natukoy na sakit sa balat. Sa tulong ng KMJS, mga kapitbahay ni Daxen, mga local government units, at ospital sa Antique, nailigtas si Daxen at nagpapatuloy ngayon sa kanyang maintenance medicines.

Matapos maipalabas ang episode, dumating ang tulong hindi lamang mula sa mga karatig lungsod at probinsya kundi pati na rin sa mga Pilipino sa ibang bansa. Ang kuwento ni Daxen ay nagbigay inspirasyon pa sa kanyang bayan na lumikha ng isang rescue volunteer group na tinatawag na DAO Lifesaving Advocates.

Ayon kay Soho, “We are happy and grateful that our story about Daxen is being recognized by another prestigious international award-giving body. To be nominated is an honor by itself because the Busan Asian Content Awards is tough! On behalf of Team KMJS, thank you very much especially for the privilege of representing GMA Network and the Philippines!”

Ang mga nanalo sa ACA ay iaanunsyo sa BIFF Theater, Busan Cinema Center sa Korea ngayong Oktubre.

Sa unang bahagi ng taong ito, binigyan ng kuwento ni Daxen ang KMJS ng ikatlong New York Festival medal mula noong 2019 nang manalo ito ng World Gold Medal sa prestihiyosong 2023 New York Festivals TV & Film (NYF) Awards.

Bukod sa mga parangal, ang KMJS ay nananatiling pinaka-pinapanood na programa sa TV sa bansa noong Agosto.

Ipinapakita ng data mula sa Nielsen TV Audience Measurement na para sa buwan ng Agosto, nanguna ang KMJS sa lahat ng programa na may pinagsamang (GMA at GTV) na rating ng mga tao na 16.3 porsiyento sa Urban Philippines at 14.8 porsiyento sa Total Philippines.

Sa online, patuloy na lumalaki ang mga numero ng KMJS. Bilang pinakasikat na programa sa TV sa Pilipinas sa Facebook, ang opisyal na Facebook page ng KMJS ay umabot na sa 30 milyong tagasubaybay.

Noong Setyembre 3, ipinalabas ng KMJS ang eksklusibong panayam ni Jessica sa asawa ng yumaong si Mike Enriquez, kung saan ibinahagi ni Lizabeth “Baby” Yumping-Enriquez ang kanilang love story at ang medical journey ni Mike. Napunta ang panayam sa #1 na puwesto sa YouTube Philippines.

Abangan ang KMJS tuwing Linggo ng gabi sa mga channel ng GMA, GTV, at Pinoy Hits. Mapapanood ng netizens sa online ang live streaming sa official Facebook page ng KMJS gayundin sa official YouTube channel ng GMA Public Affairs. Global Pinoys can catch KMJS via GMA international channel GMA Pinoy TV.

***

SIMULA September 16, mapapanood na tuwing Sabado ang pinakabagong true-crime anthology ng GMA na Pinoy Crime Stories kasama ang host na si John Consulta.

Mula sa award-winning team ng GMA Public Affairs, tampok sa Pinoy Crime Stories ang malalaki at kontrobersyal na krimen sa bansa gaya ng online crime, slavery, murder, robbery, trafficking, kidnapping, abduction, rape, at marami pang iba.

Hindi na bago si John sa crime beat. Sa loob ng 15 taon bilang reporter, tinutukan niya ang police beat at ibang law enforcement agencies gaya ng National Bureau of Investigation, Philippine Drug Enforcement Agency, at Bureau of Immigration. Napapanood din si John bilang isa sa mga host ng GMA flagship documentary program na I-Witness at isa sa mga GMA Integrated News’ senior correspondents.

“Dito sa Pinoy Crime Stories, tututukan natin ang bawat kaso – mula sa imbestigasyon hanggang sa paglutas nito. May mga interview sa crime investigators, witnesses, suspects, pati na rin mga biktima. Magkakaroon din tayo ng mga makatotohanang dramatization ng bawat kasong pinag-uusapan at sinusuri sa bawat episode,” paglalahad ni John.

Sa unang episode ng Pinoy Crime Stories, abangan ang imbestigasyon sa murder case ng 85 anyos na babaeng natagpuang patay sa kanyang tahanan sa Paranaque. Sa naging imbestigasyon, tinukoy ang male helper bilang “person of interest” ngunit napalaya rin siya dahil sa bagong suspect na sa kalaunan ay umaming sangkot sa kaso.

Abangan ang Pinoy Crime Stories tuwing Sabado, 4:45 PM sa GMA at Pinoy Hits. Magkakaroon din ng livestream sa Youtube channel at Facebook page ng GMA Public Affairs, at sa TikTok account ng GMA Network at GMA Public Affairs. Para sa Global Pinoys, mapapanood ito sa GMA international channel na GMA Pinoy TV.

(ROHN ROMULO)

Price cap sa bigas, ‘going as well as we can expect’- PBBM

Posted on: September 14th, 2023 by @peoplesbalita No Comments

SINABI ni Pangulong Ferdinand Marcos, Jr. na “going as well as we can expect” ang ipinataw niya na price ceiling sa bigas.

Sa katunayan, unti-unti ng nakapag-adjust ang mga retailers sa price cap, iyon ay kahit pa may ilan ang pansamantalang itinigil ang pagbebenta ng bigas para maiwasana ng pagkalugi.

“We just had a meeting about that this morning, so far the implementation and enforcement is going as well as we can expect,” ayon kay Pangulong Marcos sa isang chance interview.

“Syempre nag-aalangan din yung ibang retailer at hindi natin pwedeng sisihin dahil nga hindi sila nakakatiyak nga doon sa ating ibibigay na kapalit… Titingnan na lang natin kung papaano ang takbo,” dagdag na pahayag ng Pangulo.

Nauna rito, sinabi ni KMP chairperson Danilo Ramos na kartel ang nasa likod ng mataas na presyo ng bigas sa bansa.

Isa ring dahilan aniya ang Rice Tariffication Law sa pagsipa ng presyo ng bigas.

Sinisi rin ni Ramos ang National Food Authority (NFA) na wala umanong binibiling palay mula sa mga magsasaka sa halip ay umaasa na lang sa importasyon ng nasabing produkto.

Dahil dito, Ipatupad na simula sa Setyembre 5, 2023 ang executive order (EO) No. 39 ni Pangulong Marcos na nagtatakda ng price cap sa bigas.

Batay sa kautusan, hindi dapat lumampas sa P41.00 ang presyo ng kada kilo ng regular milled rice, at P45.00

Pero ang ibang nagtitinda ng bigas, nangamngamba na hindi nila kayanin ang itinakdang presyo ng Palasyo dahil mas mataas ang kanilang puhunan.

“A ban on rice exports by major producer India, the war in Ukraine, and unstable world oil prices have also “caused an alarming increase in the retail prices of this basic necessity”, dagdag na wika ng Punong Ehekutibo. (Daris Jose)

Opisyal ng DepEd, kinumpirma ang memo sa pag-alis ng ‘Diktadurang Marcos’

Posted on: September 13th, 2023 by @peoplesbalita No Comments

KINUMPIRMA ng Department of Education (DepEd) ang umiiral at umiikot na memo sa social media na nagbibigay atas na baguhin ang “Diktadurang Marcos” at gawin na lamang “diktadura” na matatagpuan sa Grade 6 Araling Panlipunan curriculum.

“I confirm that indeed there was a letter that was sent to the Office of Undersecretary for Curriculum and Teaching. This was made by our Bureau of Curriculum Development (BCD) specialist. This was submitted to my office and forwarded to the Office of Undersecretary for Curriculum and Teaching,” ayon kay DepEd Bureau of Curriculum at Teaching director Joyce Andaya.

“That’s part of our internal processes. Our BCD specialist can really express themselves, and we respect their stand on curricular issues,” dagdag na wika nito.

Gayunman, nilinaw ni Andaya na ang memo ay mananatiling sasailalim sa vetting process sa panahon ng pilot implementation ng revised K-10 curriculum ngayong taon.

Ang paliwanag nito, ang curriculum review process ay “iterative.” dahilan upang hanggang ngayon ay wala pa ring nabubuong consensus ang DepEd sa kung ano ang dapat na makita sa pinal na curriculum document na ia-upload sa official website nito.

“Meron pa rin tayong pagkakataon na tingnan ulit ang curriculum ng ating mga nag-aaral, ng ating mga guro, at ng iba nating kasamahan sa education sector at kung merong mga changes or mga comments tungkol dito, susuriin po ulit natin,” ayon kay Andaya.

Ani Andaya, nais lamang ng BCD na mag-organisa ng curriculum guide, at maaari pa ring mapag-usapan ang mga paksa na may kinalaman sa martial law period, partikular na ang pagpapatupad ng diktadura ni dating Pangulong Ferdinand Marcos Sr.

Pinabulaanan din ni Andaya na may intensyon para sa “historical revisionism o i-whitewash ang katotohanan na nangyari noong martial law era.

“Ang pag-uusapan dito ay deklarasyon ng batas militar, pagpapatupad ng diktadura, epekto ng diktadura, pagkawala ng mga institusyong demokratiko, malayang lehislatura, paghina ng ekonomiya, paglabag sa karapatang pantao, ill gotten wealth, paglaban sa diktadura, mga kilos laban sa diktadura, at pagpaslang kay Ninoy Aquino,” ayon kay Andaya.

“Hindi maaaring hindi banggitin ang pangalang Ferdinand Marcos Sr. sa pagtalakay ng paksa ukol sa diktadura,” aniya pa rin.

Samantala, wala namang political pressure mula sa kasalukuyang administrasyon para irekumenda ang pag-alis o pagtatanggal ng pangalang “Marcos” mula sa “diktadurang Marcos” sa Araling Panlipunan subject sa ilalim ng revised K-10 curriculum.

Binigyang-diin ni Andaya na ang pagtanggal o pagbabago sa ‘nomenclature’ ay “purely an academic discussion.”

“Wala pong pressure na kahit na ano na binigay sa amin para tignang muli ang curriculum. Ito ay isang proseso na aming pinapatupad dito sa Curriculum and Teaching strand. It is an academic discourse that we always observe and follow as we review and revise the curriculum,” ani Andaya.

Sa ulat, tinuligsa ng Alliance of Concerned Teachers (ACT) at Congress of Teachers/Educators for Nationalism and Democracy (CONTEND) ang pagtatanggal ng pangalang ‘Marcos’ mula sa terminong “Diktadurang Marcos.” (Daris Jose)

Ads September 13, 2023

Posted on: September 13th, 2023 by @peoplesbalita No Comments

LTFRB didinggin ang petisyon ng transport groups

Posted on: September 13th, 2023 by @peoplesbalita No Comments

ITINAKDA ng Land Transportation and Franchising Regulatory Board (LTFRB) sa September 26 ang pagdinig ng petisyon na inihain ng transport groups para sa P5 na taas pasahe bilang minimum fare.

Kasama sa didinggin sa petisyon ang provisional adjustment na P1 sa gitna ng patuloy na pagtaas ng presyo ng produktong krudo sa merkado.

Sinabi ni Melencio Vargas, president ng Alliance of Transport Operators and Driver’s Association of the Philippines (ALTODAP), sa isang radio interview na ang mga jeepney drivers ay hindi na nakakayanan ang sunod-sunod na pagtaas ng diesel kasama na ang ginawang pagtaas kahapon.

Kahapon ay nagtaas ang mga kumpanya ng langis ng P.30 hanggang P.60 kada litro ng diesel, P.10 hanggang P.40 naman sa gasoline at P.20 hanggang P.50 sa kerosene.

“We filed a petition pushing for a fare hike and will be heard on September 26. We are saddened by the unabated increase in the diesel prices and yet the minimum fare is still the same. Drivers are no longer earning. Drivers are just forced to continue operating as we have no other source of income to feed our family,” wika ni Vargas.

Maliban sa ALTODAP, humingi rin ng P5 na pagtaas ang grupong Pasang Masda and Alliance of Concerned Transport Organizations. Kapag pinayagan ng LTFRB, ang sa ngayon na P12 minimum rate ay aabot na ng P17 sa unang apat na kilometro.

Samantala, ayon pa rin kay Vargas na ang mga drivers ay dapat mabigyan ng benepisyo sa ilalim ng fuel subsidy ng pamahalaan matapos na magbigay ng pondo ang Department of Budget and Management (DBM) ng P3 billion ang nasabing programa. Inaasahan na mabibigyan ng benepisyo ang 1.36 million na mga public utility vehicle drivers at operators sa buong bansa.

“If the fuel subsidy should be implemented, it should benefit all. During the previous administration, many of jeepney drivers did not receive the assistance. Operators should give the money to the drivers after claiming the assistance,” dagdag ni Vargas.

Nagbigay ng suhistyon si Vargas na dapat ang LTFRB ay nagtatago ng mga data base ng drivers upang masiguro na ang lahat ay mabibigyan ng benepisyo sa nasabing programa.

Tatanggap na pinakamataas na fuel subsidy ang drivers ng modernized public utility jeepney at modernized utility vehicle express na nagkakahalaga ng P10,000 kada unit.

Habang ang mga drivers ng traditional public utility jeepneys at utility vehicle express kasama rin ang public utility buses, mini-buses, taxis, shuttle service, taxis, transport network vehicle services, tourist at school transport services at filcabs ng P6,500 bawat isa.

Ang drivers ng mga delivery services ay tatangap ng P1,200 habang ang tricycle drivers ay makatatangap ng P1,000

“Based on a master list of eligible beneficiaries, the Land Bank of the Philippines (LBP) will distribute the subsidies through the identified modes of payment, upon receipt of instructions from us on the procedures, mechanics and the agreed schedule,” saad ng LTFRB. LASACMAR

DSWD tatapusin ang bigayan ng ayuda sa mga rice retailers sa Sept. 14

Posted on: September 13th, 2023 by @peoplesbalita No Comments

NAIS ni Pangulong Ferdinand Marcos Jr. na agad na matapos ang pamamahagi ng cash grants para sa mga rice retailers.

Sa isang press briefing sa Malakanyang, sinabi ni Department of Social Welfare and Development Secretary Rex Gatchalian na layon ng gobyerno na tapusin ang distribusyon ng P15,000 cash grants sa mga rice retailers sa Setyembre 14, araw ng Huwebes.

Nauna rito, nagpulong sina Gatchalian at Trade and Industry Secretary Alfredo Pascual para pag-usapan ang implementasyon ng Executive Order No. 39, nagtakda ng price ceiling sa bigas para masawata ang tumataas na presyo ng nasabing kalakal.

“So kaya nga sabi niya sa amin when we met, tapusin na kaagad ‘yang distribution ng livelihood grants to shore up their capital,” ayon kay Gatchalian.

“Natuwa nga siya na may self-imposed deadline whether by law or by [our] selves, na September 14 dapat tapos na kami. Pero I’m telling you right now that maybe a steep of the task kasi may return date kami,” dagdag na pahayag nito.

At sa tanong kung mayroong second tranche para sa mga nakatanggap na ng livelihood grants, sinabi ni Gatchalian na hindi nage-entertain ang gobyerno ng matagal na pagpapatupad ng EO 39 lalo pa’t sinabi ng Pangulo na pansamantala lamang ang price cap sa bigas.

“At this point in time, diba before the President left for the ASEAN, in his departure address he said the price cap isn’t meant to last long. That’s why we’re sticking to that. By me engaging that question, that means we’re already entertaining a prolonged period of EO 39, which is not the directive or direction of the President,” ani Gatchalian.

Winika pa ni Gatchalian na mayroong 5,942 micro and small rice retailers sa listahan na mayroong permits at registrations sa pampubliko at pribadong pamilihan.

Samantala, tumutulong naman ang Department of the Interior and Local Government (DILG) na ipaalam sa mga benepisaryo ng cash grants, na idadaan sa pamamagitan ng Sustainable Livelihood Program (SLP). (Daris Jose)