2023 September Archive - People's Balita

Archive for September, 2023

DSWD, binigyang-linaw ang pagkakaiba ng 4Ps at Food Stamp Program

Posted on: September 20th, 2023 by @peoplesbalita No Comments

NILINAW ng Department of Social Welfare and Development (DSWD) na magkaiba ang bagong programa na WALANG GUTOM 2027: Food Stamp Program (FSP) sa Pantawid Pamilyang Pilipino Program (4Ps).

Paliwanag ni DSWD Undersecretary for Innovations Eduardo Punay, ang food stamp program ay binuo upang matugunan ang kagutuman, lalo na sa mga mahihirap na pamilya sa buong bansa.

Ipinapatupad ito sa pamamagitan ng ibat ibang intervention, katulad ng pagbibigay ng food stamp, at tulong pinansyal.

Habang ang 4Ps ay binuo ng pamahalaan upang matulungan ang mga mahihirap na pamilya na mapag-aral ang kanilang mga anak, at mawakasan ang intergenerational poverty.

Ito ay nakapokus, ayon kay Used Punay, sa edukasyon ng mga bata.

Ginawa ng opisyal ang paglilinaw upang bigyang diin ang pagkakaiba ng mga target na mabenepisyuhan sa ilalim ng dalawang programa na ipinapatupad ng kagawaran.

Ads September 20, 2023

Posted on: September 20th, 2023 by @peoplesbalita No Comments

Speaker Romualdez: Malasakit ni PBBM sa magsasaka, mamimili nakita sa utos nito sa NFA na bumili ng palay sa mataas na presyo

Posted on: September 20th, 2023 by @peoplesbalita No Comments

ANG UTOS umano ni Pangulong Marcos sa National Food Authority na mamili ng palay sa mataas na presyo ay makatutulong sa mga magsasaka at sa pagpapanatili ng presyo ng bigas, ayon kay Speaker Ferdinand Martin Romualdez.

“This shows the malasakit our President has towards our farmers who have been working very hard for us to achieve food security. We should always take care of them,” saad ng lider ng Kamara.

Itinakda ng National Food Authority Council, na pinamumunuan ni Marcos ang bilihan ng tuyong palay sa halagang P19-P23 kada kilo at P16-P19 kada kilo naman para sa basang palay upang matiyak na kikita ang mga magsasaka.

Ayon kay Romualdez ang hakbang na ito ng gobyerno ay titiyak na kikita ang mga magsasaka ng hindi naaapektuhan ang presyo ng bigas sa mga pamilihan.

Sinabi ng Department of Agriculture (DA) na handa itong suportahan ang NFA Council at mayroong nakahandang P15 bilyon para sa pagbili ng palay.

Nanawagan din si Speaker Romualdez ng dagdag na suporta sa mga magsasaka upang maparami ng mga ito ang kanilang produksyon at hindi na kailanganin pang mag-angkat ng bigas ang bansa.

Ipinunto ni Speaker Romualdez na ang mga dayuhang magsasaka ang kumikita kapag nag-aangkat ng bigas ang bansa na nagpapahirap naman sa mga pagsasaka.

Kung kakailanganin man umanong mag-angkat ng bigas ng bansa, sinabi ni Speaker Romualdez na mahalagang masiguro na mayroong mga safety net gaya ng pagbili ng palay sa magandang presyo upang malimitahan ang epekto nito sa mga magsasaka.

Iginiit din ni Speaker Romualdez na kung sapat ang suplay, mas makatitiyak ang mga konsumer na hindi tataas ang presyo nito at kikita ang mga magsasaka. (Ara Romero)

Alegasyon ng transport group, Land Bank ayaw mag release ng fuel subsidy

Posted on: September 20th, 2023 by @peoplesbalita No Comments

BINATIKOS ng ilang grupo ng transportasyon ang pahirapang pagkuha ng kanilang fuel subsidy mula sa Land Bank of the Philippines (LBP).

Ayon sa grupo na ayaw magbigay ng fuel subsidy ang LBP dahil sa election spending ban.

Sinabi ni Alliance of Transport Operators and Drivers Association of the Philippines (ALTODAP) president Melencio Vargas na siya mismo ang nakaranas ng ganon situasyon ng samahan niya ang isa niyang miyembro sa LBP upang kunin ang cash card.

“The main branch of LBP knew that the fuel subsidy is exempted from the Commission on Elections election ban, but many of its branches were not aware,” wika ni Vargas.

Kung kayat sinabi ni Vargas na plano ng grupo nila na makipagusap kay Land Transportation Franchising and Regulatory Board (LTFRB) chairman Teofilo Guadiz III upang malaman niya ang kanilang hinaing tungkol dito.

“We expect more drivers will have the same experience, just like our member, when personnel from LBP refused to issue his cash card due to the election ban,” dagdag ni Vargas.

Hinaing ni Vargas na hindi dapat maging dahilan ang LBP upang hindi nila matanggap ang kanilang fuel subsidy na siyang nakakalala ng kanilang paghihirap dahil na rin sa nakaambang muling pagtaas ng presyo ng krudo ng mas mataas pa sa P2 kada litro.

Naghihintay na lamang sila sa gagawing hearing para sa kanilang petisyon sa darating na September 26. Umaasa ang kanilang grupo na papayagan ng LTFRB ang kanilang petisyon para sa P1 provisional fare.

Tinatawagan rin nila ang pamahalaan na tanggalin na ang oil deregulation law na ayon sa kanila ay siyang sanhi ng walang katapusan pagtaas ng presyo ng produktong petrolyo sa bansa.

Sinimulan ng LTFRB ang pamimigay ng fuel subsidy noong September 12. May 1.3 million na beneficiaries ang makakatangap ng fuel subsidy sa pamamagitan ng e-wallet accounts, bank accounts at fuel subsidy cards.

Inaasahan ng pamahalaan na makakatulong ang fuel subsidy na mabawasan ang epekto ng tuloy-tuloy na pagtaas ng pump prices sa mga nakaraang sunod-sunod na linggo. LASACMAR

Pagtapyas sa taripa sa rice imports, pinag-uusapan na- Diokno

Posted on: September 20th, 2023 by @peoplesbalita No Comments

PATULOY na tinatalakay ng Department of Finance (DoF) sa ibang ahensiya ng pamahalaan ang panukalang tapyasan ang taripa sa rice imports habang naghahanap ng “the greatest good for the greatest number.”

Sinabi ni Finance Secretary Benjamin Diokno na ang panukalang ibaba ang taripa ay kasalukuyang tinitingnan bilang bahagi ng“comprehensive strategy” para tapyasan ang presyo ng bigas at tugunan ang potensiyal na kakapusan dahil sa epekto ng nagpapatuloy na El Niño phenomenon.

“As discussions are underway, the Department of Finance maintains its support for an appropriate policy response that promotes the greatest good for the greatest number of Filipinos,” ayon kay Diokno sa isang kalatas.

“Rest assured that the DOF, in coordination with other relevant government agencies and stakeholders, shall pursue programs and support measures to balance the interests of domestic rice farmers while keeping rice affordable for consumers — especially the poorest households,” dagdag na wika nito.

Nauna nang sinabi ni Pangulong Ferdinand Marcos Jr. noong ito’y nasa Singapore na hindi dapat na patuloy na nakasandal ang Pilipinas sa importasyon na aniya’y naging “the easy way out.”

Makikita sa pinakabagong data ng Department of Agriculture (DA) na ang presyo ng local commercial rice sa mga pamilihan sa Kalakhang Maynila ay mula P40.00 hanggang P66.00 per kilogram, at imported commercial rice mula P45.00 hanggang P60.00 per kilogram, depende sa uri ng bigas, “as of September 15, 2023.”

Inaasahan naman ng Bureau of Plant Industry (BPI) na lalago ang suplay ng bigas ng 1.4 million metric tons (MT) ngayong buwan dahil na rin sa may ilang magsasaka na ang nagsimulang anihin ang kanilang tanim.

Sa kabilang dako, sinabi ni Diokno na ipinanukala ng DoF na bawasan ang 35% rice import tariff rates para sa ASEAN at most-favored nations temporarily ng 0% o maximum na 10% para masugpo ang pagsirit ng presyo ng bigas.

Sa ulat, may mga grupo ng magsasaka ang nanawagan kina Diokno at National Economic Economic and Development Authority (NEDA) Secretary Arsenio Balisacan na magbitiw sa puwesto, para sa kanila ang pag-alis sa taripa ay isang “death sentence” para sa mga rice farmers at stakeholders. Kapuwa naman ipinagkibit-balikat ng dalawang Kalihim ang nasabing panawagan. (Daris Jose)

Navotas nagsagawa ng simultaneous coastal clean-up

Posted on: September 20th, 2023 by @peoplesbalita No Comments

BILANG bahagi ng seleberasyon ng 2023 International Coastal Cleanup (ICC) Day, nagsagawa ang Pamahalaang Lungsod ng Navotas ng simultaneous coastal cleanup drives sa lahat ng 18 barangays sa lungsod.

Nasa 700 na individuals ang lumahok sa event, kabilang ng mga empleyado ng pamahalaang lungsod, national government agencies, barangay officials and staff, students, teachers, non-government organizations, at mga representatives mula sa private institutions.

“Navotas is a coastal city, and a large portion of our population depends on fishing for their income. Keeping the sea and other bodies of water clean is imperative in helping our kababayans maintain their livelihood. Let us make cleanliness a part of our lifestyle,” ani Mayor John Rey Tiangco.

“Our city is the extension of our homes. Just like how we keep our homes in order, let us do our part in maintaining the cleanliness of our communities,” dagdag niya.

Ang City Environment and Natural Resources Office (CENRO) ay nagsagawa din ng ICC campaign sa lahat ng barangays upang itaas ang kamalayan tungkol sa wastong pamamahala ng solid waste segregation-at-source.

Ang ICC Day ay isang pandaigigang kaganapan na nagbubuklod sa mga bansa at mga tao na may iisang layunin na lutasin ang lumalaking problema sa marine debris sa pamamagitan ng pagpapanatili ng kalinisan ng mga baybayin, ilog, lawa at daluyan ng tubig, gayundin ang pangangalap ng data sa uri at dami ng basurang nakolekta. Ito ay na-institutionalize ng Presidential Proclamation No. 470 noong September 15, 2003.

Ang mga volunteers ay kinakailangang magsumite ng kopya ng boluntaryong pormularyo ng data ng basura sa karagatan upang maitala ang mga labi at basurang bagay na kanilang natipon sa panahon ng kaganapan. (Richard Mesa)

Hiyang-hiya na tawagin siyang ‘TikTok Queen’: MARIAN, gustong maka-collab si DINGDONG na malapit nang mapilit

Posted on: September 20th, 2023 by @peoplesbalita No Comments

BUSY na si Senator Bong Revilla sa paghahanda niya para sa kanyang 57^th birthday sa September 25, na kasabay din niyang isi-celebrate and kanyang 50^th anniversary in showbiz na bibigyan din siya ng special show ng GMA-7.

Nabanggit din muli ni Senator Bong na may gagawin siyang malaking movie project na makakasama niya si Jillian Ward ng “Abot-Kamay na Pangarap” ang top-rating afternoon prime series ng GMA Network.

Inspired ito ng movie ni Fernando Poe, Jr. in 1999, ang “Isusumbong Kita sa Tatay Ko,” na pinagsamahan nila noon ni Judy Ann Santos, pero ayon kay Sen. Bong may mga twist daw ngayon at lalong pinaganda and script.

Ayon pa kay Sen. Bong may kinakausap silang malaking-malaking artista, na idol din daw niya at nakasama na sa isang pelikula, at wish niyang tanggapin nito ang kanyang offer, kaya ayaw pa niyang pangalanan kung sino ang malaking artistang binabanggit niya.

“Inaayos na namin yung project with Jillian at sorpresa kung sino ang magiging leading lady ko,” dagdag pa ni Sen. Bong.

“Sana pagkatapos ng birthday ko, magkasundo na kami para makapagsimula na kaming mag-shooting.”

Sa kanyang birthday, labis-labis na pasasalamat ang ipinaaabot ni Sen. Bong sa kanyang mga kaibigan at well-wishers, wala na rin daw siyang pangsariling hiling. Ang gusto na lamang niya ay ituloy ang bloodletting project na ginagawa na niya for 14 years, ang “Dugong Alay Pangdugtong Buhay Bloodletting Project.”

Nagpasalamat si Sen, Bong sa mga nag-donateng kanilang dugo sa katatapos na bloodletting project nila, lalo na sa mga kapulisang laging handang mag-donate ng kanilang dugo, na maraming buhay ang nadudugtungan nito.

***

HIYANG-HIYA si Kapuso Primetime Queen Marian Rivera, nang tawagin siyang “Tik Tok Queen,” dahil sa loob lamang ng one month, nakatanggap na agad ang “Price Tag” content niya ng 187.3M at isa pang video na nakatanggap naman ng 123.1M ganoon din ang iba pa niyang video na milyones din ang mga views,

“Ay, hindi naman ako! Hindi naman,” tanggi ni Marian.

“Nag-post ako nung birthday ko, August 12,one month pa lang. Nahihiya ako, kasi sabi ko, matanda na ako, ayaw ko nang magsayaw. Pero yun nga, nag-try na rin, hindi ko lang in-expect sa magiging reaction, na ganoon kalaki aabutin ang views. Pero super proud ang asawa ko! Si Zia nga natatawa kapag pinapanood ang ‘Price Tag.’

Sexy raw siya, comment ng mga fans, kahit balot ang katawan niya! “Sexy ba? Siguro, dahil nag-enjoy ako sa ginawa ko. Sa mga nakakakilala sa akin, alam nila na love ko talaga ang pagsasayaw!”

Pero may gusto ba siyang maka-collab sa kanyang TikTok?

“Meron, ang asawa ko. At malapit ko na siyang makumbinsi, malapit ko na siyang mapilit.”

Gusto pala ng mga fans ni Marian, mag-collab sila ni Dingdong ng “Marimar.” Kaya sagot ni Marian, ibibigay daw niya sa mga fans ang “Marimar,” abangan na lamang nila.

Magiging busy lalo ngayon si Marian, dahil magsisimula na silang mag-shooting ng “Rewind” movie mula sa Star Cinema, na official entry na sa coming 2023 Metro Manila Film Festival sa December.

Kasabay din niyang ginagawa ni Marian ang isang romantic comedy series sa GMA Network, yes, matutuloy na ang pagtatambal nila ni Gabby Concepcion.

(NORA V. CALDERON)

PBBM, ipinamigay ang nakumpiskang smuggled rice sa mga mahihirap na pamilya sa Tungawan, Zamboanga Sibugay

Posted on: September 20th, 2023 by @peoplesbalita No Comments

PINANGUNAHAN ni Pangulong Ferdinand Marcos Jr. ang pamamahagi ng mga nakumpiskang smuggled rice sa mga mahihirap na pamilya sa Tungawan, Zamboanga Sibugay.

Bahagi ito ng pagtupad ng Pangulo sa kanyang pangako na tugisin ang rice smugglers at hoarders sa bansa.

Pinangunahan din ng Pangulo ang turnover ng iba pang tulong sa mga residente at local government units (LGUs) sa nasabing lalawigan.

Sa naging talumpati ng Pangulo, tiniyak nito na ang pamahalaan at ang kanyang administrasyon ay sanib-puwersa para tuldukan ang smuggling, labis na nakaapekto sa agricultural sector sa bansa.

“Kailangan sapat ang pagkain para sa ating mga kababayan. Kasama diyan ay pinapatibay natin ang sistema ng agrikultura. Ngunit hindi lamang, yun ang nagiging problema sa agrikultura dito sa Pilipinas, ang isang napakalaking problema ay ang pag-smuggle ng bigas papasok ng Pilipinas,” ayon sa Pangulo.

“Hindi lamang pag-ayos ng agricultural sector ang ating kailagang gawin. Kailangan din nating pagtibayin ang ating pag-impose ng mga batas tungkol nga sa pagbigay ng suplay ng bigas sa atin, sa buong Pilipinas. Hindi tama na nagpapasok sila, iniipit nila ang suplay, pinapataas nila ang presyo, naghihirap ang tao para lang kumita sila ng malaki,” dagdag na wika nito.

Nauna rito, inatasan na ni Pangulong Marcos ang Bureau of Customs (BOC) na ituon ang pansin at atensyon sa kampanya laban sa mga smugglers para matuldukan na ang ilegal na operasyon ng mga ito.

Sa kabilang dako, pinuri naman niya ang BoC para sa matagumpay na pagkakasabat at pagsamsam sa 42,180 bags ng imported rice na nagkakahalaga ng P42 milyong piso sa isang bodega sa Barangay San Jose Gusu, Zamboanga City noong Setyembre 15, 2023.

Pinanindigan naman ng Punong Ehekutibo na ang gobyerno ay handang sumunod sa ‘due process’ sa pagkumpiska sa mga smuggled items sa pamamagitan ng pagbibigay sa mga respondents ng 15-day notice para mapakinggan ang kanilang panig.

“Nabigyan na sila ng 15 days, wala silang naisagot kaya’t kinuha na ng gobyerno at ginawa naming donation sa DSWD [Department of Social Welfare and Development] … ang sabi ko, ang pinakanangangailangan diyan ang mga beneficiaries ng 4Ps,” ayon kay Pangulong Marcos.

“Iyon po ay patuloy nating pag-aasikaso para tignan natin na maging maganda ang patakbo ng mercado sa bigas dahil alam naman natin kung gaano kahalaga ang suplay ng bigas sa magandang presyo para sa lahat ng Pilipino,” aniya pa rin.

Tiniyak naman ng Punong Ehekutibo sa sambayanang filipino na ang gobyerno ay handang tumulong sa mga apektadong mahihirap na indibiduwal.

Nakiisa naman si DSWD Secretary Rex Gatchalian sa pamamahagi ng bigas kasama sina NFA Administrator Roderico Bioco, BOC Deputy Commissioner Vener Baquiran, Philippine Air Force Brig. Gen. Dennis Estrella, Army Maj. Gen. Antonio Nafarrete, at iba pang opisyal.

Samantala, pinangunahan naman ni Pangulong Marcos ang turnover ceremony ng P6.72 milyong halaga ng DA-Philippine Rural Development Project Investment for Rural Enterprises and Agricultural and Fisheries Productivity (DA-PRDP); P11.84 milyong halaga ng DA-PRDP I-REAP; at P1.5 milyong halaga ng DA Kadiwa Financial Grant (Hauling Vehicle).

Namahagi rin ang Chief Executive ng P1 milyong halaga ng DA Kadiwa Financial Grant (trading capital); PhP1.5 milyong halaga ng DA Kadiwa Financial Grant (sasakyan at working capital); P59,043 halaga ng Assistance Certificate mula sa Bureau of Fisheries and Aquatic Resources (BFAR): P76,620 halaga ng Mackerel Drift Gillnet; at P4,000 halaga ng walong rolls-PE Rope No. 10mm.

Pinangunahan din ni Pangulong Marcos ang distribusyon ng P120 milyong halaga ng tulong sa ilalim ng “Tulong Panghanapbuhay sa Ating Disadvantages/Displaced Workers” ng Department of Labor and Employment (DOLE) at P530,000 halaga ng DOLE livelihood assistance. (Daris Jose)

Ads September 19, 2023

Posted on: September 19th, 2023 by @peoplesbalita No Comments

TAKE A SNEAK PEEK AT THE RESIDENTS OF HWANG GUNG APARTMENTS IN THE CHARACTER TRAILER FOR “CONCRETE UTOPIA” (PART 1)

Posted on: September 19th, 2023 by @peoplesbalita No Comments

RULES for survival: Obey or leave. Watch the character trailer for Concrete Utopia. The critically acclaimed film opens in Philippine cinemas this week, September 20.

https://youtu.be/1vY5TwZaRb0

Get to know more about the characters of Concrete Utopia and the actors and actresses that portrayed them, as described by director Um Tae-hwa.

YOUNG-TAK, Resident Delegate of Hwang Gung Apartments

Played by: Lee Byung-hun

Young-tak, a resident of Hwang Gung Apartments, caught everyone’s attention when he rushed inside a burning house without hesitation to put out a fire. His selfless act of risking his own life led him to be elected as the Resident Delegate. After that, when the situation calls for desperate measures, Young-tak puts himself on the line again, which leads to him gaining more trust and confidence among the residents.

Director Um Tae-hwa is all praises for Lee Byung-hun. “There was a scene when he expressed all his character has gone through through his facial expression alone,” says Um. “It was a moment when I witnessed the true definition of cinema.”

MIN-SUNG, a family man struggling for his family’s survival

Played by: Park Seo-jun

For Min-sung, surviving this chaos with his beloved wife Myung-hwa is his top priority. Having previously served as an auxiliary policeman, and currently working as a public servant, he unintentionally drew the attention of the other residents, which led him to be chosen as the leader of the anti-crime force by Young-tak. As he witnesses Young-tak’s unwavering devotion toward other people and his decisiveness in leading the survivors, Min-sung himself gradually changes and starts to resemble him in a way.

“I was certain he could portray a wide range of different aspects of Min-sung,” says director Um of Park Seo-jun. “I hoped I could bring it out of him. I’m confident that the audience will be captivated by his performance.”

MYUNG-HWA, the one who tries to hold on to her values

Played by: Park Bo-young

A resident of Hwang Gung Apartments, living in unit 602. After the unexpected catastrophe brought by a massive earthquake, she tries to keep calm and think of ways to live on with her husband, Min-sung. Myung-hwa has no hesitation in sharing her home with outsiders who have nowhere to go in the cold, and takes the initiative in caring for the injured residents as a nurse. She grows concerned as she notices changes in residents over time.

Director Um says of Park Bo-young, “I was always curious and wanted to see another aspect of PARK Bo-young different from the images of her that we are familiar with. She has satisfied all of that.”

Directed by Um Tae-hwa, Concrete Utopia is loosely based on Part 2 of the hit webtoon “Joyful Outcast” (“Pleasant Neighbors”) and stars an ensemble of A-list Korean actors including Lee Byung-hun, Park Seo-jun, Park Bo-young, Park Ji-hu, Kim Do-yoon and Kim Sun-young. It is a disaster thriller about the aftermath of a devastating earthquake. The film will follow the story that begins when the survivors gather at Hwang Gung Apartments, the only building left standing in an earthquake-ravaged Seoul.

Connect with the hashtag #ConcreteUtopiaMoviePH

(ROHN ROMULO)