2023 September 28 Archive - People's Balita

Archive for September 28th, 2023

PBBM, nangako na paiigtingin ang pagsisikap na tiyakin ang ‘proactive farming” sa bansa

Posted on: September 28th, 2023 by @peoplesbalita No Comments

NANGAKO si Pangulong Ferdinand Marcos Jr. na paiigtingin ng pamahalaan ang pagsisikap nito na tiyakin ang ‘proactive farming’ sa bansa.

Ito ang sinabi ni Pangulong Marcos sa kanyang talumpati na binasa ni Department of Agriculture Senior Undersecretary Domingo Panganiban sa idinaos na ika-51 taong anibersaryo ng National Food Authority.

“I share with you our high hopes in the success of the SARAI Project—or the Smarter Approaches to Reinvigorate Agriculture as an Industry in the Philippines Project,” ayon kay Pangulong Marcos.

“Through this, we will be intensifying our efforts in providing smart and sustainable solutions for a more productive and proactive farming. Likewise, I am optimistic in the positive impacts that will be carried out by the NFA Modernization Program,” dagdag na wika nito.

Inamin ng Punong Ehekutibo na nito lamang nakalipas na buwan ay maituturing na talagang isang malaking hamon para sa sektor ng agrikultura.

“However, we continue to find the best solutions to the issues that we face without compromising the needs of our farmers and retailers,” ani Pangulong Marcos.

“We continue to relentlessly strive to bolster the agriculture sector to increase our local food production and supply,” aniya pa rin.

Binanggit ng Chief Executive na gumagawa na ng agresibong hakbang ang pamahalaan para mapagaan ang epekto ng mga bagay-bagay na may kinalaman sa ‘price stability’ ng mga pangunahing bilihin lalo na ng bigas.

Samantala, ipinag-utos naman ni Pangulong Marcos ang pagpapalakas sa law-enforcement activities laban sa mga smugglers, hoarders, at mga nagpapahina sa pagsisikap ng gobyerno na siguraduhin ang food security. (Daris Jose)

Gustong makatrabaho sina Marian at Maine: CARLA, inaming napatawad na si TOM at ‘di dahilan sa paglipat ng management

Posted on: September 28th, 2023 by @peoplesbalita No Comments

BINIGYAN ng isang bonggang pag-welcome at the same time, contract signing si Carla Abellana ng bago niyang management, ang All Access to Artists Ph o Triple A Management.

Present sa naging pag-welcome at contract signing ni Carla ang mga bosses ng Triple A sa pangunguna ni Direk Mike Tuviera. Gayundin si Ms. Jacqui Cara at Jojo Oconer. Nando’n din si Ms. Celeste Tuviera na unang nag-interview kay Carla.

May title si Carla na ‘The Goddess of Drama.’ At sabi naman ni Carla, ang GMA-7 rin daw ang nagbigay sa kanya ng monicker na ‘yon.

“I believe, from GMA po ‘yan. Nagsimula po ‘yan sa Primetime Goddess. Hindi ko nga po alam, sabi ko nga po, saan ba galing ang Primetime Goddess na ‘yan. Pero, nagsimula po sa GMA po ‘yan at lagi na po name-mention sa GMA kapag meron pong teleserye.

“So, medyo tumatak po siya. Nag-iiba-iba from time-to-time. Naging Primetime Goddess, Drama Goddess. And I think, mas naging consistent pa ‘yung Goddess. Pwedeng pang-primetime or afternoon prime.”

At ngayong part na nga ng Triple A Management si Carla, isa raw sa gusto niyang ma-achieve, magkaroon pa ng chance na makasama ang iba pang mga artista na hindi pa niya nakakasama. Gusto rin ni Carla na makasama sa proyekto o kahit sa mga social media collaboration sina Marian Rivera at Maine Mendoza na mga ‘kapatid’ niya ngayon sa Triple A.

Pinasubalian din ni Carla na dahil sa ex-husband na si Tom Rodriguez kung bakit siya lumipat ng Triple A from Luminary ni Popoy Caritativo. Maayos naman daw sila ni Popoy nag-usap at nagpapasalamat din siya sa pang-unawa nito.

As for Tom, napatawad na raw ito ni Carla.

At inamin ni Carla na expired na ang network contract niya sa GMA-7 noong May pa, pero nag-uusap na raw sila ngayon. Though, hindi nito itinanggi na kung sakali at may opportunity na makasama siya sa Batang Quiapo ni Coco Martin, open daw siya.

Though sey niya—mga chismis lang ito dahil wala naman daw offer.

Ang sigurado, may ‘Stolen Life’ pa na teleserye si Carla na dapat abangan sa kanya sa GMA-7.

***

AWARE na pala si Paul Salas sa revelation ni Andrea Brillantes na siya ang first crush noong 4 years old pa lang ito.

Sabi ni Paul, nagkakasama naman daw sila dati ni Andrea sa mga raket at ang both na nanay nila ay okay rin at nagkaka-usap. Kaya alam daw niya ito, pero natatawa na lang si Paul dahil nga bigla itong pinag-uusapan ngayon.

Natawa na lang din si Paul dahil ang hirit ni Andrea, ngayon ay hindi na.

Sa isang banda, one week before ng cast reveal lang pala nalaman ni Paul na isa siya sa cast ng Pinoy adaptation ng GMA-7 sa hit Korean Drama na “Shining Inheritance” kunsaan, ang role niya ay super bait talaga na magkakagusto sa character ni Kate Valdez.

(ROSE GARCIA)

DICT nakatutok sa PhilHealth hackers na humihingi ng $300,000 ransom

Posted on: September 28th, 2023 by @peoplesbalita No Comments

KINUMPIRMA ng Department of Information and Communications Technology (DICT) na may impormasyon na ito tungkol sa grupong nasa likod ng cyber attack sa PhilHealth nitong Biyernes.

Binanggit ni DICT Undersecretary Jeffrey Dy na kilala na ng ahensya ang nasa likod ng pag-hack ng impormasyon ng PhilHealth at ang nagdedemanda ng ransom kapalit nito.

“Do we know the group? Yes. Do we know the [advanced persistent threat], modus operandi? Do we have an international intelligence that says where they operate? Yes,” sabi ni Dy sa programang “The Source” ng CNN nitong Martes.

Sa kabila nito, binanggit din ni Dy na hindi pa ito sapat upang magsampa ng kaso dahil hindi pa nila kilala ang totoong pangalan ng mga kasangkot dito.

“Is that enough to file charges against certain people? Not yet. We don’t even know the real identity behind the group,” sabi ni Dy.

“[But] we have evidences, we performed forensics… We even know where they are putting the files.”

Pinuri rin ng DICT ang naging tugon ng PhilHealth sa cyber attack sa pamamagitan ng pag-turn off sa online access at sa coordination nito sa National Computer Emergency ng DICT.

“Based on our investigations, Philhealth database remains intact… It is accesible internally not externally due to the containment measures we put in place,” sabi ni Dy.

Nagbabala ang DICT na maaaring gamitin ng hackers ang mga nakuhang impormasyon para sindakin ang publiko at makuha nila ang hinihinging ransom.

“Their modus opperandi is that if they cannot force the victim, they will force the public… They will create panic, they will want the public to be the ones to lobby Philheath and the government to pay the ransom.

Maaalala na matapos ang cyber attack sa PhilHealth binalita na nagsagawa ito ng containment measures upang maiwasan na mas maraming impormasyon ang makuha.

Binanggit din ng DICT na nagdemanda ang cyberhackers ng $300,000 o higit P16 million na randsom kapalit ang kanilang pag-delete ng mga impormasyon na na-hack ngunit hindi raw ito ibibigay ng DICT alinsunod sa patakaran ng gobyernong hindi magbigay ng pera para sa ransom. (Daris Jose)

Pag-IBIG members, nakapagtala ng record-high na P59.52 bilyon savings

Posted on: September 28th, 2023 by @peoplesbalita No Comments

INIULAT ng Pag-IBIG Fund na nakapagtala ang kanilang mga miyembro ng record high na P59.52 bilyon na savings para sa unang walong buwan ng taong ito.

Nabatid na ito ay paglago ng 11.45% year-on-year, at itinuturing na pinakamalaking halaga na naipon ng mga miyembro mula Enero hanggang Agosto, sa kasaysayan.

Ayon kay Secretary Jose Rizalino L. Acuzar, na siyang namumuno sa Department of Human Settlements and Urban Development (DHSUD) at sa 11-member ng Pag-IBIG Fund Board of Trustees, labis silang nagagalak na batid ng mga manggagawang Pinoy ang kahalagahan ng pag-iipon, gayundin sa pagpili nila sa Pag-IBIG Fund upang mag-impok.

Aniya, ang record high na savings ng kanilang mga miyembro para sa unang walong buwan ng taon ay nagpapakita lamang ng patuloy na pagtitiwala at kumpiyansa ng mga ito sa kanilang tanggapan.

“We are happy to see that more Filipino workers recognize the importance of saving and are choosing to save with Pag-IBIG Fund. The record high in Pag-IBIG members’ savings collected from January to August 2023 shows their continuing trust and confidence in us and in our programs,” ani Acuzar.

Dagdag pa niya, magandang balita ito dahil habang lumalaki ang kanilang koleksiyon ay mas maraming pondo ang maaaring gamitin ng mga miyembro na nais mag-aplay para sa home loan at short-term loans. “This is good news because as our collection increases, the more funds we are able to utilize for the benefit of our members who seek to apply for home loans and short-term loans. All these are in line with the directive of President Ferdinand Marcos Jr. to improve the Filipino workers’ access to finance.”

Samantala, sinabi naman ni Pag-IBIG Fund Chief Executive Officer Marilene C. Acosta na ang paglaki ng savings ng mga miyembro na nakolekta ay nakita ng ahensiya hindi lamang sa kanilang mandatory Regular Savings, kundi maging sa kanilang voluntary MP2 Savings.

Nabatid na ang mga koleksiyon sa Pag-IBIG Regular Savings ay umabot sa P28.03 bilyon, o 7% pagtaas mula sa P26.16 bilyon na nakolekta sa kaparehong panahon noong 2022.

Ang popular na MP2 Savings naman ng ahensiya ay umabot sa P31.50 bilyon, o 16% na pagtaas mula sa P27.25 bilyong nakolekta mula Enero hanggang Agosto noong nakaraang taon.

Noong 2022, ang Pag-IBIG Regular Savings ay kumita ng annual dividend rate na 6.53% habang ang MP2 Savings naman ay nakapagpaskil ng annual return rate na 7.03%.

Ads September 28, 2023

Posted on: September 28th, 2023 by @peoplesbalita No Comments

Milestone sa kanila ni Vaness na makasama sa serye: SEF, tumagaktak ang pawis nang sabay na maka-eksena sina DENNIS at BEA

Posted on: September 28th, 2023 by @peoplesbalita No Comments

TUNGKOL sa araw-araw na pinagdaraan ng Gen Z teens ang tema ng bagong GMA series na ‘Sparkle U.’

Tampok ang mga fresh faces ng Sparkle GMA Artist Center, tatalakayin sa unang episode ng ‘Sparkle U’ na #Frenemies ay ang cyber bullying at ang epekto nito sa nagiging biktima.

Ilan sa cast ay naging biktima ng cyber-bullying tulad ni Roxie Smith na binash noong ipadala siya sa isang international beauty pageant.

“Hindi raw kasi ako mukhang Pinay. Bakit daw ako ang pinadala to represent the Philippines. Na-hurt po ako kasi parang di ko raw deserve ang title,” sey ni Roxie.

Si Anjay Anson naman ay pinagtripan ng cyber bullies ang pagiging half-Indian niya.

“Marami silang sinasabi about my Indian heritage na di maganda. Di ko na lang pinansinz.”

Si Abdul Rahman na may lahing Muslim ay inatake sa social media dahil sa religion niya.

“There are so many opinions about my religion. Maraming di alam ang mga sinasabi nila. Kahit masakit, the best way to deal with it is just be kind to them.”

Kasama rin sa #Frenemies sina Shayne Sava, Zephanie, Lauren King, Vanessa Peña, Michael Sager at Princess Aliyah.

Ang second episode ng ‘Sparkle U’ ay #Ghosted na tampok ang Team Jolly nila Sofia Pablo at Allen Ansay. Tungkol naman ito sa pag-cope with mental health.

Kasama rin sa #Ghosted sina Liana Mae at Marco Masa.

***

MILESTONE para kina Sef Cadayona at Vaness del Moral ang makasama si Bea sa isang serye tulad ng ‘Love Before Sunrise.’

Kuwento ni Sef: “There was a scene na magkakasama kami sa isang dining table ni Dennis, Ms. Bea, Vaness and me. ‘Yun siguro ang pinaka tumagaktak ang pawis na eksena sa buong buhay ko.

“Hindi ko mapigilan ang aking pawis dahil bukod sa nate-tense ako, I wanna peforn at my best dahil nandito si Dennis at si Ms. Bea at siyempre si Marijo, si Ms. Vaness. Masasabi kong milestone sa akin, working with my idol, Ms. Bea.”

Masaya naman si Vaness na makatrabaho si Bea matapos nilang magkakilala sa isang workshop noon.

“First time ko makakasama si Bea. Nakasama ko siya sa scriptwriting workshop with Sir Ricky Lee. Ilang Sundays kaming magkasama doon. We got to know each other. I was also excited to work with her kasi siyempre first time, first time ko siyang makaktrabaho.

“Halos lahat yata ng artista sa GMA nakatrabaho ko na, so siyempre bago para sa akin na makatrabaho si Bea because first time ko siyang makakasama sa GMA.”

***

SUMAILALIM sa maselang surgery ang Italian actress na si Sophia Loren dahil sa aksidenteng natamo nito sa kanyang bahay sa Switzerland.

The 89-year-old Oscar winner suffered a broken hip and multiple fractures dahil sa pagkakahulog nito sa kanyang banyo.

Kinansela lahat ng personal appearances ng aktres kasama na rito ang pagbukas ng ika-apat na Sophia Loren Restaurant sa Bari, Italy.

Ayon sa report, naging maayos ang surgery sa former Hollywood sex symbol at on the road to rehabilitation na ito.

“Thankfully everything worked out for the best and the Lady will be back with us very soon,” ayon sa report ng source.

The Naples-born actress is best known for her role in the 1961 Italian film drama La Ciociara (Two Women), the same film which made her the first Oscar winner for a foreign-language film.

(RUEL J. MENDOZA)

Shin Hae-sun Tracks Fraud Online Seller in Korean Crime Thriller “Target”

Posted on: September 28th, 2023 by @peoplesbalita No Comments

SET within the contemporary world of e-commerce, a woman’s life falls apart after buying a used item online in “Target”, a Korean thriller with a star-studded cast that includes K-drama’s favorites – Shin Hae-Sun (Mr. Queen), Kim Sung-kyun (Moving), Lim Chul-Soo (Crash Landing on You), Lee Joo-Young (School Nurse Files) and Kang Tae-oh (Extraordinary Attorney Woo).

The film takes action when a woman buys a defective washing machine and leaves angry comments on the shop’s website. Soon enough, strange things start to happen to her and becomes the sole target of a relentless psycho killer.

Soo-hyun (Hae-Sun) buys a used washing machine online after moving into her new place. When she receives a broken machine, she realizes she’s been scammed and decides to make sure the seller doesn’t get away with it. Eventually, Soo-hyun succeeds in finding the seller’s online account, then leaves warnings that he is a fraudster under all his posts to stop him from selling.

From then on, terrifying things start to happen to Soo-hyun. She led an ordinary life with an ordinary job, but everything in her daily life begins to fall apart, and an investigation is set in motion to find the seller. With the help of detectives Joo (Sung-kyun) and Na (Tae-oh), Soo-hyun sets off to stop the psycho seller who has invaded her life.

Directed by Park Hee-kon (also known for Perfect Game), his work on “Target” pays attention to how people currently live and the social trends in place that focuses on the topic of second-hand trading.

Director Park Hee-kon wanted to create a story where reality becomes a movie and point out that anyone can be exposed to danger even at this very moment. “The audience will be captivated by the main character, whose life is destroyed by a second-hand transaction, and the intense suspense and thrills of the chase until her suffocating confrontation with a mysterious, unidentifiable killer,” shares the director.

“Target” is from Encore Films that will open in PH cinemas on October 18, distributed by Warner Bros.

(ROHN ROMULO)

After na maging busy ng ilang buwan sa work: DINGDONG, masayang ibinahagi ang latest family bonding ng ‘Dantes Squad’

Posted on: September 28th, 2023 by @peoplesbalita No Comments

KAPURI-PURI at talagang pinupusuan ng mga netizen ang IG post ni Dingdong Dantes na kung saan ibinahagi niya ang masayang family bonding.

Kasama ng series of photos na kinunan niya, makikita ang mag-iinang Marian Rivera, Zia at Sixto. Enjoy at seryoso nga sila sa kani-kanilang personalized artwork, na lumabas namang magaganda.

Caption ng host ng ‘Family Feud’ na magbabalik na sa October 2, “As they were immersed in exploring their subjects, I was busy with mine—my family—who are my forever favorite subjects.

“No matter how blurry the shots may be, they always appear beautiful through my lens.

“I’m glad that I was able to spend this quality time with them after months of being occupied with work.”

Kaya naman tuwang-tuwa ang netizens at pawang magaganda ang kanilang komento sa latest bonding ng Dantes Squad:

“This is beautiful Dong… i super duper love your fam.”

“Ganda ni Mrs kahit walang make up, kaya kagaganda rin mga anak, family time.”

“Ito yung pamilyang nanainisin mong magkaroon.”

“Proof that the most essential things in life are not things. So very Napoy indeed.”

“You sound like a good family man, Mr. Dantes. Kudos.”

“They always appear beautiful through my lens” i love that line, magaya nga! charot! ang sweet naman, love the caption, and of course we love you Dantes Squad.”

“Nice family bonding , It shows their love for craftsmanship, enjoy Dantes Squad.”

Dagdag pa ng mga marites, “Ang cute ni ziggy. Big boy na si Yapuyapu. Pretty girl Zia. MR looks like such a doting mom.”

“The family na pinagpala sa genes & wealth sides… sanaol.”

“Marian radiates contentment. I remember may interview siya sa past na ang dream daw talaga niya maging mother.”

“God bless her for that. Si Marian yung mayaman saka may career na ina-uplift yun pagiging ina na dapat lang naman.”

“Pero nakita ko kay Marian yun tamang values. She elevated motherhood. I felt that. Saka yung nasense mo na nahirapan sila talaga nila Anne Curtis saka Solenn to go back to full-time work, they wanted to build up their family pa, that’s nice.

“Happy, contented family :).”

“Nice to see such a beautiful family especially in showbiz. More power to Dantes family.”

“Ito ang pamilya na nakita ko na laging may educational at family values na ginagawa as family lalo para sa kanilang mga anak. Kapag may parties talagang buo sila on both sides. Dito mo makikita na mapayapa ang kanilang samahan. Bihira ang ganyan. Ang iba puro sosyalan sa party. Bihira mong makikita na party for just a whole fam.(exclusively) Marian is a good in law.”

“She was raised well by her lola. She appreciates family and bonds.”

“Marian has grown into a mature person.”

Saw her in person bago siya naging Marimar.”

“They did not say they’re perfect. They always emphasized in the interviews they just want the kids to grow up good persons and are doing what parents role while growing up. Instilling in their young minds knowledge, family and dealing with other people are important and best of all have faith and trust in GOD.”

(ROHN ROMULO)

‘Cash gift’ sa mga aabot ng 80-90 taong gulang lusot sa Senado

Posted on: September 28th, 2023 by @peoplesbalita No Comments

LUMALAKI ang tiyansang maambunan ng kwarta ang mas maraming senior citizens sa Pilipinas matapos makapasa sa ikatlo at huling pagdinig ang Senate Bill 2028.

Lunes lang kasi nang makalusot ang naturang panukala, bagay na aamyenda sa “Centenarians Act of 2016” o Republic Act 10868.

Kung tuluyang maisasabatas, makakukuha ng regalong P10,000 ang mga Pinoy na aabot sa 80-anyos habang bibiyayaan naman ng P20,000 ang mga sasampa ng 90.

“Sa wakas, pati ang mga lolo’t lola natin na umabot ng 80 o hanggang 90 years old ay mabibiyayaan na rin ng regalo na maaaring makatulong sa kanilang pang-araw-araw na pamumuhay, at habang naghihintay sila ng mas malaking regalo pagdating nila ng 100 years old,” ani Sen. Sherwin Gatchalian kahapon.

Sa ilalim ng kasalukuyang batas, tanging ang mga umaabot ng 100 taong gulang lang ang nakikinabang sa P100,000 cash gift.

Sinasabi sa SB 2028 na ang mga matatanggap ng mga benepisyaryo ng naturang regalo sa loob ng isang taon mula sa araw ng umabot sila ng 80, 90 at 100.

Bibihira ang mga umaabot sa mga naturang edad kung kaya’t hindi gaano karaming Pilipino ang nakikinabang sa benepisyong nakasaad sa “Act Recognizing The Octogenarians, Nonagenarians, And Centenarians.”

Umaabot lang sa 8.5% ng populasyon ang senior citizens (60-anyos pataas) sa Pilipinas sa bilang na 9.22 milyon, ayon sa datos ng Philippine Statistics Authority na inilabas nitong 2022.

Mas konti rito ang mga 65-anyos pataas na nasa 5.85 milyon lang. Mas mababa pa rito ang mga umaabot ng 80 hanggang 90.

Maliban kay Gatchalian, kabilang sa mga naghain ng panukala sina Sen. Bong Revilla, Sen. Koko Pimentel, Sen. Risa Hontiveros, Sen. Imee Marcos, Sen. Bong Go, Sen. Jinggoy Estrada, Sen. Cynthia Villar, Sen. Joel Villanueva at Sen. Juan Miguel Zubiri.

Airport security chief pinagbibitiw sa pwesto ni Speaker Romualdez

Posted on: September 28th, 2023 by @peoplesbalita No Comments

HINILING ni House Speaker Martin Romualdez ang pagbibitiw sa pwesto ni retired PNP General Mao Aplasca na siyang hepe ng Office of Transport Security.

“I am advising the OTS chief: submit your courtesy resignation before the House of Representatives tackle the budget of your office. Mag-resign ka na. Kung hindi ka magsa-submit ng resignation, ako mismo ang magba-block ng approval ng budget ng OTS,” pahayag ni Speaker Romualdez.

Ayon kay Romualdez, bigo si Aplasca na mahinto ang sunod-sunod na anomalya na kinasasankutan ng ilang security personnel sa Ninoy Aquino International Airport.

Babala ni Romualdez, hindi ipapasa ng Kamara ang budget ng tanggapan ni Aplasca hanggat hindi siya nagbibitiw sa pwesto.

Sabi ni Romualdez, makabubuting mag-resign na si Aplasca o kung hindi, ang House Speaker mismo ang haharang para hindi maaprubahan ang budget ng OTS. (Ara Romero)