2023 September Archive - People's Balita

Archive for September, 2023

PBBM, nakikitang mas yayabong pa ang ugnayan sa pagitan ng Pinas at Singapore

Posted on: September 15th, 2023 by @peoplesbalita No Comments

NAKIKITA ni Pangulong Ferdinand Marcos Jr. ang pagganda at pagbuti ng relasyon sa pagitan ng Pilipinas at Singapore.

Ang Singapore kasi ang itinuturing na “largest source of foreign investments” sa bansa.

Sa isang roundtable discussion kasama ang mga Singaporean business leaders, kumpiyansang inihayag ni Pangulong Marcos na maliwanag ang hinaharap para sa dalawang bansa dahil na rin sa matatag na bilateral relations ng mga ito sa isa’t isa.

Ayon sa Pangulo, nagsimula ang magandang relasyon ng Singapore at Pilipinas sa people-to-people level, nagsilbing ‘bedrock’ ng lahat ng kasunduan, partnerships, at alliances.

“And in that time between the very beginning of that relationship, we haven’t come across really any significant issues, diplomatic, political, or otherwise between Singapore and the Philippines. And I think that is the reason why, at some point, Singapore was the largest source for foreign investment in the Philippines,” ayon kay Pangulong Marcos.

Giit ng Chief Executive, hindi niya nakikita na magbabago ang relasyon ng dalawang bansa sa kahit na anumang paraan o “no paradigm shift in terms of geopolitical positioning, and in multilateral relationship with the rest of ASEAN and with the rest of Asia.”

“So for me, the future is bright for the Philippines and Singapore. And I see more opportunities than we have ever had before in fact, and it’s just up to us to identify those and to agree on how to best respond to the changes that we now face,” lahad ng Pangulo.

Sa kabilang dako, kasalukuyang nasa Singapore ngayon si Pangulong Marcos dahil mayroon itong speaking engagement sa 10th Asia Summit. Nakatakdang magbalik-Pinas ang Pangulo sa araw ng Linggo, Setyembre 17.

Nakatakdang ring dumalo ang Pangulo sa pagtatapos ng Formula One Singapore Grand Prix 2023 bilang tugon na rin sa imbitasyon ni Singaporean Prime Minister Lee Hsien Loong.

Samantala, habang wala ang Pangulo at nasa Singapore, si Vice President Sara Duterte ang tatayong ‘caretaker’ ng bansa. (Daris Jose)

Kahit kinikilala ng MTRCB ang constructive criticism: Nakaaalarmang pagbabanta kay Chair LALA, mariing kinokondena

Posted on: September 15th, 2023 by @peoplesbalita No Comments

NAGING target ng nakaaalarmang online attacks ang Chairperson ng Movie and Television Review and Classification Board (MTRCB) na si Lala Sotto.

Ang mga netizens ay pumunta sa opisyal na mga pahina ng social media ng MTRCB upang ipahayag ang kanilang mga hinaing sa hindi naaangkop at nakapipinsalang paraan, na nagdulot ng malubhang alalahanin tungkol sa kaligtasan at seguridad ng chairperson.

“Over the past weeks, we have experienced an unfortunate surge in threatening messages on our official social media pages, including explicit rape and death threats directed at Chairperson Lala Sotto.

“Chairperson Lala Sotto is a dedicated public servant who has spent her career advocating for responsible and inclusive media content. She has consistently championed the importance of media content that respects cultural sensitivities while contributing positively to the Philippine entertainment industry.” ayon kay MTRCB Vice Chairman Njel De Mesa.

“No Filipino deserves such kind of unfounded personal attack. We must not resort to personal attacks because our agency is just doing its mandate. We are happy that our Chair is very active in discharging the functions of our office based on existing laws.” dagdag naman ni MTRCB Executive Director II Atty. Mamarico Sansarona Jr.

Bagama’t kinikilala ng MTRCB ang kahalagahan ng constructive criticism at open dialogue, mariin nitong kinokondena ang anumang anyo ng pagbabanta, panliligalig, o karahasan, online at offline.

Ang ganitong pag-uugali ay hindi lamang ilegal ngunit sumasalungat din sa mga prinsipyo ng isang Filipino value-based media at entertainment culture na itinataguyod ng MTRCB.

Ang MTRCB ay nananatiling matatag sa kanyang misyon na tiyakin na ang nilalaman ng telebisyon at pelikula ay naaayon sa mga kultural na halaga at pamantayan ng Pilipinas.

Patuloy naming hinihikayat ang nakabubuo na pag-uusap sa publiko, na binibigyang-diin ang kahalagahan ng sibil na diskurso at responsableng pagpuna.

***

HINIHIKAYAT ni Aiko Melendez ang Kongreso na dagdagan ang alokasyon para sa pabahay sa 2024 pambansang badyet.

Sa kasalukuyang kakulangan ng 4,347 bahay sa lungsod, hinikayat ni Konsehal ng Quezon City Aiko Melendez, ang chairman ng Committee on Subdivision, Housing, and Real Estate, ang Kongreso na maglaan ng mas malaking bahagi mula sa iminungkahing P5.768 trillion na pambansang badyet para sa 2024 sa sektor ng pabahay na pinangungunahan ng Department of Human Settlements and Urban Development.

Ang Quezon City, na kilala bilang pinakamalaking lungsod sa Pilipinas, ay tahanan ng milyun-milyong residente, at ang abot-kayang pabahay ay patuloy na isang malaking isyu para sa marami, ayon kay Aiko.

Ayon sa datos, napakalaki ng kakulangan sa pabahay sa Quezon City na aabot sa 4,347.

“Sa libu-libong pamilyang nangangailangan ng angkop na tirahan, napakahalaga para sa lokal at pambansang pamahalaan na magkaisa sa pagbibigay ng matibay na bubong sa mga ulo ng ating mga kapwa Pilipinong mas nangangailangan,” diin ni Konsehal Melendez.

Kaya’t hiniling ni Konsehal Melendez ang tulong ng Kongreso upang makapagbigay ng kinakailangang tulong sa mga nangangailangan ng abot-kayang pabahay sa Quezon City.

Sinabi ni Konsehal Melendez na ang dagdag na alokasyon sa badyet para sa sektor ng pabahay sa 2024 national budget ay makakatulong ng malaki sa pagtugon sa krisis na ito hindi lamang sa Quezon City kundi sa buong bansa.

Pinuri ni Konsehal Melendez ang mga hakbang na isinasagawa ng lungsod sa sektor ng pabahay sa pamamagitan ng mga pagsisikap ni Mayor Joy Belmonte, subalit batid niya na marami pa ring gawain ang kailangang tapusin para masolusyunan ang problema sa pabahay ng kanyang mga nasasakupan.

Mula Hulyo 2022 hanggang Hunyo 2023, 183 pabahay ang naitayo bilang bahagi ng iba’t ibang proyekto sa lungsod sa pangunguna ni Mayor Belmonte.

Sa kasalukuyan, ang Quezon City ay aktibong nagtatrabaho sa limang proyekto ng pabahay sa ilalim ng pamumuno ni Mayor Belmonte: Gulod Community 2 at 3, Sauyo, San Agustin, at Bagong Silangan.

Ang layunin ng mga proyektong ito ay dagdagan ang 184 na yunit ng pabahay sa imbentaryo ng lungsod, sabi ni Konsehal Melendez

(ROHN ROMULO)

30-day break ng mga guro, suportado sa Kamara

Posted on: September 15th, 2023 by @peoplesbalita No Comments

SUPORTADO sa Kamara ang hakbang ng Department of Education (DepEd) na bigyan ng 30-araw na break ang mga guro sa pampublikong paaralan sa bansa.

Pinuri rin ni House Committee on Labor and Employment chairman at Rizal Rep. Fidel Nograles ang plano ng DepEd na bawasan ang administrative work ng mga guro at gawin na lamang itong 11 mula sa kasalukuyang 56.

“This is a timely intervention that will help ensure our teachers’ well-being,” sabi ni Nograles. “Natutuwa tayo na masigasig ang DepEd sa paghahanap ng paraan upang maibsan ang pasang responsibilidad ng ating mga guro. Mainam itong balita lalo pa’t ipinagdiriwang ang National Teachers’ Month ngayong buwan.”

Pinapurihan din ng solon ang paglulunsad ng DepEd ng isang website kung saan makahihingi ng legal na tulong ang mga guro kaugnay ng kanilang mga pagkakautang.

“Our teachers often fall victims to loan sharks due to circumstance, that is why we need provide them with financial education, legal assistance, and other ways for them to break from the cycle of debt and poverty,” sabi pa ni Nograles.

COMELEC papayagan ang TUPAD program ng DOLE

Posted on: September 15th, 2023 by @peoplesbalita No Comments

PINAYAGAN ng Commission on Elections (COMELEC) ang Department of Labor and Employement (DOLE) na ituloy ang kanilang cash for work program kahit na umiiral ang election ban.

Sinabi ni Commission on Elections (Comelec) Chairperson George Erwin Garcia na mahalaga ang nasabing programa ng gobyerno at hindi ito puwedeng ipagpaliban ang ganitong programa ng national government para sa mga nawalan ng trabaho.

Mahigpit naman na pinaalalahanan ang mga kandidato ng Barangay elections na bawal silang makisawsaw.

Tanging mga kawani ng DOLE ang mamamahala sa programa at hindi maari ang mga kandidato. (Ara Romero)

‘A Haunting In Venice,’ Needs To Make At Least $140M To Succeed At The Box Office

Posted on: September 14th, 2023 by @peoplesbalita No Comments

Disney and 20th Century have not officially announced how much it cost to make A Haunting in Venice. This leaves room for estimates and comparison to previous installments to try and deduce its budget. It is possible that A Haunting in Venice carries a $70 million budget.

When the franchise began in 2017, Murder on the Orient Express was made for a mere $55 million. The movie’s box office success allowed Death on the Nile’s budget to balloon to $90 million, which was partially due to using more CGI for locations, landing more big names, and delays caused by COVID.

A Haunting in Venice has another moderate budget for the Hercule Poirot franchise, setting a high bar for its box office run. Kenneth Branagh and 20th Century found immediate success when it came to bringing Agatha Christie’s novels to audiences again. Murder on the Orient Express was a sizable box office hit on a rather small budget compared to many other franchises. After some decline in performance with Death on the Nile and Disney’s acquisition of 20th Century, the cost to make A Haunting in Venice was expected to change. Doing so could help keep the franchise alive by lowering what box office it needs.

As budgets ballooned across Hollywood thanks to the pandemic, A Haunting in Venice’s cast and on-location filming in theory would raise the price of Kenneth Branagh’s latest movie. It features recognizable faces like Tina Fey, recent Oscar-winner Michelle Yeoh, and Yellowstone star Kelly Reilly.

It is unlikely that even A Haunting in Venice as a horror movie helped it be made for as cheap as Murder on the Orient Express due to its pandemic-inflated production, but it does seem like a safe bet that Disney and 20th Century would limit spending so it would not reach or exceed Death on the Nile. Since the latter only made $137.3 million at the worldwide box office, the studios likely did not want to put too much money into the threequel and hinder its chances of becoming a box office success.

If the estimated budget is close to being accurate, A Haunting in Venice’s box office might only need to make $140 million worldwide to be deemed a hit. That would be double the movie’s budget and surpass Death on the Nile’s total. Considering Disney and 20th Century were happy enough with the sub-$140M total before to greenlight a sequel, A Haunting in Venice exceeding that figure on a lower cost would help increase the likelihood of a fourth Hercule Poirot movie directed by Kenneth Branagh happening.

A Haunting in Venice is now showing Philippines cinemas, scheduled to be released in the United States on September 15, 2023, by Disney and 20th Century Studios.

(source: Box Office Pro/screenrant.com)

(ROHN ROMULO)

“Maging maayos na ang agrikultura”

Posted on: September 14th, 2023 by @peoplesbalita No Comments

“MAGING maayos na ang agrikultura” ang birthday wish ni Pangulong Ferdinand Marcos Jr. na nagdiriwang ng kanyang ika- 66 kaarawan ngayong araw ng Miyerkules, Setyembre 13.

Aniya pa, wish din niya na madetermina ng gobyerno kung ang bansa ay makararanas ng wet o dry season para malaman ang tulong na maaaring ibigay nito sa mga apektadong magsasaka.

“At malaman na natin kung ano ba talaga ang weather, wet season ba o dry season para naman matulungan natin yung mga farmer natin,” aniya pa rin.

“Yun lamang naman ang aking panalangin pa rin hanggang ngayon,” dagdag na wika ng Punong Ehekutibo.

Sa kabilang dako, biyaheng Singapore si Pangulong Marcos ngayong araw, mismong araw ng kanyang kaarawan para dumalo sa 10th Asian Conference sa Singapore.

Sa harap ng mga business leaders at economic managers, tatalakayin niya ang mga priority policy at programa ng bansa sa isang 30 minutong talk na tinatawag na “A Conversation with the President of the Republic of the Philippines.”

Sa imbitasyon ni Singaporean Prime Minister Lee Hsien Loong.

Si Marcos ang magiging unang uupo na pinuno ng Pilipinas na humarap sa Milken Institute’s Asia Summit, sinabi ng PCO.

Habang nasa Singapore, makikipagpulong din siya sa mga pinuno ng negosyo “upang palakasin ang ugnayang pang-ekonomiya at higit pang patatagin ang posibleng pakikipagsosyo sa pagitan ng dalawang ekonomiya sa mga piling industriya.”

Magsasalita rin ang Punong Ministro ng Malaysia na si Anwar Ibrahim sa taunang pagtitipon.

Inaasahang tatalakayin ng summit ang mga isyu tungkol sa kapayapaan at katatagan, hindi pagkakapantay-pantay, pagkakaiba sa kultura, at hindi na mapananauli na pinsala sa kapaligiran. (Daris Jose)

Ads September 14, 2023

Posted on: September 14th, 2023 by @peoplesbalita No Comments

May bagong series sa YT channel: LIZA, on-hold pa ang Hollywood plans dahil sa strike

Posted on: September 14th, 2023 by @peoplesbalita No Comments

MAY bagong serye na susubaybayan kay Liza Soberano. Hindi nga lang ito sa telebisyon mapapanood kung hindi sa kanyang YouTube channel.

Ang series niya ay ‘Liza In Korea.’ It’s a 15-episode series na every Wednesday at 8 pm ang drop simula noong September 13.

Nagawa ni Liza na i-explore ang Korea. Proud siya na maipakita sa lahat, hindi lang sa mga Pinoy ang mga ‘hidden’ places o gems pa sa naturang bansa.

Sa ngayon daw, may strike ang mga actors sa Hollywood kaya on-hold pa ang mga plans niya with her Hollywood career. Pero, ito rin ang pagkakataon na magawa naman niya ang mga contents na gusto niyang magawa.

Partnership with Korean production, ang JJ Global Group in Korea. Hindi rin maikakaila na marami ng nabuong connection si Liza sa Korea mula sa production company, agents at may mga naging malapit na rin siyang K-pop idols.

Sa ngayon, nag-aaral daw si Liza ng salitang Hangul at open siya sa ideya na sana nga makagawa rin siya ng Korean drama o Korean film. May mga inquiry na rin daw sana, pero ang problema pa, hindi pa siya fluent sa kanilang lengguwahe.

***

TINUTUKAN ng sambayanan ang pagbabalik-primetime ng phenomenal love team nina Kapuso Primetime Princess Barbie Forteza at Pambansang Ginoo David Licauco sa “Maging Sino Ka Man.”

Usap-usapan sa social media ang pilot episode ng serye noong September 11! Nag-trending sa Twitter ang mga hashtags na #MSKMWorldPremiere, #MagingSinoKaManGMA, #BarbieForteza, at #DavidLicauco.

Komento pa ng ilang netizens sa GMA Drama Facebook page, “Deserved! Congratulations! Sobrang ganda ng pagsisimula parang sine! Magaling ang buong cast especially BarDa.

“Unexpected ang acting ng action king na si David! Pang-Best Actress talaga si Barbie! Salamat sa pagpapasaya at pagpapakilig worldwide!”

Nagsisimula pa lang ang action adventures at romantic moments ng BarDa. Masusubaybayan ang special limited series na “Maging Sino Ka Man,” Lunes hanggang Biyernes tuwing 8 PM sa GMA Telebabad at 9:40 PM sa GTV.

(ROSE GARCIA)

PBBM, nilagdaan ang IRR ng Agrarian Emancipation Act

Posted on: September 14th, 2023 by @peoplesbalita No Comments

TININTAHAN ni Pangulong Ferdinand Marcos Jr., araw ng Martes ang implementing rules and regulations (IRR) ng Agrarian Emancipation Act.

Layon nito na tanggalin ang pasanin sa pagkakautang ng mga agrarian reform beneficiaries na nagkakahalaga ng P57.57-B.

Malinaw na mabubura na ang lahat ng mga hindi nabayaran na amortization ng principal loan kasama na ang interest at multang kailangang bayaran ng nasa 610,054 agrarian reform beneficiaries (ARBs).

Para sa Chief Executive, marapat lamang na bigyan ng pansin ang hinaing ng mga magsasaka lalo na’t malaki ang kanilang ambag sa bansa.

Gagawin naman ng Pangulo ang lahat ng kanyang makakaya para tugunan ang mga pangangailangan ng mga magsasaka.

Magagawa lamang ani Pangulong Marcos ang bagay na ito kung papayagan ang gobyerno na gampanan ang responsibilidad nito na sa kalaunan ay makatutulong sa sektor na tupdin ang kanilang papel sa publiko at ekonomiya.

At matapos mabuo ang IRR, tiwala ang Pangulo na mas magkakaroon ng ngipin ang batas at mapapabilis nito ang tulong sa mga benepisaryo.

Sinasabing papalo sa P57.56 bilyon ang pinagsama-samang unpaid amortizations mula sa principal debt ng mga nabanggit na siyang nagpapayabong sa 1.17 milyong ektaryang lupain sa bansa.

Matatandaang, buwan ng Hulyo nang lagdaan ni Pangulong Marcos ang Republic Act No. 11953 o New Agrarian Emancipation Act.

Sa naging talumpati ng Pangulo, pinuri nito ang mga magsasaka at agrarian reform beneficiaries sa pagtiyak na mananatiling accessible ang agricultural commodities sa mga Filipino.

“It is only fitting that we recognize as pillars of this crucial sector whose impact creates positive ripples of transformation within our communities that reverberates not only for us in the present but across future generations,” aniya pa rin.

“I call on everyone to support and take part in the implementation of this landmark legislation,” ayon sa Pangulo sabay sabing “The need for a whole of nation approach is vital to achieve its goals and secure food production in the future.”

Hanggang sa ngayon ay wala pa ring available na kopya ng IRR sa website ng Philippine Gazette.

Sa naging talumpati pa rin ng Pangulo, sinabi nito na pinalawig niya ang Executive Order No. 4 ng dalawa pang taon para tulungan ang mga benepisaryo na hindi sakop ng IRR at maging ng moratorium sa orihinal na EO.

Ang ekstensyon ay hanggang Setyembre 13, 2025.

Ang paliwanag ng EO 4, ang Pangulo, “provides for the moratorium of the principal obligation and interest on amortization payable by the ARB, to include even those who are not covered by the new emancipation law.”

Ang IRR ng EO 4 ay bubuuin sa loob ng 15 araw ng effectivity nito. (Daris Jose)

Government workers binigyang pagkilala ng PCSO

Posted on: September 14th, 2023 by @peoplesbalita No Comments

PINURI ni Philippine Charity Sweepstakes Office (PCSO) Chairman Junie E. Cua ang papel ng mga pampublikong tagapaglingkod kasabay ng pagsisimula ng bansa sa pagdiriwang ng ika-123 anibersaryo ng serbisyo sibil ng Pilipinas.

“Every need that we can think about, we can expect that there are government workers trying their best to address it. Nariyan din ang mga kawani ng pamahalaan sa bawat sakuna, nangunguna sa frontline para itaguyod ang kapakanan natin,” ani Cua.

“From our communities through barangay workers to the national level, the work of nation-building would not advance without public employees,” dagdag pa ni Cua.

Ang anibersaryo ng Philippine civil service ay ipinagdiriwang tuwing Setyembre.

Inihayag din ng CSC na para sa taong ito, ang selebrasyon ay dapat tumutok sa kahalagahan ng paglinang ng dynamism sa mga manggagawa ng gobyerno upang pagyamanin ang sustainable management at pagpapalakas ng organizational resilience.

Suportado naman ni Cua ang pangangailangan na patuloy na magsikap sa pagbabago ng serbisyo publiko, dahil binigyang-diin niya ang mga hamon na ipinakita ng pagbabago ng klima at ang mga oportunidad na ipinakita ng digitalization.

Patuloy din aniya ang paghahanap ng PCSO ng mga paraan para mapabuti ang serbisyo nito.